29 ᐂᑉᐸᖓ ᓄᕐᕋᓐᖑᐊᖅ ᐃᓕᓪᓗᓂᐅᒃ ᐱᑎᓕᒧᑦ ᐂᑉᐸᖓᓗ ᑖᓐᒧᑦ.
ᑖᓐᓇᓗ ᓇᔪᕐᑕᓂ ᐊᑎᖃᕐᑎᓕᕐᐹ ᐱᑎᓕᒥᒃ; ᑕᕝᕙᓂ ᓄᓇᓕᕕᓃᑦ ᑍᔭᐅᕙᓚᐅᕐᐳᑦ ᓚᔾᒥᒃ ᓯᕗᓂᖓᒍᑦ.
ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”
“ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’
ᐊᑭᕋᑦᑕ ᕿᒻᒥᕐᔪᐊᖏᑕ ᓂᓪᓕᐊᓂᖏᑦ ᑐᓴᕐᓴᐅᓕᕐᐳᑦ ᓄᓇᒥᑦ ᑖᓐᒥᐅᓂᑦ ᐱᔪᑦ, ᕿᒻᒥᕐᔪᐊᖏᑕ ᐊᖑᑕᐅᓂᖏᑕ ᓂᑦᔮᓂᖏᓐᓄᑦ ᓄᓇᓕᒫᖅ ᓴᔪᒃᐱᓗᓕᕐᐳᖅ. ᕾᓕᕐᐳᑦ ᓱᓁᕈᑦᔨᔭᕐᑐᕐᓗᑎᒃ ᓄᓇᒥᒃ, ᐃᒡᓗᒐᓴᒡᔪᐊᖏᓐᓂᒡᓗ ᐃᓄᐃᕈᑦᔨᔭᕐᑐᕐᓗᑎᒃ.
ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.
ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.
ᒨᓯᓯ ᑕᕝᕙ ᒧᐊᐱᐅᑉ ᓇᑎᕐᓇᖓᓂᑦ ᒪᔪᕋᓕᕐᐳᖅ ᖃᖅᑲᒧᑦ ᓂᐴᒧᑦ, ᒪᔪᕐᓗᓂᓗ ᖃᖅᑲᒧᑦ ᖁᕝᕙᓯᖕᓂᕐᐹᒧᑦ ᐱᔅᒐᒥᒃ ᐊᑎᓕᖕᒧᑦ, ᔨᕆᑰᑉ ᐊᑭᐊᓃᑦᑐᒧᑦ, ᑕᕝᕙᓂ ᐊᑕᓂᐅᑉ ᓄᓇᓕᒫᒥᒃ ᑕᑯᑎᑉᐹ: ᒋᓕᐊᑎᒥᑦ ᑖᓂᐅᑉ ᓄᓇᖓ ᑎᑭᓪᓗᒍ;
ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”
ᐂᑉᕋᒻᓕ ᑐᓴᕋᒥ ᖃᖏᐊᖓᑕ ᑎᒍᔭᐅᓂᖓᓂᒃ, ᐅᓇᑕᕈᓐᓇᕐᑐᖁᑎᓕᒫᓂ ᓄᓇᒥᓃᑦᑐᑦ ᐊᖏᕐᕋᖓᓂ ᐃᓅᓯᒪᔪᑦ, ᑖᒃᑯᐊᓗ ᑲᑎᓪᓗᒋᑦ 318ᖑᓚᐅᕐᐳᑦ, ᐅᓇᑕᓚᐅᕐᐳᓪᓗ ᓄᓇᒧᑦ ᑖᓐᒧᑦ ᑎᑭᓪᓗᑎᒃ.
ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᕐᑎᕐᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ.
ᑖᓐ ᑭᖑᕚᖏᑦ ᐊᐅᓪᓚᕐᐳᑦ; ᒤᑲᓕ ᖃᐅᔨᒐᒥ ᑖᒃᑯᐊ ᓲᖑᓂᕐᓴᐅᖕᒪᑕ ᐃᒻᒥᓂᑦ, ᐅᑎᕐᐳᖅ, ᐊᖏᕐᕋᕐᓗᓂᓗ.
ᐊᖓᔪᖅᑳᕐᔪᐊᖅ ᐱᓐ-ᕼᐊᑖᑦ ᐊᖏᕐᐳᖅ ᐋᓴᐅᑉ ᐱᔪᒪᔭᖓᓂᒃ, ᐅᓇᑕᕐᑐᒃᓴᖁᑎᓂᓗ ᑎᓕᕔᑦ ᐅᓇᑕᕆᐊᖁᓪᓗᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓄᑦ, ᓵᓚᒋᕔᓪᓗ ᐃᔮᓐ, ᑖᓐ, ᐊᐱᐅᓪ-ᐱᑦ-ᒫᑲ, ᓯᓂᕆᑎᐅᓪᓗ ᑕᓯᖓᑕ ᖃᓂᒋᔭᖓᓃᑦᑐᑦ, ᓈᑉᑕᓕᐅᓪᓗ ᓄᓇᓕᒫᖓ.
ᐃᓔᑦᔭᐅᑉ ᐃᓔᓴ ᐅᖃᐅᑎᕚ, “ᑕᒫᓂᒋᑦ, ᐊᑕᓂᐅᑉ ᐱᑎᓕᒧᐊᖁᖕᒪᖓ.” ᐃᓔᓴᐅᓪᓕ ᐅᖃᐅᑎᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᑕᓕᓕᐊᓕᕐᐴᒃ.
ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.
ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.
ᐱᑎᓕ ᕿᓂᕈᓐᓁᕐᓯᐅᒃ, ᒋᐅᓪᒐᓪᓘᓐᓃᑦ ᐃᑎᕐᑍᓕᓯᐅᒃ, ᐱᐊᕐᓯᐸᓘᓐᓃᑦ ᐊᖅᑯᓵᕐᑍᓕᓯᐅᒃ; ᒋᐅᓪᒐᓪᒥᐅᓪᓕ ᐊᐅᓪᓚᕈᑦᔭᐅᔪᒫᕐᒪᑕ, ᐱᑎᓕᓗ ᐱᑕᖃᕈᓐᓁᕈᒫᕐᓗᓂ.
ᐅᖃᓪᓚᓚᐅᕐᓯᒪᓂᐊᕈᓐᓃᕐᐳᑎᑦ ᐱᑎᓕᒥ, ᐊᖓᔪᖅᑳᕐᔪᐊᑉ ᐃᑦᔪᕐᓁᑦᑐᕕᖁᑎᒋᖕᒪᒍ, ᑐᒃᓯᐊᕐᕕᒃᔪᐊᖃᕐᕕᐅᓪᓗᓂᓗ ᐊᖓᔪᖅᑳᕐᔪᐊᖃᕐᕕᖕᒥ.”
ᔮᓱᐊ ᐊᖑᑎᓂᒃ ᑎᓕᓯᓚᐅᕐᐳᖅ ᔨᕆᑯᒥᑦ ᐂᒧᑦ, ᐃᒡᓗᒐᓴᖕᓄᑦ ᐱᑦᐂᕕᐅᑉ ᖃᒥᒋᔮᓃᑦᑐᓄᑦ, ᐱᑎᓕᐅᑉ ᓯᕿᓐᓂᓕᕐᕕᖓᑕ ᓇᓛᓃᑦᑐᓄᑦ, ᑎᓕᓚᐅᕐᐰᑦ ᐅᖃᐅᑎᓪᓗᒋᑦ, “ᖃᐅᔨᓴᕆᐊᓚᐅᕆᑦᓯ ᓄᓇᖓᓂᒃ.” ᑍᒤᒻᒪᑦ ᑖᒃᑯᐊ ᖃᐅᔨᓴᕆᐊᓕᓚᐅᕐᐳᑦ ᓄᓇᒥᒃ ᐂᒥᒃ.
ᐊᖓᔪᖅᑳᕐᔪᐊᑉ ᔨᕈᐳᐊᒻ ᑕᒪᓐᓇ ᑐᓴᕋᒥᐅᒃ ᒎᑎᐅᑉ ᐃᓄᖁᑎᖓᓂᑦ, ᑐᓂᕐᕈᓯᕐᕕᖕᒥᒃ ᐱᑎᓕᒥᒃ ᐊᑭᕋᕐᑐᕐᑎᓪᓗᒍ, ᑎᒃᑯᐊᕐᓗᓂᐅᒃ ᐅᖃᕐᐳᖅ, “ᐊᖑᑦ ᑖᓐᓇ ᑎᒍᔭᐅᓕ.” ᑕᕝᕔᓐᓇᖅ ᔨᕈᐳᐊᒻ ᑕᓕᖓ ᑎᒃᑯᐊᕐᑐᕐᓗᓂ ᓱᓕ ᐊᔪᓕᕐᐳᖅ, ᐅᑎᕐᑎᑦᑐᓐᓁᓪᓕᓪᓗᓂᐅᒃ.
ᒫᓐᓇᓕ ᐊᑭᒪᔪᓐᓇᕋᓱᒋᕕᓰ ᐊᑕᓂᐅᑉ ᐊᑕᓂᐅᕕᖓᓄᑦ, ᑍᕕᑎᐅᑉ ᐃᕐᓂᖏᑕ ᐱᔪᓐᓇᕐᓂᖏᓐᓄᑦ; ᐅᓄᕐᑐᕐᔪᐊᖑᒐᑦᓯ ᐃᓚᖃᕐᓗᓯᓗ ᓄᕐᕋᐅᔭᓐᖑᐊᓂᒃ ᒎᓗᓂᒃ ᔨᕈᐳᐊᒻ ᓴᓇᓚᐅᕐᑕᖏᓐᓂᒃ ᒎᑎᓐᖑᐊᓂᒃ.
