ᐊᑕᓃᑦ ᓯᕗᓪᓖᑦ 13:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓂᐱᖅᑯᕐᑐᓪᓗᓂ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᔫᑕᒥᑦ ᐱᓯᒪᔪᒧᑦ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᓈᓚᖏᓐᓇᕕᐅᒃ ᐊᑕᓂᐅᑉ ᐅᖃᐅᓯᖓ, ᐱᖁᓯᒪᔭᖓᓗ ᒪᓕᖕᓇᒍ ᐊᑕᓂᐅᑉ ᒎᑎᕕᑦ ᐱᖁᔨᑦᔪᑎᒋᓚᐅᕐᑕᖓ ᐃᓕᖕᓄᑦ,

ᐊᑕᓃᑦ ᓯᕗᓪᓖᑦ 13:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:7

ᑕᕝᕙ ᐃᔨᖏᒃ ᐅᐃᑎᑕᐅᓕᕐᐴᒃ, ᖃᐅᔨᓕᕐᓗᑎᒡᓗ ᐊᓐᓄᕌᖃᖏᓐᓂᕐᒥᖕᓂᒃ; ᐱᒋᓖᓪᓗ ᐅᖃᐅᔭᖏᓐᓂᒃ ᒥᕐᓱᕐᓗᑎᒃ ᓵᓕᓴᓕᐅᕐᐴᒃ.

ᓴᒧᐃᓕ ᐂᑉᐸᖏᑦ 24:13

ᑕᕝᕙ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᐊᕐᕌᒍᑦ ᐱᖓᓱᑦ ᑳᖕᓇᑐᕐᔪᐊᑦ ᑎᑭᑦᑐᒃᓴᐅᕚᑦ ᐃᓕᖕᓄᑦ ᓄᓇᖕᓄᓪᓗ? ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᕿᒫᓯᒪᓗᑎᑦ ᐊᑭᕋᕐᓂᑦ ᐱᔭᐅᓇᓱᐊᕐᑎᓪᓗᑎᑦ? ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᖃᓂᒪᓐᓇᕐᑐᒧᑦ ᑎᑭᑕᐅᓗᑎᑦ ᓄᓇᖕᓂ? ᑖᒃᑯᐊ ᐃᓱᒪᒃᓴᕐᓯᐅᕈᑎᒋᓕᒃᑭᑦ, ᐅᖃᐅᑎᓂᐊᕐᐸᕐᒪ ᑭᐅᒍᑎᖕᓂᒃ ᐊᑕᓂᕐᒧᑦ ᐅᕙᓐᓂᒃ ᑎᓕᓯᓚᐅᕐᑐᒧᑦ ᐅᖃᐅᓯᕆᓂᐊᕋᒃᑯ.”

ᓴᒧᐃᓕ ᐂᑉᐸᖏᑦ 6:7

ᐊᑕᓂᐅᓪᓗ ᓂᓐᖓᐅᓯᖓ ᐆᓴᒧᑦ ᑎᑭᑉᐳᖅ; ᒎᑎᐅᓪᓗ ᐊᓇᐅᕚ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᒃᑐᕐᓯᓂᖓᓄᑦ; ᐆᔭᓗ ᑐᖁᕗᖅ ᐃᒃᓯᕐᕕᐅᑉ ᓴᓂᐊᓂ.

ᐊᑕᓃᑦ ᓯᕗᓪᓖᑦ 13:17

ᐊᑕᓂᐅᑉ ᐅᖃᐅᑎᓯᒪᖕᒪᖓ, ‘ᓂᕆᓂᐊᓐᖏᓚᑎᑦ ᐃᒥᕐᒥᒡᓘᓐᓃᑦ ᐃᒥᕐᓂᐊᕐᓇᒃ ᑕᒫᓂ, ᑎᑭᕝᕕᒋᔭᒃᑯᓪᓗ ᐅᑎᕐᓂᐊᕐᓇᒃ.’”

ᐊᑕᓃᑦ ᓯᕗᓪᓖᑦ 13:20

ᐃᒃᓯᕙᓕᕐᑎᓪᓗᒋᒃ ᓂᕆᕕᖕᒥ, ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖄᖓᓄᑦ ᑕᕝᕗᓐᖓᐅᑦᔨᖅᑲᐅᔪᒧᑦ;

ᐊᑕᓃᑦ ᓯᕗᓪᓖᑦ 13:22

ᑕᒪᐅᖓ ᐅᑎᕐᓯᒪᒐᕕᑦ, ᓂᕆᓪᓗᑎᓪᓗ ᐃᒥᕐᓯᒪᒐᕕᑦ ᐃᓂᕐᑎᕐᑕᐅᑦᔪᑎᒋᓚᐅᕐᑕᕐᓂᒃ, “ᓂᕆᑦᑍᓕᒋᑦ, ᐃᒥᕐᓂᐊᕐᓇᒡᓗ”; ᑕᒪᓐᓇ ᐱᓪᓗᒍ ᑐᖁᓂᐊᕐᐳᑎᑦ, ᑎᒦᓪᓗ ᐃᓕᔭᐅᓂᐊᓐᖏᓚᖅ ᐃᓚᒋᔭᕕᑦ ᐃᓗᕕᕐᕕᖏᓐᓄᑦ.’”

ᐊᑕᓃᑦ ᓯᕗᓪᓖᑦ 20:36

ᑕᕝᕙ ᑖᑦᓱᒪ ᐅᖃᐅᑎᕚ, “ᐊᑕᓂᐅᑉ ᓂᐱᖓᓂᒃ ᓈᓚᓚᐅᖏᓐᓇᕕᑦ, ᑕᑯᒋᑦ, ᕿᒪᑐᐊᕈᒃᑭᑦ ᓛᔭᒧᑦ ᑐᖁᑕᐅᓂᐊᕐᐳᑎᑦ.” ᑕᕝᕙ ᕿᒪᑐᐊᕐᒪᒍ ᓛᔭᒧᑦ ᐅᐸᒃᑕᐅᒐᒥ ᑐᖁᑕᐅᕗᖅ.

ᐃᔅᑕᐅᑉ ᐊᒡᓚᖏᑦ 6:13

ᕼᐂᒪᓂᓕ ᐅᓂᒃᑳᕐᒪᑦ ᓄᓕᐊᒥᓄᑦ ᔨᕆᓯᒧᑦ ᐃᓚᓐᓇᕆᔭᒥᓄᓪᓗ ᑕᒪᒃᑯᓂᖓ ᖃᓄᐃᓕᐅᖅᑲᐅᓂᕐᒥᓂᒃ, ᐃᓕᓯᒪᔪᖁᑎᖏᑕ ᓄᓕᐊᖓᑕᓗ ᔨᕆᓯᐅᑉ ᐅᖃᐅᑎᕚᑦ, “ᒧᐊᑎᑬᒧᑦ, ᔫᑎᒧᑦ ᓵᓚᐅᕙᓪᓕᐊᓕᕈᕕᑦ, ᓵᓚᒋᔪᓐᓇᕐᓂᐊᕈᓐᓁᕐᐸᑦ, ᓇᓗᓇᖏᑦᑐᒥᒡᓕ ᓵᓚᐅᖔᕐᓂᐊᓕᕐᐳᑎᑦ ᑖᑦᓱᒧᖓ.”

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᓯᑕᒪᖏᑦ 20:12

ᐊᑕᓂᐅᓪᓗ ᒨᓯᓯ ᐂᕉᓂᓗ ᐅᖃᐅᑎᕚᒃ, “ᐅᕙᓐᓂᒃ ᐅᒃᐱᕈᓱᖏᓐᓇᑦᓯᒃ, ᐅᕙᓐᓂᒡᓗ ᐃᑦᔪᕐᓁᑎᑦᓯᓚᐅᖏᓐᓇᑦᓯᒃ ᐃᓴᕆᐊᓕᒥᐅᑦ ᑕᒃᑯᐊᓂ, ᑍᒤᒻᒪᑦ ᐃᓄᒋᐊᒃᑐᕐᔪᐊ ᐅᑯᐊ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑎᑭᓕᕐᐸᑕ ᑕᓯᐅᕐᑎᐅᔪᒫᕈᓐᓁᕐᐳᓯᒃ.”

ᒨᓯᓯ ᓯᑕᒪᖏᑦ 20:24

“ᐂᕉᓂ ᐃᓄᖁᑎᒥᓄᑦ ᑲᑎᔭᐅᔭᕆᐊᖃᕐᐳᖅ, ᓄᓇᒧᑦ ᐃᓴᕆᐊᓕᒥᐅᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓐᓂᐊᖏᒻᒪᑦ, ᑕᒪᑦᓯᒃ ᐃᕝᕕᓪᓗ ᑖᓐᓇᓗ ᐱᖁᔭᓐᓂᒃ ᓈᓚᓚᐅᖏᓐᓇᑦᓯᒃ ᒥᕆᐸᒥ ᐃᒥᕐᑎᑕᐅᕕᖕᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᓴᒧᐃᓕ ᓯᕗᓪᓖᑦ 15:19

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᓂᐱᖓᓂᒃ? ᓱᖕᒪᓪᓗ ᐊᓯᕈᕐᑐᒃᓮᑦ ᑎᒍᓚᐅᕐᐱᒋᑦ, ᐊᔪᕐᑐᓕᓪᓗᑎᓪᓗ ᐊᑕᓂᐅᑉ ᓵᖓᓂ?”

ᓴᒧᐃᓕ ᓯᕗᓪᓖᑦ 4:18

ᐊᖑᓪᓗ ᐅᖃᓚᐅᕐᒪᑦ ᐊᖏᕈᑎᐅᑉ ᐃᒃᓯᕐᕕᖓᓂᑦ, ᐃᓔ ᓂᕕᕐᐳᖅ ᐃᒃᓯᕙᕕᖕᒥᓂᑦ ᐃᑎᕐᑕᕐᕕᐅᑉ ᓴᓂᐊᓂ; ᐅᕐᕈᒐᒥ ᖁᖓᓯᐊ ᓇᐱᕗᖅ ᑐᖁᓪᓗᓂᓗ, ᐃᓄᑐᖃᐅᓕᓚᐅᕐᒪᑦ, ᐅᖁᒤᑦᑑᓪᓗᓂᓗ. ᐃᓴᕆᐊᓕᒥᐅᓄᑦ ᐃᖅᑲᕐᑐᐃᔨᐅᓚᐅᕐᐳᖅ ᐊᕐᕌᒍᓂᒃ 40ᓂᒃ.