ᐊᑕᓃᑦ ᓯᕗᓪᓖᑦ 18:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᓯᕗᓪᓖᑦ 18:12 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:11

ᒫᓐᓇᓕ ᐅᖃᕐᐳᑎᑦ, ‘ᐂᓕᕆᑦ, ᐊᖓᔪᖅᑳᑦ ᐅᖃᐅᑎᓗᒍ, “ᑕᑯᒋᑦ, ᐃᓔᑦᔭ ᑕᒫᓃᑉᐳᖅ.”’

ᐊᑕᓃᑦ ᐂᑉᐸᖏᑦ 2:11

ᓱᓕ ᐱᓱᒃᓗᑎᒃ ᐅᖃᖃᑎᒌᒃᑎᓪᓗᒋᒃ, ᑕᑯᒋᑦ, ᓴᖅᑭᑦᑐᖃᑳᓪᓚᒃᐳᖅ ᕿᒧᒃᓯᐅᑎᒥᒃ ᐊᒃᓴᓗᐊᓕᖕᒥᒃ ᐃᑯᐊᓚᔪᒥᒃ ᕿᒻᒥᕐᔪᐊᕐᑕᖏᓪᓗ ᐃᑯᐊᓚᔪᑦ ᐊᖅᑯᓵᕐᒪᒋᒡᓗ ᑖᑦᓱᒧᖓ ᐊᕕᑎᑕᐅᕘᒃ. ᐃᓔᑦᔭᓗ ᕿᓚᓕᐊᕈᑦᔭᐅᕗᖅ ᐅᓚᓗᔨᕋᕐᒧᑦ.

ᐊᑕᓃᑦ ᐂᑉᐸᖏᑦ 2:16

ᑖᒃᑯᐊ ᐅᖃᕐᐳᑦ ᐃᓔᓴᒧᑦ, “ᑕᑯᒋᑦ, ᐱᔪᓐᓇᑦᓯᐊᕐᑐᓂᒃ 50ᓂᒃ ᐊᖑᑎᖁᑎᖃᕋᑦᑕ ᐊᖓᔪᖅᑳᕐᓂᒃ ᕿᓂᕆᐊᕈᓐᓇᕐᐳᑦ, ᐊᑕᓂᐅᑉ ᐊᓂᕐᓂᖓᑕ ᐱᒐᒥᐅᒃ ᓇᒧᑦ ᖃᖅᑲᐅᑉ ᖄᖓᓄᑦ ᓇᕐᓴᒧᓪᓘᓐᓃᑦ ᑲᑕᒃᑎᑕᕕᓂᕆᑐᐃᓐᓇᕆᐊᖃᕐᒪᒍ.” ᐃᓔᓴᐅᑉ ᑭᐅᕔᑦ, “ᕿᓂᕆᐊᕐᑎᓐᖏᓪᓗᒋᑦ.”

ᑯᕉᓂᑲ ᐂᑉᐸᖏᑦ 34:3

ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᑕᒪᐅᔪᕐᑐᖓᓂ, ᐃᓅᓱᒃᑑᓪᓗᓂ ᓱᓕ, ᓯᕗᓕᖓᑕ ᑍᕕᑎᐅᑉ ᒎᑎᖓ ᖃᐅᔨᓇᓱᐊᓕᓚᐅᕐᐹ; ᐊᕐᕌᒎᑉ 12ᖓᓂ ᔫᑕᐅᑉ ᔨᕉᓴᓕᐅᓪᓗ ᑐᒃᓯᐊᕐᕕᖏᑦ ᓴᓗᒻᒪᕐᓴᓕᕐᐰᑦ, ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ, ᓴᓇᐅᒊᓪᓗ ᐊᐅᒃᑎᓯᒪᔪᓪᓗ ᒎᑎᓐᖑᐊᑦ.

ᐃᓐᖏᕈᑎᑦ 71:5

ᓂᕆᐅᒋᔭᖃᐅᑎᒋᒐᒃᑭᑦ, ᐃᕝᕕᑦ ᐊᑕᓃᖅ, ᑕᑎᒋᕚᒋᑦ ᐊᑕᓃᖅ, ᑍᒪᓐᖓᑦ ᐃᓅᓱᒃᑑᓂᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 11:24

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᑕᑯᑎᑕᐅᓂᒃᑯᑦ ᐂᑎᑉᐹᖓ ᒎᑎᐅᑉ ᐊᓂᕐᓂᖓᒍᑦ ᑲᐅᓪᑎᐊᒧᑦ ᐊᐅᓪᓚᕈᑦᔭᐅᓯᒪᔪᓄᑦ. ᑕᕝᕙ ᑕᑯᑎᑕᐅᓂᕋ ᐅᕙᓐᓂᑦ ᕿᒪᕉᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 37:1

ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ, ᐊᑕᓂᐅᓪᓗ ᐊᓂᕐᓂᖓᑕ ᐊᐅᓪᓚᕈᑎᕚᖓ, ᓇᕐᓴᐅᓪᓗ ᕿᑎᖓᓄᐊᕐᑎᑉᐹᖓ; ᓴᐅᓂᕕᓂᕐᓂᒃ ᑕᑕᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᒫᑎᐅᓯᐅᑉ ᐊᒡᓚᖏᑦ 4:1

ᑕᕝᕙ ᐊᓂᕐᓂᐅᑉ ᔩᓱᓯ ᑕᓯᐅᕐᐹ ᐃᓄᖃᖏᑦᑐᒧᑦ, ᐆᒃᑐᕐᑕᐅᓗᓂ ᐱᔪᒥᓵᕐᑕᐅᖁᓪᓗᒍ ᓵᑖᓇᓯᒧᑦ.

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 12:19

ᐃᕉᑕᓯᐅᓪᓕ ᕿᓂᕐᑕᐅᑎᓕᕐᐹ ᓇᓂᔭᐅᔪᓐᓇᖏᒻᒪᓪᓕ, ᐅᓇᑕᕐᑐᒃᓮᑦ ᑲᒪᔨᐅᔪᑦ ᐊᐱᕐᓱᕐᑕᐅᑎᓕᕐᐰᑦ ᐊᐱᕐᓱᕐᑕᐅᔭᕇᕐᒪᑕ ᑐᖁᑕᐅᔭᕐᑐᖁᓕᕐᐰᑦ. ᑕᒪᑐᒪᓗ ᑭᖑᓂᖓᒍᑦ ᐃᕉᑕᓯ ᔫᑎᐊᒥᑦ ᓯᓴᕆᐊᒧᐊᕐᐳᖅ ᑍᑲᓃᓕᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 8:39

ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.

ᓴᒧᐃᓕ ᓯᕗᓪᓖᑦ 16:2

ᓴᒧᐃᓕᓗ ᐅᖃᕐᐳᖅ, “ᖃᓄᕐᓕ ᐊᐅᓪᓚᕈᓐᓇᕐᐳᖔ? ᓴᐅᓕ ᑐᓴᕈᓂ ᑐᖁᒃᑲᔭᕐᐹᖓ.” ᐊᑕᓂᕐᓗ ᐅᖃᕐᐳᖅ, “ᑐᒃᑐᕙᐅᑉ ᓄᕐᕋᖓᓂᒃ ᓇᒃᓴᕐᓗᑎᑦ, ᐅᖃᕐᑐᒃᓴᐅᕗᑎᑦ, ‘ᑎᑭᑉᐳᖓ ᑐᓂᕐᕈᓯᕆᐊᕐᑐᕐᓗᖓ ᐊᑕᓂᕐᒧᑦ.’

ᓴᒧᐃᓕ ᓯᕗᓪᓖᑦ 2:18

ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ.

ᓴᒧᐃᓕ ᓯᕗᓪᓖᑦ 2:26

ᓱᕈᓯᕐᓕ ᓴᒧᐃᓕ ᑲᔪᓯᓪᓗᓂ ᐱᕈᕐᐸᓪᓕᐊᓚᐅᕐᐳᖅ ᐱᐅᒋᔭᐅᓕᕐᐸᓪᓕᐊᓪᓗᓂᓗ ᐊᑕᓂᕐᒧᑦ ᐃᓄᖕᓄᓪᓗ.