ᐊᑕᓃᑦ ᓯᕗᓪᓖᑦ 21:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 21:10 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᐊᑕᓃᑦ ᓯᕗᓪᓖᑦ 21:11

ᑍᒤᒻᒪᑦ ᐊᖑᑏᑦ ᐃᒡᓗᒐᓴᖕᒥᐅᑍᑦ, ᐊᖓᔪᖅᑳᑦ ᐱᒻᒪᕆᐅᔪᓪᓗ ᐃᒡᓗᒐᓴᖕᓂ ᓄᓇᓖᑦ, ᐱᓇᓱᐊᕐᐳᑦ ᔨᔨᐱᐊᓕᐅᑉ ᑐᓂᓚᐅᕐᑕᖏᓐᓂᒃ, ᑎᑎᕋᖏᓐᓂᒃ ᒪᓕᒡᓗᑎᒃ.

ᐊᑕᓃᑦ ᓯᕗᓪᓖᑦ 21:9

ᐃᒫᒃ ᑎᑎᕋᕐᐳᖅ, ᐅᖃᕐᓗᓂ, “ᓂᕆᑦᑍᓕᖁᔨᒋᑦᓯ, ᓁᐹᑦᓗ ᐃᖏᑎᓪᓗᒍ ᐅᐱᒋᔭᐅᓇᕐᓂᕐᐹᒥ ᐃᓄᐃᑦ ᓵᖓᓂ;

ᐊᑕᓃᑦ ᐂᑉᐸᖏᑦ 6:32

ᐃᓔᓴᓕ ᐊᖏᕐᕋᕐᓯᒪᕗᖅ ᐃᒡᓗᒥᓂ, ᐃᓄᐃᑦ ᐊᖓᔪᖅᑳᖏᓐᓂᒃ ᐃᓚᖃᕐᓗᓂ, ᐊᖓᔪᖅᑳᕐᔪᐊᖅ ᐃᒡᓗᖓᓄᑦ ᑎᑭᖏᓐᓂᕐᒥᓂ ᑎᓕᓯᕗᖅ ᐅᖃᐅᑦᔨᔭᕐᑐᕐᑐᒥᒃ ᐃᓔᓴᒥᒃ, ᓱᓕ ᑎᑭᓚᐅᕐᑎᓐᓇᒋᑦ ᐃᓔᓴᐅᑉ ᐊᖓᔪᖅᑳᑦ ᐃᒃᓯᕙᖃᑎᓂ ᐅᖃᕐᕕᒋᕔᑦ, “ᑕᑯᓐᖏᓚᓰ ᑍᓐᓇ ᐃᓄᐊᕐᑎ ᑎᓕᓯᒻᒪᕆᓕᕐᒥᔪᖅ ᓂᐊᖁᐃᕐᑕᐅᖁᓪᓗᓂᖓ? ᑍᒃᑯᐊ ᑎᓕᔭᖏᑦ ᑎᑭᐅᑎᒃᐸᑕ ᐅᒃᑯᐊᖅ ᐅᒃᑯᐊᕐᓗᒍ ᓇᔪᒻᒥᓂᐊᕐᐸᓯ ᐅᒃᑯᐃᕐᑕᐅᑦᑍᓕᑎᓪᓗᒍ, ᐊᖓᔪᖅᑳᖓᑦ ᑭᖑᓂᖓᓐᓂ ᒪᓕᒡᕙᓗᖓ ᑐᓴᕐᓴᐅᖕᒪᑦ.”

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 22:28

“ᒎᑎᒥᒃ ᐅᖃᕐᓂᕐᓘᑎᖃᕐᑐᒃᓴᐅᓐᖏᓚᓯ, ᐃᓅᖃᑎᑦᓯᓐᓄᓪᓗ ᐊᖓᔪᖅᑳᖑᔪᒥᒃ ᓯᕗᓂᕐᓗᖁᔨᔪᒃᓴᐅᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:19

ᖃᐅᔨᓯᒪᓐᖑᐊᕐᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ, ᐃᓅᖃᑎᒥᓂᒃ ᐃᓅᖃᑎᒌᑦᓯᐊᕈᓐᓃᕐᓇᕐᑐᓂᒃ ᐱᒋᐊᕐᑎᑦᓯᖃᑦᑕᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 59:14

ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.

ᒨᓯᓯ ᐱᖓᔪᖏᑦ 24:14

“ᐅᖃᕐᓂᕐᓗᒃᓯᒪᔪᖅ ᓄᓇᓖᑦ ᓯᓚᑖᓄᐊᓯᐅᒃ. ᑐᓵᓚᐅᕐᑐᓕᒫᑦ ᓱᐊᒃᑎᓪᓗᒍ ᐅᖃᕐᓂᕐᓗᒃᑎᓪᓗᒍᓗ ᒎᑎᒥᒃ, ᓂᐊᖁᐊᒍᑦ ᐸᑎᒻᒥᔭᒃᓴᕆᕙᑦ ᐸᓯᔭᒃᓴᐅᓂᖓ ᓇᓗᓁᕐᓗᒍ, ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.”

ᔪᐊᓇᓯᐅᑉ ᐊᒡᓚᖏᑦ 10:33

ᔫᑎᑦ ᑭᐅᕚᑦ, “ᐱᓂᐊᑦᓯᐊᕐᓂᕆᓚᐅᕐᑕᑎᑦ ᐱᓪᓗᒋᑦ ᒥᓪᓗᕈᒪᓐᖏᓚᑦᑎᒋᑦ ᒎᑎᒥᒡᓕ ᐅᖃᕐᓂᕐᓘᑎᖃᕐᓃᑦ ᐱᓪᓗᒍ; ᐃᓄᑐᐃᓐᓇᐅᓪᓗᑎᑦ, ᐃᓕᖕᓂᒃ ᒎᑎᓐᖑᕐᑎᓐᓇᕕᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:11

ᐊᖑᑎᑦ ᖃᐅᔨᔭᐅᑦᑍᓕᓪᓗᑎᒃ, ᐊᑭᓖᕗᑦ ᐊᖑᑎᓂᒃ ᓴᒡᓗᖁᔨᓪᓗᑎᒃ ᐃᒫᒃ ᐅᖃᖁᓪᓗᒋᑦ, “ᐅᓇ ᑐᓴᓚᐅᕐᑕᕗᑦ ᐅᖃᕐᓂᕐᓘᑎᖃᕐᑎᓪᓗᒍ ᒨᓯᓯᒥᒃ ᒎᑎᒥᒡᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;

ᒨᓯᓯ ᑕᓪᓕᒪᖏᑦ 13:13

ᐃᓄᐃᑦ ᐃᓚᖏᓐᓂᒃ ᓲᖑᓵᕐᑎᓂᒃ ᐃᓕᑦᓯᓐᓄᐊᕐᓯᒪᔪᓂᒃ ᐃᒡᓗᒐᓴᒡᔪᐊᕐᒥᐅᓂᒡᓗ ᓴᖑᑎᑦᓯᓯᒪᒃᐸᑕ, ᐅᖃᕐᓗᑎᒃ, ‘ᐂᓚᐅᕐᑕ ᒎᑎᓂᒃ ᐊᓯᖏᓐᓂᒃ ᐱᔨᑦᓯᕆᐊᕐᑐᕐᓗᑕ,’ ᖃᐅᔨᒪᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 19:15

“ᐃᓄᖕᒥᒃ ᐊᑕᐅᓯᑐᐃᓐᓇᕐᒥᒃ ᖃᐅᔨᓯᒪᔪᖃᕐᑎᓪᓗᒍ ᓈᒻᒪᓐᖏᓚᖅ ᐊᖑᒻᒥᒃ ᐱᕋᔭᒃᓯᒪᔪᒥᒃ ᐸᓯᔭᒃᓴᐅᑎᑦᓯᓇᓱᒋᐊᒃᓴᖅ; ᒪᕐᕉᒃᐸᑎᒡᓕ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 19:22

ᖁᕕᐊᓱᖃᑎᒋᓕᕐᓗᒋᓪᓗ, ᑕᕝᕔᓐᓇᖅ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑎᓂᑦ ᐃᒡᓗᖓ ᐊᕙᑕᖏᕐᑕᐅᕗᖅ ᐅᒃᑯᐊᖓᓂᒡᓗ ᐊᑦᓴᕐᑕᕐᓗᑎᒃ; ᐊᖑᓪᓗ ᐃᑦᑐᖅ ᐅᖃᐅᑎᕚᑦ, “ᐊᖑᑦ ᑍᓐᓇ ᐊᖏᕐᕋᐅᑎᔧᑦ ᐊᓂᑎᒍᒃ! ᓄᓕᐊᕈᒪᒐᑦᑎᒍ!”

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.