ᐊᑕᓃᑦ ᓯᕗᓪᓖᑦ 12:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 12:16 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:13

ᐅᖃᕆᐊᕐᑐᕐᑐᒥᒃ ᑍᕕᑎᒧᐊᕐᑐᖃᕐᐳᖅ, ᐅᖃᕐᓗᓂ, “ᐃᓴᕆᐊᓕᒥᐅᑉ ᓴᖑᓕᕐᒪᑕ ᐋᑉᓴᓚᒻᒥᒃ ᒪᓕᖔᕈᒪᓪᓗᑎᒃ.”

ᓴᒧᐃᓕ ᐂᑉᐸᖏᑦ 16:11

ᑍᕕᑎᓗ ᐅᖃᕐᐳᖅ ᐊᐱᓮᒧᑦ ᐊᖓᔪᖅᑳᖁᑎᖏᓐᓄᓪᓗ, “ᓇᖕᒥᓂᖅ ᐃᕐᓂᕐᒪ ᑐᖁᓐᓇᓱᐊᕐᐹᖓ; ᖃᓄᐃᒻᒪᑦ ᑲᒪᓇᓱᐊᕐᐲᑦ ᑖᑦᓱᒥᖓ ᐱᓐᔭᒥᓂᒃᑯᓐᓂᒥᐅᑕᕐᒥᒃ? ᐊᑕᓂᐅᑉ ᓇᕐᕈᓇᕐᓯᑎᑦᓯᖁᒃᐸᒍ ᑲᒪᒋᔭᐅᔭᕆᐊᖃᓐᖏᓚᖅ.

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᐊᑕᓃᑦ ᓯᕗᓪᓖᑦ 11:11

ᑍᒤᒻᒪᑦ ᐊᑕᓂᐅᑉ ᓲᓗᒨᓂ ᐅᖃᐅᑎᕚ, “ᐱᔮᕆᓪᓗᑎᑦ ᐅᕙᓐᓄᑦ ᐊᖏᖃᑎᒌᒍᑏᑦ ᓯᖁᒥᒃᑲᕕᐅᒃ, ᓈᓚᖏᓪᓗᑎᓪᓗ ᐱᖁᔭᓐᓂᒃ, ᒫᓐᓇ ᓱᓕᓪᓚᕆᒡᓗᖓ ᐊᖓᔪᖅᑳᕐᔪᐊᖑᓂᕐᓂᒃ ᐊᕐᓵᕐᓂᐊᓕᕐᐸᒋᑦ ᑐᓂᓗᒍᓗ ᐱᔨᕕᑦ ᐃᓚᖓᓐᓄᑦ.

ᐊᑕᓃᑦ ᓯᕗᓪᓖᑦ 11:13

ᑭᓯᐊᓂᓕ ᐊᖓᔪᖅᑳᕐᔪᐊᖑᓂᖓ ᐊᑕᖏᕐᓗᒍ ᐲᕐᓂᐊᓐᖏᒃᑲᓗᐊᕐᐸᕋ; ᐱᓂᐊᕐᓂᖃᓛᕐᐳᖓᓕ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᐊᒥᐊᒃᑯᔪᒫᕐᐸᕋ, ᐱᔨᒐ ᑍᕕᑎ ᐱᔪᑎᒋᓪᓗᒍ ᔨᕉᓴᓕᓗ ᐱᔪᑎᒋᓪᓗᒍ ᓇᖕᒥᓂᖅ ᓂᕈᐊᕐᓯᒪᒐᒃᑯ.”

ᐊᑕᓃᑦ ᓯᕗᓪᓖᑦ 11:34

ᑕᒪᒃᑭᕐᓗᒍᓕ ᐊᖓᔪᖅᑳᕐᔪᐊᒃᑯᕕᒃ ᐲᕐᓂᐊᖏᓚᕋ ᓲᓗᒨᓂᒥᑦ; ᐊᐅᓚᑦᓯᔨᐅᑎᓐᓂᐊᕐᐸᕋ ᐃᓅᓯᓕᒪᖓᓂ, ᐱᔨᒐ ᑍᕕᑎ ᐱᔪᑎᒋᓪᓗᒍ, ᓂᕈᐊᕐᓯᒪᓚᐅᕋᒃᑯ ᑖᓐᓇ ᓈᓚᓚᐅᕐᒪᑦ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ;

ᐊᑕᓃᑦ ᓯᕗᓪᓖᑦ 11:35

ᐊᖓᔪᖅᑳᕐᔪᐊᖑᓂᕐᒥᒃ ᓲᓗᒨᓂᐅᑉ ᐃᕐᓂᖏᑦ ᐊᕐᓵᓚᕐᐸᒃᑲ, ᑐᓂᓗᑎᓪᓗ ᖁᓕᓂᒃ ᑭᖑᕚᖑᖃᑎᒌᓂᒃ.

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᐊᑕᓃᑦ ᓯᕗᓪᓖᑦ 11:39

ᓲᓗᒨᓂᐅᑉ ᐊᔪᕐᑐᓕᓂᖓ ᐱᓪᓗᒍ ᑍᕕᑎᐅᑉ ᑭᖑᕚᖓ ᓱᒋᐊᕐᓂᐊᕐᐸᕋ, ᑭᓯᐊᓂ ᑕᐅᕗᖓᓕᒫᖑᖏᑦᑐᖅ.’”

ᐊᑕᓃᑦ ᓯᕗᓪᓖᑦ 22:17

ᐅᖃᐅᑎᕚ, “ᐃᓴᕆᐊᓕᒥᐅᓕᒫᑦ ᑕᑯᕙᒃᑲ ᐊᕕᒃᑐᕐᓯᒪᑎᓪᓗᒋᑦ ᖃᖅᑲᐅ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑐᓂᑦ ᐊᖏᕐᕋᒥᖕᓄᑦ ᐊᖏᕐᕋᐅᓕᕐᓕᑦ ᐅᓇᑕᕈᓐᓃᕐᓗᑎᒃ.’”

ᐊᑕᓃᑦ ᓯᕗᓪᓖᑦ 22:36

ᓯᕿᓂᖅ ᓂᐱᓕᕐᑎᓪᓗᒍ, ᕾᒐᓛᕐᑐᖃᕐᐳᖅ ᐅᓇᑕᕐᑐᒃᓴᓂᑦ, ᐅᖃᕐᓗᓂ, “ᐊᑕᖏᕐᓗᓯ ᐃᒡᓗᒐᓴᑦᓯᓐᓄᐊᓕᕆᑦᓯ, ᓄᓇᓕᑦᓯᓐᓄᐊᕐᓗᓯᓗ!”

ᑯᕉᓂᑲ ᐂᑉᐸᖏᑦ 10:16

ᐃᓴᕆᐊᓕᒥᐅᓕᒫᑦ ᑕᒪᑐᒥᖓ ᑕᑯᒐᒥᒃ ᐊᖓᔪᖅᑳᕐᔪᐊᑉ ᐃᓄᖕᓂᒃ ᓈᓚᖏᓐᓂᖓᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᓱᓇᒦᒃ ᐃᓚᖏᐅᑎᕕᖃᕐᐱᑕ ᑍᕕᑎᒥᑦ? ᑭᖑᕐᖑᑎᔭᒃᓴᖃᓐᖏᓚᒍᑦ ᔨᓯᐅᑉ ᐃᕐᓂᖓᓂᑦ. ᐃᓴᕆᐊᓕᒥᐅᓕᒫᑦ ᐂᓕᕐᓕᑦ ᑐᐱᕐᒥᖕᓄᑦ! ᐃᕝᕕᓪᓗ ᐃᒡᓗᖕᓄᑦ ᓇᖕᒥᓂᖅ ᕿᓂᓕᕆᑦ ᑍᕕᑏ!” ᑕᕝᕙ ᐃᓴᕆᐊᓕᒥᐅᓕᒫᑦ ᑐᐱᕐᒥᖕᓄᐊᕐᐳᑦ.

ᐃᓐᖏᕈᑎᑦ 132:17

ᑕᕝᕙᓂ ᑍᕕᑎᐅᑉ ᓇᒡᔪᖓ ᒪᑭᑎᓐᓂᐊᕐᐸᕋ; ᐅᕐᓱᕐᑎᕐᓯᒪᔭᕋ ᐊᑐᐃᓐᓇᕈᐃᕕᒋᓯᒪᕙᕋ ᓇᓂᕈᐊᕐᒥᒃ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:1

ᓂᑲᒍᓱᒡᓗᓂ ᐅᖃᐅᑦᔨᔪᖅ ᓂᓐᖓᐅᒪᓂᕐᒥᒃ ᓮᒻᒪᕐᑎᑦᓯᕗᖅ, ᐊᑦᑕᕈᓱᒐᓂᓕ ᐅᖃᐅᑦᔨᔪᖅ ᓂᓐᖓᖕᓂᕐᒥᒃ ᓄᐃᑎᑦᓯᕗᖅ.

ᐂᓮᐊᓯᐅᑉ ᐊᒡᓚᖏᑦ 7:17

“ᐊᑕᓂᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓂᒃ ᑎᑭᑎᑦᓯᓛᖕᒪᑦ ᐃᓕᖕᓄᑦ ᐃᓄᖁᑎᑦᓯᓐᓄᓪᓗ ᓯᕗᓕᕕᓂᑦᓯᓗ ᑭᖑᕚᖏᓐᓄᑦ ᑲᑉᐱᐊᓇᕐᑐᒥᒃ ᑍᒫᒃ ᑲᑉᐱᐊᓇᕐᑎᒋᔪᖃᓚᐅᕐᓯᒪᓐᖏᓚᖅ ᐃᕗᕅᒥᐅᑦ ᔫᑕᒥᑦ ᐊᕝᕗᑎᓚᐅᕐᓂᖓᑕ ᑭᖑᓂᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 7:2

ᑍᕕᑎᐅᓪᓕ ᑭᖑᕚᖏᑦ ᑐᓴᕐᑎᑕᐅᒐᒥ, ᓯᕆᐊᒥᐅᑦ ᐅᓇᑕᕐᑐᒃᓴᖏᑦ ᐃᓴᕆᐊᓕᒥᐅᑦ ᓄᓇᖓᓐᓃᓕᕐᓂᖏᓐᓂᒃ ᑕᐱᖃᓕᕐᓂᖏᓐᓂᒡᓗ ᐃᕗᕅᒥᐅᑦ ᑭᖑᕚᖏᓐᓂᒃ, ᐆᒻᒪᑎᖓ ᐃᓄᖁᑎᓕᒫᖏᑕᓗ ᐆᒻᒪᑎᖏᑦ ᓴᔪᓕᕐᐳᑦ, ᓇᐹᕐᑐᑎᑐᑦ ᐊᓄᕆᒧᑦ ᐊᐅᓚᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 33:21

ᑍᒫᒃᑕᐅᖅ ᐱᔨᓐᓄᑦ ᑍᕕᑎᒧᑦ ᐊᖏᖃᑎᒌᒍᑎᒐ ᓕᕔᑎᓪᓗ ᑐᓂᕐᕈᓯᕐᑎᑦᓯᔨᐅᓂᖏᓐᓄᑦ ᓯᖁᒥᒃᑲᔭᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒃᓴᖃᕈᓐᓃᕋᔭᕐᐳᖅ ᐃᒃᓯᕙᐅᑕᕐᔪᐊᕐᒥ ᐊᖓᔪᖅᑳᕐᔪᐊᖑᔪᒃᓴᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 37:16

“ᐃᓅᑉ ᐃᕐᓂᖓ, ᕿᔪᖕᒥᒃ ᑎᒍᓯᓗᑎᑦ ᑎᑎᕋᕐᕕᒋᒍᒃ, ‘ᔫᑕᒧᑦ ᐃᓴᕆᐊᓕᐅᓪᓗ ᕿᑐᕐᖓᖏᑕ ᑲᑐᑦᔨᖃᑎᖏᓐᓄᑦ’; ᕿᔪᒃᑲᓐᓂᕐᒥᒃ ᑎᒍᓯᓗᑎᑦ ᑎᑎᕋᕐᕕᒋᒍᒃ, ‘ᔫᓯᐱᒧᑦ ᐃᕗᕅᑎᐅᑉ ᐊᔭᐅᑉᐱᐊᖓᓄᑦ, ᐃᓴᕆᐊᓕᐅᓪᓗ ᑭᖑᕚᓕᒫᖏᑕ, ᑲᑐᑦᔨᖃᑎᖏᓐᓄᑦ.’

ᒫᑯᓯᐅᑉ ᐊᒡᓚᖏᑦ 3:24

ᓄᓇᖁᑎᒋᔭᐅᔪᖅ ᐊᖓᔪᖅᑲᐅᕕᖕᓄᑦ ᐊᕕᒃᑐᕐᓗᑎᒃ ᐃᒻᒥᖕᓄᑦ ᐊᑭᕋᕐᑑᑎᓕᕐᐸᑕ, ᑖᒃᑯᐊ ᓄᓇᖃᑎᒌᖑᔪᑦ ᐊᕕᒃᑐᕈᑎᒃ ᐃᓅᖃᑎᒋᒍᓐᓁᓕᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 19:14

ᓄᓇᖃᑎᖏᑕ ᑖᓐᓇ ᐊᖓᔪᖅᑳᖅ ᐆᒥᒋᒐᒥᑦᔪᒃ, ᑎᓕᓯᕗᑦ ᐅᖃᕆᐊᕐᑐᕐᑐᓂᒃ, ‘ᐅᓇ ᐊᖓᔪᖅᑳᕐᔪᐊᕐᑖᕆᔪᒪᓐᖏᑕᕗᑦ.’

ᓘᑲᓯᐅᑉ ᐊᒡᓚᖏᑦ 19:27

ᑍᒃᑯᐊ ᐅᕙᓐᓂᒃ ᐊᑭᕋᕐᑐᕐᑐᑦ, ᐅᕙᓐᓂᒃ ᐊᖓᔪᖅᑳᕐᔪᐊᖑᖁᔨᖏᑦᑐᑦ, ᕾᑎᓯᐅᒃ ᑕᑯᓐᓇᕐᑎᓪᓗᖓ ᑐᖁᓪᓗᒋᑦ.’”

ᔪᐊᓇᓯᐅᑉ ᐊᒡᓚᖏᑦ 13:8

ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

ᐃᓗᐊᕐᓮᔩᑦ ᐊᒡᓚᖏᑦ 8:35

ᔨᕈᐸᐅᓕᐅᓪᓗ ᐱᑦᓯᐊᕐᕕᒋᓚᐅᓐᖏᓔᑦ ᒋᑎᐅᓂᐅᑉ ᐃᓚᖏᑦ, ᐱᐅᔪᑦ ᐱᓂᐊᕐᓂᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᐱᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 9:28

ᒐᐅᓪ ᐃᐱᑎᐅᑉ ᐃᕐᓂᖓ ᐅᖃᕐᐳᖅ, “ᖃᓄᐃᑦᑑᕙ ᐊᐱᒥᓕᒃ, ᖃᓄᐃᑦᑑᕕᑕᓗ ᐊᖑᑕᐅᔪᒍᑦ ᓯᑭᒻᒥ? ᓱᖕᒪᑦ ᑭᒡᒐᕐᑐᕆᐊᖃᕐᐸᕗᑦ? ᔨᕈᐸᐅᓕᐅᑉ ᐃᕐᓂᖓ ᔨᐳᓪᓗ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓ ᐱᔨᑦᓯᓚᐅᓐᖏᓚᖅ ᕼᐊᒧᕆᐅᑉ ᐃᓄᖏᓐᓂᒃ ᑖᓐᓇ ᓄᓇᑖᕐᑎᑦᓯᓚᐅᕐᑐᖅ ᓯᑭᒻᒥᒃ? ᐅᕙᒍᓪᓕ ᓱᖕᒪᑦ ᑭᒡᒐᕐᑐᕆᐊᖃᕐᐱᑖ ᑖᑦᓱᒥᖓ?