18 ᐊᖓᔪᖅᑳᕐᔪᐊᖅ ᕆᕼᐅᐳᐊᒻ ᑎᓕᓯᓚᐅᕐᐳᖅ ᐊᑐᕌᒻᒥᒃ, ᑖᓐᓇ ᐊᖓᔪᖅᑳᕆᔭᐅᔪᖅ ᓴᓇᔨᓄᑦ ᐊᒃᓱᕈᕐᑎᑕᐅᓪᓗᑎᒃ ᓴᓇᑎᑕᐅᔪᓄᑦ, ᑎᑭᒻᒪᑦ ᐃᓴᕆᐊᓕᒥᐅᓕᒫᓄᑦ ᒥᓪᓗᕐᑕᐅᓪᓗᓂ ᑐᖁᑕᐅᕗᖅ. ᑕᕝᕙ ᕆᕼᐅᐳᐊᒻ ᑐᐊᕕᕐᓗᓂ ᕿᒧᒃᓯᐅᑎᒥᓄᐊᕐᓗᓂ ᐊᒃᓴᓗᐊᓕᖕᒧᑦ, ᕿᒫᒃᓯᕗᖅ ᔨᕉᓴᓕᒧᑦ.
ᐊᑐᕌᒻᓗ ᐊᖓᔪᖅᑳᖑᓚᐅᕐᐳᖅ ᐃᖅᑲᓁᔭᕐᑎᑕᐅᔪᓄᑦ; ᔨᕼᐆᓴᐸᑦᓗ ᐊᕼᐃᓗᑎᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑎᑎᕋᕐᑕᐅᕙᓪᓕᐊᔪᓄᑦ;
ᐊᕼᐂᓴ ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓᑕ ᐱᔨᖏᓐᓄᑦ ᐊᖓᔪᖅᑳᖑᕗᖅ: ᐊᑐᓂᕋᒻ ᐊᑉᑕᐅᑉ ᐃᕐᓂᖓ ᐊᖓᔪᖅᑳᕆᔭᐅᕗᖅ ᐊᑭᓕᕐᓱᕐᑕᐅᓇᑎᒃ ᓴᓇᔨᓄᑦ.
ᑖᒃᑯᐊᓗ ᑎᓕᕔᑦ ᓕᐸᓇᓂᒧᑦ, 10,000ᐃᑦ ᑕᖅᑭᒥᒃ ᐊᑕᐅᓯᕐᒥᒃ ᓕᐸᓇᓂᒦᑉᐸᒃᓗᑎᒃ ᑕᖅᑮᖕᓂᒡᓗ ᒪᕐᕉᖕᓂᒃ ᐊᖏᕐᕋᕐᓯᒪᕙᒃᓗᑎᒃ ᑭᖑᕝᕕᕐᑕᕐᑎᒌᒃᓗᑎᒃ; ᐊᑐᓁᕌᒻ ᐊᖓᔪᖅᑳᕆᔭᐅᓪᓗᓂ ᑖᒃᑯᓄᖓ.
ᑕᕝᕙ ᐊᖓᔪᖅᑳᕐᔪᐊᑉ ᕆᕼᐅᐳᐊᒻ ᕼᐂᑐᕌᒻ ᑎᓕᕚ, ᐃᓄᖕᓄᑦ ᐃᓱᒪᓯᐅᕐᑕᐅᓇᑎᒃ ᓴᓇᑎᑕᐅᔪᓄᑦ ᑲᒪᔨ; ᐃᓴᕆᐊᓕᒥᐅᓪᓗ ᒥᓪᓗᕐᓗᒍ ᑐᖁᑉᐹᑦ. ᐊᖓᔪᖅᑳᕐᔪᐊᕐᓗ ᕆᕼᐅᐳᐊᒻ ᕿᒧᒃᓯᐅᑎᒥᓄᑦ ᐊᒃᓴᓗᐊᓕᖕᒧᑦ ᐃᑭᕗᖅ, ᕿᒫᓪᓗᓂᓗ ᔨᕉᓴᓕᒧᑦ.
ᑖᑦᓱᒥᖓᓕ ᐊᑭᕋᕐᑐᓕᕐᐳᑦ, ᐊᖓᔪᖅᑲᕐᔪᐊᓪᓗ ᑎᓕᓯᓂᖓ ᒪᓕᒡᓗᒍ ᒥᓪᓗᕐᐹᑦ ᐊᑕᓂᐅᑉ ᐃᒡᓗᖓᑕ ᓯᓚᓪᓕᐅᔭᖓᓂᑦ.
ᒨᓯᓯᓗ ᐃᓗᖏᕐᑐᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᐅᖃᕐᓗᓂᓗ, “ᖃᓄᕐᓕᐅᑯᐊ ᐃᓄᐃᑦ ᐱᓇᓱᐊᕐᕕᒋᓂᐊᓕᕐᑕᒃᑲ? ᑖᒃᑯᓄᖓᑦ ᒥᓪᓗᕐᑕᐅᑐᐃᓐᓇᕆᐊᖃᓕᕋᒪ.”
ᐅᓇᑕᕐᑏᓪᓗ ᐱᓯᑎᐊᓗᐃᑦ ᐅᓪᓗᒥ ᑕᕝᕙᓂ ᕿᒫᔪᒫᕐᐳᑦ ᓱᓇᖃᕈᓐᓃᕐᓗᑎᒃ,” ᐊᑕᓂᖅ ᐅᖃᕐᐳᖅ.
ᐃᓄᒐᓴᒡᔪᐊᓪᓕ ᐅᖃᕐᐳᑦ ᑖᒃᑯᐊᒃ ᐅᔭᖅᑲᓄᑦ ᒥᓪᓗᕐᑕᐅᖁᓪᓗᒋᑦ. ᐊᑕᓂᐅᓪᓕ ᐱᓐᓇᕐᓇᕐᓂᖓ ᓴᖅᑭᑉᐳᖅ ᑐᐱᕐᔪᐊᒥ ᑲᑎᒪᕕᖕᒥ ᐃᓴᕆᐊᓕᒥᐅᓕᒫᑦ ᓵᖓᓂ.
ᖃᐅᔨᓴᕐᑎᐅᑉ ᐊᖓᔪᖅᑳᖓᑦ ᐅᓇᑕᕐᑐᒃᓴᓂᒃ ᐃᓚᖃᕐᓗᓂ ᐊᓂᕗᑦ ᐋᐴᓯᑕᓖᑦ ᐂᓪᓗᒋᑦ, ᓲᖑᓵᕐᕕᒋᓐᖏᓔᓪᓕᑦ, ᐃᓄᐃᑦ ᓯᕘᕋᒋᒐᒥᒋᑦ ᒥᓪᓗᕐᑕᐅᓂᐊᕋᓱᒋᓪᓗᑎᒃ.