ᐊᑕᓃᑦ ᓯᕗᓪᓖᑦ 18:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᑕᕝᕙ ᐊᑕᓂᐅᑉ ᐃᑯᒪᖁᑎᖓ ᐊᖅᑲᕐᐳᖅ, ᑐᓂᕐᕈᑏᓪᓗ ᐃᑯᐊᓚᑎᑕᒃᓴᖅ ᓄᖑᑉᐹ, ᕿᔪᐃᓪᓗ, ᐅᔭᕅᓪᓗ, ᐳᔪᕅᓪᓗ, ᐃᒥᕐᓗ ᓄᖑᑉᐹ ᐃᑎᕐᓴᒦᑦᑐᖅ.

ᐊᑕᓃᑦ ᓯᕗᓪᓖᑦ 18:38 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:17

ᓯᕿᓂᕐᓕ ᓂᐱᓯᒪᓕᕐᑎᓪᓗᒍ ᑖᕐᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᕐᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᒥᒃ ᓴᖅᑭᑦᑐᖃᕐᐳᖅ ᐆᒪᔪᕕᓃᓪᓗ ᐊᒡᒍᕐᓯᒪᔪᑦ ᖁᓛᑦᑎᒎᕐᓗᓂ.

ᐊᑕᓃᑦ ᓯᕗᓪᓖᑦ 18:24

ᒎᑎᑦᓯᓗ ᐊᑎᖓᓄᑦ ᑐᒃᓯᐊᕐᓂᐊᕐᐳᓯ ᐅᕙᖓᓗ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᓂᐊᕆᕗᖓ; ᑖᓐᓇ ᒎᑎ ᑭᐅᓗᓂ ᐃᑯᒪᒥᒃ ᐃᑭᑎᑦᓯᔪᖅ, ᑖᓐᓇ ᒎᑎᐅᓂᐊᕐᐳᖅ.” ᐃᓄᓕᒫᓪᓗ ᑭᐅᕗᑦ, “ᐅᖃᑦᓯᐊᕐᐳᑎᑦ.”

ᐊᑕᓃᑦ ᓯᕗᓪᓖᑦ 18:35

ᐃᒥᕐᓗ ᑐᓂᕐᕈᓯᕐᕕᐅᑉ ᐊᕙᑖᓄᑦ ᑰᒃᐳᖅ, ᐃᑎᕐᓴᓕᐅᕐᓯᒪᔪᕐᓗ ᑕᑕᑕᐅᕗᖅ ᐃᒥᕐᒧᑦ.

ᐊᑕᓃᑦ ᓯᕗᓪᓖᑦ 18:37

ᑐᓴᓚᐅᓐᖓ, ᐊᑕᓃᖅ, ᑐᓴᓚᐅᓐᖓ, ᐅᑯᐊ ᐃᓄᐃᑦ ᖃᐅᔨᖁᓪᓗᒋᑦ ᐃᕝᕕᑦ ᐊᑕᓂᐅᒐᕕᑦ ᒎᑎ, ᐆᒻᒪᑎᖏᓪᓗ ᐅᑎᕐᑎᓪᓗᒋᑦ ᐃᓕᖕᓄᑦ.”

ᐊᑕᓃᑦ ᐂᑉᐸᖏᑦ 1:12

ᐃᓔᑦᔭᐅᓪᓕ ᑭᐅᕚ, “ᒎᑎᒧᑦ ᐃᓄᖁᑎᒋᔭᐅᒍᒪ, ᕿᓚᖕᒥᑦ ᐃᑯᒪᒥᒃ ᑲᑕᒃᑐᖃᓕᕐᓕ ᐃᓕᖕᓂᒃ ᐅᓇᑕᕐᑐᒃᓴᖁᑎᖕᓂᒡᓗ 50ᓂᒃ ᐃᑯᐊᓪᓔᓂᐊᕐᑐᒥᒃ.” ᑕᕝᕙ ᒎᑎᐅᑉ ᐃᑯᒪᖁᑎᖓ ᕿᓚᖕᒥᑦ ᑲᑕᒃᐳᖅ ᐅᓇᑕᕐᑐᒃᓮᑦ 50 ᐊᖓᔪᖅᑳᖓᓪᓗ ᐃᑯᒪᒧᑦ ᑐᖁᑕᐅᕗᑦ.

ᑯᕉᓂᑲ ᓯᕗᓪᓖᑦ 21:26

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᑐᓂᕐᕈᓯᕐᓗᓂᓗ ᐆᑕᒃᓴᓂᒃ ᓮᒻᒪᖃᑎᒌᒍᑎᒃᓴᒥᒡᓗ, ᐊᑕᓂᕐᒧᓪᓗ ᑐᒃᓯᐊᕐᐳᖅ, ᑖᑦᓱᒪᓗ ᑭᐅᕚ ᐃᑯᒪᒧᑦ ᕿᓚᖕᒥᑦ ᑲᑕᒃᑐᒧᑦ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᑐᓂᕐᕈᑎᒃᓮᑦ ᐃᑯᐊᓪᓚᒃᑎᑉᐰᑦ.

ᑯᕉᓂᑲ ᐂᑉᐸᖏᑦ 7:1

ᓲᓗᒨᓂ ᑐᒃᓯᐊᕇᕐᒪᑦ, ᐃᑯᒪ ᐊᖅᑲᕐᐳᖅ ᕿᓚᖕᒥᑦ ᑐᓂᕐᕈᑏᓪᓗ ᐃᑯᐊᓚᑎᑕᒃᓮᑦ ᐃᑯᐊᓪᓚᒃᐰᑦ ᑐᓂᕐᕈᑏᓪᓗ ᑐᖁᑕᒃᓮᑦ, ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᑐᒃᓯᐊᕐᕕᒡᔪᐊᖅ ᑕᑕᑉᐹ.

ᔫᐱᐅᑉ ᐊᒡᓚᖏᑦ 1:16

ᓱᓕ ᑖᓐᓇ ᐅᖃᓪᓚᒃᑎᓪᓗᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᕐᓗᓂᓗ, “ᑲᓪᓕᐅᑉ ᖃᐅᒻᒪᓪᓚᖕᓂᖓᓄᑦ ᓰᐱᓕᒫᑦ ᑐᖁᑕᐅᕗᑦ ᓰᐱᓕᕆᔨᓕᒫᓪᓗ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᒨᓯᓯ ᐱᖓᔪᖏᑦ 10:1

ᐂᕉᓂᐅᓪᓗ ᐃᕐᓂᖏᒃ ᓁᑖᑉ ᐊᒻᒪᓗ ᐊᐱᕼᐅ ᐃᓯᕐᓗᐊᕐᓂᑎᑦᓯᑦᔪᑎᑎᒃ ᑎᒍᕔᑦ, ᐃᑭᓪᓗᒋᓪᓗ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓗᓪᓕᕐᓗᒋᑦ; ᑐᓂᕐᕈᓯᕐᐳᒡᓗ ᐃᑯᒪᔪᒥᒃ ᐊᑕᓂᕐᒧᑦ, ᑍᒫᒃ ᐱᖁᔭᐅᓯᒪᓇᑎᒃ.

ᒨᓯᓯ ᐱᖓᔪᖏᑦ 10:2

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᐃᓅᒃ ᑖᒃᑯᐊᒃ ᓄᖑᓪᓗᒋᒃ, ᑖᒃᑯᐊᒃ ᑐᖁᕘᒃ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 9:24

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᑐᓂᕐᕈᑏᓪᓗ ᐃᑯᐊᓚᒐᒃᓮᑦ ᓄᖑᑉᐰᑦ ᑐᓐᓄᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ. ᐃᓄᐃᓪᓗ ᑕᒪᑐᒥᖓ ᑕᑯᒐᒥᒃ, ᕾᒐᓛᕐᐳᑦ ᐹᒻᒪᒡᓗᑎᒡᓗ ᑮᓇᑎᒃ ᓄᓇᒧᑦ ᐊᒃᑐᕐᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:13

ᐆᒪᔪᐊᓗᒃ ᑭᖑᓪᓕᖅ ᑲᒪᓇᕐᑐᕐᔪᐊᓂᒃ ᐱᓇᓱᐊᕈᓐᓇᕐᐳᖅ, ᐊᒡᓛᑦ ᕿᓚᖕᒥᑦ ᐃᑯᒪᒥᒃ ᓄᓇᕐᔪᐊᕐᒧᑦ ᑲᑕᒃᑎᑦᓯᔪᓐᓇᕐᐳᖅ ᐃᓄᐃᑦ ᑕᒃᑯᐊᓂ.

ᐃᓗᐊᕐᓮᔩᑦ ᐊᒡᓚᖏᑦ 6:21

ᐊᑕᓂᐅᑉ ᐂᖏᓕᖓᑕ ᑎᒃᑯᐊᕐᐰᑦ ᐊᔭᐅᑉᐱᐊᑉ ᓄᕗᐊᓄᑦ ᑎᒍᒥᐊᕐᑕᒥᓄᑦ. ᐅᔭᕋᖕᒥᑦ ᐃᑯᒪ ᓴᖅᑭᑉᐳᖅ ᓂᕿ ᓂᐊᖂᔭᕐᓗ ᓄᖑᓪᓗᒋᑦ; ᐊᑕᓂᐅᓪᓗ ᐂᖏᓕᖓ ᑕᑯᒃᓴᐅᔪᓐᓃᕐᐳᖅ ᑕᕝᕙᓐᖓᑦ.