ᐊᑕᓃᑦ ᓯᕗᓪᓖᑦ 22:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᐰᓕᒥᒃ ᐱᔨᑦᓯᓚᐅᕐᒪᑦ ᑐᒃᓯᐊᕐᕕᒋᓪᓗᒍᓗ, ᐊᑕᓂᕐᒥᒃ ᐃᓴᕆᐊᓕᒥᐅᑦ ᒎᑎᖓᓂᒃ ᓂᓐᖓᒃᓮᓚᐅᕐᐳᖅ, ᐊᑖᑕᖓᑕ ᐱᓂᐊᕐᓂᕆᓚᐅᕐᑕᓕᒫᖏᓐᓂᒃ ᒪᓕᒡᓗᓂ.

ᐊᑕᓃᑦ ᓯᕗᓪᓖᑦ 22:53 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᓯᕗᓪᓖᑦ 16:7

ᓱᓕ ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᑎᑭᑉᐳᑦ ᐅᖃᕐᑎᒥᒍᑦ ᔨᕼᐆᒃᑯᑦ ᕼᐊᓇᓁᐊᐅᑉ ᐃᕐᓂᖓᒍᑦ ᐹᓴᒧᑦ ᐃᒡᓗᒥᐅᖃᑎᖏᓐᓄᓪᓗ, ᐊᔪᕐᑐᓕᓂᖓ ᐱᓪᓗᒍ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖎᓚᐅᕐᒪᑦ ᐱᓂᐊᕐᓂᖏᑕ ᓴᖅᑭᑎᑕᖏᓐᓄᑦ, ᔨᕈᐳᐊᒻ ᐊᔪᕐᑐᓕᓂᕆᓚᐅᕐᑕᖓᑐᑦ ᐃᓚᖏᓐᓂᒡᓗ ᑐᖁᕅᓚᐅᕐᓂᖓᓄᑦ.

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 1:2

ᐊᕼᐊᔧᐊᓕ ᓴᒥᐊᕆᐊᒥ ᐊᓃᕋᔮᕐᕕᖕᒥᓂ ᖁᑦᓯᒃᑐᒥᑦ ᐃᔪᒃᑲᕐᓗᓂ ᐋᓐᓂᕐᐳᖅ, ᐋᓐᓂᕋᒥ ᓇᓪᓚᖓᓕᕐᐳᖅ ᐋᓐᓂᐊᓪᓗᓂ; ᐅᖃᕆᐊᕐᑐᕐᑎᑦᓯᔨᒥᓂᒃ ᑎᓕᓯᕗᖅ ᐅᖃᖁᓪᓗᒋᑦ ᐃᒫᒃ, “ᐃᑯᕋᓐᒧᐊᕐᓗᓯᒃ ᒎᑎᖓᑦ ᐱᐅᓪᓯᐹᐱ ᑐᑭᓯᓂᐊᕐᕕᒋᔭᕐᑐᒃᓯᐅᒃ, ᖃᐅᔨᕕᒋᓇᓱᐊᕐᓗᒍ ᐋᖅᑭᖕᓂᐊᕐᒪᖔᕐᒪ ᑕᒪᑐᒪᓐᖓᑦ ᐋᓐᓂᐊᓂᓐᓂᑦ.”

ᐊᑕᓃᑦ ᐂᑉᐸᖏᑦ 3:2

ᐊᑕᓂᐅᓪᓗ ᓵᖓᓂ ᐊᔪᕐᑐᓕᕗᖅ, ᑭᓯᐊᓂ ᐊᑖᑕᒋᓚᐅᕐᑕᖓᑕ ᐊᓈᓇᒋᓚᐅᕐᑕᖓᑕᓗ ᐊᔪᕐᑐᓕᑦᔪᑎᒋᓚᐅᕐᑕᖏᑎᑑᖏᑦᑐᖅ ᒎᑎᓐᖑᐊᓕᐊᕆᓯᒪᔪᖅ ᐰᓕ ᐃᒋᑕᐅᑎᓚᐅᕐᒪᒍ ᐊᑖᑕᒋᓚᐅᕐᑕᖓᑕ ᓴᓇᔭᐅᑎᑕᕕᓂᖓ.

ᐊᑕᓃᑦ ᐂᑉᐸᖏᑦ 8:18

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑕ ᐃᓕᖅᑯᓯᖏᓐᓂᒃ ᒪᓕᑐᐃᓐᓇᓚᐅᕐᐳᖅ ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᐱᐅᓯᕆᕙᓚᐅᕐᑕᖏᓐᓂᒃ, ᓄᓕᐊᓂᓚᐅᕐᒪ ᐂᕼᐊᐱᐅᑉ ᐸᓂᖓᓂᒃ. ᐱᓇᓱᐊᕐᓂᖃᕐᓗᓂᓗ ᐊᑕᓂᐅᑉ ᓵᖓᓂ ᓈᒻᒪᒋᓐᖏᑕᖏᓐᓂᒃ.

ᑯᕉᓂᑲ ᐂᑉᐸᖏᑦ 20:35

ᑕᒪᑐᒪ ᑭᖑᕐᖓᒍᑦ ᔨᕼᐆᓴᐸᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᑕᑉᐱᐅᑎᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᑦ ᐊᕼᐊᔧᐊᒧᑦ, ᑖᑦᓱᒧᖓ ᐱᐅᖏᑦᑐᓕᓚᐅᕐᑐᒧᑦ.

ᐃᓐᖏᕈᑎᑦ 106:29

ᑍᒤᓕᐅᕐᓂᕐᒥᖕᓄᑦ ᐊᑕᓂᖅ ᓂᓐᖓᒃᓴᓚᐅᕐᐹᑦ: ᐋᓐᓂᐊᓇᕐᑐᕐᔪᐊᓄᓪᓗ ᑲᑉᐱᐊᓇᕐᑐᓄᑦ ᑎᑭᑕᐅᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 65:3

ᓂᓐᖓᒃᓮᓂᕐᓂᒃ ᐅᖃᐅᓯᕾᓐᓇᕐᑐᓄᑦ ᐅᕙᓐᓄᑦ, ᑮᓇᓐᓄᑦ ᓂᓪᓕᐊᓪᓗᑎᒃ ᑍᒪᓐᖓᑦ, ᑐᖁᑦᓯᓪᓗᑎᒃ ᐆᒪᔪᓂᒃ ᑐᓂᕐᕈᓯᕐᐳᑦ ᐱᕈᕐᓯᕐᕕᖕᓂ, ᐳᔫᕐᑎᒐᕐᓂᒃ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᕐᐳᑦ ᖁᐊᕐᑎᑕᒐᕐᓂ ᐅᔭᕋᓕᐊᕆᓯᒪᔪᓂ;

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.