ᐊᑕᓃᑦ ᓯᕗᓪᓖᑦ 2:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᑖᑦᓱᒧᖓ, “ᓱᖕᒪᑦ? ᕿᓄᕕᒋᕕᖓ ᑐᓂᓯᖁᓪᓗᖓ ᐊᐱᓵᒡᒥᒃ ᓲᓇᒤᑎᒥᐅᑕᕐᒥᒃ ᐊᑐᓁᔭᒧᑦ? ᑕᒪᑐᒥᖓ ᕿᓄᕕᒋᓂᐊᕈᕕᖓ ᐊᖓᔪᖅᑳᕐᔪᐊᖑᓂᓐᓂᒃᑕᐅᖅ ᑖᑦᓱᒧᖓ ᕿᓄᑦᔪᑎᖃᑐᐃᓐᓇᓕᕆᑦ ᑐᓂᔭᐅᖁᓪᓗᒍ. ᐅᐱᓐᓇᕋᓂ ᑖᓐᓇ ᐊᖓᔪᒋᒐᒃᑯ ᑖᒃᑯᐊᑦᑕᐅᖅ ᐊᐰᐊᑕ ᑐᓂᕐᕈᓯᕐᑎᑦᓯᔨ ᔪᐊᐱᓗ ᔨᕈᐃᐊᐅᑉ ᐃᕐᓂᖓ ᑖᑦᓱᒥᖓ ᐃᑲᔪᕐᑐᕐᒪᑎᒃ.”

ᐊᑕᓃᑦ ᓯᕗᓪᓖᑦ 2:22 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:8

ᐊᑕᓂᐅᕕᖓᓂᒡᓗ ᑐᓂᓚᐅᕐᐸᒋᑦ, ᓄᓕᐊᖏᓐᓂᒡᓗ ᐊᑐᐃᓐᓇᖃᕐᑎᓚᐅᕐᐸᒋᑦ, ᐊᖓᔪᖅᑳᕐᔪᐊᕈᕐᑎᓚᐅᕐᐸᒋᑦ ᐃᓴᕆᐊᓕᒥᐅᓄᑦ ᔫᑕᒥᐅᓄᓪᓗ; ᑕᒪᓐᓇ ᓈᒻᒪᓚᐅᖏᑉᐸᑦ, ᑐᓂᒃᑲᓐᓂᕈᓐᓇᓚᐅᕐᐸᒋᑦ ᒪᕐᕈᐊᕐᑎᓪᓗᐊᕐᑐᓂᒃ.

ᓴᒧᐃᓕ ᐂᑉᐸᖏᑦ 16:21

ᐊᕼᐃᑐᐱᓕᓗ ᐋᑉᓴᓚᒻᒧᑦ ᑭᐅᕗᖅ, “ᐊᑖᑕᕕᑦ ᓄᓕᐊᖏᓐᓂᒃ ᐱᖃᑎᖃᕆᐊᕐᑐᓕᕆᑦ ᕿᒪᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᖃᕐᕕᒃ ᑲᒪᒋᔭᐅᖁᓪᓗᓂᐅᒃ; ᐃᓴᕆᐊᓕᒥᐅᓕᒫᓪᓗ ᖃᐅᔨᓂᐊᕐᐳᑦ ᐊᑖᑕᕕᑦ ᐊᑭᕋᕆᓕᕐᒪᑎᑦ, ᒪᓕᒃᑎᑎᓪᓗ ᑲᑦᓱᖎᕐᑎᑕᐅᒻᒪᕆᖕᓂᐊᕐᐳᑦ.”

ᐊᑕᓃᑦ ᓯᕗᓪᓖᑦ 1:11

ᓁᑕᓂ ᐹᓯᐸᒧᑦ ᐅᖃᕐᐳᖅ ᓲᓗᒨᓂᐅᑉ ᐊᓈᓇᖓᓄᑦ, “ᑐᓴᓚᐅᓐᖏᓚᑏᑦ ᐊᑐᓁᔭᒥᒃ ᕼᐊᒋᑎᐅᑉ ᐃᕐᓂᖓᓂᒃ ᑖᓐᓇ ᐊᖓᔪᖅᑳᕐᔪᐊᓐᖑᕐᒪᑦ? ᐊᖓᔪᖅᑳᕐᔪᐊᕗᓪᓗ ᑍᕕᑎ ᑕᒪᑐᒥᖓ ᖃᐅᔨᒪᓐᖏᓛᖅ?

ᐊᑕᓃᑦ ᓯᕗᓪᓖᑦ 2:15

ᐊᑐᓁᐊ ᐅᖃᕐᐳᖅ, “ᖃᐅᔨᒪᔪᑎᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᓚᐅᕋᓗᐊᕋᒪ, ᐃᓴᕆᐊᓕᒥᐅᓕᒫᓪᓗ ᑕᒪᑐᒥᖓ ᓂᕆᐅᒋᔭᖃᓚᐅᕐᓱᑎᒃ, ᑕᒪᓐᓇ ᑭᓯᐊᓂ ᑍᒤᓯᒪᖏᒻᒪᑦ, ᓄᑲᕋ ᐊᖓᔪᖅᑳᕐᔪᐊᓐᖑᖔᕐᓯᒪᖕᒪᑦ ᐊᑕᓂᐅᑉ ᐱᔪᒪᔭᖓ ᒪᓕᒡᓗᒍ.

ᑯᕉᓂᑲ ᓯᕗᓪᓖᑦ 3:2

ᐱᖓᔪᐊᑦ, ᐋᑉᓴᓚᒻ ᒫᑲᐅᑉ ᐃᕐᓂᖓ, ᑕᓪᒤᑉ ᐸᓂᖓᑕ, ᒋᓱᕅᐊᐅᑉ ᐊᖓᔪᖅᑳᕐᔪᐊᖓᑕ; ᓯᑕᒪᖓᑦ, ᐊᑐᓁᔭ ᕼᐊᒋᑎᐅᑉ ᐃᕐᓂᖓ.

ᑯᕉᓂᑲ ᓯᕗᓪᓖᑦ 3:5

ᐅᑯᐊ ᔨᕉᓴᓕᒥ ᐃᕐᓂᕐᑖᕆᓯᒪᕔᑦ: ᓯᒥᐊ, ᓲᐸᑉ, ᓁᑕᓂ, ᓲᓗᒨᓂᓗ, ᑖᒃᑯᐊ ᓯᑕᒪᑦ ᐱᐊᕐᓰᐸᒃᑯᑦ ᐃᕐᓂᕐᑖᕆᓚᐅᕐᐰᑦ ᐊᒥᐅᓕᐅᑉ ᐸᓂᖓᓂᑦ.

ᒫᑎᐅᓯᐅᑉ ᐊᒡᓚᖏᑦ 20:22

ᔩᓱᓯᐅᑉ ᑭᐅᕚᒃ, “ᐊᐱᖅᑯᓯᕆᔭᑦᓯᖕᓂᒃ ᖃᐅᔨᒪᓐᖏᓚᓯᒃ, ᐃᒥᐅᑎᒥᒃ ᐃᒥᕐᓂᐊᕐᑕᓐᓂᒃ ᐃᒥᕈᓐᓇᕐᐱᓰᒃ?” ᑖᒃᑯᐊᒃ ᑭᐅᕚ, “ᐃᒥᕈᓐᓇᕐᐸᕗᒃ.”

ᒫᑯᓯᐅᑉ ᐊᒡᓚᖏᑦ 10:38

ᔩᓱᓯᐅᑉ ᐅᖃᐅᑎᕚᒃ, “ᕿᓄᐊᕆᔭᑦᓯᖕᓂᒃ ᖃᐅᔨᒪᓐᖏᓚᓯᒃ. ᐃᒥᐅᑎᒥᒃ ᐃᒥᕐᓂᐊᕐᑕᓐᓂᒃ ᐃᒥᕈᓐᓇᕋᓗᐊᕐᐱᓰᒃ? ᐅᕝᕙᓗ ᐹᑉᑎᑕᐅᑦᔪᑎᒋᓂᐊᕐᑕᓐᓄᑦ ᐹᑉᑎᑕᐅᔪᓐᓇᕋᓗᐊᕐᐱᓰᒃ?”

ᔧᒥᓯᐅᑉ ᐊᒡᓚᖏᑦ 4:3

ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ.