ᐊᑕᓃᑦ ᓯᕗᓪᓖᑦ 13:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᑕᒪᑐᒪ ᑭᖑᕐᖓᒍᑦ ᔨᕈᐳᐊᒻ ᕿᒤᓚᐅᓐᖏᓚᖅ ᐊᔪᕐᑐᓕᓂᕐᒥᓂᒃ, ᓱᓕᓕ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᐃᓄᑐᐃᓐᓇᕐᓂᒃ ᑐᓂᕐᕈᓯᕐᕕᓕᐊᕆᓚᐅᕐᑕᒥᓄᑦ, ᐱᔪᒪᔪᑐᐃᓐᓇᒥᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᑐᒃᓯᐊᕐᕕᓕᐊᕆᓯᒪᔭᒥᓄᑦ.

ᐊᑕᓃᑦ ᓯᕗᓪᓖᑦ 13:33 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 13:9

ᐊᓂᑦᑎᓚᐅᓐᖏᓚᓰ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ, ᐂᕉᓂᐅᓪᓗ ᐃᕐᓂᖏᓐᓂᒃ, ᓕᕔᑎᓂᒡᓗ, ᓇᖕᒥᓂᕐᓗ ᑐᓂᕐᕈᓯᕐᑎᑦᓯᔨᒃᓴᑦᓯᓐᓂᒃ ᑎᓕᓯᓪᓗᓯ, ᐃᓅᖃᑎᒌᒡᔪᐊᑦ ᐊᓯᓯ ᒪᓕᒡᓗᒋᑦ? ᓇᓪᓕᐊᑦ ᑐᓂᕐᕈᓯᕆᐊᖃᕐᑎᓪᓗᒍ ᐃᒻᒥᓂᒃ ᐃᑦᔪᕐᓁᓕᑎᓪᓗᓂ ᐊᖑᓴᓪᓗᕐᒥᒃ ᐅᕝᕙᓗ 7ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑉᐱᓯᐅᒃ ᒎᑎᐅᖏᑦᑐᓄᑦ?

ᑯᕉᓂᑲ ᐂᑉᐸᖏᑦ 11:15

ᔨᕈᐳᐊᒻᓗ ᑎᓕᓯᕗᖅ ᓇᖕᒥᓂᖅ ᑐᓂᕐᕈᓯᕐᑎᑦᓯᔨᒋᓂᐊᕐᑕᒥᓂᒃ ᐱᒻᒪᕆᒋᔭᐅᔪᓂ ᒎᑎᓐᖑᐊᓄᑦ, ᓄᓕᐊᕐᓂᐅᓪᓗ ᐊᓂᕐᓂᕐᓗᖏᓐᓄᑦ ᓴᑍᕋᓄᑦ, ᓄᕐᕋᓐᖑᐊᓄᓪᓗ ᓴᓇᓚᐅᕐᑕᒥᓄᑦ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᐂᒨᓯᐅᑉ ᐊᒡᓚᖏᑦ 6:11

ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ.

ᔨᕆᒤᐊᐅᑉ ᐊᒡᓚᖏᑦ 18:4

ᒪᕐᕋᐅᔭᓕᐅᕐᑎᐅᑉ ᓴᓇᔭᖓ ᐋᖅᑭᑦᓯᐊᖏᑦᑕᕌᖓᑦ, ᐊᒡᒐᖕᒥᓄᑦ ᐋᖅᑭᒋᐊᒃᑲᓐᓂᕐᓗᒍ ᐊᓯᐊᓂᒃ ᓴᓇᓕᕐᐹ, ᒪᕐᕋᐅᔭᓕᐅᕐᑎᐅᑉ ᐱᐅᒋᔭᖓ ᒪᓕᒡᓗᒍ.

ᐃᓐᖏᕈᑎᑦ 78:34

ᑐᖁᑎᑦᓯᑐᐊᕐᒪᓪᓕ, ᐊᓯᖏᑦ ᑖᑦᓱᒥᖓ ᕿᓂᓕᓚᐅᕐᐳᑦ; ᖃᕿᐊᓕᕐᓗᑎᒃ ᐊᔪᐃᓐᓇᕐᓗᑎᒡᓗ ᒎᑎ ᕿᓂᓕᕐᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 17:12

ᒤᑲᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹ ᓕᕔᑎ, ᐅᕕᒃᑲᕐᓗ ᑖᓐᓇ ᑐᓂᕐᕈᓯᕐᑎᑦᓯᔨᑖᕆᓪᓗᒍ ᑕᕝᕙᓂ ᐊᖏᕐᕋᖃᓕᕐᐳᖅ ᒤᑲᐅᑉ ᐃᒡᓗᖓᓂ.

ᒨᓯᓯ ᓯᑕᒪᖏᑦ 17:5

ᐃᒤᓐᓂᐊᕐᐳᖅ ᐊᖑᑎᐅᑉ ᓂᕈᐊᕐᑕᒪ ᐊᔭᐅᑉᐱᐊᖓ ᐱᕈᕐᕕᐅᓂᐊᕐᐳᖅ; ᑍᒫᒃ ᐃᓴᕆᐊᓕᒥᐅᑦ ᐅᕙᓐᓂᒃ ᓈᒻᒪᒃᓴᖏᓪᓗᑎᒃ ᓂᓪᓕᐊᓂᖏᑦ ᓄᖅᑲᕐᑎᓐᓂᐊᕐᐸᒃᑲ, ᐃᓕᖕᓂᒃ ᐊᑭᕋᕐᑐᕐᑐᑦ.”

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᒨᓯᓯ ᓯᑕᒪᖏᑦ 1:51

ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᐂᑉᐸᖏᑦ 28:41

ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᐃᓗᐊᕐᓮᔩᑦ ᐊᒡᓚᖏᑦ 17:5

ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.

ᐊᑕᓃᑦ ᓯᕗᓪᓖᑦ 15:26

ᐊᔪᕐᑐᓕᓚᐅᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖃᕐᓗᓂᓗ ᐊᑖᑕᖓᑕ ᐃᓅᓚᐅᕐᓂᖓᑐᑦ, ᐊᔪᕐᑐᓕᓂᕐᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 10:29

ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᑯᕉᓂᑲ ᐂᑉᐸᖏᑦ 17:4

ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

ᑯᕉᓂᑲ ᐂᑉᐸᖏᑦ 28:22

ᐅᖁᒤᑦᑐᒃᑰᕐᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᐅᒃᐱᓕᓚᓐᖏᓚᖅ ᐊᑕᓂᕐᒧᑦ; ᓱᕐᕋᓚᐅᓐᖏᓚᖅ ᐊᖓᔪᖅᑳᕐᔪᐊᖅ ᐂᕼᐊᔅ ᐱᐅᓯᕐᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:22

ᓯᓔᑦᑐᖅ ᓯᖃᓪᓕᒐᓗᐊᕈᕕᐅᒃ ᓂᐊᖂᔭᒃᓴᑐᑦ ᓯᖃᓪᓕᔭᐅᕙᒃᑐᑐᑦ, ᓯᓔᓐᓂᖓᑕ ᕿᒪᖕᓂᐊᓐᖏᓛ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.