ᐊᑕᓃᑦ ᓯᕗᓪᓖᑦ 12:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐃᓱᒪᒃᓴᕐᓯᐅᓚᐅᕐᓗᓂ, ᒪᕐᕉᖕᓂᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖏᖕᓂᒃ ᓴᓇᕗᖅ ᒎᓘᓪᓗᒋᒃ, ᐃᓄᐃᓗ ᐅᖃᐅᑎᓪᓗᓂᒋᑦ, “ᐊᑯᓂᐅᓗᐊᓕᕐᒪᑦ ᑍᒪᓐᖓᑦ ᔨᕉᓴᓕᒧᐊᖃᑕᕐᓗᓯ ᑐᒃᓯᐊᕆᐊᕐᑐᕐᓗᓯ, ᐃᓕᑦᓯ ᐃᓴᕆᐊᓖᑦ ᐃᓄᖏᑦ ᐅᕝᕙᐅᓇ ᒎᑎᓯ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ!”

ᐊᑕᓃᑦ ᓯᕗᓪᓖᑦ 12:28 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:9

ᐃᕝᕕᓪᓕ ᐱᐅᖏᓐᓂᕐᐹᓂᒃ ᓯᕗᓕᕆᓚᐅᕐᑕᓕᒫᕐᓂᑦ ᐱᓇᓱᐊᕐᐳᑎᑦ ᒎᑎᓐᖑᐊᓕᐅᓚᐅᕋᕕᑦ ᐃᓄᓐᖑᐊᓕᐅᕐᓗᑎᓪᓗ ᓂᓐᖓᒃᓮᓪᓗᑎᑦ ᐅᕙᓐᓂᒃ, ᕿᒤᓪᓗᑎᓪᓗ ᐅᕙᓐᓂᒃ.

ᐊᑕᓃᑦ ᓯᕗᓪᓖᑦ 15:26

ᐊᔪᕐᑐᓕᓚᐅᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖃᕐᓗᓂᓗ ᐊᑖᑕᖓᑕ ᐃᓅᓚᐅᕐᓂᖓᑐᑦ, ᐊᔪᕐᑐᓕᓂᕐᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᓯᕗᓪᓖᑦ 16:19

ᐊᔪᕐᑐᓕᓂᕐᒥᓄᑦ ᐱᓂᐊᕐᓂᕆᓚᐅᕐᑕᒥᓄᓪᓗ, ᐱᐅᖏᑦᑐᒥᒃ ᐃᓅᓚᐅᕋᒥ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᔨᕈᐳᐊᒻ ᐱᓂᐊᕐᓂᕆᓚᐅᕐᑕᖏᓐᓂᒃ ᐊᑐᓚᐅᕐᒪᑦ, ᐊᔪᕐᑐᓕᓂᕆᓚᐅᕐᑕᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 10:29

ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 17:8

ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᑯᕉᓂᑲ ᐂᑉᐸᖏᑦ 11:14

ᓕᕔᑏᑦ ᓄᓇᖁᑎᒥᖕᓂᒃ ᐱᖁᑎᒥᖕᓂᒡᓗ ᕿᒤᓪᓗᑎᒃ ᔫᑕᒧᐊᕐᐳᑦ ᔨᕉᓴᓕᒧᓪᓗ, ᔨᕈᐳᐊᒻ ᐃᕐᓂᖏᑕᓗ ᐊᓂᑎᓚᐅᕐᒪᒋᑦ ᐱᔨᑦᓯᕐᕕᖏᓐᓂᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐊᑕᓂᕐᒧᑦ,

ᑯᕉᓂᑲ ᐂᑉᐸᖏᑦ 11:15

ᔨᕈᐳᐊᒻᓗ ᑎᓕᓯᕗᖅ ᓇᖕᒥᓂᖅ ᑐᓂᕐᕈᓯᕐᑎᑦᓯᔨᒋᓂᐊᕐᑕᒥᓂᒃ ᐱᒻᒪᕆᒋᔭᐅᔪᓂ ᒎᑎᓐᖑᐊᓄᑦ, ᓄᓕᐊᕐᓂᐅᓪᓗ ᐊᓂᕐᓂᕐᓗᖏᓐᓄᑦ ᓴᑍᕋᓄᑦ, ᓄᕐᕋᓐᖑᐊᓄᓪᓗ ᓴᓇᓚᐅᕐᑕᒥᓄᑦ.

ᑯᕉᓂᑲ ᐂᑉᐸᖏᑦ 13:8

ᒫᓐᓇᓕ ᐊᑭᒪᔪᓐᓇᕋᓱᒋᕕᓰ ᐊᑕᓂᐅᑉ ᐊᑕᓂᐅᕕᖓᓄᑦ, ᑍᕕᑎᐅᑉ ᐃᕐᓂᖏᑕ ᐱᔪᓐᓇᕐᓂᖏᓐᓄᑦ; ᐅᓄᕐᑐᕐᔪᐊᖑᒐᑦᓯ ᐃᓚᖃᕐᓗᓯᓗ ᓄᕐᕋᐅᔭᓐᖑᐊᓂᒃ ᒎᓗᓂᒃ ᔨᕈᐳᐊᒻ ᓴᓇᓚᐅᕐᑕᖏᓐᓂᒃ ᒎᑎᓐᖑᐊᓂᒃ.

ᑯᕉᓂᑲ ᐂᑉᐸᖏᑦ 15:3

ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᑯᕉᓂᑲ ᐂᑉᐸᖏᑦ 17:4

ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

ᑯᕉᓂᑲ ᐂᑉᐸᖏᑦ 21:6

ᐱᓂᐊᕐᓂᖃᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑎᑐᑦ, ᐂᕼᐊᑉ ᐱᓂᐊᕐᓂᕆᓚᐅᕐᑕᖓᑐᑦ; ᐂᕼᐊᑉ ᐸᓂᖓᓂᒃ ᓄᓕᐊᖃᓚᐅᕐᒪᑦ. ᐱᐅᖏᑦᑐᓕᓚᐅᕐᐳᕐᓗ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᑯᕉᓂᑲ ᐂᑉᐸᖏᑦ 33:7

ᐃᓕᓯᓚᐅᕆᕗᕐᓗ ᒎᑎᐅᑉ ᐃᒡᓗᖓᓄᑦ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ ᓴᓇᓚᐅᕐᑕᒥᓂᒃ, ᒎᑎᐅᑉ ᐅᖃᐅᓯᕆᓚᐅᕐᑕᖓᓂᒃ ᑍᕕᑎᒧᑦ ᐃᕐᓂᖓᓄᓪᓗ ᓲᓗᒨᓂᒧᑦ, “ᑖᓐᓇ ᐃᒡᓗ ᔨᕉᓴᓕᒦᑦᑐᖅ, ᓂᕈᐊᓚᐅᕐᐸᕋ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᓂᑦ, ᐊᑎᕋ ᑕᕝᕙᓂ ᑐᒃᓯᐊᕐᕕᐅᖃᑦᑕᖁᓪᓗᒍ ᐃᓱᖃᖏᑦᑐᒧᑦ;

ᒨᓯᓯ ᐂᑉᐸᖏᑦ 1:10

ᐅᓇᑕᓯᑲᓪᓚᒃᑯᑦᑕ ᐊᑭᕋᑦᑎᓐᓄᑦ ᑕᑉᐱᐅᑎᑐᐃᓇᕆᐊᖃᕐᐳᑦ ᐅᕙᑦᑎᓐᓂᒃ ᐅᓇᑕᕈᒪᓗᑎᒃ, ᓄᓇᑦᑎᓐᓂᓪᓗ ᐊᐅᓪᓚᕋᔭᕐᐳᑦ ᐋᖅᑭᒃᓯᔭᕆᐊᖃᕐᐳᒍᑦ ᐅᓄᕐᕙᓪᓕᐊᓗᐊᖁᓇᒋᑦ.

ᒨᓯᓯ ᐂᑉᐸᖏᑦ 20:4

“ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.

ᒨᓯᓯ ᐂᑉᐸᖏᑦ 32:25

ᒨᓯᓯᓕ ᖃᐅᔨᒐᒥ ᐂᕉᓂᐅᑉ ᐃᓄᖕᓂᒃ ᑕᓯᐅᕐᓯᓯᒪᓂᖓᓂᒃ ᑐᑮᕈᑎᓂᕐᒧᑦ ᐃᒻᒥᖕᓂᒡᓗ ᓯᓔᕐᕆᓯᒪᓂᖏᓐᓂᒃ ᑲᓐᖑᓲᑎᒃᓴᐅᓕᕐᓗᑎᒡᓗ ᐊᑭᕋᕐᑐᕐᑎᖏᑕ ᓯᕗᕌᓂ.

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:12

ᐊᖅᑯᑎᑕᖃᕐᐳᖅ ᐃᓄᖕᒧᑦ ᓈᒻᒪᑦᓯᐊᕐᑑᔮᕐᑐᒥᒃ, ᐃᓱᐊᓕ ᑐᖁᒧᑦ ᐊᖅᑯᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 30:1

ᐊᑕᓂᖅ ᐅᖃᕐᐳᖅ, “ᑲᑉᐱᐊᓐᓇᒦᒃ ᑭᖑᕚᖑᖃᑎᒌᑦ ᓈᓚᖏᑦᑐᑦ, ᑲᔪᓯᑎᑦᓯᓪᓗᑎᒡᓗ ᐃᓱᒻᒥᕐᑑᑕᐅᔪᒥᒃ ᐋᖅᑭᓚᐅᓐᖏᑕᓐᓂᒃ; ᑲᑐᑦᔨᖃᑎᒌᓕᐅᕐᐳᑦ ᐋᖅᑭᒃᓱᐃᓪᓗᑎᒃ, ᐅᕙᖓ ᐊᓂᕐᓂᓐᓂᒃ ᐃᓚᖃᖏᑦᑐᓂᒃ, ᐊᔪᕐᓂᖅ ᐃᓚᒃᑲᓐᓂᕈᒪᓪᓗᒍ ᐊᔪᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:26

ᐄᑦᔨᑉᑎᒥᐅᓂᒃ ᐊᓯᓐᓂᐊᖃᑎᖃᖃᑦᑕᓚᐅᕆᕗᑎᑦ, ᐃᒃᓯᒍᓗᐊᕐᒥᔪᓂᒃ ᖃᓂᒋᔭᑦᓯᓐᓃᑦᑐᓂᒃ, ᐊᖑᓐᓂᐊᕐᓂᕕᑦ ᓯᐊᒻᒪᒃᐸᓪᓕᐊᓂᖓᓄᑦ ᓂᓐᖓᒃᑎᑉᐸᓪᓕᐊᕙᕐᒪ.

ᐃᓯᑭᐊᓕᐅᑉ ᐊᒡᓚᖏᑦ 23:8

ᐄᑦᔨᑉᑎᒥᓗ ᐊᖑᓐᓂᐊᕐᑎᓐᖑᓚᐅᕐᓂᓂ ᑲᔪᓯᑎᑉᐹ; ᓂᕕᐊᕐᓵᖑᓂᕐᒥᓂᑦ ᐊᖑᑎᓄᑦ ᐃᓐᓇᖓᖃᑕᐅᕙᓕᓚᐅᕐᐳᖅ ᐱᖃᑎᖃᓚᐅᕐᓯᒪᖏᓐᓂᓂ ᐊᒃᑐᐊᔭᐅᑎᑦᓱᒍ ᐃᒃᓯᒎᕐᓂᖏᓪᓗ ᐃᓱᒤᓐᓇᕐᕆᑎᓪᓗᒋᑦ ᐃᒻᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 3:1

ᐊᖓᔪᖅᑳᕐᔪᐊᖅ ᓂᐱᑯᓁᓴ ᓴᓇᑎᑦᓯᕗᖅ ᐃᓄᓐᖑᐊᒥᒃ ᒎᓗᒥᒃ, 90ᓂᒃ ᐃᑎᒐᖕᓂᒃ ᐳᕐᑐᑎᒋᔪᒥᒃ ᐃᑎᒐᖕᓂᒡᓗ 9ᓂᒃ ᓴᓂᒧᑐᑎᒋᔪᒥᒃ, ᐃᓕᓪᓗᒍᓗ ᓇᑎᕐᓇᒧᑦ ᑑᕋᒥᒃ ᐊᑎᓕᖕᒧᑦ, ᐹᐱᓘᓂᐅᑉ ᐃᓚᖓᓄᑦ.

ᕼᐆᓯᐊᑉ ᐊᒡᓚᖏᑦ 10:10

ᐱᒋᐊᕈᒪᓕᕈᒃᑭᑦ ᓱᒋᐊᕈᒫᕐᐸᒃᑲ; ᐃᓄᐃᓪᓗ ᑲᑎᔪᒫᕐᐳᑦ ᓵᓐᖓᔪᒪᓗᑎᒃ ᑖᒃᑯᓄᖓ ᓱᒋᐊᕐᑕᐅᓕᕐᐸᑕ ᒪᕐᕈᐃᕐᓲᑎᓪᓗᐊᒥᒃ ᐊᔪᕐᑐᓕᓂᖏᑦ ᐱᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᐂᒨᓯᐅᑉ ᐊᒡᓚᖏᑦ 5:5

ᐱᑎᓕ ᕿᓂᕈᓐᓁᕐᓯᐅᒃ, ᒋᐅᓪᒐᓪᓘᓐᓃᑦ ᐃᑎᕐᑍᓕᓯᐅᒃ, ᐱᐊᕐᓯᐸᓘᓐᓃᑦ ᐊᖅᑯᓵᕐᑍᓕᓯᐅᒃ; ᒋᐅᓪᒐᓪᒥᐅᓪᓕ ᐊᐅᓪᓚᕈᑦᔭᐅᔪᒫᕐᒪᑕ, ᐱᑎᓕᓗ ᐱᑕᖃᕈᓐᓁᕈᒫᕐᓗᓂ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᐲᑦᑐᕉᓯ ᐂᑉᐸᖏᑦ 2:19

ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

ᓴᒧᐃᓕ ᓯᕗᓪᓖᑦ 27:1

ᑍᕕᑎᓗ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐅᓪᓗᐃᑦ ᐃᓚᖓᓐᓂ ᓴᐅᓕᐅᑉ ᑐᖁᓛᓕᕋᖓ; ᐱᐅᓂᕐᐸᐅᓕᕐᐳᖅ ᐱᓕᔅᑍᓂᒥᐅᓄᑦ ᕿᒪᒃᓯᓗᖓ; ᓴᐅᓕ ᓴᐱᓕᕋᔭᕐᐳᖅ ᕿᓂᕈᓐᓃᕐᓗᓂ ᐃᓴᕆᐊᓕᒥ, ᓯᕘᕋᓇᕐᑐᒦᑦᓱᓐᓃᕋᔭᕐᐳᖓᓗ.”