ᐊᑕᓃᑦ ᓯᕗᓪᓖᑦ 13:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᐅᓪᓗ ᐅᖃᕐᑎᖓ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖃᕐᕕᒃᐱᑦ ᓇᑉᐸᖓᓂᒃ ᑐᓂᓂᐊᕋᓗᐊᕈᕕᖓ, ᐱᖃᑎᒋᓂᐊᓐᖏᓚᒋᑦ, ᑕᕝᕙᓂᓗ ᓂᕆᓂᐊᓐᖏᓚᖓ ᐃᒥᕐᓂᐊᕐᓇᖓᓘᓐᓃᑦ.

ᐊᑕᓃᑦ ᓯᕗᓪᓖᑦ 13:8 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:9

ᐱᖁᔭᐅᓯᒪᒐᒪ ᐊᑕᓂᐅᑉ ᐅᖃᐅᓯᖓᒍᑦ, ᐅᖃᓚᐅᕐᒪᑦ, ‘ᓂᕆᓂᐊᓐᖏᓚᑎᑦ ᐃᒥᕐᓂᐊᕐᓇᒡᓘᓐᓃᑦ, ᑎᑭᕝᕕᒋᓚᐅᕐᑕᒃᑯᑦ ᐅᑎᕐᓂᐊᕐᓇᒡᓘᓐᓃᑦ.’”

ᐊᑕᓃᑦ ᐂᑉᐸᖏᑦ 5:16

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑭᐅᕚ ᐅᖃᕐᓗᓂ, “ᐊᑕᓂᖅ ᐃᓅᖕᒪᑦ ᐱᔨᑦᓯᕐᑕᕋ, ᐱᑖᕐᑎᑕᐅᓇᓱᐊᕈᒪᖏᑦᑐᖓ.” ᓁᒪᓐ ᐊᔪᐃᓐᓈᕆᒐᓗᐊᕐᒪᒍ ᐱᔪᒪᓚᐅᓐᖏᓚᖅ.

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᒨᓯᓯ ᐂᑉᐸᖏᑦ 5:3

ᑖᒃᑯᐊᒡᓕ ᑭᐅᕘᒃ, “ᐄᑉᕈᐃᑦ ᒎᑎᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᖅ; ᑍᒤᒻᒪᑦ ᐊᐅᓪᓚᕈᓐᓇᕐᑎᓚᐅᕐᑎᒍᑦ ᐅᓪᓗᓂᒃ ᐱᖓᓱᓂᒃ ᐃᖏᕐᕋᖁᓪᓗᑕ ᐃᓄᖃᖏᑦᑐᒧᑦ, ᑕᕝᕙᓂᓗ ᐊᑕᓂᕐᒧᑦ ᒎᑎᑦᑎᓐᓄᑦ ᑐᖁᑕᒃᓴᒥᒃ ᑐᓂᕐᕈᓯᕈᓐᓇᖁᓪᓗᑕ, ᑍᒤᓕᐅᕐᓂᐊᖏᒃᑯᑦᑕ ᖃᓂᒪᓇᕐᑐᒧᑦ ᑎᑭᑕᐅᑎᑐᐃᓐᓇᕆᐊᖃᕐᒪᑎᒍᑦ ᐅᕝᕙᓗ ᑐᖁᑕᐅᑎᓪᓗᑕ ᐅᓇᑕᕐᓂᒃᑯᑦ.”

ᒨᓯᓯ ᐂᑉᐸᖏᑦ 5:6

ᐅᓪᓗᒥᓗ ᑖᑦᓱᒪᓂᑦᓮᓐᓇᖅ ᐰᕉ ᐱᖁᔨᓕᕐᐳᖅ ᓴᓇᑎᑦᓯᔨᐅᔪᓂᒃ ᐊᖓᔪᖅᑳᕆᔭᐅᔪᓂᒡᓗ ᐅᖃᐅᑎᓪᓗᒋᑦ,

ᒨᓯᓯ ᐂᑉᐸᖏᑦ 7:2

ᐂᕉᓂ ᐅᖃᐅᑎᓐᓂᐊᕐᐸᑦ ᐊᑐᕐᑕᐅᖁᔭᓕᒫᓐᓂᒃ ᐃᓕᖕᓄᑦ. ᐂᕉᓂᐅᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕐᐸᑦ ᐊᐅᓪᓚᕐᑎᑦᓯᖁᓗᒍ ᐃᓴᕆᐊᓕᒥᐅᓂᒃ, ᓄᓇᒥᓂᑦ.

ᒨᓯᓯ ᓯᑕᒪᖏᑦ 22:18

ᐸᓛᒻ ᑭᐅᒐᒥ ᐅᖃᓕᕐᐳᖅ ᐰᓚᒃ ᐱᔨᖏᓐᓄᑦ, ᐅᖃᕐᓗᓂ, “ᐹᓚᒃ ᐃᒡᓗᒥᓂᒃ ᓯᐅᓪᕕᕆᓂᒃ ᒎᓗᓂᒡᓗ ᑕᑕᑦᑐᒥᒃ ᐅᕙᓐᓄᑦ ᕾᑦᓯᒐᓗᐊᕐᐸᑦ, ᐊᑕᓂᐅᑉ ᒎᑎᒪ ᐅᖃᐅᓯᕆᔭᖓᑕ ᐅᖓᑖᓄᑦ ᐱᔪᓐᓇᖏᑦᑐᖓ, ᒥᑭᓐᓂᕐᓴᒥᒡᓘᓐᓃᑦ ᐊᖏᓂᕐᓴᒥᒡᓘᓐᓃᑦ.

ᒨᓯᓯ ᓯᑕᒪᖏᑦ 22:8

ᑖᑦᓱᒪ ᐅᖃᐅᑎᕔᑦ, “ᐅᕙᓂ ᐅᓐᓄᒃ ᓯᓂᒃᑕᓚᐅᕆᑦᓯ, ᐅᖃᐅᑎᔭᕐᑐᓛᕐᐸᑦᓯ, ᐊᑕᓂᐅᑉ ᐅᖃᕐᕕᒋᒃᐸᖓ.” ᑍᒫᒃ ᒧᐊᐱᒥᐅᑦ ᓯᕗᓕᕐᑎᖏᑦ ᐸᓛᒻᒥ ᓯᓂᒃᑕᓚᐅᕐᐳᑦ.

ᒨᓯᓯ ᓯᑕᒪᖏᑦ 24:13

‘ᐰᓚᒃ ᐃᒡᓗᒥᓂᒃ ᓯᐅᓪᕕᕆᓂᒃ ᒎᓗᓂᒡᓗ ᑕᑕᑦᑐᒥᒃ ᕾᑦᓯᒐᓗᐊᕐᐸᑦ, ᐊᑕᓂᐅᑉ ᐅᖃᐅᓯᕆᖁᔭᖓᑕ ᐅᖓᑖᓂ ᐅᖃᕈᓐᓇᓐᖏᓚᖓ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ ᐅᕙᖓ ᐃᓱᒪᒋᔭᓐᓄᑦ. ᐊᑕᓂᐅᑉ ᐅᖃᐅᓯᕆᖁᔭᖓᓂᒃ ᐅᖃᕆᐊᖃᓂᕋᓚᐅᓐᖏᓚᖔ’?

ᒫᑯᓯᐅᑉ ᐊᒡᓚᖏᑦ 6:11

ᓄᓇᓕᖕᓄᑦ ᑎᑭᒍᑦᓯ ᐃᓄᖏᓐᓂᑦ ᑐᓐᖓᓱᒃᑎᑕᐅᖏᒃᑯᑦᓯ, ᐃᓕᑦᓯᓐᓂᒡᓗ ᓈᓚᒍᒪᖏᑉᐸᑕ, ᕿᒪᓕᕈᑦᓯᒋᒃ ᐃᑎᒐᓯ ᓴᓃᔭᕐᑕᒃᓴᕆᕙᓯ ᑕᒪᓐᓇ ᓇᓗᓁᒃᑯᑕᐅᓂᐊᕐᒪᑦ ᓈᒻᒪᒋᔭᐅᖏᓐᓂᖏᓐᓂᒃ.”

ᒫᑯᓯᐅᑉ ᐊᒡᓚᖏᑦ 6:23

ᐃᕉᑕᓯᐅᑉ ᐅᖃᐅᑎᕚ, “ᓱᓕᑦᓯᐊᕐᐳᖓ ᓱᓇᑐᐃᓐᓇᑦᓯᐊᒥᒃ ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ, ᐊᖓᔪᖅᑲᐅᕕᓐᓃᑦᑐᓕᒫᑦ ᐊᕕᒃᓗᒋᒃ ᐱᔪᒪᒐᔭᕈᕕᒋᑦ ᐱᑎᑦᓱᓐᓇᕐᐸᒋᑦ.”