ᐊᑕᓃᑦ ᓯᕗᓪᓖᑦ 20:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓯᕆᐊᒥᐅᓪᓗ ᐊᖓᔪᖅᑳᕐᔪᐊᖓᑕ ᐱᔨᖏᑕ ᐊᖓᔪᖅᑳᓂ ᐅᖃᐅᑎᕚᑦ, “ᒎᑎᖏᑦ ᒎᑎᐅᕗᑦ ᖃᖅᑲᒥᐅᓄᑦ, ᑍᒤᒻᒪᑦ ᐅᕙᑦᑎᓐᓂᑦ ᓲᖑᓂᕐᓴᐅᓚᐅᕐᐳᖅ; ᑭᓯᐊᓂᓕ ᐅᓇᑕᕈᑦᑎᒍᑦ ᓇᑎᕐᓇᒥ, ᖁᓚᕐᓇᓐᖏᓚᖅ ᑖᒃᑯᓇᓐᖓᑦ ᓲᖑᓂᕐᓴᐅᓛᕐᐳᒍᑦ.

ᐊᑕᓃᑦ ᓯᕗᓪᓖᑦ 20:23 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᐂᓮᐊᓯᐅᑉ ᐊᒡᓚᖏᑦ 42:8

ᐅᕙᖓᐅᕗᖅ ᐊᑕᓂᖅ, ᑖᓐᓇ ᑕᕝᕙ ᐊᑎᕋ; ᐱᓐᓇᕐᓇᕐᓂᕐᔪᐊᕋ ᓇᒧᓪᓘᓐᓃᑦ ᑐᓂᓂᐊᓐᖏᓚᕋ, ᓂᕐᑐᕐᓇᕐᓂᕋᓗ ᒎᑎᓐᖑᐊᓄᑦ ᑐᓂᓂᐊᓐᖏᓚᕋ.

ᐊᑕᓃᑦ ᐂᑉᐸᖏᑦ 19:12

ᓯᕗᓕᒃᑲ ᐊᓯᕈᐃᖃᑦᑕᕐᓯᒪᕗᑦ ᒎᔭᓂᒥᐅᓂᒃ, ᕼᐊᕋᓐᒥᐅᓂᒃ, ᕇᔨᑉᒥᐅᓂᒃ, ᑐᖁᕅᓯᒪᓪᓗᑎᒡᓗ ᐱᐊᔅᓰᑕᒥᐅᓂᒃ ᑎᓚᓵᒥ ᓄᓇᖃᕐᑐᓂᒃ ᐃᓅᖃᑎᒌᒡᔪᐊᑦ ᓇᓪᓕᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᓚᐅᓐᖏᓚᑦ.

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᓴᒧᐃᓕ ᓯᕗᓪᓖᑦ 4:8

ᓵᓚᐅᓂᐊᓕᕐᐳᒍᑦ! ᑭᓇᒨᓪᓕ ᐱᐅᓕᔭᐅᔪᓐᓇᕐᐱᑕ ᒎᑎᓂᑦ ᐱᔪᓐᓇᕐᑐᕐᔪᐊᓃᑦ? ᑍᒃᑯᐊᖑᖕᒪᑕ ᒎᑏᑦ ᐊᓯᕈᐃᓚᐅᕐᑐᑦ ᐄᑦᔨᑉᑎᒥᐅᓂᒃ ᖃᓄᐃᑦᑐᑐᐃᓐᓇᓄᑦ ᐃᓄᖃᖏᑦᑐᒥ!

ᐊᑕᓃᑦ ᓯᕗᓪᓖᑦ 20:24

ᐃᒤᓕᐅᓚᐅᕆᑦ, ᐊᖓᔪᖅᑳᕐᔪᐊᑦ ᓄᖅᑲᕐᑎᓚᐅᒃᑭᑦ ᐃᓂᒋᔭᖏᓐᓂᑦ, ᑭᖑᕝᕕᖔᕐᓗᒋᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᓂᒃ,

ᐊᑕᓃᑦ ᓯᕗᓪᓖᑦ 20:31

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᐂᓮᐊᓯᐅᑉ ᐊᒡᓚᖏᑦ 36:20

ᖃᖓ ᑖᒃᑯᐊ ᓄᓇᓕᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᕐᑎᓪᓗᒋᑦ ᖃᐅᔨᖃᑦᑕᓚᐅᕐᐱᓰ? ᖃᓄᐃᒻᒪᓪᓕ ᑕᕝᕙ ᐊᑕᓂᕐᒧᑦ ᔨᕉᓴᓕᒻ ᓴᐳᑎᔭᐅᔪᓐᓇᕋᓱᒋᓪᓗᒍ ᐃᓱᒪᓇᓱᐊᕐᐱᓰ?’”

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.