ᐊᑕᓃᑦ ᓯᕗᓪᓖᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓲᓗᒨᓂ ᐊᑕᓂᕐᒥᒃ ᐱᓐᓈᕈᓱᒻᒪᕆᒃᑲᒥ, ᒪᓕᑦᓯᐊᕐᓗᓂᓗ ᐊᑖᑕᒥ ᑍᕕᑎᐅᑉ ᒪᓕᒃᑕᐅᖁᔭᖏᓐᓂᒃ, ᐃᒻᒥᓂᒡᓕ ᐆᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᐸᓚᐅᕆᕗᖅ ᑐᓂᕐᕈᓯᕐᕕᖕᓄᑦ ᖃᖅᑲᒦᑦᑐᓄᑦ.

ᐊᑕᓃᑦ ᓯᕗᓪᓖᑦ 3:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:34

ᑕᒪᒃᑭᕐᓗᒍᓕ ᐊᖓᔪᖅᑳᕐᔪᐊᒃᑯᕕᒃ ᐲᕐᓂᐊᖏᓚᕋ ᓲᓗᒨᓂᒥᑦ; ᐊᐅᓚᑦᓯᔨᐅᑎᓐᓂᐊᕐᐸᕋ ᐃᓅᓯᓕᒪᖓᓂ, ᐱᔨᒐ ᑍᕕᑎ ᐱᔪᑎᒋᓪᓗᒍ, ᓂᕈᐊᕐᓯᒪᓚᐅᕋᒃᑯ ᑖᓐᓇ ᓈᓚᓚᐅᕐᒪᑦ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ;

ᐊᑕᓃᑦ ᓯᕗᓪᓖᑦ 11:38

ᓈᓚᑦᓯᐊᕈᕕᖓ ᐱᖁᔨᑦᔪᑎᒋᔭᒃᑲᓗ ᒪᓕᒃᑯᕕᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᓂᐊᕈᕕᑦ, ᓵᓐᓂᓗ ᓇᓛᒎᕐᑐᒥᒃ ᐱᓇᓱᐊᕐᓂᐊᕈᕕᑦ ᐊᑐᕐᑕᐅᖁᔭᒃᑲ ᐱᖁᔭᒃᑲᓗ ᒪᓕᖕᓂᐊᕈᕕᒋᑦ, ᐱᔨᑦᑐᑦ ᑍᕕᑎᑐᑦ, ᓇᔪᕐᓂᐊᕐᐸᒋᑦ, ᐊᖓᔪᖅᑳᕐᔪᐊᓐᖑᕐᑎᓐᓂᐊᕐᐸᒋᑦ ᐃᓴᕆᐊᓕᒧᑦ ᐊᑦᑕᕐᓇᖏᑦᑐᒥᒃ, ᑍᕕᑎᒥᒃ ᐃᑲᔪᓚᐅᕐᓂᕋ ᒪᓕᒡᓗᒍ, ᑍᒫᒃᑕᐅᖅ ᐃᓴᕆᐊᓕ ᐃᓕᖕᓄᑦ ᑐᓂᓂᐊᕐᐸᕋ.

ᐊᑕᓃᑦ ᓯᕗᓪᓖᑦ 11:4

ᐃᓄᑐᖃᐅᓕᕐᓗᓂ ᓲᓗᒨᓂᐅᑉ ᐆᒻᒪᑎᖓ ᓄᓕᐊᖏᑕ ᓴᖑᑎᓚᐅᕐᐹᑦ ᒎᑎᓐᖑᐊᓄᑦ ᐱᓇᓱᐊᓕᕐᓗᓂ; ᐆᒻᒪᑎᒃᑯᑦ ᐊᒃᓱᕈᕈᓐᓃᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐊᑖᑕᒥ ᑍᕕᑎᐅᑉ ᑲᔪᓯᓂᕆᓚᐅᕐᑕᖓᑐᑦ.

ᐊᑕᓃᑦ ᓯᕗᓪᓖᑦ 11:6

ᑍᒤᒻᒪᑦ ᓲᓗᒨᓂ ᐊᔪᕐᑐᓕᓚᐅᕐᐳᖅ ᐊᑕᓂᕐᒧᑦ, ᒪᓕᑦᓯᐊᕈᓐᓃᕐᓗᓂᓗ ᐊᑕᓂᕐᒥᒃ, ᐊᑖᑕᒥᓂᒃ ᑍᕕᑎᒥᒃ ᐃᒡᔭᕐᓯᔪᓐᓃᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᐊᑕᓃᑦ ᓯᕗᓪᓖᑦ 14:8

ᑍᕕᑎᐅᑉ ᐊᑕᓂᐅᕕᖓ ᑭᖑᕚᖏᓐᓂᑦ ᐊᕕᒃᑎᓚᐅᕐᐸᕋ ᑐᓂᓪᓗᒍᓗ ᐃᓕᖕᓄᑦ; ᑭᓯᐊᓂᓕ ᑍᕕᑎᑑᓚᐅᓐᖏᓚᑎᑦ, ᑖᓐᓇ ᐱᖁᔭᓐᓂᒃ ᐅᕙᓐᓂᒡᓗ ᒪᓕᑦᓯᐊᓚᐅᕐᒪᑦ ᐱᔪᓐᓇᕐᓂᓕᒫᒥᓄᑦ, ᐱᓇᓱᐊᖃᑦᑕᕐᓗᓂᓗ ᐱᓇᓱᐊᕐᑕᐅᖁᔭᓐᓂᒃ ᑭᓯᐊᓂ.

ᐊᑕᓃᑦ ᓯᕗᓪᓖᑦ 15:11

ᐋᓴ ᐃᓱᐊᕐᑐᒥᒃ ᐃᓅᓚᐅᕐᐳᖅ ᐊᑕᓂᐅᑉ ᓵᖓᓂ, ᓯᕗᓕᕐᒥᑐᑦ ᑍᕕᑎᑐᑦ.

ᐊᑕᓃᑦ ᓯᕗᓪᓖᑦ 15:14

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᑐᒃᓯᐊᕐᕕᐅᖃᑦᑕᕐᓂᕐᐹᑦ ᐲᔭᓚᐅᓐᖏᓔᑦ. ᑍᒤᒃᑲᓗᐊᕐᑎᓪᓗᒍᓕ ᐋᓴ ᐊᑕᓂᕐᒧᑦ ᑲᔪᓯᑦᓯᐊᕐᑐᒥᒃ ᐃᓅᓯᖃᓚᐅᕐᐳᖅ ᐃᓅᓯᓕᒫᒥᓂ.

ᐊᑕᓃᑦ ᓯᕗᓪᓖᑦ 15:3

ᐊᐰᔭ ᐊᑖᑕᖓᑕ ᐊᔪᕐᑐᓕᓂᕆᓚᐅᕐᑕᖓᓂᒃ ᒪᓕᓚᐅᕆᕗᖅ, ᐊᑕᓂᕐᒧᑦ ᒎᑎᒥᓄᑦ ᒪᓕᑦᓯᐊᕋᓂ, ᓯᕗᓪᓕᕐᒥᒃ ᐊᑖᑕᑦᓯᐊᓕᖅᑭᐅᑎᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᓂᖓᑐᑦ.

ᐊᑕᓃᑦ ᓯᕗᓪᓖᑦ 15:5

ᑍᕕᑎ ᐊᑕᓂᐅᑉ ᓈᒻᒪᒋᔭᖓᓂᒃ ᐃᓅᓚᐅᕐᓂᖓᓄᑦ, ᕿᒤᓚᐅᕋᓂᓗ ᐊᑕᓂᐅᑉ ᐱᖁᔭᖏᓐᓂᒃ ᑕᒤᓐᓂᒃ ᐃᓅᓯᓕᒫᒥᓂ, ᑭᓯᐊᓂ ᐃᓱᐊᖏᑦᔪᑎᑐᐊᖃᓚᐅᕐᐳᖅ ᔪᕅᐊᒥᒃ ᕼᐃᑍᑎᒥᐅᑕᕐᒥᒃ.

ᐊᑕᓃᑦ ᓯᕗᓪᓖᑦ 22:43

ᐊᑖᑕᒥᓂᒃ ᐂᓴᐅᑉ ᐱᓂᐊᕐᓂᖏᓐᓂᒃ ᒪᓕᓚᐅᕐᐳᖅ; ᓴᖑᓚᐅᕋᓂ ᓇᓪᓕᐊᓐᓄᓪᓘᓐᓃᑦ, ᐱᓂᐊᕐᓂᖃᓚᐅᕐᐳᖅ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ; ᑭᓯᐊᓂᓕ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ, ᐃᓄᐃᑦ ᓱᓕ ᑐᓂᕐᕈᓯᖃᑦᑕᓚᐅᕐᐳᑦ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᕙᒃᓗᑎᒃ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᓂ.

ᐊᑕᓃᑦ ᓯᕗᓪᓖᑦ 22:44

ᔨᕼᐆᓴᐸᑦᓗ ᐃᓚᓕᐅᕆᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓂᒃ.

ᐊᑕᓃᑦ ᓯᕗᓪᓖᑦ 3:14

ᓈᓔᓐᓇᕈᕕᖓ ᐊᑐᕐᑕᐅᖁᔭᒃᑲᓗ ᐱᖁᔭᒃᑲᓗ ᒪᓕᒃᑯᕕᒋᑦ, ᐊᑖᑕᒃᑐᑦ ᑍᕕᑎᑐᑦ, ᑕᕝᕙ ᐅᓪᓗᑎᑦ ᐅᓄᕐᓯᒋᐊᕐᑎᓐᓂᐊᕐᐸᒃᑲ.”

ᐊᑕᓃᑦ ᓯᕗᓪᓖᑦ 3:6

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐊᑕᓃᑦ ᓯᕗᓪᓖᑦ 8:25

ᒫᓐᓇᓕ ᐊᑕᓃᖅ ᐃᓴᕆᐊᓕᑎᑦ ᒎᑎᖓᑦ, ᐊᑖᑕᓐᓄᑦ ᑍᕕᑎᒧᑦ ᓱᓕ ᐊᖏᕐᓂᕆᓯᒪᔭᕐᓂᒃ ᐊᓯᖏᓐᓂᒃ ᓇᓚᐅᑦᓯᑎᑦᓯᒃᑲᓐᓂᖁᓪᓗᑎᑦ, ᐅᖃᐅᑎᓚᐅᕋᕕᐅᒃ, ‘ᑍᒪᓐᖓᓕᒫᖅ ᑭᖑᕚᖏᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᓴᕆᐊᓕᒥ, ᑖᑦᓱᑐᓇᖅ ᓈᓔᓐᓇᕐᓂᖏᑦ ᒪᓕᒡᓗᒋᑦ.’

ᐊᑕᓃᑦ ᓯᕗᓪᓖᑦ 8:61

ᐃᓕᑦᓯ ᐃᓄᖁᑕᐅᔪᓯ ᑖᑦᓱᒧᖓ ᓱᓕᑦᓯᐊᕐᑐᒥᒃ ᐆᒻᒪᑎᑦᓯᒍᑦ ᑲᔪᓯᓂᖃᕆᑦᓯ ᐊᑕᓂᕐᒧᑦ ᒎᑎᑦᑎᓐᓄᑦ, ᓈᓚᒡᓗᒋᑦ ᐱᖁᔭᖏᑦ ᒪᓕᒃᑕᐅᖁᔭᖏᓪᓗ ᐊᑐᕐᓗᒋᑦ, ᓲᕐᓗ ᐅᓪᓗᒥ ᒪᓕᑦᓯᐊᕋᑦᓯᐅᒃ.”

ᐊᑕᓃᑦ ᓯᕗᓪᓖᑦ 9:4

ᓱᓕᑦᓯᐊᕐᓗᑎᑦ ᒪᓕᑦᓯᐊᕐᓗᑎᓪᓗ ᐅᕙᓐᓂᒃ ᐱᔨᑦᓯᕐᓂᐊᕈᕕᑦ ᐊᑖᑕᒃᑐᑦ ᑍᕕᑎᑐᑦ, ᐱᖁᔭᒃᑲᓗ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ ᐃᓕᖕᓄᑦ ᒪᓕᑦᓯᐊᕈᕕᒋᑦ,

ᐊᑕᓃᑦ ᐂᑉᐸᖏᑦ 12:3

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᕐᑕᐅᓚᐅᓐᖏᓚᑦ ᓱᓕ. ᐃᓄᐃᓪᓗ ᒪᓕᒃᑐ ᑕᒪᒃᑯᓂᖓ ᑐᓂᕐᕈᓯᕆᐊᕐᑐᖃᑦᑍᓐᓇᓚᐅᕐᐳᑦ ᐳᔫᕐᑎᑦᓯᔭᕐᑐᕐᐸᒡᓗᑎᒡᓗ.

ᐊᑕᓃᑦ ᐂᑉᐸᖏᑦ 12:4

ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ.

ᐊᑕᓃᑦ ᐂᑉᐸᖏᑦ 14:3

ᐊᑕᓂᐅᑉ ᓈᒻᒪᒋᔭᖓᓂᒃ ᐱᓂᐊᕐᓂᖃᓚᐅᕋᓗᐊᕐᐳᖅ ᓯᕗᓕᕕᓂᕐᒥᑐᑦ ᑍᕕᑎᑐᑦ ᑍᒤᓚᐅᓐᖏᓚᖅ. ᐊᑖᑕᒥᓕ ᔪᐊᓯᐅᑉ ᐱᐅᓯᕆᓚᐅᕐᑕᖏᓐᓂᒃ ᒪᓕᑐᐃᓐᓇᓚᐅᕆᕗᖅ.

ᐊᑕᓃᑦ ᐂᑉᐸᖏᑦ 14:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᐊᑕᓃᑦ ᐂᑉᐸᖏᑦ 15:4

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᑐᒃᓯᐊᕐᕕᖃᕐᓂᖓ ᑲᔪᓯᑐᐃᓐᓇᓚᐅᕐᐳᖅ ᑐᓂᕐᕈᓯᖃᑦᑕᕐᓂᖓᑦ ᒎᑎᓐᖑᐊᓄᑦ ᐴᔪᕐᑎᑦᓯᖃᑦᑕᕐᓂᖓᓪᓗ.

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᐊᑕᓃᑦ ᐂᑉᐸᖏᑦ 18:4

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᑯᕉᓂᑲ ᐂᑉᐸᖏᑦ 15:17

ᐱᓪᓚᕆᒋᔭᐅᔪᓪᓕ ᑐᒃᓯᐊᕐᕖᑦ ᐲᔭᕐᑕᐅᓚᐅᓐᖏᓚᑦ ᐃᓴᕆᐊᓕᒥ. ᑍᒤᒃᑲᓗᐊᕐᒪᑦ ᐂᓴ ᐆᒻᒪᑎᒥᒍᑦ ᓇᓛᒎᖏᓐᓇᓚᐅᕐᐳᖅ ᐃᓅᓯᓕᒫᒥᓂ.

ᐃᓐᖏᕈᑎᑦ 145:20

ᐊᑕᓂᐅᑉ ᓇᒡᓕᒋᔨᓕᒫᓂ ᓴᐳᑎᓯᒪᕔᑦ; ᐱᐅᖏᑦᑐᓕᒫᓪᓕ ᓄᖑᑎᓐᓂᐊᕐᐰᑦ.

ᐃᓐᖏᕈᑎᑦ 31:23

ᐊᑕᓂᖅ ᓇᒡᓕᒋᓯᐅᒃ ᐃᑦᔪᕐᓁᑦᑐᖁᑎᒋᖕᒪᓯ! ᐊᑕᓂᐅᑉ ᓴᐳᑎᓯᒪᕔᑦ ᓱᖁᓯᔪᐃᑦᑐᑦ, ᐱᐅᔪᕆᔪᕐᓕ ᓱᒋᐊᕐᐹ ᓱᒋᐊᕐᑕᐅᔭᕆᐊᖃᕐᓂᖓᓄᑦ.

ᒨᓯᓯ ᐱᖓᔪᖏᑦ 17:5

ᑕᒪᓐᓇ ᑍᒤᑉᐳᖅ ᐃᓴᕆᐊᓕᒥᐅᑦ ᐂᑦᑐᐃᖁᓪᓗᒋᑦ ᐊᑕᓂᕐᒧᑦ ᑕᒫᓂᑐᐃᓐᓇᖅ ᑐᓂᕐᕈᓯᕐᓂᕆᕙᓚᐅᕐᑕᒥᖕᓂᒃ, ᒫᓐᓇᓕ ᕾᑦᔪᑎᔭᕆᐊᖃᓕᕐᐰᑦ ᑐᓂᕐᕈᓯᕐᑎᑦᓯᔨᒧᑦ, ᐃᒫᒃ ᐊᑕᓂᕐᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᓂᒃ ᑐᓂᕐᕈᑎᖃᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 22:37

ᔩᓱᓯᐅᑉ ᑭᐅᕚ, “ᐊᑕᓂᖅ ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒪᑦᓯᓐᓄᓪᓗ ᑕᒤᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 10:13

ᐱᖁᔭᓕᒫᖏᓪᓗ ᓈᓚᒃᑕᒃᓴᕆᕙᓯ. ᐅᓪᓗᒥ ᑖᒃᑯᐊ ᑐᓂᕙᒃᑲ ᐱᕙᓪᓕᐅᑎᒃᓴᐅᖁᓪᓗᒋᑦ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 11:13

“ᑍᒤᒻᒪᑦ, ᐱᖁᔧᑦ ᐃᓕᑦᓯᓐᓄᑦ ᐅᓪᓗᒥ ᑐᓂᔭᒃᑲ ᓈᓚᒃᑕᒃᓴᕆᕙᓯ; ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐱᔨᑦᓯᕐᕕᒋᓗᒍᓗ ᐆᒻᒪᑎᖕᓄᑦ ᐊᑕᖏᕐᑐᒧᑦ ᑕᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 30:20

ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 6:5

ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᓴᒧᐃᓕ ᓯᕗᓪᓖᑦ 9:12

ᑭᐅᕚᑦ, “ᐄ, ᑕᑯᒋᑦ ᐊᒡᓛᑦ ᓯᕗᓂᑦᑎᐊᑦᓯᓐᓃᑉᐳᖅ, ᑐᐊᕕᕈᑦᓯᒃ ᐊᖑᔪᓐᓇᕐᐸᓯᒃ; ᐃᒡᓗᒐᓴᖕᓄᐊᓕᓵᕐᒪᑦ ᐅᓪᓗᒥ ᑎᑭᖅᑲᐅᖕᒪᑦ, ᐃᓄᐃᑦ ᑐᓂᕐᕈᓯᖅᑲᐅᖕᒪᑕ ᐱᓪᓚᕆᐅᓂᕐᐹᒥ ᑐᓂᕐᕈᓯᕐᕕᖕᒥ.