ᐊᑕᓃᑦ ᓯᕗᓪᓖᑦ 20:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᐊᑕᓃᑦ ᓯᕗᓪᓖᑦ 20:31 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 14:2

ᑍᒤᒻᒪᑦ ᔪᐊᐱ ᐊᕐᓇᒥᒃ ᓯᓚᑐᔪᒻᒪᕆᖕᒥᒃ ᕾᖁᔨᓚᐅᕐᐳᖅ ᓄᓇᖃᕐᑐᒥᒃ ᑎᑯᐊᒥ. ᑎᑭᒻᒪᓪᓗ, ᐅᖃᐅᑎᕚ, “ᕿᒃᓵᓐᖑᐊᕐᓗᑎᑦ; ᐊᓐᓄᕌᓪᓗ ᕿᒃᓵᒍᑎᑎᑦ ᐊᑎᓗᒋᑦ, ᓄᔭᑎᓪᓗ ᐃᓪᓔᕐᑍᓕᓗᒋᑦ, ᐊᕐᓇᑎᑐᑦ ᐊᑯᓂᐊᓗᒃ ᑐᖁᓯᒪᔪᓄᑦ ᕿᒃᓵᒃᑐᑎᑐᑦ ᐱᓂᐊᕐᐳᑎᑦ;

ᓴᒧᐃᓕ ᐂᑉᐸᖏᑦ 3:31

ᑕᕝᕙ ᑍᕕᑎᐅᑉ ᔪᐊᐱᒃᑯᑦ ᐃᓚᖏᓪᓗ ᐅᖃᐅᑎᕔᑦ, “ᐊᓐᓄᕌᓯ ᐊᓕᒃᑐᕐᓯᒋᑦ, ᐊᓐᓄᕌᕐᓗᓯᓗ ᐊᕐᔭᓕᓂᑎᕐᓯᒪᔪᓂᒃ, ᕿᒃᓵᒍᑎᖃᓪᓗᓯ ᐋᑉᓄᒥᒃ.” ᐃᓗᕕᕐᑕᐅᓕᕐᑎᓪᓗᒍᓗ ᐊᖓᔪᖅᑳᕐᔪᐊᖅ ᑍᕕᑎ ᐱᓱᓚᐅᕐᐳᖅ ᐃᒃᓯᕐᕕᐊᑕ ᑭᖑᓂᖓᓂ.

ᐊᑕᓃᑦ ᓯᕗᓪᓖᑦ 20:23

ᓯᕆᐊᒥᐅᓪᓗ ᐊᖓᔪᖅᑳᕐᔪᐊᖓᑕ ᐱᔨᖏᑕ ᐊᖓᔪᖅᑳᓂ ᐅᖃᐅᑎᕚᑦ, “ᒎᑎᖏᑦ ᒎᑎᐅᕗᑦ ᖃᖅᑲᒥᐅᓄᑦ, ᑍᒤᒻᒪᑦ ᐅᕙᑦᑎᓐᓂᑦ ᓲᖑᓂᕐᓴᐅᓚᐅᕐᐳᖅ; ᑭᓯᐊᓂᓕ ᐅᓇᑕᕈᑦᑎᒍᑦ ᓇᑎᕐᓇᒥ, ᖁᓚᕐᓇᓐᖏᓚᖅ ᑖᒃᑯᓇᓐᖓᑦ ᓲᖑᓂᕐᓴᐅᓛᕐᐳᒍᑦ.

ᐊᑕᓃᑦ ᓯᕗᓪᓖᑦ 20:32

ᑍᒤᒻᒪᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᐳᑦ ᐊᒃᓗᓈᒥᒡᓗ ᖁᖓᓯᕐᒥᖕᓄᑦ ᕿᓚᒃᓱᐃᕗᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᓄᐊᕋᒥᒃ ᐅᖃᐅᑎᕚᑦ, “ᐱᔩᑦ ᐱᓐ-ᕼᐊᑖᑦ ᐅᖃᕐᒪᑦ, ‘ᕿᓄᕕᒋᕙᒋᑦ ᐃᓅᑎᓚᐅᓐᖓ.’” ᐂᕼᐊᐱᓗ ᐅᖃᕐᐳᖅ, “ᐃᓅᖕᒪᓱᓖ? ᖃᑕᓐᖑᑎᒋᔮᑐᐃᓐᓇᕐᑕᕅᓐᓇ.”

ᐊᑕᓃᑦ ᐂᑉᐸᖏᑦ 5:13

ᓁᒪᓐ ᑭᒡᒐᖏᑕ ᐅᐸᒡᓗᒍ ᐅᖃᐅᑎᕚᑦ, “ᐊᑖᑖᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐱᔭᕆᐊᑐᔪᒥᒃ ᐱᓇᓱᐊᖁᓗᓂᑎᑦ ᐅᖃᐅᑎᖅᑲᐅᒃᐸᑎᑦ, ᐊᑐᕋᓱᒃᑲᔭᖅᑲᐅᓐᖏᓔᑦ? ᐱᔭᕆᐊᑭᑦᑐᒥᒡᓕ ᐅᖃᐅᑎᕚᑎᑦ, ᐅᐊᓴᕆᐊᕐᑐᖁᓪᓗᓂᑎᑦ ᓴᓗᒻᒪᕐᓂᐊᕋᕕᑦ!”

ᐊᑕᓃᑦ ᐂᑉᐸᖏᑦ 7:4

ᐃᒡᓗᒐᓴᒡᔪᐊᓄᑦ ᐃᑎᕈᒪᒐᓗᐊᕈᑦᑕ ᑳᒃᑐᐊᓘᖕᒪᑕ ᑐᖁᑐᐃᓐᓇᕐᓂᐊᕐᐳᒍᑦᑕᐅᖅ, ᑕᒫᓃᑐᐃᓐᓇᕋᓗᐊᕈᑦᑕᓗ ᓱᓕ ᑐᖁᕕᒃᓴᑦᑎᓐᓃᑉᐳᒍᑦ, ᐊᑏ ᓯᕆᐊᒥᐅᑦ ᑕᖕᒫᕐᓯᒪᕕᖓᓄᑦ ᐂᓗᑕ ᐅᕙᑦᑎᓐᓂᒃ ᑎᒍᔭᐅᑎᑐᐃᓐᓇᓚᐅᕐᑕ ᑐᖁᓴᕐᑕᐅᖏᒃᑯᑕ ᐃᓅᕕᒃᓴᖃᕐᓂᕐᓴᐅᓂᐊᕐᐳᒍᑦ ᑐᖁᑕᐅᒍᓗᐊᕈᑦᑕᓗ ᑐᕌᕐᑕᕗᑦ ᐊᑑᑎᑐᐃᓐᓇᕐᓂᐊᕐᐳᖅ.”

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᔫᐱᐅᑉ ᐊᒡᓚᖏᑦ 2:4

ᓵᑖᓇᓯᓕ ᑭᐅᕗᖅ, “ᐊᖑᑦ ᑖᓐᓇ ᓱᓇᓕᒫᓂᒃ ᓄᖅᑲᐅᑦᔨᓂᐊᕐᐳᖅ ᐃᓅᖔᕈᒪᓂᕐᒧᑦ.

ᐃᓐᖏᕈᑎᑦ 69:11

ᐊᓐᓄᕌᒥᒃ ᖃᕿᐊᓕᕐᑐᕐᓯᐅᒻᒥᒃ ᐊᑎᔭᕌᖓᒪ, ᐃᓄᐃᑦ ᐃᔪᕆᕙᒃᐹᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:28

ᑲᒪᑦᓯᐊᕐᓂᖅ ᓱᖁᓯᔪᐃᓐᓂᕐᓗ ᐊᖓᔪᖅᑳᕐᔪᐊᑉ ᐱᓯᒪᔭᐅᑦᔪᑎᒋᕔᑦ, ᐃᒃᓯᕙᐅᑕᕐᔪᐊᖓᓗ ᒪᑭᑕᑎᑕᐅᕗᖅ ᐃᓱᐊᕐᑐᓕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 16:5

ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 22:12

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 37:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᑎᓪᓗᓂ, ᐊᑕᓂᐅᓪᓗ ᐃᒡᓗᖓᓄᑦ ᐂᕗᖅ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”