ᐊᑕᓃᑦ ᓯᕗᓪᓖᑦ 2:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”

ᐊᑕᓃᑦ ᓯᕗᓪᓖᑦ 2:37 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 1:16

ᑍᕕᑎᓗ ᐅᖃᕐᐳᖅ ᐊᒫᓕᑬᒥᐅᑕᕐᒧᑦ, “ᓇᖕᒥᓂᖅ ᐱᓂᐊᕐᓯᒪᔭᕐᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᓄᑦ ᓵᑕᒃᓴᕈᕐᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᕐᓗᒍ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ.”

ᓴᒧᐃᓕ ᐂᑉᐸᖏᑦ 15:23

ᐃᓄᓕᒫᓪᓗ ᓂᐱᖃᕐᓗᑎᒃ ᕿᐊᓚᐅᕐᐳᑦ ᑍᕕᑎᒃᑯᑦ ᐊᐅᓪᓚᓕᕐᑎᓪᓗᒋᑦ, ᐊᖓᔪᖅᑳᕐᔪᐊᕐᓗ ᐃᑳᓚᐅᕐᐳᖅ ᑭᑐᕌᓂᐅᑉ ᑰᖓᓂᒃ, ᒪᓕᒃᑕᐅᓪᓗᓂ ᐃᓄᖁᑎᓕᒫᒥᓄᑦ, ᐃᓄᖃᔪᐃᑑᓪᓗ ᓇᓛᓄᑦ ᑐᕌᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 15:13

ᒫᑲᓗ ᐊᓈᓇᓂ ᓄᖅᑲᕐᑎᓚᐅᕐᐹ ᑯᐃᓐᖑᓂᖓᓂᑦ, ᓇᕐᕈᓇᕐᑐᒥᒃ ᐃᓄᓐᖑᐊᓕᐅᕐᓯᒪᓂᖓᓄᑦ ᐋᓯᕆᒥᒃ ᒎᑎᓐᖑᐊᒥᒃ; ᐂᓴᐅᓪᓗ ᓯᖁᒥᓚᐅᕐᐹ ᐃᓄᓐᖑᐊᖁᑎᖓ ᐃᑯᐊᓪᓚᒡᓗᒍᓗ ᑰᑉ ᑭᑐᕌᓂᐅᑉ ᓇᕐᓴᖓᓂ.

ᐊᑕᓃᑦ ᓯᕗᓪᓖᑦ 2:31

ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐅᖃᐅᓯᖓ ᐊᑐᓕᕈᒃ, ᑐᖁᓕᕈᒃ ᐃᓗᕕᕐᓗᒍᓗ; ᑕᒪᓐᓇ ᐅᕙᓐᓄᑦ ᑍᕕᑎᐅᓪᓗ ᑭᖑᕚᖏᓐᓄᑦ ᐸᓯᔭᒃᓴᐅᔪᓐᓁᕈᑕᐅᓂᐊᕐᒪᑦ, ᔪᐊᐱᐅᑉ ᑐᖁᑦᓯᓂᕆᓚᐅᕐᑕᖓᓄᑦ ᐸᓯᔭᒃᓴᐅᖏᑦᑐᓂᒃ ᐊᖑᑎᓂᒃ.

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 2:38

ᓯᒥᐂ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᓈᒻᒪᒃᑐᒥᒃ ᐅᖃᕐᐳᑎᑦ; ᐊᑕᓂᕋ ᐊᖓᔪᖅᑳᕐᔪᐊᖅ ᐅᖃᕐᑍᑦ, ᐱᔩᑦ ᑍᒤᓕᐅᕐᓂᐊᕐᐳᖅ.” ᑍᒤᒻᒪᑦ ᓯᒥᐂ ᐊᑯᓂᐊᓗᒃ ᔨᕉᓴᓕᒥ ᓄᓇᖃᓕᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᑯᕉᓂᑲ ᐂᑉᐸᖏᑦ 29:16

ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᓄᑦ ᐃᓗᐊᓃᓐᓂᕐᓴᒧᑦ ᐃᑎᕐᐳᑦ ᓴᓗᒻᒪᕐᓴᕆᐊᕐᑐᕐᓗᒍ, ᓇᓂᔭᓕᒫᑎᒡᓗ ᓴᓗᒤᑦᑐᑦ ᐊᓂᑉᐰᑦ ᐊᑕᓂᐅᑉ ᐃᒡᓗᖓᓂᑦ ᑐᒃᓯᐊᕐᕕᐅᓪᓗ ᐱᕕᑐᓂᖓᓄ ᐊᓂᓪᓗᒋᑦ; ᓕᕔᑏᓪᓗ ᑖᒃᑯᐊ ᑎᒍᓪᓗᒋᑦ ᐊᒡᔭᕐᐰᑦ ᑰᖕᒧᑦ ᑭᑐᕌᓂᒧᑦ ᓇᕐᓴᒧᑦ.

ᔨᕆᒤᐊᐅᑉ ᐊᒡᓚᖏᑦ 31:40

ᓇᕐᓴᓕᒫᖅ ᐃᓗᕕᕐᓯᕕᐅᕙᒃᑐᖅ ᐊᒃᓯᕕᐅᕙᒃᑐᕐᓗ, ᓇᑎᕐᓇᕐᓗ ᑭᑐᕌᓂᐅᑉ ᑰᖓᓂᑦ, ᐃᑎᕐᑕᕐᕕᒃ ᕿᒻᒥᕐᔪᐊᒥᒃ ᑍᔭᐅᔪᖅ ᑎᑭᓪᓗᒍ, ᐊᑕᓂᐅᑉ ᓄᓇᖁᑎᖓᓂᒃ ᐃᑦᔪᕐᓁᑦᑐᒥᒃ ᑍᔭᐅᔪᒃᓴᐅᕗᖅ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒃᑲᓐᓂᕈᒫᓐᖏᓚᑦ ᐊᓯᕈᕐᑕᐅᒃᑲᓐᓂᓚᐅᕐᓯᒪᔪᓐᓃᕐᓗᑎᒡᓗ ᐃᓱᖃᖏᑦᑐᒧᑦ.”

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᒨᓯᓯ ᐱᖓᔪᖏᑦ 20:9

“ᓇᓕᕐᓯ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓇᕐᕈᓇᕐᓂᕅᒃᐸᑦ, ᑖᓐᓇ ᑐᖁᑕᐅᔭᕆᐊᖃᕐᐳᖅ. ᐊᑖᑕᓂ ᐊᓈᓇᓂᓗ ᓇᕐᕈᓇᕐᑎᒻᒪᒋᒃ ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓕᕆᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 18:1

ᔩᓱᓯ ᑐᒃᓯᐊᕇᕋᒥ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒃ ᑭᑦᑐᕌᓂ ᐃᑳᕐᐹᑦ, ᑕᕝᕙᓂ ᐱᕈᕐᓰᕕᒃᑕᖃᕐᒪᑦ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕗᓐᖓᕐᐳᑦ.

ᔮᓱᐊᑉ ᐊᒡᓚᖏᑦ 2:19

ᓇᓪᓕᐊᓐᓂᒡᓕ ᐊᓂᔪᖃᑐᐊᕐᐸᑦ ᐃᒡᓗᒥᑦ, ᑖᓐᓇ ᐃᒻᒥᓂᒃ ᑐᖁᒧᑦ ᐱᑎᓐᓂᐊᕐᐳᖅ, ᐅᕙᒍᒡᓗ ᐸᓯᔭᒃᓴᐅᔪᒫᓐᖏᓚᒍᒃ ᑖᑦᓱᒧᖓ; ᑭᓯᐊᓂᓕ ᐃᒡᓗᖕᓂ ᐃᑎᕐᓯᒪᔪᒥᒃ ᑐᖁᑕᐅᔪᖃᕐᐸᑦ ᑕᕝᕙ ᐅᕙᒍᒃ ᐸᓯᔭᒃᓴᐅᔪᒫᕐᐳᒍᒃ.