30 ᐅᓇᑕᖃᑦᑕᐅᑏᓐᓇᓚᐅᕐᐴᒃ ᕆᕼᐅᐳᐊᒻ ᔨᕈᐳᐊᒻᓗ ᐃᒻᒥᖕᓄᑦ ᑍᒪᓐᖓᓕᒫᖅ.
ᐅᓇᑕᕐᓃᑦ ᓴᐅᓕᐅᑉ ᐃᓚᖏᓐᓄᑦ ᑍᕕᑎᑯᓪᓗ ᐊᑯᓂ ᑲᔪᓯᓚᐅᕐᐳᖅ; ᑍᕕᑎᓕ ᓴᓐᖏᒃᑎᑉᐸᓪᓕᐊᓚᐅᕐᐳᖅ, ᓴᐅᓕᐅᑉ ᐃᓚᖏᑦ ᓴᓐᖐᓕᕚᓪᓕᐊᖔᓕᕐᑎᓪᓗᒋᑦ.
ᕆᕼᐅᐳᐊᒻ ᑎᑭᓐᓇᒥ ᔨᕉᓴᓕᒧᑦ, ᑲᑎᖁᔨᕗᖅ 180,000ᓂᒃ ᐅᓇᑕᕐᑐᒃᓴᑦᓯᐊᕙᐅᓂᕐᐹᓂᒃ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓂᒃ ᐅᓇᑕᕆᐊᕈᒪᓪᓗᓂ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐊᖓᔪᖅᑳᕐᔪᐊᖃᕐᕕᒃ ᐅᑎᕐᑎᑦᓱᒪᓪᓗᒍ ᕆᕼᐅᐳᐊᒻᒧᑦ ᓲᓗᒨᓂᐅᑉ ᐃᕐᓂᖓᓄᑦ.
‘ᐊᑕᓂᖅ ᐃᒫᒃ ᐅᖃᕐᐳᖅ, ᐅᓇᑕᕆᐊᕐᑐᒃᓴᐅᓐᖏᓚᓯ ᓇᖕᒥᓂᖅ ᖃᑕᓐᖑᑎᑦᓯᓐᓄᑦ ᐃᓴᕆᐊᓕᒥᐅᓄᑦ. ᑕᒪᑦᓯ ᐊᖏᕐᕋᑐᐃᓐᓇᓕᕆᑦᓯ ᑕᒪᓐᓇ ᐱᐅᓯᕆᓕᕐᑕᓯ ᐅᕙᖓ ᑍᒤᑎᓐᓇᒃᑯ.’” ᐊᑕᓂᐅᑉ ᐅᖃᐅᓯᕆᔭᖏᑦ ᑎᓕᓯᑦᔪᑎᖏᓪᓗ ᓈᓚᒃᑕᐅᓚᐅᕐᐳᑦ, ᐊᖏᕐᕋᕐᓗᑎᒃ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.
ᔨᕈᐳᐊᒻ ᐱᓂᐊᕐᓂᕆᓚᐅᕐᑕᖏᑕ ᐃᓚᖏᑦ, ᐅᓇᑕᕐᓂᖏᑦ ᐊᐅᓚᑦᓯᓂᖏᓪᓗ, ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑕ ᐅᓂᒃᑲᐅᓯᐅᓂᖏᓐᓂ.
ᐋᓴ ᔫᑕᐅᑉ ᐊᖓᔪᖅᑳᕐᔪᐊᖓ ᐹᓴᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐅᓇᑍᓐᓇᓚᐅᕐᐴᒃ ᐃᒻᒥᖕᓄᑦ ᐃᓅᓯᓕᒫᒥᖕᓂᒃ.
ᕆᕼᐅᐳᐊᒻ ᐱᓂᐊᕐᓂᖏᑦ ᓯᕗᓪᓕᕐᐹᒥᑦ ᑭᖑᓪᓕᕐᐹᒧᑦ, ᑎᑎᕋᕐᓯᒪᕗᑦ ᓯᒤᐊᐅᑉ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔭᖏᓐᓂ, ᐃᑑᓪᓗ ᐅᓂᒃᑳᖏᓐᓂ. ᐅᓇᑕᕐᓂᕾᓐᓇᓚᐅᕐᐳᒡᓗ ᕆᕼᐅᐳᐊᒻ ᔨᕈᐳᐊᒻᓗ ᐃᓅᓂᓕᒫᒥᖕᓂ.
