ᐊᑕᓃᑦ ᓯᕗᓪᓖᑦ 2:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔪᐊᐱ ᑕᒪᑐᒥᖓ ᑐᓴᕋᒥ ᐃᑲᔪᕐᑐᐃᓚᐅᕋᒥ ᐊᑐᓁᔭᒥᒃ ᐋᑉᓴᓚᒻᒥᒃ ᐃᑲᔪᕐᑐᐃᓚᐅᖏᒃᑲᓗᐊᕐᓗᓂ. ᕿᒪᒃᓯᕗᖅ ᑲᑎᒪᕕᖕᒧᑦ ᐊᑕᓂᐅᑉ ᑐᐱᕐᔪᐊᖓᓄᑦ, ᑐᓂᕐᕈᓯᕐᕕᐅᑉ ᑎᕆᖅᑯᐊᑕ ᓇᒡᔪᓐᖑᐊᖏᓐᓂᒃ ᑎᒍᒥᐊᓕᕐᓗᓂ.

ᐊᑕᓃᑦ ᓯᕗᓪᓖᑦ 2:28 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 17:25

ᐋᑉᓴᓚᐅᑉ ᐊᒪᓴ ᑲᒪᔨᓐᖑᕐᑎᓚᐅᕐᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ. ᐋᒪᓴ ᐃᕐᓂᕆᔭᐅᓚᐅᕐᐳᖅ ᔨᑎᕆᒧᑦ ᐃᓴᕆᐊᓕᒥᐅᑕᕐᒧᑦ; ᐊᓈᓇᖓᓗ ᐊᐱᒊᓕᒥᒃ ᐊᑎᖃᕐᐳᖅ, ᓇᕼᐊᓯᐅᑉ ᐸᓂᖓ ᔨᕈᐃᐊᐅᑉ ᔪᐊᐱᐅᓪᓗ ᐊᓈᓇᖓᑕ ᓄᑲᖓ.

ᓴᒧᐃᓕ ᐂᑉᐸᖏᑦ 18:2

ᑍᕕᑎᐅᓪᓗ ᐊᐅᓪᓚᕐᑎᓚᐅᕐᐰᑦ ᐱᖓᓲᓕᓪᓗᒋᑦ, ᔪᐊᐱ ᐱᖓᔪᖏᓐᓂ ᐊᖓᔪᖅᑳᖑᓚᐅᕐᐳᖅ, ᔪᐊᐱᐅᓪᓗ ᓄᑲᖓ ᐊᐱᓮ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ ᔨᕈᐃᐊᐅᑉ ᐃᕐᓂᖏᒃ, ᐃᑍᓗ ᒋᑍᑎᒥᐅᑕᖅ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ. ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᓇᖕᒥᓂᖅ ᐊᐅᓪᓚᖃᑎᒋᓂᐊᕐᐸᑦᓯ.”

ᐊᑕᓃᑦ ᓯᕗᓪᓖᑦ 1:50

ᐊᑐᓁᔭ, ᓯᕘᕋᔪᐊᓘᓕᕐᐳᖅ ᓲᓗᒨᓂᒥᒃ, ᑐᐱᕐᔪᐊᒧᐊᕐᓗᓂᓗ ᑐᓂᕐᕈᓯᕐᕕᐅᑉ ᑎᕆᖅᑯᖏᓐᓂᒃ ᑎᒍᒥᐊᓕᕐᐳᖅ.

ᐊᑕᓃᑦ ᓯᕗᓪᓖᑦ 1:7

ᑕᕝᕙ ᐅᖃᖃᑎᖃᓕᕐᐳᖅ ᔪᐊᐱᒥᒃ ᔨᕈᐃᐊᐅᑉ ᐃᕐᓂᖓᓂᒃ ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ; ᑖᒃᑯᐊᒃ ᒪᓕᓕᕐᐳᒃ ᐊᑐᓁᔭᒥᒃ ᐃᑲᔪᕐᓗᒍᓗ.

ᒨᓯᓯ ᐂᑉᐸᖏᑦ 21:14

ᑭᓯᐊᓂᓕ ᐃᓄᒃ ᓂᓐᖓᐅᒪᓗᓂ ᐱᔮᕆᓗᓂᓗ ᐃᓅᖃᑎᒥᓂᒃ ᑐᖁᑦᓯᒃᐸᑦ, ᑖᓐᓇ ᑐᖁᑕᐅᔪᒃᓴᐅᕗᖅ, ᐊᒡᓛᑦ ᑐᓂᕐᕈᓯᕐᕕᖁᑎᓐᓄᑦ ᖃᓄᐃᓕᔭᐅᔪᒪᖏᓪᓗᓂ ᕿᒫᒐᓗᐊᕐᐸᑦ.

ᒨᓯᓯ ᐂᑉᐸᖏᑦ 27:2

ᑎᕆᖅᑯᖏᑕᓗ ᖄᖏᑎᒍᑦ ᓯᑕᒪᑎᒍᑦ ᓇᒡᔪᓕᐅᕐᑕᒃᓴᕆᕙᑦ; ᑖᒃᑯᐊᓕ ᑐᓂᕐᕈᓯᕐᕕᐅᑉ ᐊᓪᑕᕆᐅᑉ ᐃᓚᒋᔭᒃᓴᕆᕔᑦ ᐃᓕᐅᕋᕐᓯᒪᖏᓪᓗᑎᒃ, ᑖᓐᓇᓗ ᓯᓚᑉᐱᐊᕐᑕᒃᓴᕆᕙᑦ ᐊᑕᖏᕐᓗᒍ ᑲᓐᓄᔭᒥᒃ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.