ᐊᑕᓃᑦ ᓯᕗᓪᓖᑦ 17:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᓐᓇᓗ ᑭᐅᕗᖅ, “ᐊᑕᓃᖅ ᒎᑏᑦ ᐃᓅᖕᒪᑦ, ᓂᐅᖂᔭᒥᒃ ᐆᑕᒃᓴᖃᓐᖏᓚᖓ, ᐃᑎᒪᓐᓄᑦ ᑭᓯᐊᓂ ᓈᒻᒪᒃᑐᒥᒃ ᓂᐊᖂᔭᒃᓴᖃᕐᐳᖓ ᐴᒍᑕᕐᒦᑦᑐᒥᒃ, ᐅᕐᓱᒥᒡᓗ ᒥᑭᔪᒥᒃ; ᒫᓐᓇᓗ, ᕿᔪᖕᓂᒃ ᐃᑯᐊᓪᓚᖅᑯᑎᒃᓴᓂᒃ ᑲᑎᕐᓱᐃᕗᖓ ᓂᐊᖂᔭᓕᐅᕈᒪᓪᓗᖓ ᐃᕐᓂᕋᓗ ᓂᕆᐊᕐᔪᒍᓐᓇᖁᓪᓗᓄᒃ, ᑭᖑᓂᐊᒍᓪᓗ ᑐᖁᓗᓄᒃ.”

ᐊᑕᓃᑦ ᓯᕗᓪᓖᑦ 17:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:15

ᐃᒥᕐᓕ ᑕᖁᐊᕆᔭᖓ ᓄᖑᒻᒪᑦ, ᓱᕈᓯᖅ ᐅᕐᐱᒊᑦ ᑭᒡᓕᖓᓄᑦ ᐃᓕᕚ.

ᒨᓯᓯ ᓯᕗᓪᓖᑦ 21:16

ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᕐᑕᖓᓄᑦ; ᐃᒻᒥᓄᓪᓗ ᐅᖃᓕᕐᓗᓂ, “ᕿᑐᕐᖓᕋ ᑐᖁᓕᕐᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᕐᑎᓪᓗᒍ, ᓄᑲᑉᐱᐊᖅ ᓂᐱᖅᑯᕐᑐᓪᓗᓂ ᕿᐊᓯᕗᖅ.

ᓴᒧᐃᓕ ᐂᑉᐸᖏᑦ 15:21

ᐃᑍᓕ ᑭᐅᕗᖅ, “ᐊᖓᔪᖅᑳᒃ, ᐊᑕᓂᖅ ᐃᓅᖕᒪᑦ, ᐊᑕᓂᕋᓗ ᐊᖓᔪᖅᑳᕐᔪᐊᕋ ᐃᓅᓪᓗᓂ, ᐊᖓᔪᖅᑳᕐᔪᐊᕋ ᐊᑕᓂᕋᓗ ᓇᒧᓐᖓᑐᐊᕐᐸᑦ ᒪᓖᓐᓇᐅᔭᕐᓂᐊᕐᐸᕋ, ᑐᖁᓂᐊᕋᓗᐊᕈᒪ ᐃᓅᓂᐊᕈᒪᓘᓐᓃᑦ ᓇᔪᕐᑕᖓᓃᖃᑕᐅᖏᓐᓇᕐᓂᐊᕐᐳᖓ.”

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 17:11

ᐂᒃᓯᓕᕐᑎᓪᓗᒍ, ᕾᖁᕚ ᐅᖃᐅᑎᓪᓗᒍᓗ, “ᓂᐊᑰᔭᒥᒡᓗ ᒥᑭᔪᒥᒃ ᐱᓯᒪᔭᕐᓂᒃ ᕾᑦᓯᓗᑎᑦ.”

ᐊᑕᓃᑦ ᓯᕗᓪᓖᑦ 17:13

ᑕᕝᕙ ᐃᓔᑦᔭᐅᑉ ᐅᖃᐅᑎᕚ, “ᑲᑉᐱᐊᓱᒃᑍᓕᒋᑦ; ᐂᓕᕆᑦ ᐅᖃᐅᓯᕆᔭᑎᑦ ᑲᔪᓯᑎᓕᒃᑭᑦ; ᑭᓯᐊᓂᓕ ᒥᑭᔪᒥᒃ ᓂᐊᖂᔭᓕᐅᖅᑳᕐᑐᒃᓴᐅᕗᑎᑦ ᐅᕙᓐᓄᑦ ᕾᓪᓗᒍᓗ, ᑭᖑᓂᐊᒍᑦ ᐃᓕᖕᓄᑦ ᐃᕐᓂᕐᓄᓪᓗ ᓂᐊᖂᔭᓕᐅᕐᑐᒃᓴᐅᕗᑎᑦ.

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:9

ᐅᓇᑕᕐᑐᓂ ᑐᖁᔪᑦ ᐱᐅᓂᕐᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᓂᑦ ᐱᕐᓕᕐᓗᑎᒃ ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 26:7

ᐊᕐᓇᒥᑦ ᐅᐸᒃᑕᐅᕗᖅ ᐳᓪᓚᐅᔭᕐᒥᒃ ᐊᑭᑐᔪᒥᒃ ᑎᐱᑦᓯᐊᕆᒃᓴᐅᒻᒥᒃ ᓇᒃᓴᕐᑐᒥᑦ, ᑖᑦᓱᒪ ᔩᓱᓯᐅᑉ ᓂᐊᖁᐊᓄᑦ ᑯᕕᕚ ᓂᕆᕕᖕᒦᑎᓪᓗᒍ.

ᓴᒧᐃᓕ ᓯᕗᓪᓖᑦ 14:39

ᐊᑕᓂᖅ ᐆᒪᖕᒪᑦ ᐱᐅᓕᒃᓯᓚᐅᕐᑑᑉ ᐃᓴᕆᐊᓕᒥᐅᓂᒃ, ᐃᕐᓂᕆᒐᓗᐊᕈᒃᑯ ᔫᓇᑕᓂ, ᑐᖁᔪᒃᓴᐅᕗᖅ.” ᑭᓯᐊᓂᓕ ᓇᓪᓕᐊᓪᓄᓪᓘᓐᓃᑦ ᐃᓄᖕᒧᑦ ᑭᐅᔭᐅᓚᐅᓐᖏᓚᖅ.

ᓴᒧᐃᓕ ᓯᕗᓪᓖᑦ 14:45

ᑕᕝᕙ ᐃᓄᐃᑦ ᐅᖃᕐᐳᑦ ᓴᐅᓕᒧᑦ, “ᔫᓇᑕᓂ ᑐᖁᔪᒃᓴᐅᕚ ᐊᖏᔪᕐᔪᐊᒥᒃ ᓵᓚᖃᕐᓂᕐᒥᒃ ᐱᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ? ᑍᒤᑦᑐᒃᓴᐅᓐᖏᓚᖅ! ᐊᑕᓂᖅ ᐆᒪᖕᒪᑦ, ᑖᑦᓱᒪ ᓵᖓᓂ ᔫᓇᑕᓂᐅᑉ ᓄᔭᖓ ᐊᑕᐅᓯᕐᓘᓐᓃᑦ ᓂᐊᖁᖓᓂᑦ ᑲᑕᖕᓂᐊᓐᖏᓚᖅ ᓄᓇᒧᑦ; ᐅᓪᓗᒥ ᐱᓂᐊᕐᓂᖓ ᒎᑎᐅᑉ ᐃᑲᔪᕐᓂᖓᓂᑦ ᐱᓯᒪᖕᒪᑦ.” ᑕᕝᕙ ᐃᓄᐃᑦ ᓴᐳᑦᔨᓚᐅᕐᐳᑦ ᔫᓇᑕᓂᒥᒃ, ᔫᓇᑕᓂᓗ ᑐᖁᑕᐅᓚᐅᓐᖏᓚᖅ.

ᓴᒧᐃᓕ ᓯᕗᓪᓖᑦ 20:21

ᑕᑯᒋᑦ, ᑍᑲᓂ ᑎᓕᓯᔪᒫᕐᐳᖓ ᓄᑲᑉᐱᐊᒥᒃ ᐅᖃᐅᑎᓗᒍ, ‘ᐂᓗᑎᑦ ᖃᕐᔪᐃᑦ ᕿᓂᕆᐊᒃᑭᑦ.’ ᓄᑲᑉᐱᐊᕐᓗ ᐅᖃᐅᑎᒍᒃᑯ, ‘ᑕᑯᒋᑦ ᖃᕐᔪᐃᑦ ᓴᓂᖕᓃᑉᐳᑦ; ᐂᓕᒃᑭᑦ ᕾᓗᑎᓪᓗ,’ ᑍᒤᓕᒍᒪ ᑕᕝᕙ ᕾᔪᓐᓇᓛᕐᐳᑎᑦ, ᐊᑕᓂᖅ ᐃᓅᖕᒪᑦ, ᑕᕝᕙ ᑲᑉᐱᐊᓇᕐᑐᖃᕋᔭᓐᖏᓚᖅ ᐃᓕᖕᓄᑦ.

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”

ᓴᒧᐃᓕ ᓯᕗᓪᓖᑦ 25:26

ᒫᓐᓇᓕ ᐊᖓᔪᖅᑳᒃ, ᐊᑕᓂᖅ ᐆᒪᖕᒪ, ᑕᕐᓃᓪᓗ ᐆᒪᑎᓪᓗᒍ, ᐊᑕᓂᐅᑉ ᐃᓂᕐᑎᓚᐅᕐᐹᑎᑦ ᑐᖁᑦᓯᖁᓇᒃ ᐊᑭᒋᐊᖁᓇᒡᓗ ᐊᒡᒐᖕᓄᑦ, ᒫᓐᓇᓕ, ᐊᑭᕋᑎᑦ ᐃᓕᖕᓂᒃ ᓱᕅᓇᓱᐊᕐᑐᑦ ᓁᐳᓪᑎᑐᑦ ᑍᒤᓕᕐᓕᑦ.

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.