ᐊᑕᓃᑦ ᓯᕗᓪᓖᑦ 14:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᕆᕼᐅᐳᐊᒻ ᓲᓗᒨᓂᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᓕᕐᓗᓂ 41ᓂᒃ. ᐊᖓᔪᖅᑳᖑᓚᐅᕐᐳᖅ ᐊᕐᕌᒍᓂᒃ 17ᓂᒃ ᔨᕉᓴᓕᒥ, ᐃᒡᓗᒐᓴᖕᓂ ᐊᑕᓂᐅᑉ ᓂᕈᐊᓚᐅᕐᑕᖓᓂ ᐃᓴᕆᐊᓕᒥᐅᓂᑦ, ᑕᕝᕙᓂ ᑐᒃᓯᐊᕐᕕᐅᖃᑦᑕᕈᒪᓪᓗᓂ. ᕆᕼᐅᐳᐊᒻ ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᐊᒧᓁᑎᒥᑦ ᐱᓯᒪᔪᖅ.

ᐊᑕᓃᑦ ᓯᕗᓪᓖᑦ 14:21 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:1

ᓲᓗᒨᓂ ᐊᕐᓇᓂᒃ ᐅᓄᕐᑐᓂᒃ ᓄᓇᓕᒡᔪᐊᑦ ᐊᓯᖏᓐᓂᑦ ᐱᓯᒪᔪᓂᒃ ᐱᐅᒃᓴᓚᐅᕐᒪᑦ; ᐊᖓᔪᖅᑳᕐᔪᐊᑉ ᐄᑦᔨᑉᑎᒥᐅᑕᐅᑉ ᐰᕉᑉ ᐸᓂᐊᑕ ᐊᓯᖏᓐᓂᒃ ᓄᓕᐊᓂᒃᑲᓐᓂᓚᐅᕐᐳᖅ ᕼᐃᑍᑎᒥᐅᑕᕐᒥᒃ, ᒧᐊᐱᒥᐅᑕᕐᒥᒃ, ᐊᒧᓁᑎᒥᐅᑕᕐᒥᒃ, ᐄᑐᒥᒥᐅᑕᕐᒥᒃ, ᓮᑐᓂᒥᐅᑕᕐᒥᒡᓗ.

ᐊᑕᓃᑦ ᓯᕗᓪᓖᑦ 11:32

ᓲᓗᒨᓂ ᐊᑕᐅᓯᕐᒥᒃ ᐱᓯᒪᓂᐊᕐᐳᖅ, ᐱᔨᒐ ᑍᕕᑎ ᐱᓪᓗᒍ ᔨᕉᓴᓕᒻᓗ, ᐃᒡᓗᒐᓮᑦ ᑖᒃᑯᐊ ᓂᕈᐊᕐᓯᒪᒐᒃᑭᑦ ᓄᓇᓕᒫᒥᑦ ᐃᓴᕆᐊᓕᒥᐅᓂᑦ.

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᐊᑕᓃᑦ ᓯᕗᓪᓖᑦ 11:43

ᓲᓗᒨᓂ ᑐᖁᖕᒪᑦ ᐃᓗᕕᕐᑕᐅᕗᖅ ᑍᕕᑎᐅᑉ ᐃᒡᓗᒐᓴᖏᓐᓄᑦ, ᐃᕐᓂᖓᑕ ᕆᕼᐅᐳᐊᒻ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ.

ᐊᑕᓃᑦ ᓯᕗᓪᓖᑦ 12:17

ᕆᕼᐅᐳᐊᒻ ᐊᖓᔪᖅᑳᕐᔪᐊᖑᓕᓚᐅᕐᐳᖅ ᐃᓴᕆᐊᓕᒥᐅᓄᑦ ᔫᑕᐅᑉ ᑭᖑᕚᖏᑕ ᓄᓇᖓᓃᑦᑐᓄᑦ ᐃᒡᓗᒐᓴᖏᓐᓄᓪᓗ.

ᐊᑕᓃᑦ ᓯᕗᓪᓖᑦ 14:20

ᔨᕈᐳᐊᒻ ᐊᐅᓚᑦᓯᓚᐅᕐᐳᖅ ᐊᕐᕌᒍᓂᒃ 22ᓂᒃ; ᑐᖁᖕᒪᑦ ᐃᓗᕕᕐᑕᐅᕗᖅ, ᓁᑖᑉᓗ ᐃᕐᓂᖓ ᑭᒍᕝᕕᐅᑎᕗᖅ ᐃᓂᖓᓂ.

ᐊᑕᓃᑦ ᓯᕗᓪᓖᑦ 14:31

ᕆᕼᐅᐳᐊᒻᓗ ᑐᖁᖕᒪᑦ ᐃᓗᕕᕐᑕᐅᕗᖅ ᓯᕗᓕᖏᑕ ᐃᓗᕕᕐᕕᖏᓐᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᐊᒧᓁᑎᒥᐅᑕᐅᓪᓗᓂ. ᐊᐰᔭᒻᓗ ᕆᕼᐅᐳᐊᒻ ᐃᕐᓂᖓ ᑭᖑᕝᕕᐅᑎᕗᖅ ᐊᖓᔪᖅᑳᕐᔪᐊᖑᓕᕐᓗᓂ ᐃᓂᖓᓂ.

ᐊᑕᓃᑦ ᓯᕗᓪᓖᑦ 22:42

ᔨᕼᐆᓴᐸᑦ ᐊᖓᔪᖅᑳᕐᔪᐊᕈᕐᑎᓪᓗᒍ ᐊᕐᕌᒍᖃᓚᐅᕐᐳᖅ 35ᓂᒃ, ᐊᖓᔪᖅᑳᕐᔪᐊᖑᓚᐅᕐᐳᕐᓗ ᐊᕐᕌᒍᓂᒃ 25ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᐊᔪᐸᒥᒃ ᓮᕼᐂᑉ ᐸᓂᖓᓂᒃ.

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᐊᑕᓃᑦ ᓯᕗᓪᓖᑦ 8:29

ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.

ᐊᑕᓃᑦ ᓯᕗᓪᓖᑦ 8:44

“ᐃᓄᖁᑎᑎᑦ ᐊᑭᕋᒥᖕᓂᒃ ᐅᓇᑕᕆᐊᕐᐸᑕ, ᓇᐅᒃᑰᖁᓗᒋᑦ ᐊᐅᓪᓚᖁᒍᕕᒋᑦ, ᑐᒃᓯᐊᕐᐸᑕ ᐊᑕᓂᕐᒧᑦ, ᓵᓪᓗᑎᒃ ᐃᒡᓗᒐᓴᒡᔪᐊᓄᑦ, ᓂᕈᐊᕐᓯᒪᔭᕐᓄᑦ ᐃᒡᓗᒧᓪᓗ ᐅᕗᖓ ᓴᓇᓚᐅᕐᑕᓐᓄᑦ ᐊᑎᕐᓂᒃ ᑐᓐᖓᕕᓕᖕᒧᑦ,

ᑯᕉᓂᑲ ᐂᑉᐸᖏᑦ 12:1

ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 12:13

ᐊᖓᔪᖅᑳᕐᔪᐊᖅ ᕆᕼᐅᐳᐊᒻ ᐃᒻᒥᓂᒃ ᐊᐅᓚᑦᓯᑦᓯᐊᓕᓚᐅᐳᖅ ᔨᕉᓴᓕᒥ ᐊᖓᔪᖅᑲᐅᕕᖕᒥᓂ. ᕆᕼᐅᐳᐊᒻ 41ᓂᒃ ᐊᕐᕌᒍᖃᓕᕐᓗᓂ ᐊᖓᔪᖅᑳᕐᔪᐊᓐᖑᓚᐅᕐᐳᖅ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 17ᓂᒃ ᔨᕉᓴᓕᒥ, ᐃᒡᓗᒐᓴᖕᓂ ᑕᕝᕙᓂ ᐊᑕᓂᐅᑉ ᓂᕈᐊᓚᐅᕐᑕᖓᓂ ᐃᓴᕆᐊᓕᒥᐅᑦ ᓄᓇᓕᒫᖓᓐᓂ ᐊᑎᓂ ᑕᕝᕙᓂ ᑐᒃᓯᐊᕐᕕᐅᖃᑦᑕᖁᓪᓗᒍ. ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᑖᓐᓇ ᐊᒧᓁᑎᒥᐅᑕᖅ.

ᑯᕉᓂᑲ ᐂᑉᐸᖏᑦ 13:7

ᐊᑑᑎᖃᖏᑦᑐᓪᓗ ᐃᓚᓕᐅᑎᓚᐅᕐᐳᑦ ᑖᑦᓱᒧᖓ, ᐊᔪᐃᓐᓇᓚᐅᕐᐳᑦ ᐊᑭᕋᕐᑐᕈᒪᓪᓗᑎᒃ ᕆᕼᐅᐳᐊᒻᒧᑦ ᓲᓗᒨᓂᐅᑉ ᐃᕐᓂᖓᓄᑦ, ᕆᕼᐅᐳᐊᒻ ᐃᓅᓱᒃᑑᑎᓪᓗᒍ ᖃᐅᔨᒪᓐᖏᓗᐊᕐᑎᓪᓗᒍᓗ ᑖᒃᑯᓂᖓ ᐊᑭᒪᔪᓐᓇᓚᐅᖏᒻᒪᑦ.

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᒨᓯᓯ ᑕᓪᓕᒪᖏᑦ 12:21

ᑐᒃᓯᐊᕐᕕᒃᓴᑐᐊᕆᔭᓯᓕ ᓇᔪᕐᑕᑦᓯᓐᓂᑦ ᐅᖓᓯᓗᐊᕐᐸᑦ, ᑕᕝᕙ ᓇᓂᑐᐃᓐᓇᖅ ᐆᒪᔪᓂᒃ ᐃᒻᒧᒃᓯᐅᒐᕐᓂᒃ ᓰᐱᓂᒡᓘᓐᓃᑦ ᐊᑕᓂᐅᑉ ᑐᓂᓯᒪᔭᖏᓐᓂᒃ ᐃᓕᑦᓯᓐᓄᑦ ᓂᕆᕕᒋᔪᒪᔭᑦᓯᓐᓂ ᓂᕆᔪᓐᓇᕐᐳᓯ, ᐊᖏᕐᕋᑦᓯᓐᓂ, ᑍᒫᒃ ᑕᒪᑐᒥᖓ ᐅᖃᐅᑎᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 23:3

“ᐊᒧᓁᑎᓂᒃ ᐅᕝᕙᓗ ᒧᐊᐱᒥᐅᓂᒡᓘᓐᓃᑦ, ᐊᒡᓛᑦ ᑭᖑᕚᖏᑕ ᖁᓕᖏᓐᓄᑦ ᑎᑭᓯᒪᒐᓗᐊᕐᑎᓪᓗᒋᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔪᖃᕐᑐᒃᓴᐅᓐᖏᓚᖅ.