7 ᐊᑯᓂᐅᖏᑦᑐᕐᓗ ᑰᒃ ᐸᓂᕐᐳᖅ, ᓯᓚᓗᓚᐅᖏᒻᒪᑦ ᓄᓇᒥ.
ᑐᓗᒊᑦ ᐂᑦᑐᐃᖃᑦᑕᓚᐅᕐᐳᑦ ᓂᐊᖂᔭᒥᑦ ᓂᕿᒥᒡᓗ ᐅᓪᓛᒃᑯᑦ, ᐅᓐᓄᒃᑯᓪᓗ ᑍᒫᑦᓮᓐᓇᖅ, ᑰᒐᓛᖕᒥᓪᓗ ᐃᒥᖃᑦᑕᓚᐅᕐᐳᖅ.
ᐊᑕᓂᐅᑉ ᐅᖃᐅᓯᖓᓄᑦ ᑎᑭᑕᐅᕗᖅ, ᐅᖃᕐᓗᓂ,
ᒎᑎ ᓯᓚᓗᒃᑎᑦᓯᔪᓐᓁᕐᐸᑦ, ᑕᕝᕙ ᓄᓇ ᐸᓂᕐᐳᖅ; ᐃᒪᕐᒥᒡᓕ ᒪᑐᐃᕐᓯᑐᐊᕐᐸᑦ, ᓄᓇ ᐊᑕᖏᕐᓗᓂ ᖄᒥᑉᐳᖅ.
ᑖᑦᓱᒪ ᑰᑦ ᓱᓇᖃᕈᓐᓃᕐᑎᑉᐰᑦ, ᓄᓇᐅᓪᓗ ᐃᓗᐊᓂᑦ ᑰᒃᑐᑦ ᐸᓂᕐᑎᓪᓗᒋᑦ;
ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.
ᐆᒪᔪᐃᑦ ᓄᔪᐊᕐᑐᑦ ᐊᒡᓛᑦ ᕾᒐᓛᓕᕐᐳᑦ ᐃᓕᖕᓄᑦ, ᑰᑦ ᐸᓂᕐᒪᑕ, ᐃᑯᒪᒧᓪᓗ ᓄᓇᐅᑉ ᐱᕈᕐᑐᖏᑦ ᐊᓯᕈᕐᑕᐅᖕᒪᑕ.
ᐊᑕᓂᐅᓪᓗ ᓱᒋᐊᕈᒫᕐᐹᓯ ᖃᓂᒪᓇᕐᑐᓄᑦ ᓯᐊᒻᒪᕐᐸᓪᓕᐊᔭᑦᑐᓄᑦ, ᐳᓪᓕᓕᕐᓇᕐᑐᓄᑦ ᐆᑎᕐᓇᕐᑐᓄᓪᓗ, ᓄᓇᒧᑦ ᐸᓂᕐᓇᕐᑐᒧᑦ ᐅᖅᑰᔪᐊᓗᖕᒧᓪᓗ ᓂᐊᖂᔭᒃᓴᖁᑎᓯ ᑎᑭᑕᐅᔪᒫᕐᐳᑦ ᐊᓯᕈᕐᑕᐅᖁᓪᓗᒋᑦ. ᑕᒪᒃᑯᐊᓗ ᐱᓂᕐᓗᖕᓇᕐᑐᐃᑦ ᐃᓕᑦᓯᓐᓃᖏᓐᓇᕈᒫᕐᐳᑦ ᑐᖁᓚᐅᖅᑳᕐᑎᓐᓇᓯ.
