ᐊᑕᓃᑦ ᓯᕗᓪᓖᑦ 20:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓴᕆᐊᓕᒥᐅᑉ ᐃᓄᖏᑦ ᑲᑎᕐᓱᕆᕗᑦ ᐃᓂᒃᓴᒥᓅᖅᑲᕐᓗᑎᒡᓗ, ᐅᓇᑕᕆᐊᓕᕐᓗᑎᒃ ᑖᒃᑯᓂᖓ; ᐃᓴᕆᐊᓕᒥᐅᑦ ᐃᓄᖏᑦ ᑕᖕᒫᕋᒥᒃ ᒎᑦᓯᑎᑐᑦ ᒪᕐᕈᐃᓕᖅᑲᖔᔪᒃᑎᑐᑦ ᑲᑎᓐᖓᔪᑎᑐᑦ ᑍᒤᓚᐅᕐᐳᑦ, ᓯᕆᐊᒥᐅᓪᓕ ᓄᓇᓕᒫᒥᒃ ᓈᔨᓯᒪᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 20:27 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 3:6

ᑕᒪᓐᓇ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖅ ᔨᕼᐅᕌᒻ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᓕᒫᖏᓐᓂᒃ ᐅᓇᑕᕕᒃᔪᐊᕆᐊᕐᑐᕐᑎᑦᓯᓕᓚᐅᕐᐳᖅ ᓴᒥᐊᕆᐊᑉ ᓄᓇᖓᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᔮᓱᐊᑉ ᐊᒡᓚᖏᑦ 1:11

“ᐃᓄᐃᑦ ᑕᖕᒫᕐᓯᒪᔪᑦ ᐅᖃᐅᑎᓯᐅᒃ, ‘ᓂᕿᓂᒃ ᐊᑐᐃᓐᓇᕈᐃᒋᑦᓯ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐃᑳᕐᓂᐊᕋᑦᓯ ᔪᐊᕐᑕᓂᐅᑉ ᑰᖓᒍᑦ ᓄᓇᓗ ᓄᓇᑖᕆᓗᒍ, ᐊᑕᓂᐅᑉ ᒎᑎᕕᑦ ᑐᓂᓯᒪᔭᖓ ᐃᓕᑦᓯᓐᓄᑦ.’”

ᐃᓗᐊᕐᓮᔩᑦ ᐊᒡᓚᖏᑦ 6:3

ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 6:5

ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 7:12

ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 7:8

ᐃᓄᐃᓪᓗ ᒪᕐᕋᐅᔭᖁᑎᖏᓐᓂᒃ ᑎᑦᑐᓚᐅᑎᖏᓐᓂᒡᓗ ᑕᖁᐊᖏᓐᓂᒡᓗ ᐱᓪᓗᓂ; ᐃᓴᕆᐊᓕᒥᐅᑉ ᐊᒥᐊᒃᑯᖏᑦ ᐊᖏᕋᕐᑎᑉᐰᑦ, 300ᓂᒡᓕ ᐊᖑᑎᓂᒃ ᐱᓯᒪᓕᕐᓗᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᐊᒃᐸᓯᒃᑐᒥ.

ᓴᒧᐃᓕ ᓯᕗᓪᓖᑦ 14:2

ᓴᐅᓕᓕ ᒋᐱᐊᑉ ᓄᓇᖓᑕ ᑭᒡᓕᖓᓂ ᓇᐹᕐᑑᑉ ᐹᒪᒍᕌᑉ ᐊᑖᓂ ᒥᒡᒍᕋᓐᒦᓚᐅᕐᐳᖅ; ᐃᓚᖃᕐᓗᓂ ᐃᒻᒪᖄ 600 ᖃᓂᒋᔮᓃᑦᑐᓂᒃ.