ᐊᑕᓃᑦ ᓯᕗᓪᓖᑦ 19:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓂᐅᓪᓗ ᐅᖃᐅᑎᕚ, “ᐂᓕᕆᑦ, ᓇᖏᕆᐊᕐᑐᕐᓗᑎᑦ ᖃᖅᑲᐅᑉ ᖄᖓᓂ ᐊᑕᓂᐅᑉ ᓵᖓᓂ.” ᑕᑯᒋᓪᓗ, ᐊᑕᓂᖅ ᐊᖅᑯᓵᕐᐳᖅ, ᐊᓄᕆᕐᔪᐊᒧᑦ ᑎᑭᑕᐅᕗᖅ ᐅᔭᕅᓪᓗ ᓯᖁᑦᑎᕐᐰᑦ ᖃᖅᑲᒦᑦᑐᑦ ᐊᑕᓂᐅᑉ ᓵᖓᓂ, ᐊᑕᓂᕐᓕ ᐊᓄᕆᕐᔪᐊᒦᓚᐅᓐᖏᓚᖅ; ᐊᓄᕆᐅᑉ ᑭᖑᓂᖓᒍᑦ ᓄᓇ ᓴᔪᒃᐱᓪᓚᒃᐳᖅ, ᐊᑕᓂᕐᓕ ᓴᔪᒃᐱᓪᓚᖕᒦᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 19:11 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 38:1

ᑕᕝᕙ ᐅᓚᔪᔭᕐᒥᑦ ᐊᑕᓂᖅ ᐅᖃᕐᐳᖅ ᔫᐱᒧᑦ, ᐅᖃᕐᓗᓂᓗ:

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 68:8

ᓄᓇ ᓴᔪᓚᐅᕐᐳᖅ, ᕿᓔᓪᓗ ᑯᕕᓚᐅᕐᐳᑦ ᓯᓚᓗᖕᒥᒃ, ᒎᑎᐅᑉ ᓇᔪᕐᓂᖓᓄᑦ; ᓮᓁᓗᑦᑕᐅᖅ ᓴᔪᓚᐅᕆᕗᖅ ᒎᑎᐅᑉ ᓇᔪᕐᓂᖓᓄᑦ, ᐃᓴᕆᐊᓕᑏᑦ ᒎᑎᖓᓐᓄᑦ.

ᐃᓐᖏᕈᑎᑦ 68:9

ᐃᕝᕕᑦ ᒎᑏ, ᓯᓚᓗᒃᑎᑦᓯᓚᐅᕐᐳᑎᑦ ᐊᒥᒐᖏᑦᑐᒥᒃ, ᑍᒫᒃ ᐱᒃᓴᕆᔭᑎᑦ ᓇᓗᓁᓚᐅᕐᐸᑎᑦ, ᑕᖃᓯᒪᔪᓐᓃᕐᑎᓪᓗᒋᓪᓗ.

ᒨᓯᓯ ᐂᑉᐸᖏᑦ 19:16

ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.

ᒨᓯᓯ ᐂᑉᐸᖏᑦ 19:20

ᐊᑕᓂᕐᓗ ᐊᖅᑲᕋᒥ ᖃᖅᑳᓘᑉ ᖄᖓᓄᐊᕐᐳᖅ ᓮᓁᒧᑦ. ᒨᓯᓯᓗ ᖃᖅᑳᓘᑉ ᖄᖓᓄᑦ ᕾᖁᕚ, ᒨᓯᓯᓗ ᒪᔪᕋᕐᐳᖅ ᖃᖅᑲᐅᑉ ᖄᖓᓄᑦ.

ᒨᓯᓯ ᐂᑉᐸᖏᑦ 20:18

ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᒨᓯᓯ ᐂᑉᐸᖏᑦ 24:12

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᒨᓯᓯ ᐂᑉᐸᖏᑦ 24:18

ᒨᓯᓯᓗ ᓄᕗᔭᒧᑦ ᐃᑎᕐᐳᖅ, ᖃᖅᑲᐅᑉ ᖄᖓᓃᑦᑐᒧᑦ. ᑕᕝᕙᓃᑉᐳᕐᓗ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ.

ᒨᓯᓯ ᐂᑉᐸᖏᑦ 34:2

ᖃᐅᒃᐸᑦ ᐅᓪᓛᒃᑯᑦ ᐊᑐᐃᓐᓇᐅᓛᕐᐳᑎᑦ, ᖃᖅᑲᒧᑦ ᓮᓁᒧᑦ ᒪᔪᕋᕐᓗᑎᑦ ᖃᖅᑲᐅᑉ ᖄᖓᓂ ᐅᕙᓐᓂᒃ ᑲᑎᓯᔭᕐᑐᓛᕐᐳᑎᑦ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 1:4

ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 37:7

ᐱᖁᔭᐅᓂᕋᓗ ᒪᓕᒡᓗᒍ ᐅᖃᖁᔭᐅᔪᒥᒃ ᐅᖃᕐᕕᒋᓕᓚᐅᕐᐸᒃᑲ; ᐅᖃᓪᓚᓕᕐᑎᓪᓗᖓ, ᑐᓴᕐᓴᐅᔪᖃᓕᕐᐳᖅ, ᑕᑯᒋᓪᓗ, ᐊᕕᓗᖅᑲᑑᓕᕐᐳᑦ; ᓴᐅᓃᓪᓗ ᐃᒻᒥᖕᓄᑦ ᑲᑎᑎᓕᕐᐳᑦ, ᐃᓂᒃᓴᒥᖕᓄᑦ ᐃᓕᐅᕋᑦᓯᐊᕐᓗᑎᒃ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᓴᑲᕅᐊᐅᑉ ᐊᒡᓚᖏᑦ 14:5

ᐃᓕᑦᓯᓗ ᕿᒫᔪᒫᕐᐳᓯ ᖃᖅᑲᐅᑉ ᓇᕐᓴᕐᔪᐊᖓᒍᑦ, ᓇᕐᓴᔪᐊᖅ ᑎᑭᓯᒪᔪᒫᕐᒪᑦ ᐊᔨᐅᓪᒧᑦ: ᕿᒫᔪᒫᕐᐳᓯ ᕿᒫᓚᐅᕋᑦᓯᑐᑦ ᓄᓇ ᓴᔪᒃᐱᓗᒃᑎᓪᓗᒍ ᐊᖓᔪᖅᑳᕐᔪᐊᖅ ᐅᓮᐊ ᔫᑕᒥ ᐊᖓᔪᖅᑳᕐᔪᐊᖑᑎᓪᓗᒍ. ᐊᑕᓂᖅ ᑕᕝᕙ ᒎᑎᒐ ᑎᑭᑦᓱᒫᕐᐳᖅ, ᐃᑦᔪᕐᓁᑦᑐᖁᑎᓂ ᐃᓚᒋᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 24:7

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᓪᓗ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ ᐅᓇᑕᖃᑦᑕᐅᑎᔪᒫᕆᕗᑦ, ᑳᖕᓇᕐᑐᕐᔪᐊᖃᕈᒫᕐᐳᖅ ᓇᓂᑐᐃᓐᓇᖅ ᓄᓇ ᓇᐅᒃᑯᑐᐃᓐᓇᖅ ᓴᔪᒃᐱᓗᖃᑦᑕᕈᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 28:2

ᑕᑯᒋᑦ, ᓄᓇ ᓴᔪᒃᐱᓪᓚᒃᑐᐊᓘᕗᖅ; ᐊᑕᓂᐅᑉ ᐂᖏᓖᖓ ᕿᓚᖕᒥᑦ ᐊᖅᑲᕐᐳᖅ, ᐃᓗᕕᐅᑉ ᒪᑐᖓ ᐅᔭᕋᒃᔪᐊᖅ ᐊᒃᓴᑲᕐᑎᑉᐹ, ᖃᖓᓄᑦ ᐃᖏᓪᓗᓂ.

ᐄᑉᕈᐃᓄᑦ 12:26

ᑍᑦᓱᒪᓂ ᓂᐱᖓᑕ ᓄᓇᕐᔪᐊᖅ ᓴᔪᒃᑎᓚᐅᕐᐹ; ᒫᓐᓇᓕ ᐊᖏᕈᑎᖃᕐᓗᓂ ᐅᖃᕐᓯᒪᕗᖅ, “ᓱᓕ ᐊᑕᐅᓯᐊᕐᓗᖓ ᓴᔪᒃᑎᑦᓯᒃᑲᓐᓂᕐᓂᐊᕐᐳᖓ ᓄᓇᕐᔪᐊᕐᒥ ᑭᓯᐊᓂᐅᖏᑦᑐᖅ ᕿᓚᖕᒥᓕᑦᑕᐅᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:18

ᖃᐅᒻᒪᓪᓚᒃᑐᖃᕐᐳᕐᓗ ᓇᐅᒃᑯᑐᐃᓐᓇᖅ, ᐃᒃᑐᓚᐅᕐᑐᖃᕐᓗᓂᓗ, ᑲᓪᓕᕐᓗ ᑭᖑᓕᕇᒃᑕᕐᓗᓂ ᑐᓴᕐᓴᐅᕗᖅ, ᓄᓇᓗ ᓴᔪᒃᐱᓪᓚᒃᑐᐊᓘᕗᖅ ᑍᒫᒃ ᐊᖏᑎᒋᔪᒥᒃ ᓴᔪᒃᐱᓪᓚᒃᑐᖃᓚᐅᕐᓯᒪᓐᖏᓚᖅ ᓄᓇᕐᔪᐊᕐᒥ ᑍᒪᓐᖓᑦ ᐃᓄᖃᓕᓚᐅᕐᓂᕐᒪᑦ, ᓄᓇᐅᓪᓗ ᓴᔪᒃᐱᓪᓚᖕᓂᖓ ᐊᖏᓂᕐᐹᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᓴᒧᐃᓕ ᓯᕗᓪᓖᑦ 14:15

ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ.