ᐊᑕᓃᑦ ᓯᕗᓪᓖᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᐅᓇ ᐃᒡᓗᓕᐊᕆᔧᑦ ᐱᑦᔪᑎᒋᓪᓗᒍ, ᐊᑐᕐᑕᐅᖁᔭᒃᑲ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ, ᐱᖁᔭᒃᑲᓗ ᐱᓯᒤᓐᓇᕐᓗᒋᑦ ᒪᓕᑦᓯᐊᕈᕕᒋᑦ, ᑕᕝᕙ ᐅᖃᐅᓯᕋ ᐃᓕᖕᓂ ᐃᓂᖃᕐᑎᑦᓱᒪᕙᕋ, ᐊᑖᑕᖕᓄᑦ ᑍᕕᑎᒧᑦ ᐅᖃᐅᓯᕆᓚᐅᕐᑕᒃᑲ.

ᐊᑕᓃᑦ ᓯᕗᓪᓖᑦ 6:12 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:5

“ᐱᔨᒐ ᑍᕕᑎ ᐅᐸᒡᓗᒍ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ: ᐃᒡᓗᒥᒃ ᐃᓂᒃᓴᓐᓂᒃ ᓴᓇᔪᒪᕖᑦ?

ᐊᑕᓃᑦ ᓯᕗᓪᓖᑦ 11:10

ᐊᑕᓂᐅᑉ ᐃᓂᕐᑎᕐᓯᒪᒐᓗᐊᕐᑎᓪᓗᓂᐅᒃ, ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓇᒍ; ᑭᓯᐊᓂᓕ ᐊᑕᓂᐅᑉ ᐃᓂᕐᑎᕆᐅᑎᒋᓯᒪᔭᖓᓂᒃ ᒪᓕᒍᓐᓃᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 3:14

ᓈᓔᓐᓇᕈᕕᖓ ᐊᑐᕐᑕᐅᖁᔭᒃᑲᓗ ᐱᖁᔭᒃᑲᓗ ᒪᓕᒃᑯᕕᒋᑦ, ᐊᑖᑕᒃᑐᑦ ᑍᕕᑎᑐᑦ, ᑕᕝᕙ ᐅᓪᓗᑎᑦ ᐅᓄᕐᓯᒋᐊᕐᑎᓐᓂᐊᕐᐸᒃᑲ.”

ᐊᑕᓃᑦ ᓯᕗᓪᓖᑦ 6:11

ᐊᑕᓂᐅᑉ ᐅᖃᐅᓯᖓ ᓲᓗᒨᓂᒧᑦ ᑎᑭᑉᐳᖅ,

ᐊᑕᓃᑦ ᓯᕗᓪᓖᑦ 8:25

ᒫᓐᓇᓕ ᐊᑕᓃᖅ ᐃᓴᕆᐊᓕᑎᑦ ᒎᑎᖓᑦ, ᐊᑖᑕᓐᓄᑦ ᑍᕕᑎᒧᑦ ᓱᓕ ᐊᖏᕐᓂᕆᓯᒪᔭᕐᓂᒃ ᐊᓯᖏᓐᓂᒃ ᓇᓚᐅᑦᓯᑎᑦᓯᒃᑲᓐᓂᖁᓪᓗᑎᑦ, ᐅᖃᐅᑎᓚᐅᕋᕕᐅᒃ, ‘ᑍᒪᓐᖓᓕᒫᖅ ᑭᖑᕚᖏᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᓴᕆᐊᓕᒥ, ᑖᑦᓱᑐᓇᖅ ᓈᓔᓐᓇᕐᓂᖏᑦ ᒪᓕᒡᓗᒋᑦ.’

ᑯᕉᓂᑲ ᓯᕗᓪᓖᑦ 22:10

ᑖᓐᓇ ᐃᒡᓗᓕᐅᕈᒫᕐᐳᖅ ᐊᑎᕋ ᐅᐱᓐᓇᕐᑎᑕᐅᖁᓪᓗᒍ. ᑖᓐᓇᓗ ᐃᕐᓂᕆᔪᒫᕐᐸᕋ, ᑖᑦᓱᒪᓗ ᐊᑖᑕᒋᔪᒫᕐᐹᖓ; ᐊᖓᔪᖅᑲᐅᕕᖓᑕᓗ ᐃᒃᓯᕙᐅᑕᕐᔪᐊᖓ ᐋᖅᑭᒃᓯᒪᑎᑦᓱᒫᕐᐸᕋ ᐃᓴᕆᐊᓕᒥᐅᓂ ᐃᓱᖃᖏᑦᑐᒧᑦ.’

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 132:12

ᕿᑐᕐᖓᕕᑦ ᐊᖏᖃᑎᒌᒍᑎᒋᓯᒪᔭᕋ ᓈᓚᖕᓂᐊᕐᐸᑦᔪᒃ ᐅᓐᓂᕐᓯᐅᕈᑎᒋᓯᒪᔭᒃᑲᓗ ᑖᒃᑯᓄᖓ ᐊᔪᕆᕐᑐᐃᑦᔪᑎᒋᓛᕐᑕᒃᑲ, ᕿᑐᕐᖓᖏᑦᑕᐅᖅ ᐃᒃᓯᕙᐅᑕᕐᔪᐊᕐᓂ ᐃᒃᓯᕙᔪᒫᕐᐳᑦ ᐃᓱᖃᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 7:5

ᐃᓕᖅᑯᓯᕆᔭᑦᓯᓐᓂᒃ ᐱᓂᐊᕐᓂᕆᔭᑦᓯᓐᓂᒡᓗ ᐋᖅᑭᒋᐊᓪᓚᕆᖕᓂᐊᕈᑦᓯ, ᐃᓅᖃᑎᑦᓯᓐᓄᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᓂᖃᕐᓗᓯ,

ᓴᑲᕅᐊᐅᑉ ᐊᒡᓚᖏᑦ 3:7

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ; ᐱᖁᔭᒃᑲ ᒪᓕᑦᓯᐊᕈᕕᒋᑦ ᐱᔭᕆᐊᖃᕐᑕᑎᓪᓗ ᑎᓕᓯᑦᔪᑎᒃᑲ ᐃᓕᖕᓄᑦ ᐊᑐᑦᓯᐊᕈᕕᒋᑦ, ᑕᕝᕙ ᐃᒡᓗᓐᓂ ᐊᐅᓚᑦᓯᔨᐅᓂᐊᕐᐳᑎᑦ ᐃᒡᓗᕈᓯᖏᓐᓄᓪᓗ, ᐊᑦᔨᒋᔭᐅᑎᓐᓂᐊᕐᐸᒋᓪᓗ ᐅᕙᓂ ᐃᓂᖃᕐᑐᓄᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.