ᐊᑕᓃᑦ ᓯᕗᓪᓖᑦ 22:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᔨᕼᐆᓴᐸᑦᓗ ᐅᖃᕆᐊᓪᓚᒃᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, “ᐊᑕᓂᖅ ᖃᓄᖅ ᐅᖃᐅᓯᒃᓴᖃᕐᒪᖔᑦ ᖃᐅᔨᒋᐊᖅᑳᓚᐅᕐᓗᒃ.”

ᐊᑕᓃᑦ ᓯᕗᓪᓖᑦ 22:5 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:4

ᔨᕼᐆᓴᐸᑦᒧᓪᓗ ᐅᖃᕐᐳᖅ, “ᐅᓇᑕᕆᐊᖃᑎᒋᔪᓐᓇᕐᐱᖔ ᕌᒪᑦ-ᒋᓖᑦᒦᑦᑐᒨᑦ?” ᔨᕼᐆᓴᐸᑦᓗ ᑭᐅᕗᖅ ᐅᖃᕐᓗᓂ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, “ᐃᓕᒃᑐᑦ ᑍᒤᑉᐳᖓ, ᐃᓄᖁᑎᒃᑲ ᐃᓄᖁᑎᒋᕙᑎᑦ, ᕿᒻᒥᕐᔪᐊᖁᑎᒃᑲᓗ ᕿᒻᒥᕐᔪᐊᖁᑎᒋᕙᑎᑦ.”

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᐂᑉᐸᖏᑦ 1:3

ᐊᑕᓂᐅᓪᓕ ᐂᖏᓕᖓ ᐃᓔᑦᔭᒧᑦ ᐅᖃᕐᐳᖅ ᑎᔅᐰᑎᒥᐅᑕᕐᒧᑦ, “ᒪᑭᓪᓗᑎᑦ, ᓴᒥᐊᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᔭᖏᒃ ᐸᕐᕆᐊᕐᓗᒋᒃ ᐊᐱᕆᒃᑭᑦ, ‘ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕆᐊᕐᑐᕐᐱᓰᒃ?’

ᐊᑕᓃᑦ ᐂᑉᐸᖏᑦ 3:11

ᔨᕼᐅᓴᐸᑎᐅᑉ ᐊᐱᕆᓕᕐᐰᑦ, “ᐊᑕᓂᐅᑉ ᐅᖃᕐᑎᖓᓂᒃ ᑕᒪᓃᑦᑐᖃᓐᖏᓛᖅ, ᐊᑕᓂᖅ ᖃᐅᔨᒋᐊᕐᕕᒋᓂᐊᕋᑦᑎᒍ ᑖᓐᓇ ᐊᖅᑯᑎᒋᓗᒍ?” ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᓐᓂᒃ ᓂᓪᓕᕐᑐᖃᕐᐳᖅ, “ᐃᓔᓴ ᓴᕚᑎᐅᑉ ᐃᕐᓂᖓ ᑕᒫᓃᑦᑐᒐᓗᐊᖅ, ᐃᓔᑦᔭᐅᑉ ᐊᒡᒐᖏᓐᓄᑦ ᐃᒥᕐᒥᒃ ᑯᕕᓯᕙᓚᐅᕐᑐᖅ.”

ᑯᕉᓂᑲ ᓯᕗᓪᓖᑦ 10:13

ᑕᕝᕙ ᓴᐅᓕ ᑍᒫᑦ ᑐᖁᓚᐅᕐᐳᖅ ᒪᓕᒍᓐᓃᓚᐅᕐᓂᕐᒥᓄᑦ ᐊᑕᓂᕐᒥᒃ; ᐊᑕᓂᐅᑉ ᐱᖁᔭᖏᓐᓂᒃ ᓈᓚᓚᐅᖏᓐᓇᒥ, ᑐᖁᖓᔪᓄᓪᓗ ᖃᐅᔨᓇᓱᐊᕐᑎᒧᑦ ᖃᐅᔨᓇᓱᐊᓚᐅᕐᒪᑦ ᖃᓄᐃᓕᐅᕆᐊᖃᕐᒪᖔᕐᒥ,

ᔨᕆᒤᐊᐅᑉ ᐊᒡᓚᖏᑦ 21:2

“ᐊᑕᓂᖅ ᖃᐅᔨᓇᓱᐊᕐᕕᒋᓚᐅᕈᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓂᐱᑯᓁᓴᐅᑉ ᐅᓇᑕᕆᐊᕐᑐᕈᒪᖕᒪᑎᒍᑦ, ᐊᑕᓂᐅᑉ ᑲᒪᓇᕐᑐᑎᒍᑦ ᐱᐅᔪᓂᒃ ᐱᓇᓱᐊᕈᑎᔪᓐᓇᕐᒪᖔᑎᒍᑦ, ᐅᓇᑕᕆᐊᕋᓱᐊᕐᑑᒐᓗᐊᓄᑦ ᑲᒪᒋᔭᐅᓂᐊᖏᓐᓇᑦᑕ.”

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᔮᓱᐊᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:23

ᐃᓄᒋᐊᒃᑐᕐᔪᐊᓪᓗ ᐃᓴᕆᐊᓕᒥᐅᑦ ᐂᓚᐅᕐᐳᑦ ᐊᑕᓂᐅᑉ ᓵᖓᓄᑦ ᕿᐊᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ; ᐊᑕᓂᕐᒧᓪᓗ ᐊᐱᕆᓪᓗᑎᒃ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕐᓯᐅᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:29

ᑍᒤᒻᒪᑦ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᓂᒃ ᐃᔨᕐᓯᓚᐅᕐᐳᑦ ᒋᐱᐊᒥᐅᑦ ᐊᕙᑖᓄᑦ.

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”

ᓴᒧᐃᓕ ᓯᕗᓪᓖᑦ 23:4

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᒃᑲᓐᓂᕐᐹ. ᐊᑕᓂᐅᓪᓗ ᐅᖃᐅᑎᕙ, “ᒪᑭᓪᓗᑎᑦ ᑮᓚᒧᐊᓕᕆᑦ; ᐱᓕᔅᑍᓂᒥᐅᑦ ᐃᓕᖕᓄᑦ ᑐᓂᓂᐊᕐᐸᒃᑲ.”

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”