ᐊᑕᓃᑦ ᓯᕗᓪᓖᑦ 17:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᐃᓔᑦᔭᐅᑉ ᐅᖃᐅᑎᕚ, “ᑲᑉᐱᐊᓱᒃᑍᓕᒋᑦ; ᐂᓕᕆᑦ ᐅᖃᐅᓯᕆᔭᑎᑦ ᑲᔪᓯᑎᓕᒃᑭᑦ; ᑭᓯᐊᓂᓕ ᒥᑭᔪᒥᒃ ᓂᐊᖂᔭᓕᐅᖅᑳᕐᑐᒃᓴᐅᕗᑎᑦ ᐅᕙᓐᓄᑦ ᕾᓪᓗᒍᓗ, ᑭᖑᓂᐊᒍᑦ ᐃᓕᖕᓄᑦ ᐃᕐᓂᕐᓄᓪᓗ ᓂᐊᖂᔭᓕᐅᕐᑐᒃᓴᐅᕗᑎᑦ.

ᐊᑕᓃᑦ ᓯᕗᓪᓖᑦ 17:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᐊᑕᓃᑦ ᓯᕗᓪᓖᑦ 17:12

ᑖᓐᓇᓗ ᑭᐅᕗᖅ, “ᐊᑕᓃᖅ ᒎᑏᑦ ᐃᓅᖕᒪᑦ, ᓂᐅᖂᔭᒥᒃ ᐆᑕᒃᓴᖃᓐᖏᓚᖓ, ᐃᑎᒪᓐᓄᑦ ᑭᓯᐊᓂ ᓈᒻᒪᒃᑐᒥᒃ ᓂᐊᖂᔭᒃᓴᖃᕐᐳᖓ ᐴᒍᑕᕐᒦᑦᑐᒥᒃ, ᐅᕐᓱᒥᒡᓗ ᒥᑭᔪᒥᒃ; ᒫᓐᓇᓗ, ᕿᔪᖕᓂᒃ ᐃᑯᐊᓪᓚᖅᑯᑎᒃᓴᓂᒃ ᑲᑎᕐᓱᐃᕗᖓ ᓂᐊᖂᔭᓕᐅᕈᒪᓪᓗᖓ ᐃᕐᓂᕋᓗ ᓂᕆᐊᕐᔪᒍᓐᓇᖁᓪᓗᓄᒃ, ᑭᖑᓂᐊᒍᓪᓗ ᑐᖁᓗᓄᒃ.”

ᐊᑕᓃᑦ ᓯᕗᓪᓖᑦ 17:14

ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᐃᒫᒃ ᐅᖃᕐᐳᖅ, ‘ᓂᐊᖂᔭᒃᓴᖅ ᐴᒍᑕᕐᒦᑦᑐᖅ ᓄᖑᓐᓂᐊᓐᖏᓚᖅ, ᐅᕐᓱᕐᓗ ᐴᒍᑕᕐᒦᑦᑐᖅ ᓴᓗᐊᕐᓂᐊᓐᖏᓚᖅ, ᐊᑕᓂᖅ ᓯᓚᓗᒃᑎᑦᓯᓚᐅᖅᑳᕐᑎᓐᓇᒍ ᓄᓇᒥ.’”

ᐊᑕᓃᑦ ᐂᑉᐸᖏᑦ 6:16

ᒎᑎᐅᑉ ᐃᓄᖁᑎᖓ ᐅᖃᕐᐳᖅ, “ᑲᑉᐱᐊᓱᖏᓪᓗᑎᑦ, ᑍᒃᑯᓇᖓᑦ ᐅᓄᕐᓂᕐᓴᓂᒃ ᐃᓚᖃᕐᐳᒍᑦ.”

ᑯᕉᓂᑲ ᐂᑉᐸᖏᑦ 20:17

ᐅᓇᑕᕆᐊᖃᓛᓐᖏᓚᓯ ᐅᓇᑕᕐᓂᕐᒥ ᐊᑐᐃᓐᓇᕈᕐᓗᓯ ᓄᖅᑲᖓᑐᐃᓐᓇᓛᕐᐳᓯ, ᑕᑯᓗᓯᓗ ᐊᑕᓂᐅᑉ ᓵᓚᖃᕐᓂᖓᓂᒃ ᐱᑦᔪᑎᒋᓗᓯ, ᔫᑖ ᔨᕉᓴᓕᒻᓗ.’ ᑲᑉᐱᐊᓱᖏᓪᓗᓯ, ᓴᐱᕐᑍᓕᒋᓯᓗ; ᖃᐅᒃᐸᑦ ᐅᐸᓛᕐᐸᑦᓯ ᐅᓇᑕᕆᐊᕐᓗᒋᑦ, ᐊᑕᓂᐅᓪᓗ ᐃᓚᒋᓂᐊᕐᐹᓯ.”

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:13

ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 28:5

ᐂᖏᓕ ᐊᕐᓈᖕᓄᑦ ᐅᖃᕐᐳᖅ, “ᑲᑉᐱᐊᓱᖏᓪᓗᓯᒃ; ᖃᐅᔨᒪᕗᖓ ᔩᓱᓯᒥᒃ ᕿᓂᕆᐊᕋᑦᓯᒃ ᑭᑭᐊᒃᑐᕐᑕᐅᓚᐅᕐᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 27:24

ᐅᖃᕐᓗᓂᓗ, ‘ᐸᐅᓗᓰ ᓯᕘᕋᓇᒃ; ᐊᖓᔪᖅᑳᕐᔪᐊᒻᒪᕆᐅᑉ ᓰᓴᕆᐅᑉ ᓵᖓᓂ ᐃᖅᑲᕐᑐᕐᑕᐅᔭᕆᐊᖃᕋᕕᑦ; ᒎᑎᐅᓪᓗ ᐱᑦᓯᐊᕐᓂᕐᒥᓄᑦ ᐅᒥᐊᕐᑐᖃᑎᕕᑦ ᐃᓅᓯᖏᑦ ᓴᐳᑎᓯᒪᓂᐊᕐᐰᑦ ᐱᓪᓗᑎᑦ.’

ᐄᑉᕈᐃᓄᑦ 11:17

ᐅᒃᐱᕐᓂᑯᑦ ᐂᑉᕋᕼᐋᒻ, ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕋᓱᐊᓚᐅᕐᐳᖅ, ᒎᑎᒧᑦ ᖃᐅᔨᓴᕐᑕᐅᓪᓗᓂ, ᐊᖏᕐᕕᐅᓯᒪᒐᓗᐊᕐᓗᓂ ᐃᕐᓂᑐᐊᓂ ᑐᓂᕐᕈᓯᐅᑎᑐᐃᓐᓇᕆᐊᖃᓕᓚᐅᕐᐹ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.