ᐊᑕᓃᑦ ᓯᕗᓪᓖᑦ 22:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᐊᑕᓃᑦ ᓯᕗᓪᓖᑦ 22:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:8

ᐊᖓᔪᖏᑕᓗ ᐊᐱᕆᕚᑦ, “ᐅᕙᑦᑎᓐᓄᑦ ᐊᖓᔪᖅᑳᓐᖑᓛᕐᑐᕆᕖᑦ? ᐊᐅᓚᑦᓯᓕᕐᓗᑎᓪᓗ ᐅᕙᑦᑎᓐᓂᒃ?” ᑕᕝᕙ ᐆᒥᒋᒋᐊᓪᓚᓕᕐᐹᑦ ᓯᓐᓇᒃᑐᕐᓂᖓᓄᑦ ᐅᖃᐅᓯᖏᓐᓄᓪᓗ.

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 19:14

ᑭᐅᕗᖅ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᕈᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ. ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᐊᑕᓃᑦ ᓯᕗᓪᓖᑦ 22:13

ᐅᖃᕆᐊᕐᑐᕐᑎ ᕾᖁᔨᔭᕐᑐᓚᐅᕐᑐᖅ ᒤᑬᐊᒥᒃ ᐅᖃᕐᐳᖅ ᑖᑦᓱᒧᖓ, “ᓈᓚᓕᕆᑦ, ᐅᖃᕐᑏᑦ ᐅᖃᐅᓯᖏᓐᓂᒃ ᐊᑕᐅᓯᕐᒥᒃ ᐃᓱᒪᖃᕐᒪᑕ ᐊᖓᔪᖅᑳᕐᔪᐊᕐᒥᒃ ᑲᔪᖏᕐᓮᓪᓗᑎᒃ; ᐊᑏ, ᐃᕝᕕᑦᑕᐅᖅ ᐅᖃᐅᓯᖃᖃᑕᐅᓕᕆᑦ ᑖᒃᑯᑎᑐᓇᖅ, ᑲᔪᖏᕐᓮᓗᑎᓪᓗ.”

ᐊᑕᓃᑦ ᓯᕗᓪᓖᑦ 22:18

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᒧᑦ ᐅᖃᕐᐳᖅ, “ᐅᖃᐅᑎᓚᐅᓐᖏᓚᒌᑦ ᐱᐅᔪᓂᒃ ᐅᖃᓚᐅᕐᓯᒪᖏᓐᓂᕋᕐᓗᒍ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ?”

ᐊᑕᓃᑦ ᓯᕗᓪᓖᑦ 22:27

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”

ᐊᑕᓃᑦ ᓯᕗᓪᓖᑦ 22:7

ᔨᕼᐆᓴᐸᑦᓕ ᐅᖃᕐᐳᖅ, “ᐅᖃᕐᑎᑕᖃᕆᐊᓪᓚᓐᖏᓛᖅ ᑕᒫᓂ ᐊᑕᓂᐅᑉ ᐅᖃᕐᑎᖓᓂᒃ, ᐊᐱᕆᔪᓐᓇᕐᑕᑦᑎᓐᓂᒃ?”

ᐊᑕᓃᑦ ᓯᕗᓪᓖᑦ 22:9

ᑕᕝᕙ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᕾᖁᔨᓕᕐᐳᖅ ᑲᒪᔨᒥᒃ ᐅᖃᐅᑎᓪᓗᒍᓗ, “ᑐᐊᕕᕐᓗᑎᑦ ᒤᑬᐊ ᐃᒻᓚᐅᑉ ᐃᕐᓂᖓ ᕾᖁᔭᐅᓚᐅᕐᓕ.”

ᐊᑕᓃᑦ ᐂᑉᐸᖏᑦ 9:22

ᔪᕌᒻᒥᐅᓪᓗ ᔨᕼᐆ ᑕᑯᓕᕋᒥᐅᒃ ᐊᐱᕆᕚ, “ᐅᓇᑕᕆᐊᕐᑐᖏᒃᑲᓗᐊᕐᐲᑦ?” ᔨᕼᐆᑉ ᑭᐅᕚ, “ᖃᓄᖅ ᐅᓇᑕᖏᓐᓂᖃᕈᓐᓇᕐᐹ ᐊᓯᓐᓂᐊᕐᓂᖅ ᐊᖓᒃᑰᓂᕐᓗ ᐊᓈᓇᕕᑦ ᔨᔨᐱᐊᓕᐅᑉ ᐃᓕᖅᑯᓯᕆᓚᐅᕐᑕᖓ ᐱᕙᓪᓕᐊᑐᐃᓐᓇᕐᑎᓪᓗᒍ.”

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐃᓐᖏᕈᑎᑦ 34:21

ᐱᐅᖏᑦᑑᑉ ᐱᐅᖏᑦᑐᓕᔪᖅ ᑐᖁᓐᓂᐊᕐᐹ; ᐱᓇᓱᐊᑦᓯᐊᕐᑑᑉ ᐊᑭᕋᕐᑐᕐᑎᖏᑦ ᑐᖁᑕᒃᓴᓐᖑᕐᑎᑕᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:12

ᒥᑕᐅᑎᒃᓴᕋᔪᒃᑐᑦ ᐃᓂᕐᑎᕐᑕᐅᔪᒪᕙᓐᖏᓚᑦ; ᓯᓚᑐᔪᒧᓪᓗ ᐂᔪᒪᓇᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:10

ᐊᖑᑏᑦ ᑐᖁᑦᓯᔪᒪᔪᑦ ᐆᒥᓱᒃᐳᑦ ᐸᓯᔭᒃᓴᐅᖏᑦᑐᓂᒃ, ᐊᔪᕐᑐᓕᔪᑦ ᐃᓱᐊᕐᑑᑉ ᐃᓅᓯᖓᓂᒃ ᐃᓱᓕᑎᑦᓯᔪᒪᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:8

ᒥᑕᐅᑎᒃᓴᕐᑎᒥᒃ ᐃᓂᕐᑎᕆᓂᐊᕐᓇᒃ, ᐆᒥᒋᔭᐅᓕᖁᓇᒃ, ᓯᓚᑐᔪᖅ ᐃᓂᕐᑎᕈᕕᐅᒃ ᑖᑦᓱᒪ ᓇᒡᓕᒋᓂᐊᕐᐹᑎᑦ.

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 36:23

ᔨᕼᐅᑍᓪᓗ ᐅᖃᓕᒫᕇᕐᐸᓪᓕᐊᔭᖏᑦ ᐊᖓᔪᖅᑳᕐᔪᐊᑉ ᓴᕕᖕᒧᑦ ᓇᑲᓪᓗᒋᑦ ᐃᑯᒪᒧᑦ ᐃᒋᑉᐸᓪᓕᐊᖕᒪᒋᑦ ᐅᖃᓕᒫᕇᕐᑎᓪᓗᒍ ᐃᑯᒪᒧᐊᕐᑍᓐᓇᕆᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᐂᒨᓯᐅᑉ ᐊᒡᓚᖏᑦ 5:10

“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᒤᑲᐅᑉ ᐊᒡᓚᖏᑦ 2:7

ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 10:22

ᐃᓄᓕᒫᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᓪᓗᖓ. ᐅᒃᐱᕐᓂᕐᒥᓂᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ, ᑖᓐᓇ ᐱᐅᓕᔭᐅᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 17:14

ᐅᖃᐅᓯᕐᑎᑦ ᑐᓴᕐᑕᐅᑎᓚᐅᕐᐸᒃᑲ ᑖᒃᑯᓄᖓ; ᓯᓚᕐᔪᐊᕐᒥᐅᓂᑦ ᐆᒥᒋᔭᐅᕗᑦ ᓯᓚᕐᔪᐊᕐᒥᐅᓂᑦ ᐱᒋᔭᐅᖏᓐᓇᒥᒃ, ᐅᕙᖓᑦᑕᐅᖅ ᓯᓚᕐᔪᐊᕐᒥᐅᑦ ᐱᒋᖏᒻᒪᖓ.

ᔪᐊᓇᓯᐅᑉ ᐊᒡᓚᖏᑦ 7:7

ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 4:16

ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?