ᐊᑕᓃᑦ ᓯᕗᓪᓖᑦ 2:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ.

ᐊᑕᓃᑦ ᓯᕗᓪᓖᑦ 2:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:11

ᓇᕐᕈᓇᕐᓯᑎᑕᐅᕗᑎᑦ ᓄᓇᒥᑦ, ᐂᑦᑕᕐᓗᓂ ᐄᓯᖕᒪᑦ ᓄᑲᕐᐱᑦ ᐊᐅᖓᓂᒃ ᐊᒡᒐᐱᑦ ᑍᒤᑎᑕᖓᓄᑦ.

ᒨᓯᓯ ᓯᕗᓪᓖᑦ 42:22

ᕉᐱᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓯᒪᓐᖏᓚᑦᓰ ᐊᔪᕐᑐᓕᖁᓇᓯ ᓄᑲᑉᐱᐊᒧᑦ? ᐃᓕᑦᓯᓕ ᓈᓚᒍᒪᓚᐅᓐᖏᓚᓯ, ᑕᕝᕙ ᑖᑦᓱᒪ ᐊᐅᖓᓄᑦ ᐊᑭᓂᐊᕐᑕᐅᓕᕐᐳᒍᑦ.”

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᓴᒧᐃᓕ ᐂᑉᐸᖏᑦ 1:16

ᑍᕕᑎᓗ ᐅᖃᕐᐳᖅ ᐊᒫᓕᑬᒥᐅᑕᕐᒧᑦ, “ᓇᖕᒥᓂᖅ ᐱᓂᐊᕐᓯᒪᔭᕐᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᓄᑦ ᓵᑕᒃᓴᕈᕐᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᕐᓗᒍ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ.”

ᓴᒧᐃᓕ ᐂᑉᐸᖏᑦ 17:25

ᐋᑉᓴᓚᐅᑉ ᐊᒪᓴ ᑲᒪᔨᓐᖑᕐᑎᓚᐅᕐᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ. ᐋᒪᓴ ᐃᕐᓂᕆᔭᐅᓚᐅᕐᐳᖅ ᔨᑎᕆᒧᑦ ᐃᓴᕆᐊᓕᒥᐅᑕᕐᒧᑦ; ᐊᓈᓇᖓᓗ ᐊᐱᒊᓕᒥᒃ ᐊᑎᖃᕐᐳᖅ, ᓇᕼᐊᓯᐅᑉ ᐸᓂᖓ ᔨᕈᐃᐊᐅᑉ ᔪᐊᐱᐅᓪᓗ ᐊᓈᓇᖓᑕ ᓄᑲᖓ.

ᓴᒧᐃᓕ ᐂᑉᐸᖏᑦ 3:29

ᐸᓯᔭᒃᓴᐅᓂᕐᓕ ᔪᐊᐱᒧᑦ ᑐᕌᖓᓕᕐᓕ, ᐃᓚᖏᓐᓄᓪᓗ ᑭᖑᕚᖏᓐᓄᓪᓗ ᐊᖑᑎᓂ ᖁᐱᕐᕆᓯᒪᔪᕐᑕᖃᓕᕐᓕ, ᐅᕝᕙᓗ ᐸᕐᑎᕐᑐᖃᕐᓕ, ᐅᕝᕙᓗ ᐊᕐᓇᐅᑉ ᐱᔪᓐᓇᕐᑕᖓᓂᒃ ᑭᓯᐊᓂ ᐱᔪᓐᓇᕐᓗᓂ, ᐅᕝᕙᓗ ᑐᖁᑕᐅᔪᖃᕐᓗᓂ, ᐅᕝᕙᓗ ᓂᕿᒃᓴᖃᖏᑦᑐᖃᕐᓕ!”

ᓴᒧᐃᓕ ᐂᑉᐸᖏᑦ 3:37

ᑕᒪᓐᓇ ᐃᓴᕆᐊᓕᒥᐅᓕᒫᓄᑦ ᑐᑭᓯᑦᔪᑕᐅᓚᐅᕐᐳᑦ ᐊᖓᔪᖅᑳᕐᔪᐊᖅ ᑐᖁᑦᓯᔪᓄᑦ ᐋᑉᓄᒥᒃ ᓂᕆᐅᑉ ᐃᕐᓂᖓᓂᒃ ᐱᓇᓱᐊᖃᑕᐅᓚᐅᖏᓐᓂᖓᓂᒃ.

ᓴᒧᐃᓕ ᐂᑉᐸᖏᑦ 3:39

ᐅᓪᓗᒥᓗ ᓴᓐᖐᑦᑑᓕᕐᐳᖓ, ᐊᖓᔪᖅᑳᕐᔪᐊᖑᖁᓪᓗᖓ ᓂᕈᐊᕐᑕᐅᓯᒪᒐᓗᐊᕐᓗᖓ; ᑖᒃᑯᐊ ᔨᕈᐃᐊᐅᑉ ᐃᕐᓂᖏᑦ ᐅᑯᒤᓗᐊᕐᒪᑕ ᐅᕙᓐᓄᑦ. ᐊᑕᓂᐅᑦᑐᖅ ᓱᒋᐊᕐᓕᒋᑦ ᐱᐅᖏᑦᑐᓕᔪᑦ ᐱᓇᓱᐊᕐᓂᕆᓯᒪᔭᖏᑦ ᒪᓕᒡᓗᒋᑦ!”

ᓴᒧᐃᓕ ᐂᑉᐸᖏᑦ 4:11

ᐱᐅᖏᓐᓂᕐᓴᒻᒪᕆᐅᕗᖅ ᐱᐅᖏᑦᑐᑦ ᑐᖁᑦᓯᑎᓪᓗᒋᑦ ᐸᓯᔭᒃᓴᐅᖏᑦᑐᒥᒃ ᐃᓄᖕᒥᒃ ᓯᓂᒃᑐᒥᒃ ᐊᖏᕐᕋᒥᓂ, ᒫᓐᓇᓗ ᐊᑭᓂᐊᕈᒪᕗᖓ ᐃᓕᑦᓯᖕᓄᑦ ᑖᑦᓱᒥᖓ ᑐᖁᑦᓯᓂᑦᓯᓐᓂᒃ ᓄᓇᕐᔪᐊᒥᓪᓗ ᐃᒋᑕᐅᑎᓐᓂᐊᕐᐸᑦᓯᒃ.”

ᐊᑕᓃᑦ ᓯᕗᓪᓖᑦ 2:44

ᐊᖓᔪᖅᑳᕐᔪᐊᕐᓗ ᐅᖃᕆᕗᖅ ᓯᒥᐂᒧᑦ, “ᐆᒻᒪᑎᖕᓂ ᖃᐅᔨᒪᑦᓯᐊᕐᐳᑎᑦ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓚᐅᕐᓯᒪᓂᕐᓂᒃ ᐊᑖᑕᓐᓄᑦ ᑍᕕᑎᒧᑦ; ᐊᑕᓂᐅᑉ ᓱᒋᐊᕐᓂᐊᕐᐹᑎᑦ ᑕᒪᓐᓇ ᐱᓪᓗᒍ.

ᐊᑕᓃᑦ ᓯᕗᓪᓖᑦ 2:5

“ᓱᓕ ᐊᓯᐊᒍᑦ ᖃᐅᔨᒪᕗᑎᑦ ᔪᐊᐱ ᔨᕈᐃᐊᐅᑉ ᐃᕐᓂᖓ ᐅᕙᓐᓄᑦ ᖃᓄᐃᓕᐅᕐᓯᒪᖕᒪᖔᑦ, ᐱᓂᐊᕐᓂᖃᓚᐅᕐᒪᑦ ᒪᕐᕉᖕᓂᒃ ᐃᓴᕆᐊᓕᑎᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖏᖕᓂᒃ, ᐋᑉᓄᒥᒃ ᓂᕆᐅᑉ ᐃᕐᓂᖓᓂᒃ, ᐊᒪᓴᒥᒡᓗ ᔨᑎᕆᐅᑉ ᐃᕐᓂᖓᓂᒃ; ᑖᒃᑯᓂᖓ ᑐᖁᑦᓯᓚᐅᕐᒪᑦ ᐊᑭᓂᐊᕐᓱᓂ ᐅᓇᑕᕐᓂᕐᑕᖃᓐᖏᑎᓪᓗᒍ, ᑐᖁᓚᐅᕐᑕᖏᖕᓄᑦ ᐅᓇᑕᕐᑎᓪᓗᒋᒃ, ᐅᓇᑕᕐᑐᑎᑐᑦ ᕿᑎᓂ ᐃᑎᒐᓂᓗ ᐊᐅᒃᑎᓚᐅᕐᒪᒋᑦ; ᑕᒪᓐᓇ ᐅᕙᓐᓄᑦ ᐅᖁᒤᑦᑑᕗᖅ.

ᐊᑕᓃᑦ ᓯᕗᓪᓖᑦ 8:32

ᕿᓚᖕᒥᑦ ᑐᓴᓚᐅᕆᑦ, ᐱᓇᓱᐊᕐᓗᑎᓪᓗ, ᐋᖅᑭᒃᓱᕐᓗᒋᓪᓗ ᐱᔨᑎᑦ, ᐸᓯᔭᒃᓴᐅᔪᑦ ᓱᒋᐊᕐᓗᒋᑦ ᐱᓂᐊᕐᓂᕆᓯᒪᔭᖏᓐᓄᑦ, ᐸᓯᔭᒃᓴᐅᔪᓐᓁᕐᑎᓪᓗᒋᓪᓗ ᐃᓱᐊᕐᑐᒥᒃ ᐃᓅᔪᑦ ᐊᑭᓕᕐᓗᒋᑦ ᐸᓯᔭᒃᓴᐅᖏᓐᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 21:13

ᐱᓂᐊᕐᓂᖃᕋᕕᓪᓕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑎᑐᑦ, ᔫᑕᒃᑯᑦ ᔨᕉᓴᓕᒥᓗ ᓄᓇᖃᕐᑐᑦ ᒎᑎᒧᑦ ᒪᓕᒍᓐᓃᕐᑎᑉᐸᑎᑦ, ᐂᕼᐊᐱᐅᑦᑕᐅᖅ ᐃᓚᖏᑕᓗ ᒪᓕᒍᓐᓃᕐᑎᑦᓯᓂᕆᓚᐅᕐᑕᖏᑎᑐᑦ, ᖃᑕᓐᖑᑎᑎᓪᓗ ᑐᖁᓚᐅᕋᕕᒋᑦ, ᐊᑖᑕᕕᑦ ᐃᓚᓪᓚᕆᖏᑦ, ᑖᒃᑯᐊ ᐃᓕᖕᓂᑦ ᐱᐅᓂᕐᓴᐅᑎᓪᓗᒋᑦ;

ᑯᕉᓂᑲ ᐂᑉᐸᖏᑦ 21:14

ᑕᑯᒋᑦ, ᐊᑕᓂᐅᑉ ᐃᓄᖁᑎᑎᑦ ᑎᑭᑕᐅᑎᓐᓂᐊᕐᐰᑦ ᐊᓐᓂᐊᓇᕐᑐᕐᔪᐊᒧᑦ, ᕿᑐᕐᖓᑎᑦ, ᓄᓕᐊᑎᑦ, ᐱᖁᑎᓕᒫᑎᓪᓗ,

ᐃᔅᑕᐅᑉ ᐊᒡᓚᖏᑦ 1:19

ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐊᖓᔪᖅᑲᐅᓃᑦ ᐱᔪᓐᓇᐅᑎᒋᓗᒍ ᐱᖁᔨᓚᐅᕆᑦ, ᐴᕐᓯᐊᒥᐅᑦ ᒥᑏᔅᒥᐅᓪᓗ ᐱᖁᔭᖁᑎᖏᓐᓂ ᑎᑎᕋᕐᑕᐅᓗᓂ, ᐊᓯᑦᔨᒐᒃᓴᐅᖏᓪᓗᓂ ᑕᒪᑐᒪ ᑭᖑᓂᖓᒍᑦ ᑕᒪᓐᓇ ᐳᐃᒍᕐᑕᐅᑐᐃᓐᓇᖁᓇᒍ, ᑖᓐᓇ ᕚᔅᑎ ᐃᓕᖕᓄᑦ ᐊᖓᔪᖅᑳᕐᔪᐊᕐᒧᑦ ᐃᑎᖃᑦᑕᕐᓂᐊᕈᓐᓃᕐᓕ; ᑯᐃᖑᓂᕐᓗ ᑖᑦᓱᒪ ᐊᓯᐊᓄᑦ ᑐᓂᓕᕈᒃ ᑖᑦᓱᒪᓐᖓᑦ ᐱᑦᓯᐊᕐᓂᕐᓴᒧᑦ.

ᐃᓐᖏᕈᑎᑦ 7:16

ᐃᓱᐊᖏᑦᑐᓕᐊᒥᓄᑦ ᓇᖕᒥᓂᕐᒥᓄᑦ ᐅᑎᕐᕕᐅᓂᐊᕆᕗᖅ; ᐃᓅᖃᑎᒥᓄᑦ ᐱᑦᓯᐊᖏᓐᓂᕐᒥᓄᑦ ᐱᓂᐊᕐᓂᕆᓯᒪᔭᖏᑕ, ᓂᐊᖁᕐᒥᒍᑦ ᓇᖕᒥᓂᕐᒥᒍᑦ ᑲᑕᒡᕕᐅᓂᐊᕆᕗᖅ.

ᐃᓐᖏᕈᑎᑦ 7:17

ᐊᑕᓂᖅ ᓂᕐᑐᕈᒪᕙᕋ ᐃᓱᐊᕐᑐᓕᓂᖓ ᐱᑦᔪᑎᒋᓪᓗᒍ, ᐃᓐᖏᕈᒪᕗᖓᓗ ᓂᕐᑐᕈᑎᓂᒃ ᐊᑕᓂᐅᑉ ᖁᑦᓯᖕᓂᕐᐹᑉ ᐊᑎᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 17:19

“ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: ᐅᕙᖓ ᐆᒪᓪᓗᖓ ᒎᑎᐅᒐᒪ, ᐅᖃᕕᒍᑎᒋᓯᒪᔭᓐᓂᒃ ᓇᕐᕈᓕᓚᐅᕐᒪᑦ, ᐊᖏᖃᑎᒌᒍᑎᒋᓯᒪᔭᑦᑎᓐᓂᒡᓗ ᓯᖁᒥᑦᑎᓯᒪᓪᓗᓂ, ᐱᓂᐊᕐᓂᖓ ᒪᓕᒡᓗᒍ ᐊᑭᔪᒫᕐᐸᕋ.

ᒨᓯᓯ ᓯᑕᒪᖏᑦ 32:23

ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.

ᐃᓗᐊᕐᓮᔩᑦ ᐊᒡᓚᖏᑦ 9:24

ᑕᒪᓐᓇ ᑐᖁᕅᓂᖅ ᔨᕈᐸᐅᓕᐅᑉ ᐃᕐᓂᖏᓐᓂᒃ 70ᓂᒃ ᐊᑭᓕᐅᑕᐅᖁᓪᓗᒍ ᐊᐅᖏᑕ ᑯᕕᔭᐅᓂᖏᓐᓄᑦ ᐸᓯᔭᒃᓴᐅᖁᓪᓗᒍ ᐊᐱᒥᓕᒃ ᑍᒃᑯᐊ ᖃᑕᓐᖑᑎᖓᑦ, ᑖᒃᑯᓂᖓ ᑐᖁᑦᓯᓚᐅᕐᑐᖅ, ᓯᑭᒻᒥᐅᓪᓗ ᐱᓂᐊᕐᓂᕐᓗᖕᓂᖏᓐᓄᑦ, ᐃᑲᔪᓚᐅᕐᒪᑕ ᖃᑕᓐᖑᑎᒥᓂᒃ ᑐᖁᕅᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 9:57

ᒎᑎᐅᑦᑕᐅᖅ ᓯᑭᒻᒥᐅᑦ ᐊᒃᓱᕈᕐᓇᕐᑐᒃᑰᕐᑎᓚᐅᕐᐰᑦ ᐱᐅᖏᑦᑐᒥᒃ ᐱᓇᓱᐊᓚᐅᕐᓂᖏᓐᓄᑦ ᔫᑕᒻ, ᔨᕈᐸᐅᓕᐅᑉ ᐃᕐᓂᖓᑕ ᐅᖃᐅᓯᕆᓚᐅᕐᑕᖓᑐᑦ ᐅᖃᕐᓂᕐᓗᕕᒋᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.