ᐊᑕᓃᑦ ᓯᕗᓪᓖᑦ 12:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᔨᕈᐳᐊᒻ ᐋᖅᑮᒃᑲᓐᓂᓚᐅᕆᕗᖅ ᐅᒃᐱᕐᓂᖅ ᐱᑦᔪᑎᒋᓪᓗᒍ ᓇᓪᓕᐅᓐᓂᕐᓯᐅᕐᕕᖕᒥᒃ, ᐅᓪᓗᐃᑦ 15ᖓᓂ ᑕᖀᑦ 8ᖓᓂ, ᔫᑕᒥ ᓇᓪᓕᐅᓐᓂᕐᓯᐅᕐᕕᐅᑉ ᐊᑦᔨᖓᓂᒃ, ᑕᕝᕙᓂᓗ ᐱᑎᓕᒥ ᑐᓂᕐᕈᓯᕐᕕᖕᒥᒃ ᓄᕐᕋᓐᖑᐊᓄᑦ ᒎᓗᓄᑦ ᓴᓇᓚᐅᕐᐳᖅ, ᐃᓕᔭᐅᑎᓪᓗᒋᑦ ᐱᑎᓕᒥ ᑐᓂᕐᕈᓯᕐᑎᑦᓯᔨᒥᒡᓗ ᑎᓕᓯᓪᓗᓂ ᓴᓇᔭᕕᓂᖓᓂᒃ ᐱᔨᑦᓯᕐᓂᐊᕐᑐᒥᒃ.

ᐊᑕᓃᑦ ᓯᕗᓪᓖᑦ 12:32 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:5

ᐊᖓᔪᖅᑳᕐᔪᐊᖅ ᓲᓗᒨᓂ ᐃᓄᓕᒫᑦ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑲᑎᔭᕐᑐᕐᓯᒪᔪᓕᒫᑦ, ᐊᑕᓂᐅᑉ ᐃᒃᓯᕐᕕᖓᑕ ᓯᕗᕌᓄᐊᕐᓗᑎᒃ ᑐᓂᕐᕈᓯᕐᐳᑦ ᓰᐱᓂ ᐅᓄᕐᑐᐊᓗᖕᓂᒃ ᐃᒻᒧᒃᓯᐅᒐᕐᓂᒡᓗ ᓈᓴᕐᑕᐅᔭᕆᐊᒃᓴᖅ ᐅᓄᓗᐊᕐᑐᓂᒃ.

ᐊᑕᓃᑦ ᓯᕗᓪᓖᑦ 8:2

ᐊᖑᑎᓕᒫᑦ ᐃᓴᕆᐊᓕᒥᐅᑦ ᑲᑎᕗᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᑲᑎᖁᔨᓂᖓᓄᑦ ᓇᓪᓕᐅᓐᓂᕐᓯᐅᕐᕕᖕᒥ ᑕᖅᑭᒥ ᐃᑖᓂᒥ, ᑕᖅᑮᑦ 7ᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 43:8

ᐊᖓᔪᖅᑳᕐᔪᐊᑦ ᐅᒃᑯᐊᓕᐅᕐᓯᒪᓚᐅᕐᐳᑦ ᑐᒃᓯᐊᕐᕕᒡᔪᐊᖁᑎᒪ ᐅᒃᑯᐊᖃᕐᕕᖓᑕ ᓴᓂᐊᒍᑦ ᑐᖕᒥᕌᖃᕐᓗᑎᒡᓗ ᑐᖕᒥᕌᒪ ᑭᒡᓕᖓᒍᑦ, ᐃᒡᓘᑉ ᐊᑭᓐᓇᖓᓂᒃ ᐊᑯᓐᓂᖃᑐᐃᓐᓇᕐᓗᑕ. ᐊᑎᕋᓗ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓚᐅᕐᐹᑦ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᖕᓂᒃᑯᑦ ᓄᖑᓚᐅᕐᐸᒃᑲ.

ᐊᑕᓃᑦ ᓯᕗᓪᓖᑦ 13:33

ᑕᒪᑐᒪ ᑭᖑᕐᖓᒍᑦ ᔨᕈᐳᐊᒻ ᕿᒤᓚᐅᓐᖏᓚᖅ ᐊᔪᕐᑐᓕᓂᕐᒥᓂᒃ, ᓱᓕᓕ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᐃᓄᑐᐃᓐᓇᕐᓂᒃ ᑐᓂᕐᕈᓯᕐᕕᓕᐊᕆᓚᐅᕐᑕᒥᓄᑦ, ᐱᔪᒪᔪᑐᐃᓐᓇᒥᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᑐᒃᓯᐊᕐᕕᓕᐊᕆᓯᒪᔭᒥᓄᑦ.

ᒨᓯᓯ ᐂᑉᐸᖏᑦ 32:5

ᑕᕝᕙ ᐂᕉᓂ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᖑᓴᓪᓗᓐᖑᐊᑉ ᒎᓘᑉ ᓯᕗᕌᓂ ᐅᖃᕐᓗᓂᓗ, “ᖃᐅᒃᐸᑦ ᓇᓪᓕᐅᓐᓂᕐᓯᐅᕐᓂᐊᕐᐳᒍᑦ ᐊᑕᓂᖅ ᓂᕐᑐᕐᑕᐅᖁᓪᓗᒍ.”

ᐃᓗᐊᕐᓮᔩᑦ ᐊᒡᓚᖏᑦ 17:5

ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.