ᐊᑕᓃᑦ ᓯᕗᓪᓖᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐊᖑᑎᓕᒫᑦᓯᐊᓂᑦ ᓯᓚᑐᓂᕐᐹᖑᓚᐅᕐᐳᖅ, ᓯᓚᑐᓂᕐᓴᐅᓪᓗᓂ ᐃᑖᓐᒥᑦ ᐃᔭᕅᑎᒥᓪᓗ, ᕼᐃᒪᓐᒥᓪᓗ, ᑲᓪᑯᓪᒥᓪᓗ, ᑖᕐᑕᒥᓪᓗ ᒪᕼᐅᓕᐅᑉ ᐃᕐᓂᖏᓐᓂᑦ; ᖃᐅᔨᒪᔭᐅᑦᓯᐊᕐᓂᖓ ᓯᐊᒻᒪᓚᐅᕐᐳᖅ ᐃᓅᖃᑎᒌᒡᔪᐊᓄᑦ ᐊᕙᑎᓕᒫᖏᓐᓃᑦᑐᓄᑦ.

ᐊᑕᓃᑦ ᓯᕗᓪᓖᑦ 4:31 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 10:1

ᓰᐸᒥᐅᑦ ᑯᐃᓐᖓ ᑐᓴᐅᒪᓕᕋᒥ ᓲᓗᒨᓂᐅᑉ ᖃᐅᔨᒪᔭᐅᒻᒪᕆᓕᕐᓂᖓᓂᒃ, ᔨᕉᓴᓕᒧᑦ ᐊᐅᓪᓚᕐᐳᖅ ᐆᒃᑐᕈᒪᓪᓗᓂᐅᒃ ᐊᐱᖅᑯᓯᕐᓂᒃ ᐊᔪᕐᓇᕐᑐᓂᒃ.

ᐊᑕᓃᑦ ᓯᕗᓪᓖᑦ 10:6

ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ ᐅᖃᕐᐳᖅ, “ᐅᖃᐅᓯᐅᕙᒃᑐᑦ ᓱᓕᕗᑦ ᑐᓴᓚᐅᕐᑕᒃᑲ ᓇᖕᒥᓂᖅ ᓄᓇᓐᓂ ᐱᓂᐊᕐᓂᑎᑦ ᓯᓚᑐᓃᓪᓗ,

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐊᑕᓃᑦ ᓯᕗᓪᓖᑦ 5:7

ᕼᐂᕋᒻ ᐱᒐᒥ ᓲᓗᒨᓂᐅᑉ ᑐᓴᕐᑕᐅᖁᔭᖓᓂᒃ ᐊᖏᔪᒥᒃ ᖁᕕᐊᓲᑎᒋᕚ ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ ᐅᓪᓗᒥ, ᑍᕕᑎ ᐃᕐᓂᖃᕐᓂᕐᒪᑦ ᓯᓚᑐᔪᒥᒃ ᐃᓇᖏᕐᑎᒋᓂᐊᕐᑕᖓᓂᒃ ᐊᖓᔪᖅᑳᕐᔪᐊᖑᓗᓂ ᐃᓅᖃᑎᒌᒡᔪᐊᓂᒃ ᐃᓄᒋᐊᒃᑐᕐᔪᐊᓂᒃ!”

ᑯᕉᓂᑲ ᓯᕗᓪᓖᑦ 15:17

ᑕᕝᕙ ᓕᕔᑏᑦ ᑎᓕᓯᕗᑦ ᕼᐃᒪᓐᒥᒃ ᔪᐃᓕᐅᑉ ᐃᕐᓂᖓᓂᒃ; ᐃᓚᒋᔭᖏᓐᓂᒡᓗ, ᐊᓴᐸᒥᒃ ᐱᕆᑬᐊᑉ ᐃᕐᓂᖓᓂᒃ; ᒥᕋᕆᐅᓪᓗ ᐃᕐᓂᖏᓐᓂᒃ, ᐃᓚᒋᔭᖏᓐᓂᒡᓗ, ᐃᑖᓐᒥᒃ ᑯᓮᐊᐅᑉ ᐃᕐᓂᖓᓂᒃ;

ᑯᕉᓂᑲ ᓯᕗᓪᓖᑦ 15:19

ᐃᓐᖏᕐᑎᖃᕐᓗᑎᒃ ᐅᑯᓂᖓ, ᕼᐃᒪᓐ, ᐊᓴᐸ, ᐃᑖᓐᒥᒡᓗ, ᓯᕙᓂᐅᑎᓂᒡᓗ ᑲᓐᓄᔭᓂᒃ ᓂᓪᓕᐊᑎᑦᓯᔪᒃᓴᐅᓪᓗᑎᒃ;

ᑯᕉᓂᑲ ᓯᕗᓪᓖᑦ 2:6

ᔨᕋᐅᑉ ᐃᕐᓂᖏᑦ ᔨᒻᕆ, ᐃᑖᓐ, ᕼᐃᒪᓐ, ᑲᓪᑯᓪ, ᑖᕋᓗ, ᐊᑕᖏᕐᓗᑎᒃ ᑕᓪᓕᒪᐅᕗᑦ.

ᑯᕉᓂᑲ ᓯᕗᓪᓖᑦ 6:33

ᐅᑯᐊᖑᕗᑦ ᐃᕐᓂᑎᒃ ᐃᓚᒋᓪᓗᒋᑦ: ᑯᕼᐋᑍᑎᒃᑯᑦ ᐃᕐᓂᕇᑦ ᐅᑯᐊ ᕼᐃᒪᓐ ᐃᓐᖏᕐᑎ ᔪᐃᓕᐅᑉ ᐃᕐᓂᖓ, ᓴᒧᐃᓕᐅᑉ ᐃᕐᓂᖓᑕ,

ᑯᕉᓂᑲ ᐂᑉᐸᖏᑦ 9:23

ᐊᖓᔪᖅᑳᕐᔪᐊᓕᒫᑦ ᓄᓇᒦᑦᑐᑦ ᓲᓗᒨᓂᒥᒃ ᑲᑎᓯᕕᒃᓴᕐᓯᐅᖃᑦᑕᓚᐅᕐᐳᑦ ᑐᓴᕈᒪᓪᓗᑎᒃ ᓯᓚᑐᓂᖓᓂᒃ, ᒎᑎᐅᑉ ᑐᓂᓯᒪᔭᖓᓂᒃ ᐃᓱᒪᖓᓄᑦ.

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᑖᓂᐊᓕᐅᑉ ᐊᒡᓚᖏᑦ 1:20

ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 11:31

ᐅᓪᓗᖅ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᕐᖄᔪᐊᖓᑦ ᐊᕐᓇᖅ ᓂᑯᕕᑦᑐᒫᕐᐳᖅ ᐃᖅᑲᕐᑐᐃᓗᓂ ᒫᓐᓇ ᐃᓅᔫᓂᒃ ᓱᒋᐊᕐᑕᐅᔪᒃᓴᐅᖁᓪᓗᒋᑦ; ᑍᓐᓇ ᓄᓇᒥᓂᑦ ᐅᖓᓯᒃᑐᐊᓗᖕᒥᑦ ᑎᑭᓚᐅᕐᒪᑦ ᑐᓵᔭᕐᑐᕐᓗᓂ ᓲᓗᒨᓂᐅᑉ ᓯᓚᑐᓂᖓᓂᒃ; ᑕᑯᒋᑦ, ᐅᖃᐅᑎᕙᑦᓯ ᓲᓗᒨᓂᒥᑦ ᐊᖏᓂᕐᓴᒥᒃ ᑕᒫᓃᑦᑐᖃᕐᐳᖅ.

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.