ᐊᑕᓃᑦ ᓯᕗᓪᓖᑦ 19:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓔᓴ ᐅᑎᕋᒥ, ᐃᒻᒧᒃᓯᐅᒐᖁᑎᓂ ᒪᕐᕉᓈᕐᑎᕐᓯᒪᓪᓗᑎᒃ ᐅᓂᐊᓲᑦ ᑐᖁᑉᐰᑦ ᐆᔪᓕᐅᕐᓗᒋᓪᓗ, ᑲᓕᒐᖏᑦ ᐃᑯᐊᓪᓚᖅᑯᑎᒋᓪᓗᒋᑦ, ᐃᓄᖕᓄᓪᓗ ᑐᓂᕔᑦ, ᑖᒃᑯᐊᓗ ᓂᕆᕗᑦ. ᒪᑭᓐᓇᒥᓗ ᐃᓔᑦᔭᒥᒃ ᒪᓕᒃᓴᕐᐳᖅ, ᐃᑲᔪᕐᑎᒋᓕᕐᐹᓗ.

ᐊᑕᓃᑦ ᓯᕗᓪᓖᑦ 19:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 24:22

ᑕᕝᕙ ᐊᕋᐅᓇ ᑍᕕᑎᒧᑦ ᐅᖃᕐᐳᖅ, “ᐱᒋᓕᕈᖅ ᐊᖓᔪᖅᑳᒃ, ᐃᓱᒪᕐᓱᑎᒋᓗᒍ ᐊᑕᓂᕐᒧᑦ ᑐᓂᕐᕈᓯᓕᕆᑦ ᐃᓱᐊᕐᑑᔪᕆᔭᕐᓂᒃ; ᐅᑯᐊ ᑕᕝᕙ ᐆᒪᔪᐃᑦ ᐃᒻᒧᒃᓯᐅᒊᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ; ᐅᑯᐊᓗ ᑕᕝᕙ ᓇᖕᒪᐅᑕᖏᑦ ᓯᖃᓕᑦᓯᕕᐅᓪᓗ ᕿᔪᒃᓴᖏᑦ ᐃᑯᐊᓪᓚᖅᑯᑎᒃᓮᑦ.”

ᐊᑕᓃᑦ ᓯᕗᓪᓖᑦ 18:43

ᐱᔨᓂᓗ ᐅᖃᐅᑎᕚ, “ᒫᓐᓇ ᑕᑉᐸᐅᖓ ᑕᑯᔭᕐᑐᕆᑦ, ᐃᒪᐅᑉ ᓇᓛᓄᑦ.” ᑕᕝᕙ ᑕᑉᐸᐅᓐᖓᕐᐳᖅ ᑕᑯᓂᐊᕐᓗᓂ, ᐅᖃᕐᓗᓂᓗ, “ᓱᓇᑕᖃᓐᖏᓚᖅ.” ᐅᖃᐅᑎᒃᑲᓐᓂᕐᐹ, “ᑕᑉᐸᐅᓐᖓᓚᐅᕐᒥᒋᑦ.” 7ᐃᕐᓱᓗᓂ ᐅᖃᐅᑎᖃᑦᑕᓚᐅᕐᐹ, “ᑕᑯᔭᕐᑐᒃᑲᓐᓂᕆᑦ.”

ᐊᑕᓃᑦ ᐂᑉᐸᖏᑦ 2:3

ᒎᑎᐅ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᑎᓕᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᕐᒧᑦ ᐅᓪᓗᒥ ᐂᔭᐅᓂᐊᕐᓂᖓᓂᒃ?” ᐃᓔᓴᐅᑉ ᑭᐅᕔᑦ, “ᖃᐅᔨᒪᔪᖓ, ᐅᖃᐅᓯᕆᑦᑍᓕᓯᐅᒃ.”

ᐊᑕᓃᑦ ᐂᑉᐸᖏᑦ 3:11

ᔨᕼᐅᓴᐸᑎᐅᑉ ᐊᐱᕆᓕᕐᐰᑦ, “ᐊᑕᓂᐅᑉ ᐅᖃᕐᑎᖓᓂᒃ ᑕᒪᓃᑦᑐᖃᓐᖏᓛᖅ, ᐊᑕᓂᖅ ᖃᐅᔨᒋᐊᕐᕕᒋᓂᐊᕋᑦᑎᒍ ᑖᓐᓇ ᐊᖅᑯᑎᒋᓗᒍ?” ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᓐᓂᒃ ᓂᓪᓕᕐᑐᖃᕐᐳᖅ, “ᐃᓔᓴ ᓴᕚᑎᐅᑉ ᐃᕐᓂᖓ ᑕᒫᓃᑦᑐᒐᓗᐊᖅ, ᐃᓔᑦᔭᐅᑉ ᐊᒡᒐᖏᓐᓄᑦ ᐃᒥᕐᒥᒃ ᑯᕕᓯᕙᓚᐅᕐᑐᖅ.”

ᒨᓯᓯ ᐂᑉᐸᖏᑦ 24:13

ᑕᕝᕙ ᒨᓯᓯ ᐸᕐᓇᓕᕐᐳᖅ ᐱᔨᓂ ᔮᓱᐊ ᐃᓚᒋᓪᓗᒍ, ᒨᓯᓯᓗ ᖃᖅᑲᒧᑦ ᒪᔪᕋᕐᐳᖅ ᒎᑎᐅᑉ ᖃᖅᑲᖁᑎᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:5

ᓄᓇᓕᖕᓄᑦ ᓴᓛᒥᓯᒧᐊᕋᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᕘᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ. ᔪᐊᓇᓯ ᒫᑯᓯ ᐃᑲᔪᕐᑎᒋᓪᓗᒍ.

ᑎᒧᑎᒧᑦ ᐂᑉᐸᖏᑦ 4:11

ᓘᑲᓯᐅᑉ ᑭᓯᐊᓂ ᓇᔪᕐᑕᑐᐊᕆᕚᖓ. ᒫᑯᓯ ᐃᓇᓪᓗᒍ ᑎᑭᖃᑎᒋᓛᕐᐸᑦ; ᑖᑦᓱᒪ ᐊᑑᑎᓕᖕᒥᒃ ᐃᑲᔪᕈᓐᓇᕐᒪᖓ ᐱᓇᓱᐊᒐᒃᓴᓐᓂᒃ.

ᐰᓕᒨᓂᒧᑦ 1:13

ᐱᓯᒤᓐᓇᕈᒪᔭᕋᓗᐊᕋ, ᑎᒍᔭᐅᓯᒪᓂᓐᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ, ᐅᕙᓐᓂᒃ ᐃᑲᔪᕈᓐᓇᖁᓪᓗᒍ ᐃᓇᖏᕐᓗᑎᑦ.

ᓴᒧᐃᓕ ᓯᕗᓪᓖᑦ 6:14

ᑕᕝᕙ ᑲᓕᒐᖅ ᑎᑭᐅᑎᕗᖅ ᐱᕈᕐᓰᕕᖕᒧᑦ ᐱᒋᔭᐅᔪᒧᑦ ᔮᓱᐊᒧᑦ ᐱᑦ-ᓯᒥᔅᒦᑦᑐᒧᑦ, ᑕᕝᕗᓐᖓᕋᒥᓗ ᓄᖅᑲᕐᐳᖅ. ᐅᔭᕋᒡᔪᐊᑉ ᓴᓂᐊᓄᑦ; ᐃᓄᐃᓪᓗ ᑲᓕᒐᖅ ᓱᕋᒃᑎᕐᓗᒍ ᑭᔪᒃᓴᓕᐊᕆᕚᑦ ᐃᒻᒧᒃᓯᐅᒑᒡᓗ ᑐᖁᓪᓗᒋᒃ ᐃᑯᐊᓪᓚᒃᐰᑦ ᑐᓂᕐᕈᑎᒋᓪᓗᒋᒃ ᐊᑕᓂᕐᒧᑦ.