32 ᑍᒤᒻᒪᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᐳᑦ ᐊᒃᓗᓈᒥᒡᓗ ᖁᖓᓯᕐᒥᖕᓄᑦ ᕿᓚᒃᓱᐃᕗᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᓄᐊᕋᒥᒃ ᐅᖃᐅᑎᕚᑦ, “ᐱᔩᑦ ᐱᓐ-ᕼᐊᑖᑦ ᐅᖃᕐᒪᑦ, ‘ᕿᓄᕕᒋᕙᒋᑦ ᐃᓅᑎᓚᐅᓐᖓ.’” ᐂᕼᐊᐱᓗ ᐅᖃᕐᐳᖅ, “ᐃᓅᖕᒪᓱᓖ? ᖃᑕᓐᖑᑎᒋᔮᑐᐃᓐᓇᕐᑕᕅᓐᓇ.”
ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”
ᐊᖑᑏᓪᓗ ᑖᒃᑯᐊ ᖃᐅᔨᓴᑦᓯᐊᕐᐳᑦ ᖃᓄᐃᓐᓂᐊᕐᒪᖔᑦ ᓂᑲᒍᓱᖕᓂᐊᕐᒪᖔᑦ, ᐅᖃᐅᓯᖓᓗ ᒪᓕᒡᓗᒍ ᐅᖃᑲᐅᕐᑐᕐᐳᖅ, “ᖃᑕᓐᖑᑏᓂᓐᓇ ᐱᓐ-ᕼᐊᑖᑎ.” ᐅᖃᕐᐳᖅ, “ᐂᓗᓯ ᕾᑎᓯᐅᒃ.” ᑕᕝᕙ ᐱᓐ-ᕼᐊᑖᑎᐅᑉ ᐅᐸᒃᐹ, ᐃᑭᑎᑉᐹᓗ ᕿᒧᒃᓯᐅᑎᒧᑦ ᐊᒃᓴᓗᐊᓕᖕᒧᑦ.
ᐅᖃᐅᑎᓕᕐᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐊᖑᒻᒥᒃ ᑐᖁᑕᐅᖁᓚᐅᕐᑕᓐᓂᒃ ᑐᖁᑦᓯᖏᓪᓗᑎᑦ ᐊᐅᓪᓚᕐᑎᑦᓯᓚᐅᕋᕕᑦ, ᑍᒤᒻᒪ ᐃᓅᓯᑦ ᐃᓅᓯᖓᓄᑦ ᐃᓇᖏᐅᑎᔪᒃᓴᐅᕗᖅ, ᐃᓄᖁᑎᖏᓪᓗ ᐃᓄᖁᑎᖕᓄᑦ.’”
ᑕᕝᕙ ᐊᖓᔪᖅᑳᕐᔪᐊᑉ ᐃᒡᓗᖓᓂ ᐊᖓᔪᖅᑳᑦ, ᐊᐅᓚᑦᓯᔩᓪᓗ ᓯᕗᓕᕐᑏᓪᓗ ᑲᒪᔨᐅᔪᓪᓗ ᑭᐅᑦᔪᑎᒥᖕᓂᒃ ᔨᕼᐆᒧᑦ ᐋᑕᐅᑎᑦᓯᕗᑦ, “ᐃᓕᖕᓄᑦ ᐱᔨᐅᒐᑦᑕ ᐊᑐᖁᔭᕐᓂᒃ ᐱᓇᓱᐊᕈᒪᕗᒍᑦ, ᐊᖓᔪᖅᑳᕐᔪᐊᓐᖑᕐᑎᑦᓯᔪᒪᓐᖏᓚᒍᓪᓕ, ᐃᕝᕕᑦ ᐊᑲᐅᓂᕐᐹᖑᓇᓱᒋᔭᕐᓂᒃ ᐱᓇᓱᐊᓕᕆᑦ.”
ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”