27 ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”
ᐊᖓᔪᖅᑳᕐᔪᐊᑉ ᔨᕈᐳᐊᒻ ᑕᒪᓐᓇ ᑐᓴᕋᒥᐅᒃ ᒎᑎᐅᑉ ᐃᓄᖁᑎᖓᓂᑦ, ᑐᓂᕐᕈᓯᕐᕕᖕᒥᒃ ᐱᑎᓕᒥᒃ ᐊᑭᕋᕐᑐᕐᑎᓪᓗᒍ, ᑎᒃᑯᐊᕐᓗᓂᐅᒃ ᐅᖃᕐᐳᖅ, “ᐊᖑᑦ ᑖᓐᓇ ᑎᒍᔭᐅᓕ.” ᑕᕝᕔᓐᓇᖅ ᔨᕈᐳᐊᒻ ᑕᓕᖓ ᑎᒃᑯᐊᕐᑐᕐᓗᓂ ᓱᓕ ᐊᔪᓕᕐᐳᖅ, ᐅᑎᕐᑎᑦᑐᓐᓁᓪᓕᓪᓗᓂᐅᒃ.
ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᐅᖃᕐᐳᖅ, “ᒤᑬᐊ ᑎᒍᔭᐅᓕ, ᐅᑎᕐᑎᑕᐅᓪᓗᓂᓗ ᐋᒪᓐᒧᑦ ᐃᒡᓗᒐᓴᖕᓂ ᐊᐅᓚᑦᓯᔨᐅᔪᒧᑦ ᔪᐊᓯᒧᑦ ᐊᖓᔪᖅᑳᕐᔪᐊᑉ ᐃᕐᓂᖓᓄᑦ;
ᐂᓴᓕ ᓂᓐᖓᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᑎᒍᕚᓗ ᐊᑦᓱᖏᐅᑎᒧᐊᕐᓗᒍ, ᑎᒍᔭᐅᓯᒪᕕᖕᒧᐊᕐᐹ, ᓂᓐᖓᐅᑎᒻᒪᕆᒃᐹ ᑕᒪᓐᓇ ᐱᓪᓗᒍ. ᐃᓚᖏᓪᓗ ᐃᓄᐃᑦ ᓂᑲᒋᓇᒋᑦ ᐅᖁᒤᒃᓴᕐᑎᓕᕐᐰᑦ ᑍᑦᓱᒪᓂᐅᑎᓪᓗᒍ.
ᐊᕐᔭᓕᓃᑦ ᓂᕆᕙᒃᑲ ᓂᐊᖂᔭᑎᑐᑦ, ᐃᒥᕐᓂᐊᕐᑕᕋᓗ ᖁᕝᕕᐅᕐᓂᓐᓂᒃ ᐅᐊᕈᓯᕐᓯᒪᓕᕐᐳᖅ.
ᐊᑑᑎᖃᓐᖏᓚᖅ ᐅᓪᓛᒻᒪᕆᒃᑯᑦ ᒪᑭᓪᓗᓯ, ᐅᓐᓄᐊᓘᓕᕐᑎᓪᓗᒍ ᓯᓂᒐᓱᐊᓕᕐᓗᓯ, ᓂᕆᓗᓯᓗ ᓂᕆᔭᒃᓴᑦᓯᓐᓂᒃ ᐃᓱᒪᔮᕐᓗᓯ; ᐊᑕᓂᐅᑉ ᓇᒡᓕᒋᔭᓂ ᑐᓂᓯᕙᖕᒪᒋᑦ ᓯᓂᒃᑎᓪᓗᒋᑦ ᓱᓕ.
ᓂᕆᑎᑉᐸᑎᑦ ᓂᐊᖂᔭᓂᒃ ᖁᕝᕕᐅᕐᓂᓕᖕᓂᒃ, ᖁᕝᕕᐅᕐᓂᖏᓐᓂᒡᓗ ᐃᒥᕐᑎᑉᐸᑎᑦ ᖃᓪᓗᑎᒧᑦ ᐊᖏᔪᒧᑦ.
ᐊᑕᓂᐅᑉ ᓂᐊᖂᔭᒥᒃ ᑐᓂᓯᕕᒋᖕᒪᓯ ᐊᑭᕋᕐᑐᕐᑕᐅᓂᕐᒥᒃ ᐃᓗᓕᓕᖕᒥᒃ ᐃᒥᖃᕐᑎᓪᓗᓯᓗ ᐅᖁᒤᒃᓴᕐᑎᑕᐅᓂᕐᒥᒃ, ᐃᓕᓮᔨᓯᓕ ᐃᔨᕐᓯᒪᓂᐊᕈᓐᓃᕐᐳᖅ, ᐃᔨᑦᓯᓐᓄᑦ ᓇᖕᒥᓂᖅ ᑕᑯᔪᒫᓕᕋᑦᓯᐅᒃ.
ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.
ᐊᑕᓂᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᑦ ᔨᕼᐅᐃᐊᑕᐅᑉ ᐃᓂᖓᓂ ᑲᒪᔨᒻᒪᕆᐅᓕᖁᓪᓗᑎᑦ ᑐᒃᓯᐊᕐᕕᒡᔪᐊᒥ, ᑍᒤᒻᒪᑦ ᐱᔭᒃᓴᖃᕐᐳᑎᑦ ᐃᓱᒪᖃᑦᓯᐊᖏᑦᑐᑦ ᐅᕝᕙᓘᓐᓃᑦ ᒎᑎᒧᑦ ᐅᖃᕐᑎᒋᔭᐅᓐᖑᐊᕐᑐᑦ ᐊᑦᑐᖏᐅᓯᕐᑕᐅᕙᖁᓪᓗᒋᑦ ᐊᕐᓵᕐᑑᔭᓄᑦ ᖁᖓᓯᕈᓯᕐᑕᐅᓯᒪᓗᑎᒃ ᓴᕕᕋᔭᖕᒥᒃ.
ᔨᕼᐅᑍᓪᓗ ᐅᖃᓕᒫᕇᕐᐸᓪᓕᐊᔭᖏᑦ ᐊᖓᔪᖅᑳᕐᔪᐊᑉ ᓴᕕᖕᒧᑦ ᓇᑲᓪᓗᒋᑦ ᐃᑯᒪᒧᑦ ᐃᒋᑉᐸᓪᓕᐊᖕᒪᒋᑦ ᐅᖃᓕᒫᕇᕐᑎᓪᓗᒍ ᐃᑯᒪᒧᐊᕐᑍᓐᓇᕆᓚᐅᕐᐰᑦ.
ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.
ᑕᕝᕙ ᔨᕆᒤᐊ ᑎᒍᕚᑦ, ᒪᓪᑬᔭᐅᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᑕ ᐃᒥᕐᑕᕐᕕᒃᓴᖁᑎᖓᓄᑦ ᐴᕆᐊᕐᑐᕐᓗᒍ, ᐊᒃᓗᓈᓄᓪᓗ ᓂᖏᑦᑎᑦᔪᑎᖃᕐᓗᑎᒃ ᔨᕆᒤᐊ ᓂᖏᑎᑉᐹᑦ ᐃᒥᕐᑕᕐᕕᒃᓴᒧᑦ ᐃᒪᖃᖏᑦᑐᒧᑦ ᒪᕐᕅᓐᓇᕐᒧᑦ ᑭᕕᓕᕐᓗᓂᓗ.
ᐃᕉᑕᓯ ᐱᐅᖏᑐᓕᓂᕆᔭᒥ ᐱᐅᖏᖅᑭᔭᖏᓐᓂᒃ ᐱᐅᖏᑦᑐᓕᓚᐅᕐᐳᖅ ᔪᐊᓇᓯᒥᒃ ᑎᒍᔭᐅᑎᑦᓯᓚᐅᕐᒪᑦ.
ᑍᒫᒡᓗ ᐱᓇᓱᐊᓚᐅᕐᐳᖓ ᔨᕉᓴᓕᒻᒥ; ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ ᐱᔪᓐᓇᕐᓂᖃᕐᑎᑕᐅᓪᓗᖓ ᐊᒥᓱᑦ ᐅᒃᐱᕐᑐᑦ ᑎᒍᔭᐅᓯᒪᕕᖕᒨᕐᑎᓚᐅᕐᐸᒃᑲ, ᑐᖁᑕᒃᓴᕈᕐᑎᑕᐅᔭᕌᖓᑕ ᓈᒻᒪᒃᓴᖃᑦᑕᓚᐅᕐᐳᖓ.
ᐋᐴᓯᑕᓕᖕᓂᒃ ᑎᒍᔭᐅᑎᑦᓯᕗᑦ ᑎᒍᔭᐅᓯᒪᕕᖕᒧᐊᕐᐰᑦ.
ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,
ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.
ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.
ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.