ᐊᑕᓃᑦ ᓯᕗᓪᓖᑦ 21:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᖑᑏᒡᓗ ᒪᕐᕉᒃ, ᓴᒡᓗᔪᒃᓵᒃ, ᐃᑎᕋᒥᒃ ᐃᒃᓯᕚᕐᕕᖓᑕ ᐊᑭᐊᓄᑦ ᐃᖏᑉᐴᒃ, ᐅᖃᕐᓂᕐᓘᑎᖃᕐᐳᒡᓗ ᓁᐹᑦᒥᒃ ᐃᓄᐃ ᓵᖓᓂ, ᐅᖃᕐᓗᑎᒃ, “ᓁᐹᑦ ᐅᖃᕐᓂᕐᓘᑎᖃᓚᐅᕐᐳᖅ ᒎᑎᒥᒃ ᐊᖓᔪᖅᑳᕐᔪᐊᕐᒥᒡᓗ.” ᑕᕝᕙ ᐊᓐᓂᓯᕚᑦ ᐃᒡᓗᒐᓮᑦ ᓯᓚᑖᓄᑦ ᒥᓪᓗᕐᐹᓪᓗ ᐅᔭᖅᑲᓄᑦ ᑐᖁᓪᓗᒍ.

ᐊᑕᓃᑦ ᓯᕗᓪᓖᑦ 21:13 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:14

ᑭᖑᓂᖓᒍᑦ ᐅᖃᕆᐊᕐᑐᕐᑎᑦᓯᕗᑦ ᔨᔨᐱᐊᓕᒧᑦ ᐅᖃᕐᓗᑎᒃ, “ᓁᐹᑦ ᐅᔭᖅᑲᓄᑦ ᒥᓪᓗᕐᑕᐅᓪᓗᓂ; ᑐᖁᕗᖅ.”

ᐊᑕᓃᑦ ᐂᑉᐸᖏᑦ 6:32

ᐃᓔᓴᓕ ᐊᖏᕐᕋᕐᓯᒪᕗᖅ ᐃᒡᓗᒥᓂ, ᐃᓄᐃᑦ ᐊᖓᔪᖅᑳᖏᓐᓂᒃ ᐃᓚᖃᕐᓗᓂ, ᐊᖓᔪᖅᑳᕐᔪᐊᖅ ᐃᒡᓗᖓᓄᑦ ᑎᑭᖏᓐᓂᕐᒥᓂ ᑎᓕᓯᕗᖅ ᐅᖃᐅᑦᔨᔭᕐᑐᕐᑐᒥᒃ ᐃᓔᓴᒥᒃ, ᓱᓕ ᑎᑭᓚᐅᕐᑎᓐᓇᒋᑦ ᐃᓔᓴᐅᑉ ᐊᖓᔪᖅᑳᑦ ᐃᒃᓯᕙᖃᑎᓂ ᐅᖃᕐᕕᒋᕔᑦ, “ᑕᑯᓐᖏᓚᓰ ᑍᓐᓇ ᐃᓄᐊᕐᑎ ᑎᓕᓯᒻᒪᕆᓕᕐᒥᔪᖅ ᓂᐊᖁᐃᕐᑕᐅᖁᓪᓗᓂᖓ? ᑍᒃᑯᐊ ᑎᓕᔭᖏᑦ ᑎᑭᐅᑎᒃᐸᑕ ᐅᒃᑯᐊᖅ ᐅᒃᑯᐊᕐᓗᒍ ᓇᔪᒻᒥᓂᐊᕐᐸᓯ ᐅᒃᑯᐃᕐᑕᐅᑦᑍᓕᑎᓪᓗᒍ, ᐊᖓᔪᖅᑳᖓᑦ ᑭᖑᓂᖓᓐᓂ ᒪᓕᒡᕙᓗᖓ ᑐᓴᕐᓴᐅᖕᒪᑦ.”

ᐊᑕᓃᑦ ᐂᑉᐸᖏᑦ 9:26

ᐅᖃᕐᓗᓂ, ‘ᐃᑉᐸᒃᓴᖅ ᑕᑯᓚᐅᕐᐳᖓ ᓁᐹᑎᐅᑉ ᐊᐅᖓᓂᒃ ᐃᕐᓂᖏᑕᓗ ᐊᐅᖏᓐᓂᒃ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᒥ ᐊᑭᓖᑎᑦᓱᒫᕐᐸᒋᑦ.’ ᐊᑏ ᑎᒍᓗᒍ ᑎᒥᖓ ᑕᒪᐅᖓ ᐃᒋᓚᐅᕐᓕ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᑦ ᒪᓕᒡᓗᒋᑦ.”

ᑯᕉᓂᑲ ᐂᑉᐸᖏᑦ 24:21

ᑖᑦᓱᒥᖓᓕ ᐊᑭᕋᕐᑐᓕᕐᐳᑦ, ᐊᖓᔪᖅᑲᕐᔪᐊᓪᓗ ᑎᓕᓯᓂᖓ ᒪᓕᒡᓗᒍ ᒥᓪᓗᕐᐹᑦ ᐊᑕᓂᐅᑉ ᐃᒡᓗᖓᑕ ᓯᓚᓪᓕᐅᔭᖓᓂᑦ.

ᔫᐱᐅᑉ ᐊᒡᓚᖏᑦ 1:11

ᒫᓐᓇᓕ ᐱᖁᑎᓕᒫᖏᓐᓂᒃ ᓄᖑᕈᑎᒐᔭᕈᕕᐅᒃ ᐃᓕᖕᓄᑦ ᑐᖅᑲᓪᓚᕆᒡᓗᓂ ᓇᕐᕈᓕᕋᔭᕐᐳᖅ!”

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᔫᐱᐅᑉ ᐊᒡᓚᖏᑦ 2:9

ᑕᕝᕙ ᓄᓕᐊᖓᑕ ᐅᖃᐅᑎᕚ, “ᓱᓕ ᐅᒃᐱᕐᓂᕐᓂᒃ ᓱᕐᕋᒐᓱᐊᓐᖏᓚᑏᑦ? ᒎᑎ ᐅᖃᕐᓂᕐᓘᑎᒋᓗᒍ ᑐᖁᔪᒪᓚᐅᕆᑦ.”

ᔫᐱᐅᑉ ᐊᒡᓚᖏᑦ 31:39

ᑕᕝᕙᓂᓗ ᐱᕈᕐᑐᕕᓃᑦ ᓂᕆᓯᒪᒍᒃᑭᑦ ᐊᑭᓕᕐᓇᒋᑦ, ᐱᖁᑎᓖᓪᓗ ᐱᕈᕐᓰᕕᖕᒥᒃ ᑳᒃᑎᓪᓗᒋᑦ;

ᐃᓐᖏᕈᑎᑦ 27:12

ᐊᑭᕋᕐᑐᕐᑎᒪ ᐱᔪᒪᔭᖏᓐᓄᑦ ᑐᓂᓂᐊᕐᓇᖓ; ᓴᒡᓗᓪᓗᑎᒃ ᐸᓯᒃᓯᓇᓱᒃᑐᑦ ᐊᑭᕋᕐᑐᕐᒪᖓ, ᐊᓂᕐᓵᕐᑐᕐᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ.

ᐃᓐᖏᕈᑎᑦ 35:11

ᓂᑲᒍᓱᖏᑦᑐᑦ ᐅᖃᕆᐊᕐᑐᕐᐳᑦ ᖃᐅᔨᓚᐅᕐᓂᕋᕐᓗᑎᒃ; ᐊᐱᖅᑯᑎᖃᕐᓗᑎᒡᓗ ᐅᕙᓐᓄᑦ ᑲᐅᔨᓚᐅᓐᖏᑕᓐᓂᒃ.

ᒨᓯᓯ ᐂᑉᐸᖏᑦ 20:16

“ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:28

ᓱᓕᓇᓂ ᖃᐅᔨᒪᓂᕋᕐᑐᖅ ᒥᑕᐅᑎᖃᕐᐳᖅ ᐃᖅᑲᕐᑐᐃᕕᖕᒥᒃ, ᐱᐅᖏᑦᑐᓕᔪᑦ ᖃᓂᖏᑦ ᓂᕆᕗᑦ ᐊᔪᕐᑐᓕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:5

ᐃᖅᑲᕐᑐᐃᕕᖕᒥ ᓱᓕᖏᑦᑐᓂᒃ ᐅᖃᐅᓯᖃᕈᕕᑦ ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᓴᒡᓗᔪᕐᓗ ᕿᒫᕕᒃᓴᖃᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:9

ᐃᖅᑲᕐᑐᐃᕕᖕᒥ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ, ᓴᒡᓗᔪᕐᓗ ᐊᓯᕈᕐᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:18

ᐊᖑᑦ ᓴᒡᓗᑎᖃᕐᑐᖅ ᐃᓅᖃᑎᒥᓂᖅ, ᐊᑦᔨᖃᕐᐳᖅ ᐊᓇᐅᑕᕐᒥᒃ, ᓴᕕᒡᔪᐊᒥᒡᓘᓐᓃᑦ, ᖃᕐᔪᒥᒡᓘᓐᓃᑦ ᐃᐱᒃᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:19

ᖃᐅᔨᓯᒪᓐᖑᐊᕐᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ, ᐃᓅᖃᑎᒥᓂᒃ ᐃᓅᖃᑎᒌᑦᓯᐊᕈᓐᓃᕐᓇᕐᑐᓂᒃ ᐱᒋᐊᕐᑎᑦᓯᖃᑦᑕᕐᑐᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:20

ᐊᖓᔪᖅᑳᕐᔪᐊᖅ ᓇᕐᕈᓇᕐᑎᑦᑍᓕᒍᑦ, ᐃᓱᒪᑐᐃᓐᓇᑯᓪᓘᓐᓃᑦ; ᐊᔪᕐᓴᖏᑦᑐᕐᓗ ᓇᕈᓇᕐᑎᑦᑍᓕᒍᒃ, ᐃᒡᓗᕈᓯᕐᓂᓘᓐᓃᑦ ᓯᓂᒡᕕᖕᓂ; ᑎᖕᒥᐊᑦ ᖃᖓᑕᔪᑦ ᐅᖃᐅᓯᕐᑎᑦ ᑐᓴᕐᑕᐅᑎᑦᓱᓐᓇᕐᒪᒋᑦ, ᑎᖕᒥᐊᓪᓗ ᖃᖓᑕᔪᑦ ᐅᖃᐅᓯᕐᑎᑦ ᐅᖃᐅᓯᕆᔪᓐᓇᕐᒪᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 8:21

ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 9:3

ᑕᑯᒋᑦ, ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᐅᓇ ᒎᑎᒥᒃ ᐅᖃᕐᓂᕐᓘᑎᖃᕐᑐᖅ!”

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᔪᐊᓇᓯᐅᑉ ᐊᒡᓚᖏᑦ 19:12

ᐰᓛᑑᓯᓕ ᕿᓂᕋᓱᐊᕋᓗᐊᕐᐳᖅ ᔩᓱᓯᐅᑉ ᐊᓂᑎᑕᐅᑦᔪᑎᒃᓴᖓᓂᒃ, ᔫᑎᓪᓕ ᕾᒐᓛᓕᕐᐳᑦ, “ᐅᓇ ᐊᓂᑎᓐᓂᐊᕈᕕᐅᒃ, ᐊᖓᔪᖅᑳᕐᔪᐊᑉ ᓰᓴᕆᐅᑉ ᐃᓚᓐᓈᕆᓂᐊᓐᖏᓛᑎᑦ; ᐃᒻᒥᓂᒃ ᐊᖓᔪᖅᑳᕐᔪᐊᖑᓂᕋᕐᑐᖅ ᐊᑭᕋᕐᑐᕐᒪᑦ ᐊᖓᔪᖅᑳᔪᐊᕐᒥᒃ ᓰᓴᕆᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:11

ᐊᖑᑎᑦ ᖃᐅᔨᔭᐅᑦᑍᓕᓪᓗᑎᒃ, ᐊᑭᓖᕗᑦ ᐊᖑᑎᓂᒃ ᓴᒡᓗᖁᔨᓪᓗᑎᒃ ᐃᒫᒃ ᐅᖃᖁᓪᓗᒋᑦ, “ᐅᓇ ᑐᓴᓚᐅᕐᑕᕗᑦ ᐅᖃᕐᓂᕐᓘᑎᖃᕐᑎᓪᓗᒍ ᒨᓯᓯᒥᒃ ᒎᑎᒥᒡᓗ.”

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:24

ᑕᕝᕙ ᑖᒃᑯᐊᒃ ᓄᓇᓖᑦ ᓯᓚᑖᓄᐊᕈᑎᓗᒋᒃ ᒥᓪᓗᕐᑕᐅᓗᑎᒃ ᑐᖁᑕᐅᔪᒃᓴᐅᕘᒃ. ᐊᕐᓇᖅ ᑐᖁᑕᐅᔭᕆᐊᖃᕐᐳᖅ ᐃᑲᔪᕐᑕᐅᔪᒪᓗᓂ ᓂᓪᓕᐊᓚᐅᖏᓐᓂᖓ ᐱᓪᓗᒍ, ᑕᕝᕙᓂ ᓄᓇᓕᖕᓃᒃᑲᓗᐊᕐᓗᓂ, ᓂᓪᓕᑐᐊᕐᐸᑦ ᑐᓴᕐᑕᐅᔪᓐᓇᕋᔭᓚᐅᕋᓗᐊᕐᒪᑦ. ᐊᖑᑦᑕᐅᖅ ᑐᖁᑕᐅᔭᕆᐊᖃᕆᕗᖅ ᐊᕐᓇᒥᒃ ᐃᓐᓇᖓᖃᑎᖃᕐᒪᑦ ᐊᓯᐊᓄᑦ ᓄᓕᐊᒃᓴᕆᔭᐅᔪᒥᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 5:20

“‘ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.

ᐄᑉᕈᐃᓄᑦ 11:37

ᐅᔭᖅᑲᓄᑦ ᒥᓪᓗᕐᑕᐅᓚᐅᕐᐳᑦ, ᑭᓪᓘᑎᓄᓪᓗ ᑭᓪᓗᕐᑕᐅᓚᐅᕐᐳᑦ ᒪᕐᕉᓕᔭᐅᓪᓗᑎᒃ, ᓴᕕᒡᔪᐊᒧᓪᓗ ᑐᖁᑕᐅᓚᐅᕐᐳᑦ; ᓇᒧᑐᐃᓐᓈᕐᑎᑕᐅᓚᐅᕐᐳᑦ ᓰᐲᑦ ᒎᑦᓰᓪᓗ ᐊᒥᖏᓐᓂᒃ ᐊᓐᓄᕌᕐᑎᑕᐅᓪᓗᑎᒃ, ᐊᔪᕐᓴᕐᓗᑎᒃ ᐊᑭᕋᕐᑐᕐᑕᐅᓪᓗᑎᒃ, ᐱᑦᓯᐊᕐᑕᐅᓇᑎᒡᓗ;