ᐊᑕᓃᑦ ᓯᕗᓪᓖᑦ 21:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᐊᑕᓃᑦ ᓯᕗᓪᓖᑦ 21:20 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 11:27

ᕿᒃᓵᖕᓂᖓᓕ ᐊᓂᒍᕐᒪᑦ, ᑍᕕᑎ ᑎᓕᓯᕗᖅ ᐊᖓᔪᖅᑳᕐᔪᐊᖃᕐᕕᖕᒧᐊᖁᓪᓗᒍ; ᓄᓕᐊᕐᑖᕆᓪᓗᓂᐅᒡᓗ ᐃᕐᓂᕐᑖᓚᐅᕐᐴᒃ. ᐊᑕᓂᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ ᑍᕕᑎᐅᑉ ᐱᓂᐊᕐᓂᖓ.

ᐊᑕᓃᑦ ᓯᕗᓪᓖᑦ 16:30

ᐂᕼᐊᑉ ᐅᒻᕆᐅᑉ ᐃᕐᓂᖓ ᐊᔪᕐᑐᓕᕗᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐊᔪᕐᑐᓕᓂᕐᓴᐅᕗᕐᓗ ᓯᕗᓕᕐᒥᓂᑦ ᑕᒤᓐᓂᑦ.

ᐊᑕᓃᑦ ᓯᕗᓪᓖᑦ 18:17

ᐂᕼᐊᐱᐅᑉ ᐃᓔᑦᔭ ᑕᑯᒐᒥᐅᒃ, ᐅᖃᐅᑎᕚ, “ᑖᓐᓇᐅᕖᑦ ᐃᓴᕆᐊᓕᒥᐅᓂᒃ ᓈᒻᒪᖏᓕᐅᕐᑎᑦᓯᔨ?”

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᓯᕗᓪᓖᑦ 22:8

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᑯᕉᓂᑲ ᐂᑉᐸᖏᑦ 18:17

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᒧᑦ ᐅᖃᕐᐳᖅ, “ᐅᖃᐅᑎᓚᐅᓐᖏᓚᒌᑦ? ᐱᐅᔪᓂᒃ ᐅᖃᓪᓚᓚᐅᕐᓯᒪᖏᓐᓂᖓᓂᒃ ᐅᕙᓐᓅᑦ, ᐱᐅᖏᑦᑐᓂᒃ ᑭᓯᐊᓂ.”

ᑯᕉᓂᑲ ᐂᑉᐸᖏᑦ 18:7

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᑭᐅᕗᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᐊᐱᕆᔪᓐᓇᕐᑕᑦᑎᓐᓂᒃ ᐊᑕᓂᐅᑉ ᐅᖃᐅᓯᖓᓂᒃ, ᒤᑬᐊ ᐃᒻᓚᐅᑉ ᐃᕐᓂᖓ; ᑭᓯᐊᓂᓕ ᐆᒥᒋᕙᕋ, ᐱᐅᔪᓂᒃ ᐅᖃᕈᓐᓇᖏᒻᒪᑦ ᐅᕙᓐᓄᑦ, ᐱᐅᖏᑦᑐᒥᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 52:3

ᐃᒫᒃ ᐊᑕᓂᖅ ᐅᖃᕐᐳᖅ: “ᓂᐅᕐᕈᑕᐅᓚᐅᕋᑦᓯ ᐊᑭᖃᕋᓯ, ᓂᐅᕕᐊᖑᓗᓯ ᐅᑎᕐᑎᑕᐅᔪᒫᕆᕗᓯ ᑮᓇᐅᔭᒨᖏᑦᑐᖅ.”

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᐃᓯᑭᐊᓕᐅᑉ ᐊᒡᓚᖏᑦ 14:4

“ᑍᒤᒻᒪᑦ ᐅᖃᐅᑎᒃᑭᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᓐᓂ ᒎᑎᓐᖑᐊᖃᕐᓂᕐᒧᑦ ᐅᒃᐱᕆᔭᖃᓪᓚᕆᓕᕐᑐᖃᕐᐸᑦ ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᓂ, ᐱᔪᖃᓛᕐᑐᒥᒡᓗ ᐅᖃᕐᑎᓐᓄᑦ ᐅᐸᒍᑎᒃᐸᑦ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᕋ ᒎᑎᓐᖑᐊᖃᕐᓂᖓᓄᑦ ᐅᓄᓗᐊᕐᑐᓂᒃ.

ᐂᒨᓯᐅᑉ ᐊᒡᓚᖏᑦ 5:10

“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.

ᒫᑯᓯᐅᑉ ᐊᒡᓚᖏᑦ 12:12

ᑖᒃᑯᐊ ᔩᓱᓯ ᑎᒍᔪᒪᒐᓗᐊᕐᐹᑦ, ᐃᓄᒐᓴᒡᔪᐊᓂᒡᓕ ᑲᑉᐱᐊᓱᒃᐳᑦ, ᒪᓗᒍᓱᓕᕋᒥᒃ ᑕᒪᑐᒧᖓ ᐊᑦᔨᐅᔪᒧᑦ ᐅᖃᐅᓯᐅᓂᕐᒥᖕᓂᒃ; ᑍᒤᒻᒪᑦ ᕿᒪᒃᐰᑦ ᐊᓯᐊᓄᐊᓕᕐᓗᑎᒃ.

ᕉᒪᒥᐅᓄᑦ 7:14

ᖃᐅᔨᒪᒐᑦᑕ ᐱᖁᔭᑦ ᒎᑎᒥᑦ ᐱᓯᒪᖕᒪᑕ; ᐅᕙᖓᓕ ᑎᒥᓐᓄᑦ ᐊᐅᓚᑕᐅᕗᖓ, ᐊᔪᕐᓂᕐᒧᑦ ᓂᐅᕐᕈᑕᐅᓯᒪᓪᓗᖓ.

ᒐᓔᑎᐊᒥᐅᓄᑦ 4:16

ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?

ᐃᐱᓯᒥᐅᓄᑦ 4:19

ᑲᓐᖑᓱᖕᓂᕐᒥᒃ ᐃᒃᐱᒋᔭᖃᕈᓐᓃᕐᐳᑦ; ᐃᒻᒥᖕᓂᒡᓗ ᑐᓂᕗᑦ ᐊᔪᕐᑐᓕᓂᕐᒧᑦ, ᓇᕐᕈᓇᕐᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᐱᓇᓱᐊᕐᐳᑦ ᐱᒃᑲᓐᓂᕈᒪᕙᓪᓕᐊᑐᐃᓐᓇᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.