ᐊᑕᓃᑦ ᓯᕗᓪᓖᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ.

ᐊᑕᓃᑦ ᓯᕗᓪᓖᑦ 2:3 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:14

ᐅᓇᑕᕐᑐᒃᓴᖁᑎᒥᓂᒡᓗ ᐃᓂᑖᕐᑎᑦᓯᓚᐅᕐᐳᖅ ᐄᑐᒥᓕᒫᒥ; ᐃᓄᓕᒫᖏᓪᓗ ᐱᔨᑖᕆᓚᐅᕐᐰᑦ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᓐᖓᑐᐊᕌᖓᑦ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᐊᑕᓃᑦ ᓯᕗᓪᓖᑦ 3:3

ᓲᓗᒨᓂ ᐊᑕᓂᕐᒥᒃ ᐱᓐᓈᕈᓱᒻᒪᕆᒃᑲᒥ, ᒪᓕᑦᓯᐊᕐᓗᓂᓗ ᐊᑖᑕᒥ ᑍᕕᑎᐅᑉ ᒪᓕᒃᑕᐅᖁᔭᖏᓐᓂᒃ, ᐃᒻᒥᓂᒡᓕ ᐆᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᐸᓚᐅᕆᕗᖅ ᑐᓂᕐᕈᓯᕐᕕᖕᓄᑦ ᖃᖅᑲᒦᑦᑐᓄᑦ.

ᐊᑕᓃᑦ ᐂᑉᐸᖏᑦ 18:7

ᐊᑕᓂᐅᑉ ᓇᔪᓚᐅᕐᐹ; ᐱᓂᐊᕐᓂᓕᒫᒥᒍᓪᓗ ᐱᔪᓐᓇᓯᐊᓚᐅᕐᐳᖅ ᐱᓇᓱᐊᕐᑕᒥᓂᒃ. ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᓚᓕᐅᕐᓯᓚᐅᓐᖏᓚᖅ ᓈᒻᒪᒋᓇᒍᓗ ᐱᐅᓯᕆᔭᖓ ᑐᓂᓯᒪᕕᒋᔪᒪᓚᐅᓐᖏᓛ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᐃᓐᖏᕈᑎᑦ 119:111

ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.

ᐃᓐᖏᕈᑎᑦ 119:138

ᐃᓕᓮᑦᔪᑎᒋᓪᓗᒋᑦ ᐊᑐᕐᑕᐅᖁᓚᐅᕐᑕᑎᑦ, ᓈᒻᒪᓈᕐᓯᒪᑦᓯᐊᕐᐳᑦ ᓱᖁᓯᔪᐃᑦᑑᓪᓗᑎᒡᓗ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᒨᓯᓯ ᐱᖓᔪᖏᑦ 8:35

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᒨᓯᓯ ᑕᓪᓕᒪᖏᑦ 29:9

ᑍᒤᒻᒪᑦ ᑲᒪᑦᓯᐊᕐᓗᓯ ᐊᖏᖃᑎᒌᒍᑕᐅᓯᒪᔫᑉ ᓇᓗᓁᕐᓯᒪᓂᓕᒫᖏᑦ ᓈᓚᒋᐊᖃᕐᐸᓯ, ᐱᔪᓐᓇᑦᓯᐊᖁᓪᓗᓯ ᐃᓘᓐᓈᒍᑦ ᐱᓇᓱᐊᕐᑕᑦᓯᒍᑦ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 4:8

ᐃᓅᖃᑎᒌᒡᔪᐊᖑᔪᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᐱᖁᔭᖃᕐᑐᖃᓐᖏᓚᖅ ᐱᖁᔭᑦᑎᑐᑦ ᐋᖅᑭᑦᓯᐊᕐᓯᒪᑎᒋᔪᓂᒃ ᐅᓪᓗᒥ ᐃᓕᓯᓐᓄᒃ ᐊᔪᕆᕐᑐᐃᑦᔪᑎᒋᔭᑦᑐᑦ ᑍᒤᑦᑐᓂᒃ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᔮᓱᐊᑉ ᐊᒡᓚᖏᑦ 22:5

ᑲᒪᑦᓯᐊᕐᓗᓯ ᓈᓚᑦᓯᐊᕐᑐᒃᓴᐅᕗᓯ ᐱᖁᔭᓂᒃ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᑕᖓᓂ ᐃᓕᑦᓯᓐᓄᑦ, ᐊᑕᓂᖅ ᒎᑎᓯ ᐅᖓᒋᔭᒃᓴᕆᕙᓯ, ᐊᑐᕐᑕᐅᖁᔭᓕᒫᖏᓪᓗ ᐊᑐᕐᓗᒋᑦ, ᐱᖁᔭᖏᓪᓗ ᓈᓚᒡᓗᒋᑦ, ᑎᒍᒥᐊᕐᓗᒍ ᓴᒃᑯᑦᑍᓕᓗᒍᓗ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᑕᕐᓂᓕᒫᕐᓄᓪᓗ.”

ᔮᓱᐊᑉ ᐊᒡᓚᖏᑦ 23:6

ᑍᒤᒻᒪᑦ ᑲᒪᑦᓯᐊᕐᑐᒃᓴᐅᕗᓯ ᓈᓚᑦᓯᐊᕐᓗᒋᓪᓗ ᐱᓇᓱᐊᕐᓗᒋᑦ ᑎᑎᕋᕐᑕᐅᓯᒪᔪᓕᒫᑦ ᐊᒡᓚᖕᓂ ᒨᓯᓯᐅᑉ ᐱᖁᔭᖏᓐᓂ, ᓇᓪᓕᐊᓐᓄᓪᓘᓐᓃᑦ ᓴᖑᑦᑍᓕᒋᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ,

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 18:30

ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑕ ᐅᓇᑕᕐᑎᖏᑦ ᐅᓇᑕᕆᐊᕐᐳᑦ, ᐅᓇᑕᕆᐊᑐᐊᕐᒪᑕᓕ ᑍᕕᑎ ᓵᓚᖃᕐᓂᕐᓴᐅᖃᑦᑕᓚᐅᕐᐳᖅ ᓴᐅᓕᐅᑉ ᐱᔨᓕᒫᖏᓐᓂᑦ; ᑍᕕᑎᓗ ᐅᐱᒋᔭᐅᓂᕐᒧᑦ ᐱᓪᓚᕆᕈᕐᑎᑕᐅᒻᒪᕆᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 18:5

ᑍᕕᑎᓗ ᐂᖃᑦᑕᓚᐅᕐᐳᖅ ᓴᐅᓕᐅᑉ ᑎᓕᓯᑦᔪᑎᒋᔭᖏᓐᓄᑦ ᓇᒧᑐᐃᓐᓇᖅ ᐱᔪᓐᓇᑦᓯᐊᕐᐸᒡᓗᓂ, ᓯᓚᑐᓂᖃᑦᓯᐊᕐᓗᓂᓗ; ᑍᒤᒻᒪᑦ ᓴᐅᓕᐅᑉ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᖁᑎᒥᓄᑦ. ᓴᐅᓕᐅᓪᓗ ᐃᓄᖁᑎᖏᑕ ᐊᖓᔪᖅᑳᖁᑎᖏᑕᓗ ᑕᒪᓐᓇ ᖁᕕᐊᒋᑦᓯᐊᓚᐅᕐᐹᑦ.