ᐊᑕᓃᑦ ᓯᕗᓪᓖᑦ 2:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᑕᓂᐅᑉ ᐃᓅᔫᑉ, ᐃᓂᓪᓚᑦᓯᐊᕐᑎᓯᒪᖕᒪᖓ ᐱᖏᖕᓇᕈᓐᓁᕐᑎᓪᓗᓂᖓ ᐊᑖᑕᒪ ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓄᑦ; ᐊᖏᒻᒪᕆᖕᓂᓂ ᑲᔪᓯᑎᓯᒪᖕᒪᒍ ᑕᒪᓐᓇ ᐊᖓᔪᖅᑳᕐᔪᐊᖑᓂᖅ ᐅᕙᓐᓄᑦ ᑭᖑᕚᒃᓴᒃᑲᓄᓪᓗ. ᐅᖃᕕᒃᐳᖓ ᐊᑕᓂᐅᑉ ᐊᑎᖓ ᑍᓪᓗᒍ ᐅᓪᓗᒥ ᑕᒪᑐᒪᓂ ᐊᑐᓁᔭ ᑐᖁᓂᐊᕐᐳᖅ!”

ᐊᑕᓃᑦ ᓯᕗᓪᓖᑦ 2:24 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:10

ᒫᓐᓇᓕ ᑍᒤᒻᒪᑦ ᑭᖑᕚᕐᓂᑦ ᑐᖁᔪᖃᖃᑦᑕᓛᓕᕐᐳᖅ ᖁᕕᐊᓇᖏᑦᑐᒃᑯᑦ ᑐᖁᔪᓂᒃ, ᓈᓚᓚᐅᖏᓐᓇᕕᓐᖓ, ᔪᕅᐊᐅᓪᓗ ᕼᐃᑍᑎᒥᐅᑕᐅᑉ ᓄᓕᐊᖓ ᓄᓕᐊᕐᑖᕆᓚᐅᕋᕕᐅᒃ.

ᓴᒧᐃᓕ ᐂᑉᐸᖏᑦ 7:27

ᐃᕝᕕᑦ ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓴᕆᐊᓕᒥᐅᑦ ᒎᑎᖓ, ᑕᒪᓐᓇ ᐱᔨᖕᓄᑦ ᑕᑯᔭᐅᑎᓚᐅᕋᕕᐅᒃ ᐅᖃᕐᓗᑎᑦ, ‘ᑭᖑᕚᑎᑦ ᐊᖓᔪᖅᑳᕐᔪᐊᖑᔪᒫᕐᐳᑦ’; ᑍᒤᒻᒪᑦ ᐱᔩᑦ ᓴᐱᖏᓪᓗᓂ ᑐᒃᓯᐊᕈᓐᓇᓕᕐᐳᖅ ᑐᒃᓯᐊᕐᓂᕐᒥᒃ ᑕᒪᑐᒥᖓ ᐃᓕᖕᓄᑦ.

ᐊᑕᓃᑦ ᓯᕗᓪᓖᑦ 1:29

ᐊᖓᔪᖅᑳᕐᔪᐊᕐᓗ ᐊᖏᕈᑎᓕᐅᕐᐳᖅ ᐅᖃᕕᒡᓗᓂ, ᐃᒫᒃ, “ᐊᑕᓂᖅ ᐃᓅᖕᒪᑦ, ᐅᕙᓐᓂᒃ ᐱᐅᓕᒃᓯᓚᐅᕐᑐᖅ ᐊᑭᕋᕐᑐᕐᑕᐅᓂᓐᓂᑦ ᑕᒤᓐᓂᑦ,

ᐊᑕᓃᑦ ᓯᕗᓪᓖᑦ 1:46

ᓲᓗᒨᓂ ᒫᓐᓇ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᓕᕐᐳᖅ.

ᐊᑕᓃᑦ ᓯᕗᓪᓖᑦ 1:52

ᓲᓗᒨᓂ ᐅᖃᕐᐳᖅ, “ᐅᕙᓐᓂᒃ ᐅᐱᒍᓱᑦᓯᐊᕐᐸᑦ, ᐊᒡᓛᑦ ᓂᐊᖁᐊᓃᑦᑐᖅ ᓄᔭᖅ ᐊᑕᐅᓯᖅ ᐊᒃᑐᕐᑕᐅᓂᐊᓐᖏᓚᖅ; ᑭᓯᐊᓂ ᑍᒤᓐᖏᑐᐊᕐᐸᑦ ᑐᖁᑕᐅᓂᐊᕐᐳᖅ.”

ᐊᑕᓃᑦ ᓯᕗᓪᓖᑦ 10:9

ᐊᑕᓂᖅ ᓂᕐᑐᕐᑕᐅᓕ ᒎᑎᒋᔧᑦ! ᐃᓕᖕᓂᒃ ᖁᕕᐊᓲᑎᖃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᓂᑎᒃ ᐃᓴᕆᐊᓕᒥᐅᓄᑦ. ᓇᒡᓕᖕᓂᖓ ᐃᓴᕆᐊᓕᒥᐅᓄᑦ ᐃᓱᖃᖏᑦᑑᖕᒪᑦ, ᐊᖓᔪᖅᑳᕐᔪᐊᓐᖑᕐᑎᒻᒪᑎᑦ ᑖᒃᑯᓄᖓ ᐊᐅᓚᑦᓯᑦᓯᐊᕈᓐᓇᕋᕕᑦ ᐱᖁᔭᓂᒃ ᐃᖅᑲᕐᑐᐃᑦᓯᐊᕐᓂᕐᓂᒡᓗ.”

ᑯᕉᓂᑲ ᓯᕗᓪᓖᑦ 17:10

ᑍᑦᓱᒪᓂᐅᑎᓪᓗᒍ ᐃᓗᐊᕐᓮᔩᑦ ᑎᓕᓚᐅᕐᐸᒃᑲ ᐃᓄᖁᑎᓐᓂᒃ ᐃᓴᕆᐊᓕᒥᐅᓂᒃ ᑲᒪᔨᐅᖁᓪᓗᒋᑦ; ᐊᑭᕋᕐᑐᕐᑎᑎᓪᓗ ᓵᓚᒋᔪᒫᕐᐸᒃᑲ. ᓱᓕᓗ ᐅᖃᐅᑎᒃᑲᓐᓂᕐᐸᒋᑦ ᐊᑕᓂᐅᑉ ᐃᒡᓗᓕᐅᕈᒫᕐᐹᑎᑦ.

ᑯᕉᓂᑲ ᓯᕗᓪᓖᑦ 17:17

ᑕᒪᓐᓇ ᑕᑯᓐᓇᕐᑕᕕᑦ ᓵᖓᓂ ᒥᑭᔫᒐᓗᐊᖅ, ᒎᑏᒃ; ᐅᖃᕐᓯᒪᒐᕕᓪᓗ ᐱᔨᕕᑦ ᐃᓚᒋᔭᖏᑕ ᓯᕗᓂᕐᒥ ᐊᖏᔪᒥᒃ ᐱᕙᓪᓕᐊᓂᒃᓴᕆᔭᖏᓐᓂᒃ, ᑕᑯᑎᓯᒪᒐᕕᖓᓗ ᓯᕗᓂᒃᓴᒥ ᑭᖑᕚᕇᒃᐸᓪᓕᐊᔪᒫᕐᑐᓂᒃ, ᐊᑕᓃᖅ ᒎᑏᒃ!

ᑯᕉᓂᑲ ᓯᕗᓪᓖᑦ 17:23

“ᒫᓐᓇᓗ, ᐊᑕᓃᖅ, ᐅᖃᐅᓰᑦ ᐅᖃᐅᓯᕆᓚᐅᕐᑕᑎᑦ ᐱᔩᖕᓄᑦ ᐃᓚᖏᓐᓄᓪᓗ ᑲᔪᓯᓕᕐᓕᑦ ᐃᓱᖃᖏᑦᑐᒧᑦ, ᑲᔪᓯᓕᕆᓪᓗ ᐅᖃᐅᓯᕆᓚᐅᕐᑕᑎᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 22:10

ᑖᓐᓇ ᐃᒡᓗᓕᐅᕈᒫᕐᐳᖅ ᐊᑎᕋ ᐅᐱᓐᓇᕐᑎᑕᐅᖁᓪᓗᒍ. ᑖᓐᓇᓗ ᐃᕐᓂᕆᔪᒫᕐᐸᕋ, ᑖᑦᓱᒪᓗ ᐊᑖᑕᒋᔪᒫᕐᐹᖓ; ᐊᖓᔪᖅᑲᐅᕕᖓᑕᓗ ᐃᒃᓯᕙᐅᑕᕐᔪᐊᖓ ᐋᖅᑭᒃᓯᒪᑎᑦᓱᒫᕐᐸᕋ ᐃᓴᕆᐊᓕᒥᐅᓂ ᐃᓱᖃᖏᑦᑐᒧᑦ.’

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᐃᓐᖏᕈᑎᑦ 127:1

ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᒨᓯᓯ ᐂᑉᐸᖏᑦ 1:21

ᐃᓴᕆᐊᓕᒥᐅᓪᓗ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ ᐃᕐᓂᓱᒃᓰᔩᑦ ᒎᑎᒥᒃ ᓯᕘᕋᒋᔭᖃᓚᐅᕐᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:2

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᑲᑉᐱᐊᓇᕐᑐᖅ, ᓛᔭᐅᑉ ᓂᓪᓕᐊᓂᖓᑐᑦ ᑍᒤᑉᐳᖅ; ᐊᖓᔪᖅᑳᕐᔪᐊᕐᒥᒃ ᓂᓐᖓᒃᑎᑦᓯᔪᖅ ᐃᓅᓯᕐᒥᓂᒃ ᓴᒃᑯᐃᔭᕆᐊᖃᕐᐳᖅ.

ᓴᒧᐃᓕ ᓯᕗᓪᓖᑦ 25:28

ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.