ᐊᑕᓃᑦ ᓯᕗᓪᓖᑦ 4:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 4:25 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 17:11

ᐃᒤᒋᐊᖃᕐᑐᕆᕙᒋᓪᓕ ᐃᓴᕆᐊᓕᒥᐅᓕᒫᑦ ᑲᑎᑎᓪᓗᒋᑦ ᓄᓇᒋᔭᖏᓐᓂᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ, ᐃᕝᕕᓪᓗ ᓇᖕᒥᓂᖅ ᓯᕗᓕᕐᓗᒋᑦ ᐅᓇᑕᕆᐊᕐᓗᑎᑦ.

ᓴᒧᐃᓕ ᐂᑉᐸᖏᑦ 24:15

ᑍᒤᒻᒪᑦ ᐊᑕᓂᖅ ᖃᓂᒪᓇᕐᑐᒥᒃ ᑎᑭᑎᑦᓯᓚᐅᕐᐳᖅ ᐃᓴᕆᐊᓕᒥᐅᓄᑦ, ᑕᕝᕙᓐᖓᑦ ᐅᓪᓛᒥᑦ ᐱᒋᐊᕐᓗᓂ ᓄᖅᑲᕐᕕᒋᖁᓚᐅᕐᑕᒥᓄᑦ ᑎᑭᓪᓗᒍ; ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ 70,000ᐃᑦ ᐃᓴᕆᐊᓕᒥᐅᑦ ᑐᖁᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 18:31

ᕼᐃᓯᑬᐊ ᓈᓚᒃᑍᓕᓯᐅᒃ; ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᒐᓴᖕᓂᑦ ᐊᓂᑐᐃᓐᓇᖁᕚᓯ ᖁᓄᖏᓪᓗᓯ: ‘ᑕᕝᕙ ᐸᐅᕐᖓᓂᒃ ᕔᓂᒃᓴᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕆᔪᓐᓇᕐᑎᑕᐅᓂᐊᕐᐳᓯ, ᓇᐹᕐᑐᖁᑎᑦᓯᓗ ᐱᕈᕐᑐᖏᓐᓂᒃ ᓂᕿᖃᕈᓐᓇᕐᓗᓯ, ᐃᒥᕐᑕᕐᕕᖁᑎᑦᓯᓐᓂᓪᓗ ᐃᒥᖃᕈᓐᓇᕐᓗᓯ.

ᑯᕉᓂᑲ ᓯᕗᓪᓖᑦ 22:9

ᑕᑯᒋᑦ, ᐃᕐᓂᕐᑖᕈᒫᕐᐳᑎᑦ, ᑖᓐᓇ ᐃᓅᔪᒫᕐᐳᖅ ᐅᓇᑕᖏᓪᓗᓂ. ᐊᑭᕋᓕᒫᖏᓐᓂᑦ ᐅᓇᑕᕐᑕᐅᑎᑦᓱᒫᓐᖏᓚᕋ; ᐊᑎᖃᕈᒫᕐᐳᖅ ᓲᓗᒨᓂᒥᒃ, ᐃᓴᕆᐊᓕᒥᐅᑦ ᐅᓇᑕᕐᑕᐅᑎᑦᓱᒫᓐᖏᓚᒃᑲ ᒥᕐᖑᐃᕐᓯᕐᓇᕐᑐᒦᓪᓗᑎᒡᓗ ᑖᑦᓱᒪ ᐅᓪᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 36:16

ᕼᐃᓯᑬᐊᒥᒃ ᓈᓚᒃᑍᓕᒋᑦᓯ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᕐᒪᑦ: ᖃᓄᐃᓕᐅᕋᑦᓯ ᐅᕙᓐᓂᒃ ᕾᑐᐃᓐᓇᓕᕆᑦᓯ ᐅᕙᓐᓄᑦ, ᕔᓂᒃᓴᓂᒃ ᐸᐅᕐᖓᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕿᖃᕈᓐᓇᕐᑎᑕᐅᓛᕐᐳᓯ, ᓇᖕᒥᓂᕐᓗ ᓇᐹᕐᑐᖁᑎᑦᓯ ᐱᕈᕐᑐᖏᓐᓂᒃ ᓂᕆᖃᑦᑕᕐᓂᐊᕐᐳᓯ, ᓇᖕᒥᓂᕐᓗ ᐃᒥᕐᑕᕐᕕᖁᑎᑦᓯᓐᓂᑦ ᐃᒪᖃᕈᓐᓇᕐᓂᐊᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᐃᓯᑭᐊᓕᐅᑉ ᐊᒡᓚᖏᑦ 39:26

ᑲᓐᖑᓇᕐᑐᒦᓚᐅᕐᓂᑎᒃ ᐳᐃᒍᕈᒫᕐᐹᑦ, ᐅᒃᐱᕆᔭᒃᓴᐅᖏᑦᑐᓂᒡᓗ ᐱᓂᐊᕐᓂᖃᖃᑦᑕᓚᐅᕐᓂᑎᒃ ᐅᕙᓐᓄᑦ, ᓄᓇᒥᖕᓂ ᐃᓂᓪᓚᖓᑦᓯᐊᓕᕈᑎᒃ ᑲᑉᐱᐊᓱᒃᑎᑕᐅᖃᑦᑕᕈᓐᓁᕈᑎᒡᓗ ᓇᐅᑐᐃᓐᓇᓄᑦ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 3:10

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.

ᓴᒧᐃᓕ ᓯᕗᓪᓖᑦ 3:20

ᐃᓴᕆᐊᓕᒥᐅᑦ ᐃᓄᓕᒫᖏᑦ ᑖᓐᒥᑦ ᐱᐊᕐᓯᐸᒧᑦ ᖃᐅᔨᒪᓕᓚᐅᕐᐳᑦ ᓴᒧᐃᓕ ᐊᑕᓂᐅᑉ ᐅᖃᕐᑎᒋᓕᕐᒪᒍ.