ᐊᑕᓃᑦ ᓯᕗᓪᓖᑦ 18:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑍᒤᓕᐅᕐᑎᓪᓗᒋᑦ, ᐅᓪᓗᖅ ᕿᑎᕋᓕᕐᒪᑦ, ᐃᓔᑦᔭᐅᑉ ᒥᑕᐅᑎᒋᓕᕐᐰᑦ ᐅᖃᐅᑎᓪᓗᒋᑦ, “ᕾᒐᓛᕐᓗᓯ ᓂᐱᖅᑯᕐᑐᒋᐊᓚᐅᕆᑦᓯ, ᒎᑎᐅᒃᐸᑦ; ᐃᒻᒪᖄ ᐊᓕᐊᓁᒍᓱᑐᐃᓐᓇᕐᐳᖅ, ᐊᓯᐊᓂᒡᓘᓐᓃᑦ ᐱᔭᒃᓴᖃᕐᒪᑦ, ᐅᕝᕙᓗ ᐊᐅᓪᓚᕐᓯᒪᕗᖅ, ᐅᕝᕙᓘᓐᓃᑦ ᓯᓂᖕᒪᑦ ᑐᐹᕐᓴᕐᑕᐅᔭᕆᐊᖃᕐᒪᑦ.”

ᐊᑕᓃᑦ ᓯᕗᓪᓖᑦ 18:27 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 41:23

ᓯᕗᓂᑦᑎᓐᓂ ᐊᑐᓛᕐᑐᓂᒃ ᓇᓗᓁᕐᓯᕕᒋᓚᐅᕐᑎᒍᑦ, ᒎᑎᓪᓚᕆᐅᖕᒪᖔᑦᓯ ᑐᑭᓯᓂᐊᕋᑦᑕ; ᐱᐅᔪᒥᒃ ᐱᓂᐊᕐᓂᖃᕐᒪᖔᑦᓯ ᓱᒃᑯᑎᕆᔪᒥᒡᓘᓐᓃᑦ, ᑲᑉᐱᐊᓱᓕᖁᓪᓗᑕ ᓴᔪᓕᖁᓪᓗᑕᓗ.

ᒫᑯᓯᐅᑉ ᐊᒡᓚᖏᑦ 14:41

ᐱᖓᔪᖓᓐᓂᒃ ᑐᒃᓯᐊᕆᐊᕐᑐᑲᓐᓂᓚᐅᕐᓗᓂ ᐅᑎᕐᒥᒐᒥ, ᐅᖃᐅᑎᕔᑦ, “ᓱᓕ ᓯᓂᒃᐱᓰ ᑕᕾᕐᓯᕐᓗᓯ?, ᓈᒻᒪᒃᓯᕗᖅ! ᐃᑲᕐᕋᖅ ᓇᓪᓕᐅᑎᕗᖅ; ᐃᓅᑉ ᐃᕐᓂᖓ ᐱᔭᐅᒃᑲᕐᑕᐅᓯᕗᖅ ᐊᔪᕐᑐᓕᔪᑦ ᐱᔪᓐᓇᕐᓂᖏᓐᓄᑦ.

ᒫᑯᓯᐅᑉ ᐊᒡᓚᖏᑦ 7:9

ᐅᖃᐅᑎᒃᑲᓐᓂᕐᐰᑦ, “ᓯᓚᑐᐊᕿᓯᒪᔪᒥᒃ ᒪᓕᖏᑦᔪᑎᒃᓴᖃᕐᐸᒃᐳᓯ ᒎᑎᐅᑉ ᐱᖁᔭᖏᓐᓂᒃ, ᓇᖕᒥᓂᖅ ᐱᐅᓯᓯ ᓈᓚᒃᑕᐅᑎᖔᕈᒪᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 26:45

ᑕᕝᕙ ᑭᖑᓂᖓᒍᑦ ᐃᓕᓐᓂᐊᕐᑎᒥᓄᑦ ᐅᑎᕋᒥ ᐅᖃᐅᑎᕔᑦ, “ᓱᓕ ᓯᓂᒃᐱᓰ ᑕᕾᕐᓯᕐᓗᓯᓗ? ᑕᑯᒋᑦ, ᐃᑲᕐᕋᖅ ᓇᓪᓕᐅᑎᕗᖅ; ᐃᓅᑉ ᐃᕐᓂᖓᑕ ᐱᔭᐅᒃᑲᕐᑕᐅᕕᖓ ᐃᓄᖕᓄᑦ ᐊᔪᕐᑐᓕᔪᓄᑦ ᑎᒍᔭᐅᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓐᖏᕈᑎᑦ 121:4

ᑕᑯᒋᑦ, ᐃᓴᕆᐊᓕᑎᑦ ᓴᐳᑦᔨᔨᖓ ᓇᔭᖓᕐᓂᐊᓐᖏᓚᖅ ᓯᓂᓕᕐᓂᐊᕋᓂᓗ.

ᐃᓐᖏᕈᑎᑦ 44:23

ᑐᐸᓕᕆᑦ! ᓱᖕᒪᑦ ᓯᓂᒃᐲᑦ ᐊᑕᓃᖅ? ᒪᑭᓕᕆᑦ! ᐃᒃᓯᓐᓇᕐᑍᓕᑎᒍᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 25:8

ᐃᓱᒪᖃᕈᕕᑦ ᓲᖑᓂᖃᕐᓂᐊᕋᓱᒋᓗᑎᑦ ᐅᓇᑕᕐᓂᕐᒥ, ᑕᕝᕙ ᒎᑎᐅᑉ ᐅᕐᕈᑎᑦᓱᒫᕐᐹᑎᑦ ᐊᑭᕋᕕᑦ ᓵᖓᓄᑦ; ᒎᑎ ᐱᔪᓐᓇᕐᓂᖃᕐᒪᑦ ᐃᑲᔪᕐᓗᓂ ᐅᕐᕈᑎᑦᓯᓗᓂᓘᓐᓃᑦ.”

ᐊᑕᓃᑦ ᓯᕗᓪᓖᑦ 22:15

ᐊᖓᔪᖅᑳᕐᔪᐊᒧᑦ ᑎᑭᒻᒪᑦ, ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒤᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑦᒧᑦ, ᐅᕝᕙᓘᓐᓃᑦ ᐅᓇᑕᕆᐊᕆᐊᖃᓐᖏᓚᒍᑦ?” ᑭᐅᕗᖅ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐊᑕᓃᑦ ᓯᕗᓪᓖᑦ 18:26

ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᐱᕚᑦ ᑐᓂᔭᐅᓯᒪᔪᖅ, ᐊᑐᐃᓐᓇᕈᕐᓗᒍᓗ, ᒎᑎᒥᖕᓄᓪᓗ ᐰᓕᒧᑦ ᑐᒃᓯᐊᓚᐅᕐᐳᑦ ᐊᑎᖓ ᑍᓪᓗᒍ ᐅᓪᓛᒥᑦ ᐅᓪᓘᑉ ᕿᑎᕋᓕᕐᓂᖓᓄᑦ, ᐅᖃᕐᓗᑎᒃ, “ᐰᓖ, ᑐᓴᓚᐅᕐᑎᒍᑦ!” ᑭᓯᐊᓂᓕ ᓂᐱᖃᕐᑐᖃᓚᐅᓐᖏᓚᖅ, ᑭᐅᔪᖃᓚᐅᕋᓂᓗ. ᑖᓂᓯᕐᓗᑎᒃ ᑐᓂᕐᕈᓯᕐᕕᒃ ᓴᓇᓚᐅᕐᑕᑎᒃ ᑬᕙᓪᓚᖃᑦᑕᓚᐅᕐᐹᑦ.

ᐊᑕᓃᑦ ᓯᕗᓪᓖᑦ 18:28

ᓂᐱᖅᑯᕐᑐᓯᒋᐊᕐᐳᓪᓗ, ᐃᒻᒥᖕᓂᒡᓗ ᑭᓪᓕᐊᓪᓗᑎᒃ ᑍᒫᒃ ᐱᐅᓯᖃᕋᒥᒃ ᓴᕕᒡᔪᐊᓄᑦ ᓴᕕᑐᐃᓐᓇᓄᓪᓗ, ᐊᐅᓈᓕᓚᐅᖏᓐᓂᕐᒥᖕᓂ.

ᐃᓐᖏᕈᑎᑦ 39:3

ᐆᒻᒪᑎᒐ ᐆᓇᕐᓯᓚᐅᕐᐳᖅ ᐃᓗᓐᓂ; ᐃᓱᒪᒃᓴᕐᓯᐅᕐᑎᓪᓗᖓᓕ, ᐃᓗᒐ ᐆᓇᕐᓯᓚᐅᕐᐳᖅ. ᑕᕝᕙ ᐅᖃᓕᓚᐅᕐᐳᖓ: