ᐊᑕᓃᑦ ᓯᕗᓪᓖᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᑎᓕᓯᖁᕙᒋᑦ ᐊᖑᑎᓂᒃ ᓕᐸᓇᓂᒧᑦ ᓇᐹᕐᑐᓂᒃ ᓰᑕᕆᓂᒃ ᓇᑲᑎᕆᖁᔨᓕᕆᑦ ᐅᕙᓐᓄᐊᕐᑐᒃᓴᓂᒃ, ᐱᔨᒃᑲ ᑖᒃᑯᓂᖓ ᐃᑲᔪᕐᓂᐊᕐᐳᑦ, ᓴᓇᔨᖁᑎᑎᑦ ᐊᑭᓕᓛᕐᐸᒃᑲ ᐊᑭᒋᔭᐅᖁᔭᕐᓂᒃ; ᖃᐅᔨᒪᑦᓯᐊᕋᕕᑦ ᐅᕙᑦᑎᓐᓂᑦ ᐱᓯᒪᔪᑦ ᓇᓪᓕᕐᓯᔪᓐᓇᖏᒻᒪᑕ ᓮᑐᓂᒥᐅᑦ ᕿᔪᓕᕆᔨᖏᓐᓂᒃ ᕿᔪᖕᓂᒃ ᓇᑲᑎᕆᓗᑎᒃ.”

ᐊᑕᓃᑦ ᓯᕗᓪᓖᑦ 5:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:15

ᑬᓇᓂᐅᑉ ᐃᕐᓂᖏᑦ ᐅᑯᐊᖑᕗᑦ; ᓮᑐᓂ, ᐊᖓᔪᒃᓯᕐᐹᖁᑎᖓ, ᕼᐃᑎᓗ.

ᐊᑕᓃᑦ ᓯᕗᓪᓖᑦ 10:26

ᓲᓗᒨᓂ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ 1,400ᓂ ᑲᑎᑦᓯᓚᐅᕐᐳᖅ, 12,000ᓂᒡᓗ ᕿᒻᒥᕐᔪᐊᕐᑎᓂᒃ; ᐃᓚᖏᑦ ᔨᕉᓴᓕᒦᑎᓪᓗᓂᒋᑦ, ᐃᓚᖏᓪᓗ ᐃᒡᓗᒐᓴᖕᓂ ᓇᓂᑐᐃᓐᓈᕐᑐᓂ ᐃᓂᖃᕐᑎᓪᓗᓂᒋᑦ.

ᐊᑕᓃᑦ ᓯᕗᓪᓖᑦ 5:7

ᕼᐂᕋᒻ ᐱᒐᒥ ᓲᓗᒨᓂᐅᑉ ᑐᓴᕐᑕᐅᖁᔭᖓᓂᒃ ᐊᖏᔪᒥᒃ ᖁᕕᐊᓲᑎᒋᕚ ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ ᐅᓪᓗᒥ, ᑍᕕᑎ ᐃᕐᓂᖃᕐᓂᕐᒪᑦ ᓯᓚᑐᔪᒥᒃ ᐃᓇᖏᕐᑎᒋᓂᐊᕐᑕᖓᓂᒃ ᐊᖓᔪᖅᑳᕐᔪᐊᖑᓗᓂ ᐃᓅᖃᑎᒌᒡᔪᐊᓂᒃ ᐃᓄᒋᐊᒃᑐᕐᔪᐊᓂᒃ!”

ᐊᑕᓃᑦ ᓯᕗᓪᓖᑦ 6:16

ᐃᒡᓘᑉ ᕿᓐᖑᐊ ᓵᑦᑐᓂᒃ ᕿᔪᖕᓂᒃ ᓰᑕᕆᓂᒃ 30ᓂᒃ ᐃᑎᒐᖕᓂᒃ ᑕᑭᓂᓕᖕᒥᒃ ᓇᑎᕐᒥᑦ ᖁᓛᓄᑦ ᐃᓗᐱᐊᕈᑦᑎᕐᐹ, ᑕᕝᕙᓂᓗ ᕿᓐᖑᐊᓂ ᐃᓗᕙᓯᖕᓂᕐᐹᒥᒃ, ᓴᓇᕗᖅ ᐃᑦᔪᕐᓁᓐᓂᕐᐹᒥᒃ ᑍᔭᐅᔪᒥᒃ.

ᐊᑕᓃᑦ ᓯᕗᓪᓖᑦ 6:20

ᑖᓐᓇ ᐃᓪᓗᐊᕈᓯᖅ 30ᓂᒃ ᐃᑎᖓᖕᓂᒃ ᑕᑭᓂᖃᕐᐳᖅ, 30ᓂᒡᓗ ᐃᑎᒐᖕᓂᒃ ᓯᓕᖕᓂᖃᕐᓗᓂ, 30ᓂᒡᓗ ᐃᑎᒐᖕᓂᒃ ᐳᕐᑐᓂᖃᕐᓗᓂ, ᐃᓘᓐᓇᖓ ᒥᖑᐊᕐᓯᒪᓪᓗᓂ ᒎᓗᒥ. ᑐᓂᕐᕈᓯᕐᕕᒃ ᖄᓕᐅᕐᓯᒪᓪᓗᓂ ᕿᔪᖕᓂᒃ ᓰᑕᕆᓂᒃ.

ᐊᑕᓃᑦ ᓯᕗᓪᓖᑦ 9:19

ᑖᒃᑯᐊ ᐃᒡᓗᒐᓮᑦ ᓲᓗᒨᓂᐅᑉ ᓱᓇᑐᐃᓐᓇᕐᑖᕐᕕᒋᕙᒡᓗᓂᒋᑦ ᐱᓯᒤᓐᓇᕐᓗᓂᒋᑦ, ᐃᒡᓗᒐᓮᓪᓗ ᐊᒃᓴᓗᐊᓕᖕᓂᒃ ᕿᒧᓯᐅᑎᖃᕐᕕᒋᓪᓗᓂᒋᑦ, ᕿᒻᒥᕐᔪᐊᒃᑯᓪᓗ ᐅᓇᑕᕐᑎᒃᑯᕕᒋᓚᐅᕐᐰᑦ, ᐊᓯᖏᓐᓂᒡᓗ ᓴᓇᔪᒪᒍᓂ ᔨᕉᓴᓕᒥ, ᓕᐸᓇᓂᒥᓘᓐᓃᑦ ᐅᕝᕙᓘᓐᓃᑦ ᓇᓂᓕᒫᖅ ᐊᖓᔪᖅᑳᕐᔪᐊᒃᑯᕕᒋᔭᒥᓂ.

ᐊᑕᓃᑦ ᓯᕗᓪᓖᑦ 9:27

ᐊᖓᔪᖅᑳᕐᔪᐊᖅ ᕼᐅᕋᒻ ᑎᓕᓯᓚᐅᕐᐳᖅ ᐅᒥᐊᓕᒃᑕᓂᒃ ᐱᔪᓐᓇᑦᓯᐊᕐᑐᓂᒃ, ᐱᔨᑦᓯᕐᓂᐊᕐᑐᓂᒃ ᓲᓗᒨᓂᐅᑉ ᐅᒥᐊᕐᑐᑎᖁᑎᖏᓐᓂᒃ.

ᑯᕉᓂᑲ ᓯᕗᓪᓖᑦ 22:4

ᓇᐹᕐᑐᓂᒡᓗ ᓰᑕᕆᓂᒃ ᐅᓄᕐᑐᕐᔪᐊᓂᒃ; ᓮᑐᓂᒥᐅᓪᓗ ᑍᕆᓂᒥᐅᓪᓗ ᑐᓂᓯᕗᑦ ᓰᑕᕆᓂᒃ ᕿᔪᖕᓂᒃ ᐊᖏᔪᕐᔪᐊᓂᒃ ᑍᕕᑎᒧᑦ.

ᑯᕉᓂᑲ ᐂᑉᐸᖏᑦ 1:14

ᓲᓗᒨᓂᐅᑉ ᑲᑎᕐᓱᕐᐰᑦ ᑲᓕᒊᑦ ᐊᒃᓴᓗᐊᓖᑦ ᕿᒻᒥᕐᔪᐊᒃᑰᕐᑏᓪᓗ; 1,400ᓂᒃ ᑲᓕᒐᖁᑎᖃᓕᕐᐳᖅ ᐊᒃᓴᓗᐊᓕᖕᓂᒃ 12,000ᓂᒡᓗ ᕿᒻᒥᕐᔪᐊᒃᑰᕐᑎᖃᕐᓗᓂᒃ, ᑲᓕᒊᓪᓗ ᐊᒃᓴᓗᐊᓖᑦ ᐃᓂᑖᕐᑎᑉᐰᑦ ᐃᒡᓗᒐᓴᖕᓂ ᐃᓚᖏᓪᓗ ᔨᕉᓴᓕᒥ ᐊᖓᔪᖅᑳᕐᔪᐊᒃᑯᕕᖕᒦᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 2:10

ᐱᔨᑎᓪᓗ ᕿᔪᖕᓂᒃ ᓇᑲᑎᕆᔩᑦ, ᑐᓂᔪᒫᕐᐸᒃᑲ 20,000ᓂᒃ ᐅᖁᒤᓐᓂᓕᖕᓂᒃ ᓂᐊᖂᔭᒃᓴᓂᒃ ᓇᕿᑎᕐᓯᒪᔪᓂᒃ, 20,000ᓂᒡᓗ ᐅᖁᒤᓐᓂᓕᖕᓂᒃ ᐹᕐᓕᓂᒃ, 20,000ᓂᒡᓗ ᖃᓪᓗᑎᓂᒃ ᕔᓂᓂᒃ, 20,000ᓂᒡᓗ ᖃᓪᓗᑎᓂᒃ ᐅᕐᓱᒥᒃ.”

ᑯᕉᓂᑲ ᐂᑉᐸᖏᑦ 2:8

ᓇᒃᓯᐅᑦᔨᓗᑎᓪᓗ ᓰᑕᕆᓂᒃ, ᓮᐳᕋᔅᓂᒡᓗ, ᓇᐹᕐᑐᕕᓂᕐᓂᒡᓗ ᐰᓂᓂᒃ ᓕᐸᓇᓂᒥᐅᑕᕐᓂᒃ, ᖃᐅᔨᒪᒐᒪ ᓴᓇᔨᑎᑦ ᓇᑲᑎᕆᔪᓐᓇᕐᒪᑕ ᓇᐹᕐᑐᓂᒃ ᓕᐸᓇᓂᒥ. ᓴᓇᔨᖁᑎᒃᑲᓗ ᑎᓕᔪᒫᕐᐸᒃᑲ ᓴᓇᔨᖁᑎᖕᓂᒃ ᐃᑲᔪᖁᓗᒋᑦ.

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.

ᐃᓐᖏᕈᑎᑦ 29:5

ᐊᑕᓂᐅᑉ ᓂᐱᖓᑕ ᓇᐹᕐᑐᑦ ᓰᑕᕇᑦ ᓇᐱᕔᑦ, ᐃᓛᒃ ᐊᑕᓂᐅᑉ ᓕᐸᓇᓂᒥ ᓇᐹᕐᑐᑦ ᓰᑕᕆᑦ ᓯᖁᒥᑉᐰᑦ.

ᓴᑲᕅᐊᐅᑉ ᐊᒡᓚᖏᑦ 11:12

ᐅᖃᐅᑎᓚᐅᕐᐸᒃᑲᓗ, “ᑕᒪᓐᓇ ᓈᒻᒪᒐᓱᒋᒍᑦᓯᐅᒃ, ᐅᕙᓐᓄᑦ ᐊᑭᓖᓕᕆᓯ; ᓈᒻᒪᒐᓱᒋᖏᒃᑯᑦᓯᐅᒡᓕ ᑮᓇᐅᔭᓯ ᐱᓯᒪᓕᕐᓯᐅᒃ.” ᑍᒤᒻᒪᑦ ᓯᐅᓪᕕᕆᓂᒃ ᑮᓇᐅᔭᓂᒃ 30ᓂᒃ ᐊᑭᓕᓚᐅᕐᐹᖓ.

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᐃᐱᓯᒥᐅᓄᑦ 4:7

ᑕᒪᑦᑕᓗ ᐊᑐᓂᑦ ᑐᓂᓯᕕᐅᓯᒪᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯᐅᑉ ᑐᓂᓯᔪᒪᓂᖓᑕ ᐊᖏᓂᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.