ᐊᑕᓃᑦ ᓯᕗᓪᓖᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑖᒃᑯᐊᒃ ᓱᑳᒃ ᓇᑉᐸᕐᐹᒃ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᑕ ᓯᕗᕌᓄᑦ; ᐅᓪᓗᓪᓗᐊᑉ ᓇᓛᓃᑦᑐᖅ ᐊᑎᖃᕐᓗᓂ ᔭᑭᓐᒥᒃ, ᐂᑉᐸᖓ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐊᑎᖃᕐᓗᓂ ᐳᐊᓯᒥᒃ.

ᐊᑕᓃᑦ ᓯᕗᓪᓖᑦ 7:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:12

ᑐᖁᒍᕕᓪᓗ ᓯᕗᓕᕕᓂᕐᓄᑦ ᐃᓗᕕᕐᑕᐅᖃᑕᐅᔪᒫᕐᐳᑎᑦ, ᑭᖑᕚᕕᓪᓗ ᐃᓚᖓᑦ ᐊᖓᔪᖅᑳᕐᔪᐊᕈᕐᑎᑦᓱᒫᕐᐸᕋ ᐊᑕᓂᐅᕕᖓᓗ ᓴᓐᖏᔫᔪᒫᕐᐳᖅ.

ᐊᑕᓃᑦ ᓯᕗᓪᓖᑦ 6:3

ᐃᑎᕆᐊᕐᕕᖓ 20ᓂᒃ ᑕᓕᕐᑐᑦ ᑕᑭᓂᖃᕐᐳᖅ, ᓴᓂᒧᑐᓂᖓᓗ ᑍᒤᓪᓗᐊᕆᓪᓗᓂ, 10ᓂᒃ ᑕᓕᕐᑐᑦ ᐳᕐᑐᓂᖃᕐᓗᓂ.

ᐊᑕᓃᑦ ᓯᕗᓪᓖᑦ 7:12

ᐊᖓᔪᖅᑳᕐᔪᐊᒃᑯᕕᐅᑉ ᑐᕐᓲᕐᔪᐊᖓ ᐃᓗᓪᓕᖅ ᐅᔭᕋᒡᔪᐊᖃᕐᐳᖅ ᓴᓇᓯᒪᔪᓂᒃ ᐊᕙᑎᓕᒫᖓ, ᐃᑳᖓᔪᓂᒃ ᓴᐅᓂᖃᕐᓗᓂ ᕿᔪᖕᓂᒃ ᓰᑕᕆᓂᒃ; ᐃᑎᕆᐊᕐᕕᐊ ᐊᑕᓂᐅᑉ ᐃᒡᓗᖓᓄᑦ ᐃᓗᓪᓕᕐᒧᑦ ᐊᑭᓐᓇᔪᐊᖃᕆᓪᓗᑎᒃ ᖃᓕᕇᓂᒃ ᐅᔭᖅᑲᓂᒃ ᐱᖓᓱᐃᓕᖅᑲᖓᔪᓂᒃ ᖁᓪᓕᖃᕐᓗᑎᒃ ᕿᔪᖕᓂᒃ ᓰᑕᕆᓂᒃ.

ᐊᑕᓃᑦ ᓯᕗᓪᓖᑦ 7:22

ᓱᑲᐅᑉ ᓂᐊᖁᖏᒃ ᓴᓇᓯᒪᕘᒃ ᓄᓇᕋᓐᖑᐊᓂᒃ ᓕᓕᓐᖑᐊᓂᒃ ᑕᕐᓴᖃᕐᓗᑎᒃ, ᑍᒫᒃ ᓱᑳᒃ ᓴᓇᐅᔭᐅᓂᖏᒃ ᐱᔭᕇᕐᑕᐅᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 3:17

ᑖᒃᑯᐊᒃ ᓱᑳᒃ ᓇᑉᐸᕐᐰᒃ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᑕ ᓴᓂᕋᖏᖕᓄᑦ, ᐂᑉᐸᖓ ᑕᓕᕐᐱᐊᓄᑦ ᐅᓪᓗᓪᓗᐊᑉ ᓇᓛᓄᑦ ᐂᑉᐸᖓᓗ ᓴᐅᒥᐊᓄᑦ ᐅᓐᓄᐊᓪᓗᐊᑉ ᓇᓛᓄᑦ; ᑕᓕᕐᐱᐊᓃᑦᑐᖅ ᐊᑦᑎᕐᐹ ᔭᑭᓐᒥᒃ, ᓴᐅᒥᐊᓃᑦᑐᕐᓗ ᐊᑦᑎᕐᓗᓂᐅᒃ ᐳᐊᓯᒥᒃ.

ᑯᕉᓂᑲ ᐂᑉᐸᖏᑦ 4:13

400ᓂᒃ ᐹᒥᒍᕌᓐᖑᐊᖃᕐᐴᒃ ᐊᑐᓂᑦ ᓄᓗᐊᓐᖑᐊᖑᔭᖏᑦ, ᐱᕐᕋᐅᔭᕐᓯᒪᓪᓗᑎᒃ ᐹᒥᒍᕌᓐᖑᐊᖃᕐᐳᑦ ᒪᕐᕉᓕᖅᑲᖓᔪᓂᒃ, ᐴᒃᒍᑕᐅᔮᒃ ᒪᑐᖃᕐᐴᒃ ᓱᑲᐅᑉ ᖄᖓᓃᑦᑑᒃ;

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᒐᓔᑎᐊᒥᐅᓄᑦ 2:9

ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᕉᑎᐅᑉ ᐅᓂᒃᑲᐅᓯᓂᖓ 2:19

ᓁᐅᒥᐅᓪᓗ ᐊᐱᕆᕚ, “ᓇᑭᓄᑯᐊ ᓂᐊᖂᔭᒃᓮᑦ ᐅᓪᓗᒥ ᑲᑎᑕᕕᓂᕐᑏᑦ? ᑭᐊᓗ ᐱᕈᕐᓰᕕᖁᑎᖓᓂᑦ ᑲᑎᑦᓯᔪᓐᓇᕐᑎᑕᐅᓐᓂᕐᐲᑦ? ᐱᕈᕐᓰᕕᖁᑎᓕᒃ ᑍᓐᓇ ᒎᑎᒧᑦ ᐱᑦᓯᐊᕐᕕᐅᖁᕙᕋ ᐃᓕᖕᓂᒃ ᐱᔪᓐᓇᕐᑎᑦᓯᓚᐅᕐᑐᖅ.” ᕉᑎᐅᓪᓕ ᓴᑭᓂ ᓁᐅᒥ ᐅᖃᐅᑎᕚ ᑲᑎᑦᓯᓚᐅᕐᓂᕋᕐᓗᓂ ᐳᐊᓯᐅᑉ ᐱᕈᕐᓰᕕᖁᑎᖓᓂᑦ.

ᕉᑎᐅᑉ ᐅᓂᒃᑲᐅᓯᓂᖓ 4:21

ᓵᓪᒧᓂᓗ ᐃᕐᓂᕐᑖᕐᐳᖅ ᐳᐊᓯᒥᒃ, ᐳᐊᓯᓗ ᐃᕐᓂᕐᑖᕐᐳᖅ ᐅᐱᑎᒥᒃ;