ᐊᑕᓃᑦ ᓯᕗᓪᓖᑦ 18:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᐊᑕᓃᑦ ᓯᕗᓪᓖᑦ 18:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:50

ᑕᕝᕙ ᓔᐸᓂᒃᑯᒃ ᐱᑐᐃᓕᒃᑯᒃ ᑭᐅᕘᒃ, “ᑕᒪᓐᓇ ᐊᑕᓂᕐᒥᑦ ᐱᓯᒪᖕᒪᑦ; ᐅᕙᒍᓪᓕ ᐅᖃᒃᑲᓐᓂᕈᓐᓇᓐᖏᓚᒍᑦ ᐱᐅᖏᑦᑐᒥᒃ ᐱᐅᔪᒥᒡᓘᓐᓃᑦ.

ᒨᓯᓯ ᓯᕗᓪᓖᑦ 44:16

ᔫᑕᓗ ᐅᖃᕐᐳᖅ, “ᖃᓄᕐᓕ ᐅᖃᕈᓐᓇᕐᐱᑖ ᐊᖓᔪᖅᑳᑦᑎᓐᓄᑦ? ᖃᓄᕐᓗ ᐅᖃᐅᓯᖃᕐᓂᐊᕐᐱᑖ? ᐅᕝᕙᓗ ᖃᓄᖅ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᑦᓱᓐᓇᕐᐱᑖ? ᒎᑎᐅᑉ ᐸᓯᔭᒃᓴᐅᓂᕐᒥᒃ ᐱᔨᑎᑦ ᓇᓂᓯᕕᒋᓯᒪᕔᑦ; ᑕᑯᒋᑦ, ᐊᖓᔪᖅᑳᒪ ᓯᐊᓛᕐᑖᕆᕚᑎᒍᑦ, ᑕᒪᑦᑕ ᐅᕙᒍᑦ ᑖᓐᓇᓗ ᐃᒥᐅᑎᖕᓂᒃ ᓇᓂᓯᕕᐅᓯᒪᔪᖅ.”

ᐊᑕᓃᑦ ᓯᕗᓪᓖᑦ 18:20

ᑕᕝᕙ ᐂᕼᐊᑉ ᑎᓕᓯᕗᖅ ᕾᖁᓪᓗᒋᑦ ᐃᓴᕆᐊᓕᒥᐅᓕᒫᑦ, ᐅᖃᕐᑏᓪᓗ ᑲᑎᖁᕔᑦ ᖃᖅᑲᒧᑦ ᑳᕐᒥᐅᓪᒧᑦ.

ᐊᑕᓃᑦ ᓯᕗᓪᓖᑦ 18:39

ᐃᓄᓕᒫᓪᓗ ᑕᒪᑐᒥᖓ ᑕᑯᒐᒥᒃ, ᒪᓂᖅᑲᒧᑦ ᐹᒻᒪᒃᐳᑦ; ᐅᖃᕐᓗᑎᒡᓗ, “ᐊᑕᓂᖅ ᒎᑎᐅᕗᖅ! ᐊᑕᓂᖅ ᒎᑎᐅᕗ!”

ᐊᑕᓃᑦ ᐂᑉᐸᖏᑦ 17:41

ᑍᒤᒻᒪᑦ ᑖᒃᑯᐊ ᐃᓅᖃᑎᒌᒡᔪᐊᑦ ᐊᑕᓂᖅ ᓯᕘᕋᒋᓚᐅᕋᓗᐊᕐᐹᑦ, ᒎᑎᓐᖑᐊᒥᖕᓄᓪᓗ ᑐᒃᓯᐊᖃᑦᑕᓚᐅᕆᕗᑦ; ᑍᒫᒃᑕᐅᖅ ᐅᓪᓗᒥᒧᑦ ᑎᑭᓪᓗᒍ ᑭᖑᕚᖏᑦ, ᑭᖑᕚᖏᑕᓗ ᑭᖑᕚᖏᑦ ᑕᒪᑐᒥᖓ ᑲᔪᓯᒪᕕᖃᕐᐳᑦᑕᐅᖅ.

ᑯᕉᓂᑲ ᓯᕗᓪᓖᑦ 17:26

ᒫᓐᓇᓗ ᐊᑕᓃᖅ, ᒎᑎᐅᔪᑎᑦ, ᐊᖏᕈᑎᖃᓚᐅᕐᐳᑎᑦ ᐱᔩᑦ ᐱᐅᔪᓂᒃ ᐱᓂᐊᕐᕕᒋᔪᒪᓪᓗᒍ;

ᑯᕉᓂᑲ ᐂᑉᐸᖏᑦ 33:13

ᑐᒃᓯᐊᕐᕕᒋᕚᓗ, ᒎᑎᐅᓪᓗ ᕿᓄᑦᔪᑎᖏᑦ ᐃᓚᓕᐅᕐᐰᑦ ᑐᒃᓯᐊᕐᓂᖓᓗ ᑐᓴᕐᓗᒍ ᐅᑎᕐᑎᑉᐹᓗ ᔨᕉᓴᓕᒧᑦ ᐊᖓᔪᖅᑲᐅᕕᖓᓄᑦ. ᒫᓇᓯᓗ ᖃᐅᔨᕗᖅ ᐊᑕᓂᖅ ᒎᑎᐅᖕᒪᑦ.

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 119:113

ᐃᓄᐃᑦ ᐃᓕᖕᓄᑦ ᒪᕐᕈᒍᓯᕐᑐᑦ ᖁᕕᐊᒋᓐᖏᓚᒃᑲ, ᐱᖁᔭᑎᓪᓕ ᐅᖓᒋᕙᒃᑲ.

ᕼᐆᓯᐊᑉ ᐊᒡᓚᖏᑦ 10:2

ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 22:12

ᐊᖓᔪᖅᑳᕐᔪᐊᑉ ᐊᐱᕆᕚ, ‘ᐃᓚᓐᓈᒃ, ᖃᓄᖅ ᑕᕝᕗᓐᖓᕐᐲᑦ ᑲᑎᑎᑕᐅᔪᕐᓯᐅᑎᓂᒃ ᐊᓄᕌᕐᓯᒪᓇᑎᑦ?’ ᑖᓐᓇᓕ ᓂᓪᓕᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 22:34

ᐹᕆᓯᑦ ᑐᓴᕋᒥᒃ ᔩᓱᓯᐅᑉ ᓵᑦᔪᓰᑦ ᐅᖃᐅᓯᒃᓮᕈᑎᖕᒪᒋᑦ, ᐃᒻᒥᖕᓄᑦ ᑲᑎᕗᑦ,

ᒫᑎᐅᓯᐅᑉ ᐊᒡᓚᖏᑦ 22:36

ᐅᖃᕐᓗᓂ, “ᐊᔪᕆᕐᑐᐃᔩ, ᓇᓪᓕᐊᑦ ᐱᖁᔭᓂ ᐱᓪᓚᕆᐅᓂᕐᐸᐅᕚ?”

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.

ᓘᑲᓯᐅᑉ ᐊᒡᓚᖏᑦ 6:13

ᐅᓪᓗᓐᖑᕐᑎᓪᓗᒍ ᐃᓕᓐᓂᐊᕐᑎᓂ ᕾᖁᕔᑦ, ᓂᕈᐊᕐᓗᓂ ᑖᒃᑯᓇᓐᖓᑦ 12ᓂᒃ, ᑖᒃᑯᐊ ᐊᑦᑎᕐᐰᑦ ᐋᐴᓯᑕᓕᖕᓂᒃ;

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᒨᓯᓯ ᑕᓪᓕᒪᖏᑦ 4:35

ᐊᑕᓂᐅᑉ ᑕᒪᑐᒥᖓ ᑕᑯᑎᓚᐅᕐᐹᓯ, ᐃᓕᑦᓯᓐᓄᑦ ᖁᓚᕐᓇᖏᑦᑐᒥᒃ ᓴᖅᑭᑎᑦᓯᔪᒪᓪᓗᓂ ᐊᑕᓂᖅ ᒎᑎᐅᖕᒪᑦ ᐊᓯᐊᓂᒡᓗ ᒎᑎᑕᖃᕋᓂ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”