ᐊᑕᓃᑦ ᓯᕗᓪᓖᑦ 20:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᓯᕗᓪᓖᑦ 20:28 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 10:13

ᔪᐊᐱᒃᑯᑦ ᐃᓚᖏᓪᓗ ᐅᓇᑕᕆᐊᓕᕐᒪᑕ; ᓯᕆᐊᒥᐅᑦ ᕿᒪᒃᓯᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 17:18

ᑕᕝᕙ ᐊᕐᓇᖅ ᐃᓔᑦᔭᒧᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᓱᓇᒥᒃ ᐅᕙᓐᓄᑦ ᓈᒻᒪᒃᓴᖏᑦᔪᑎᖃᕐᐱᑦ? ᐊᔪᕐᑐᓕᓂᓐᓃᒃ ᐃᖅᑬᑎᑦᓯᔭᕐᑐᕐᐲᑦ, ᐃᕐᓂᕋᓗ ᑐᖁᑎᓪᓗᒍ?”

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐊᑕᓃᑦ ᓯᕗᓪᓖᑦ 18:37

ᑐᓴᓚᐅᓐᖓ, ᐊᑕᓃᖅ, ᑐᓴᓚᐅᓐᖓ, ᐅᑯᐊ ᐃᓄᐃᑦ ᖃᐅᔨᖁᓪᓗᒋᑦ ᐃᕝᕕᑦ ᐊᑕᓂᐅᒐᕕᑦ ᒎᑎ, ᐆᒻᒪᑎᖏᓪᓗ ᐅᑎᕐᑎᓪᓗᒋᑦ ᐃᓕᖕᓄᑦ.”

ᐊᑕᓃᑦ ᓯᕗᓪᓖᑦ 20:13

ᑕᑯᒋᓪᓗ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐅᐸᒍᑎᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᓚᐅᕐᐱᒌᑦ ᐃᓄᒐᓴᒡᔪᐊᑦ? ᑕᑯᒋᑦ, ᐊᒡᒐᖕᓄᑦ ᑐᓂᓂᐊᕐᐸᒃᑲ ᐅᓪᓗᒥ; ᖃᐅᔨᓂᐊᕋᕕᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᓯᕗᓪᓖᑦ 20:29

ᑕᖕᒫᕐᓯᒪᓚᐅᕐᐳᑦ ᐊᑭᓕᕇᒡᓗᑎᒃ ᐅᓪᓗᓂᒃ 7ᓂᒃ. ᐅᓪᓘᑉ 7ᖓᓐᓂ ᐅᓇᑕᕆᐊᕐᐳᑦ; ᐃᓴᕆᐊᓕᒥᐅᓪᓗ ᐃᓄᖏᑦ ᓯᕆᐊᒥᐅᓂᒃ ᐱᓱᒃᑎᓂᒃ ᑐᖁᑦᓯᕗᑦ 100,000ᓂᒃ ᐅᓪᓗᒥ ᐊᑕᐅᓯᕐᒥ.

ᑯᕉᓂᑲ ᐂᑉᐸᖏᑦ 32:19

ᔨᕉᓴᓕᒥᐅᓪᓗ ᒎᑎᖓᑦ ᐅᖃᕐᓂᕐᓘᑎᒋᕚᑦ, ᐊᑭᕋᕐᑐᓚᐅᕐᓂᕐᒥᒃᑎᑐᑦ ᐃᓄᐃᑦ ᓄᓇᒦᑦᑐᑦ ᒎᑎᖏᓐᓂᒃ, ᐃᓄᐃᑦ ᐊᒡᒐᖏᓐᓄᑦ ᓴᓇᐅᔭᐅᓯᒪᔪᓂᒃ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 79:10

ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?” ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!

ᒨᓯᓯ ᐂᑉᐸᖏᑦ 16:12

“ᐃᓴᕆᐊᓕᒥᐅᑦ ᓈᒻᒪᒃᓴᖏᓐᓂᖓᑦ ᑐᓴᕐᓯᒪᕙᕋ, ᐅᖃᐅᑎᒃᑭᑦ ᐅᓐᓄᓕᓵᕐᑎᓪᓗᒍ ᑖᕐᓯᓕᕐᐸᑦ ᓂᕿᒥᒃ ᓂᕆᔭᒃᓴᖃᕐᓂᐊᕐᐳᑦ, ᐅᓪᓛᓐᖑᕐᐸᓪᓗ ᓂᐊᖂᔭᕐᑐᕈᒪᔭᓕᒫᒥᖕᓂᒃ ᐱᔪᓐᓇᕐᓂᐊᕆᕗᑦ, ᑍᒫᒡᓗ ᖃᐅᔨᓂᐊᕐᐳᑦ ᐅᕙᖓ ᐊᑕᓂᖅ ᑖᒃᑯᓄᖓ ᒎᑎᒋᔭᐅᓂᓐᓂᒃ.”

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 8:22

ᑭᓯᐊᓂᓕ ᓄᓇ ᒎᓯᓂ ᑕᒪᒃᑯᓄᖓ ᑎᑭᑕᐅᑎᓐᓂᐊᓐᖏᓚᕋ, ᑕᕝᕙᓂ ᐃᓄᖁᑎᖃᕋᒪ, ᑖᒃᑯᐊ ᐊᓇᓐᖏᕐᓄᑦ ᑎᑭᑕᐅᑎᓐᓂᐊᓐᖏᓚᒃᑲ, ᑍᒤᓕᐅᕐᓂᐊᕐᐳᖓ ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ ᑕᒫᓂ ᓄᓇᒥ ᐱᓇᓱᐊᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 36:20

ᖃᖓ ᑖᒃᑯᐊ ᓄᓇᓕᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᕐᑎᓪᓗᒋᑦ ᖃᐅᔨᖃᑦᑕᓚᐅᕐᐱᓰ? ᖃᓄᐃᒻᒪᓪᓕ ᑕᕝᕙ ᐊᑕᓂᕐᒧᑦ ᔨᕉᓴᓕᒻ ᓴᐳᑎᔭᐅᔪᓐᓇᕋᓱᒋᓪᓗᒍ ᐃᓱᒪᓇᓱᐊᕐᐱᓰ?’”

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᐃᓯᑭᐊᓕᐅᑉ ᐊᒡᓚᖏᑦ 11:12

ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ; ᐊᑐᕐᑕᐅᖁᔭᓐᓂᒃ ᐃᓅᓚᐅᖏᓐᓇᑦᓯ, ᐱᖁᔭᒃᑲᓗ ᒪᓕᓚᐅᕐᓇᒋᑦ, ᐃᓅᖃᑎᒌᒡᔪᐊᑦ ᖃᓂᒋᔭᑦᓯᓐᓃᑦᑐᑦ ᐱᖁᔭᖏᓐᓂᒃ ᒪᓕᖔᓕᓚᐅᕋᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 12:16

ᐊᒥᐊᒃᑯᖃᕐᑎᑦᓱᒫᕐᐸᒃᑲᓕ ᐅᓄᖏᑦᑐᓂᒃ ᓴᕕᒡᔪᐊᒥᑦ ᐊᓐᓇᒃᑐᓂᒃ, ᑳᖕᓇᕐᑐᕐᔪᐊᒥᑦ ᐋᓐᓂᐊᓇᕐᑐᓂᓪᓗ, ᐅᓂᒃᑳᕈᓐᓇᕐᓯᖁᓪᓗᒋᑦ ᒎᑎᒧᑦ ᓇᕐᕈᓇᕐᑐᓂᒃ ᐱᓂᐊᕐᓂᕆᓚᐅᕐᑕᒥᖕᓂᒃ ᐃᓅᖃᑎᒌᒡᔪᐊᓃᓕᕈᑎᒃ ᓇᔪᓕᕐᑕᒥᖕᓂ, ᖃᐅᔨᓕᖁᓪᓗᒋᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 20:14

ᑍᒤᓕᐅᓚᐅᓐᖏᓚᖓᓕ ᐊᑎᕋ ᐱᑦᔪᑎᒋᓪᓗᒍ, ᐃᓅᖃᑎᒌᒡᔪᐊᓄᑦ ᓇᕐᕈᓇᕐᓯᑎᑕᐅᖁᓇᒍ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓂᕆᓚᐅᕐᑕᓐᓂᒃ ᖃᐅᔨᒪᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:9

ᑲᔪᓯᑎᓚᐅᓐᖏᓚᕋᓕ ᐊᑎᕋ ᐱᓪᓗᒍ ᓇᕐᕈᓇᕐᓯᑎᑕᐅᖁᓇᒍ ᐃᓅᖃᑎᒌᒡᔪᐊᑦ ᓄᓇᖃᑎᒋᔭᖏᑕ ᓵᖏᓐᓂ, ᐅᖃᐅᑎᔭᕇᓚᐅᕋᒃᑭᑦ ᓄᓇᖃᑎᖏᑦ ᑕᑯᓐᓇᕐᑎᓪᓗᒋᑦ ᐊᐅᓪᓚᕐᑎᑦᓱᒪᓂᕋᕐᓗᒋᑦ ᐄᑦᔨᑉᑎᒥᐅᑦ ᓄᓇᖓᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 36:32

ᐃᓕᑦᓯᓕ ᐱᑦᔪᑎᒋᓗᓯ ᑍᒤᓕᐅᕐᓂᐊᓐᖏᓚᖓ, ᐊᑕᓂᖅ ᒎᑎ ᐅᖃᕐᐳᖅ; ᑕᒪᓐᓇ ᖃᐅᔨᑦᓯᐊᕐᓯᐅᒃ. ᑲᓐᖑᓲᑎᒋᓗᒋᑦ ᐅᒡᒍᐊᕈᑎᒋᓗᒋᓪᓗ ᐱᓂᐊᕐᓂᕆᓯᒪᔭᓯ ᐱᖁᓪᓗᓯ, ᐃᓴᕆᐊᓕᓄᑦ ᑭᖑᕚᖑᔪᓯ.

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᒨᓯᓯ ᑕᓪᓕᒪᖏᑦ 29:6

ᓂᐊᖂᔭᒥᒃ ᓂᕿᒃᓴᖃᓚᐅᓐᖏᓚᓯ ᕔᓂᒥᒃ ᐃᒥᐊᓗᖕᒥᒡᓘᓐᓃᑦ ᐃᒥᒃᓴᖃᓚᐅᓐᖏᓚᓯ, ᐊᑕᓂᐅᓪᓕ ᐊᑐᕆᐊᖃᕐᑕᑦᓯᓐᓂᒃ ᑐᓂᓯᕕᒋᖃᑦᑕᓚᐅᕐᐹᓯ ᐃᓕᓐᓂᐊᕐᑎᑦᓱᒪᓪᓗᓂᓯ ᑖᓐᓇ ᒎᑎᒋᒐᑦᓯᐅᒃ.

ᒨᓯᓯ ᑕᓪᓕᒪᖏᑦ 32:27

ᐊᑭᕋᕐᑐᕐᑎᖏᑦ ᐱᐅᔪᕆᓂᐊᕋᓱᒋᖏᒃᑯᒃᑭᑦ ᑍᒤᓕᐅᕋᔭᕐᐳᖓ, ᐊᑭᕋᖏᑦ ᓱᓕᖏᑦᑐᒥᒃ ᐅᖃᐅᓯᖃᕐᓂᐅᓴᖏᑉᐸᑕ, ᐅᖃᓕᖁᓇᒋᑦ, ᐱᔪᓐᓇᕐᓂᑦᑎᓐᓄᑦ ᓵᓚᖃᕐᐳᒍᑦ ᐊᑕᓂᖅ ᐃᑲᔪᕐᑎᒋᓇᒍ ᓵᓚᖃᕐᐳᒍᑦ.’