ᐊᑕᓃᑦ ᓯᕗᓪᓖᑦ 7:50 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁰ ᐃᕐᖑᓰᓪᓗ, ᖁᓪᓕᕐᒥᒡᓗ ᖃᒥᑦᓯᑦᔪᑏᑦ, ᐴᒍᑍᓪᓗ, ᑎᐱᑦᓯᐊᕆᒃᓴᐅᑏᓪᓗ ᐊᓪᓕᕋᖏᑦ, ᐊᓪᓕᕋᐅᔧᓪᓗ ᕿᔪᒃᓴᓄᑦ ᐴᕆᔭᐅᕙᒃᑐᑦ; ᕿᕕᕐᑕᔫᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ, ᐃᓗᓪᓕᕐᐹᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ ᒎᓗᓪᓚᕆᐅᔪᑦ, ᓱᓇᒃᑯᑎᓕᒫᖏᑦ ᑐᒃᓯᐊᕐᕕᒡᔪᐊᓪᓗ ᐃᓗᓪᓚᕆᖓᑕ ᐅᒃᑯᐊᖏᑕ ᑎᒍᓕᖏᑦ ᒎᓗᓪᓚᕆᐅᕗᑦ.

ᐊᑕᓃᑦ ᓯᕗᓪᓖᑦ 7:50 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 12:13

ᑮᓇᐅᔧᑦ ᑐᒃᓯᐊᕐᕕᒡᔪᐊᒧᑦ ᑐᓂᔭᐅᔪᑦ ᐊᑐᕐᑕᐅᓚᐅᓐᖏᓚᑦ ᐴᒍᑕᓕᐅᕐᑎᓄᑦ ᓯᐅᓪᕕᕆᓂᒃ. ᖃᐅᒻᒪᖅᑯᑏᓪᓗ ᒪᓂᖏᓐᓂᒃ ᐋᖅᑭᒃᓱᐃᑦᔪᑎᓄᑦ ᐃᒪᕐᑎᕆᐅᑎᓂᒃ ᐴᒍᑕᓕᐅᕐᑎᓄᑦ ᑎᑦᑐᓚᐅᑎᓕᐅᕐᑎᓄᓪᓗ ᐊᓯᖏᓐᓄᓗ ᑐᒃᓯᐅᕐᕕᒡᔪᐊᑉ ᐱᐅᒃᑯᑎᒃᓴᖏᓐᓄᑦ ᒎᓗᓄᑦ ᓯᐅᓪᕕᕆᓄᓪᓗ.

ᐊᑕᓃᑦ ᐂᑉᐸᖏᑦ 25:15

ᓱᓇᑐᐃᓐᓁᑦ ᒎᓘᐃᑦ ᓯᐅᓪᕕᕇᓪᓗ, ᐴᒍᑍᑦ ᓵᑦᑐᔮᓪᓗ ᐊᐅᒫᓗᖕᓂᒃ ᐆᓇᕐᑐᓂᒃ ᐊᒡᔭᕐᓯᑦᔪᑕᐅᕙᒃᑐᑦ.

ᒨᓯᓯ ᐂᑉᐸᖏᑦ 25:29

ᐊᓪᓕᕋᓕᐅᕐᑐᒃᓴᐅᒋᕗᑎᑦ ᒥᑭᓐᓂᕐᓴᓂᒡᓗ ᐊᓪᓕᕋᒃᓴᓂᒃ ᐃᓯᕐᓗᐊᕐᓂᑎᑦᓯᑦᔪᑎᒧᑦ ᐊᑐᕐᑐᒃᓴᓂᒃ, ᐃᒥᖃᐅᑎᓂᒡᓗ ᐴᒍᑕᓂᒡᓗ ᐃᒥᖃᐅᑎᒃᓴᓂᒃ; ᑖᒃᑯᐊᓗ ᒎᓗᐃᓐᓇᐅᑎᓪᓗᒋᑦ ᓴᓇᔭᒃᓴᕆᕙᑎᑦ.

ᒨᓯᓯ ᐂᑉᐸᖏᑦ 25:38

ᐃᑯᒪᖏᓐᓄᑦ ᖃᒥᑦᓯᑦᔪᑎᖓ ᐊᓪᓕᕋᖓᓗ ᒎᓗᓪᓚᕆᐅᔪᒃᓴᐅᕘᒃ.

ᒨᓯᓯ ᐂᑉᐸᖏᑦ 27:3

ᐊᓪᓕᕋᒃᓴᓕᐅᕐᑐᒃᓴᐅᒋᕗᑎᑦ ᑐᓐᓄᕕᓃᑦ ᐊᕐᔭᓕᓂᖏᓐᓄᑦ ᐊᓪᓕᕋᒃᓴᒥᒃ, ᑖᒃᑯᓄᖓᓗ ᖃᓗᓯᑦᔪᑎᒃᓴᒥᒃ ᓴᓇᔪᒃᓴᐅᕗᑎᑦ, ᐴᒍᑕᓂᒡᓗ, ᓂᒃᓯᒐᐅᑎᓂᒡᓗ, ᐃᑯᒪᓂᒡᓗ ᐊᒡᔭᕐᓯᑦᔪᑎᒃᓴᓂᒃ; ᑕᒪᒃᑯᐊᓕᒫᓪᓗ ᑲᓐᓄᔭᐅᔪᒃᓴᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 52:19

ᐊᒻᒪᑦᑕᐅᖅ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᑎᒍᓚᓚᐅᕆᕔᑦ, ᐅᐊᓴᕐᕖᑦ, ᐊᓪᓕᕅ, ᒪᒃᑲᐅᔧᑦ, ᖃᑦᑍᑦ, ᓇᓂᕈᐊᖃᕐᕖᑦ, ᖃᔪᓕᕆᑦᔪᑏᑦ, ᐃᒥᐅᑏᑦ, ᓱᓇᑐᐃᓐᓁᓪᓗ ᒎᓗᒥᑦ ᓯᐅᓪᕕᕆᒥᓪᓘᓐᓃᑦ ᓴᓇᔭᐅᓯᒪᔪᑦ.

ᐃᓯᑭᐊᓕᐅᑉ ᐊᒡᓚᖏᑦ 41:4

ᐃᒡᓗᕈᓯᕐᓗ ᐆᒃᑐᕋᕐᒪᒍ ᐊᖏᓂᖓ, ᐊᑦᔨᒌᒥᒃ ᐊᖏᓂᖃᕐᐳᖅ 34ᓂᒃ ᐃᑎᒐᖕᓂᒃ ᑐᑭᒧᑦ ᓴᓂᒧᓪᓗ, ᑕᒪᑐᒪᓕ ᐅᖓᑖᓂ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᐃᑦᔪᕐᓁᓐᓂᕐᐹᖅ.”

ᒨᓯᓯ ᐱᖓᔪᖏᑦ 16:12

ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ.

ᓴᑲᕅᐊᐅᑉ ᐊᒡᓚᖏᑦ 14:20

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᕿᒻᒥᕐᔪᐊᑦ ᓯᕙᓂᐅᑎᖏᓐᓂ ᑎᑎᕋᕐᓯᒪᔪᒫᕐᐳᑦ ᐃᒫᒃ, “ᐊᑕᓂᖅ ᐃᑦᔪᕐᓁᐳᖅ.” ᓂᕿᓕᐅᕈᑎᓕᒫᓪᓗ ᐊᑕᓂᐅᑉ ᐃᒡᓗᖓᓃᑐᑦ ᐅᐊᓴᕐᕖᑦ ᑐᓂᕐᕈᓯᕐᕕᐅᑉ ᓵᖓᓃᑦᑐᑦ ᐃᑦᔪᕐᓁᖃᑕᐅᔪᒫᕐᐳᑦ.

ᒨᓯᓯ ᓯᑕᒪᖏᑦ 7:86

ᒍᓗᐃᑦ 12 ᐴᒍᑍᑦ ᐃᓐᓴᓯᒥᒃ ᑕᑕᑦᑐᑦ 0.8 ᐊᐅᓐᓯᔅᒥᒃ ᐅᖁᒤᓐᓂᖃᓚᐅᕐᐳᑦ ᐊᑐᓂᑦ, ᐃᑦᔪᕐᓁᑦᑐᕕᐅᑉ ᐅᖁᒤᓐᓂᕐᓯᐅᑎᖓ ᒪᓕᒡᓗᒍ; ᒎᓗᐃᑦ ᐅᖁᒤᓐᓂᖏᑦ ᑲᑎᓪᓗᒋᑦ 3ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ.