ᐊᑕᓃᑦ ᓯᕗᓪᓖᑦ 12:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᖓᔪᖅᑳᕐᔪᐊᖅ ᐃᓄᐃᑦ ᐅᖃᐅᓯᕆᔭᖏᓐᓂᒃ ᓈᓚᓚᐅᓐᖏᓚᖅ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᓇᓛᐅᑦᓯᖁᓪᓗᒍ, ᐊᑕᓂᖅ ᐅᖃᓚᐅᕐᒪᑦ ᐊᕼᐂᔭᒃᑯᑦ ᓮᓗᓁᑎᒥᐅᑕᒃᑯᑦ ᔨᕈᐳᐊᒻᒧᑦ ᓂᐹᑦ ᐃᕐᓂᖓᓄᑦ.

ᐊᑕᓃᑦ ᓯᕗᓪᓖᑦ 12:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:50

ᑕᕝᕙ ᓔᐸᓂᒃᑯᒃ ᐱᑐᐃᓕᒃᑯᒃ ᑭᐅᕘᒃ, “ᑕᒪᓐᓇ ᐊᑕᓂᕐᒥᑦ ᐱᓯᒪᖕᒪᑦ; ᐅᕙᒍᓪᓕ ᐅᖃᒃᑲᓐᓂᕈᓐᓇᓐᖏᓚᒍᑦ ᐱᐅᖏᑦᑐᒥᒃ ᐱᐅᔪᒥᒡᓘᓐᓃᑦ.

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᐊᑕᓃᑦ ᓯᕗᓪᓖᑦ 11:11

ᑍᒤᒻᒪᑦ ᐊᑕᓂᐅᑉ ᓲᓗᒨᓂ ᐅᖃᐅᑎᕚ, “ᐱᔮᕆᓪᓗᑎᑦ ᐅᕙᓐᓄᑦ ᐊᖏᖃᑎᒌᒍᑏᑦ ᓯᖁᒥᒃᑲᕕᐅᒃ, ᓈᓚᖏᓪᓗᑎᓪᓗ ᐱᖁᔭᓐᓂᒃ, ᒫᓐᓇ ᓱᓕᓪᓚᕆᒡᓗᖓ ᐊᖓᔪᖅᑳᕐᔪᐊᖑᓂᕐᓂᒃ ᐊᕐᓵᕐᓂᐊᓕᕐᐸᒋᑦ ᑐᓂᓗᒍᓗ ᐱᔨᕕᑦ ᐃᓚᖓᓐᓄᑦ.

ᐊᑕᓃᑦ ᓯᕗᓪᓖᑦ 12:24

‘ᐊᑕᓂᖅ ᐃᒫᒃ ᐅᖃᕐᐳᖅ, ᐅᓇᑕᕆᐊᕐᑐᒃᓴᐅᓐᖏᓚᓯ ᓇᖕᒥᓂᖅ ᖃᑕᓐᖑᑎᑦᓯᓐᓄᑦ ᐃᓴᕆᐊᓕᒥᐅᓄᑦ. ᑕᒪᑦᓯ ᐊᖏᕐᕋᑐᐃᓐᓇᓕᕆᑦᓯ ᑕᒪᓐᓇ ᐱᐅᓯᕆᓕᕐᑕᓯ ᐅᕙᖓ ᑍᒤᑎᓐᓇᒃᑯ.’” ᐊᑕᓂᐅᑉ ᐅᖃᐅᓯᕆᔭᖏᑦ ᑎᓕᓯᑦᔪᑎᖏᓪᓗ ᓈᓚᒃᑕᐅᓚᐅᕐᐳᑦ, ᐊᖏᕐᕋᕐᓗᑎᒃ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᐊᑕᓃᑦ ᓯᕗᓪᓖᑦ 22:23

“ᑍᒤᒻᒪᑦ ᒫᓐᓇ ᑕᑯᓕᕆᑦ, ᐊᑕᓂᖅ ᐊᓂᕐᓂᕐᓂᒃ ᓴᒡᓗᔪᓂᒃ ᐅᑯᓄᖓᓕᒫᖅ ᐅᖃᕐᑎᖁᑎᕕᑦ ᖃᓂᖏᓐᓄᑦ ᐃᓕᓯᓯᒪᕗᖅ; ᐊᑕᓂᖅ ᐱᐅᖏᑦᑐᒥᒃ ᐅᖃᓪᓚᒃᓯᒪᕗᖅ ᐃᓕᖕᓄᑦ.”

ᐊᑕᓃᑦ ᐂᑉᐸᖏᑦ 10:10

ᖃᐅᔨᒪᓕᕆᑦᓯ, ᐊᑕᓂᐅᑉ ᐅᖃᐅᓯᕆᓯᒪᔭᓕᒫᖏᑦ ᐂᕼᐊᑉ ᐃᓚᓕᒫᖏᑦ ᐱᓪᓗᒋᑦ ᐊᑕᐅᓯᕐᒥᒡᓘᓐᓃᑦ ᓱᓕᖏᑦᑐᖃᕐᓂᐊᓐᖏᓚᑦ, ᐊᑕᓂᖅ ᐱᓇᓱᐊᕐᓯᒪᕗᖅ ᐅᖃᐅᓯᕆᓚᐅᕐᑕᓕᒫᓂ ᒪᓕᒡᓗᒋᑦ ᐱᔨᒥᒍᑦ ᐃᓔᑦᔭᒃᑯᑦ.”

ᐊᑕᓃᑦ ᐂᑉᐸᖏᑦ 9:36

ᐃᒡᓗᒧᑦ ᐃᑎᕇᕋᒥᒃ ᔨᕼᐆ ᑕᒪᑐᒥᖓ ᐅᖃᐅᑎᕚᑦ, ᔨᕼᐆ ᐅᖃᕐᐳᖅ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕐᑎᒥᒍᑦ ᐃᓔᑦᔭᒃᑯᑦ ᑎᓯᐰᑎᒥᐅᑕᒃᑯᑦ, ‘ᔨᔭᕆᐅᓪᒥ ᕿᒻᒥᓄᑦ ᔨᔨᐱᐊᓕᐅᑉ ᑎᒥᖓ ᓂᕆᔭᐅᔪᒫᕐᐳᖅ;

ᑯᕉᓂᑲ ᐂᑉᐸᖏᑦ 10:15

ᑍᒫᒃ ᐊᖓᔪᖅᑳᕐᔪᐊᖅ ᓈᓚᓚᐅᓐᖏᓚᖅ ᐃᓄᖕᓂᒃ; ᐱᓂᐊᕐᓃᑦ ᒎᑎᐅᑉ ᑍᒤᑎᓚᐅᕐᐰᑦ, ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ, ᐊᕼᐂᔭᐅᑉ ᓮᓗᓁᑎᒥᐅᑕᐅᑉ ᐅᖃᐅᓯᕆᓚᐅᕐᑕᖏᑦ ᔨᕈᐳᐊᒻᒧᑦ ᓂᐹᑉ ᐃᕐᓂᖓᓄᑦ.

ᑯᕉᓂᑲ ᐂᑉᐸᖏᑦ 22:7

ᔨᕼᐅᕌᒻᒧᑦ ᐳᓛᕆᐊᕐᓂᖓ ᒎᑎᐅᑉ ᐋᖅᑭᒃᓯᒪᓚᐅᕐᐹ ᐊᕼᐊᔧᐊᐅᑉ ᑲᑕᒍᑎᒃᓴᖓᓄᑦ. ᑎᑭᓐᓇᒥᓗ ᑕᕝᕗᖓ ᔨᕼᐅᕋᒻ ᑲᑎᓯᔭᕐᑐᖃᑎᒋᕚ ᔨᕼᐆᒥᒃ ᓂᒻᓮᑉ ᐃᕐᓂᖓᓂᒃ, ᑖᓐᓇ ᐊᑕᓂᐅᑉ ᐱᔪᓐᓇᕐᓂᕐᑖᕐᑎᓚᐅᕐᒪᒍ ᐊᓯᕈᐃᖁᓪᓗᒍ ᐂᕼᐊᑉ ᐃᓚᖏᓐᓂᒃ.

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᑯᕉᓂᑲ ᐂᑉᐸᖏᑦ 25:20

ᐊᒪᔧᐊᓕ ᓈᓚᒍᒪᓚᐅᓐᖏᓚᖅ; ᑕᒪᓐᓇ ᒎᑎᐅᑉ ᐋᖅᑭᓚᐅᕐᒪᒍ, ᐊᑭᕋᖏᓐᓄᑦ ᑐᓂᔪᒪᓪᓗᒍ, ᐄᑐᒥᒥᐅᑦ ᒎᑎᓐᖑᐊᖏᓐᓂᒃ ᐱᓚᐅᕐᓂᖏᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 5:10

ᐸᓯᔭᒃᓴᐅᓂᕋᕐᓗᒋᑦ ᐅᖃᐅᓯᕆᒃᑭᑦ ᒎᑏ! ᐃᓱᒪᒃᓴᕐᓯᐅᕈᑎᒋᔭᒥᖕᓂᒃ ᑲᑕᒍᑎᖃᓕᕐᓕᑦ; ᐃᒋᓕᒃᑭᑦ ᐱᐅᖏᑦᑐᓕᓂᖏᑦ ᐅᓄᕐᑐᑦ ᐱᑦᔪᑎᒋᓪᓗᒋᑦ, ᐃᓕᖕᓂᒃ ᓵᓚᖃᕋᓱᐊᕈᒫᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:17

“ᒫᓐᓇ ᐃᓅᖃᑎᒃᑲ, ᖃᐅᔨᒪᕗᖓ ᓇᓗᓂᕐᒧᑦ ᐊᖓᔪᖅᑳᓯᓗ ᔩᓱᓯᒥᒃ ᑍᒤᓕᐅᕆᓚᐅᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᒨᓯᓯ ᑕᓪᓕᒪᖏᑦ 2:30

“ᕼᐃᓴᐸᓂᒥᓕ ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᒥᒍᑦ ᐊᖅᑯᓵᖁᔨᓚᐅᓐᖏᓚᖅ ᐅᕙᑦᑎᓐᓂᒃ. ᐊᑕᓂᐅᑉ ᒎᑎᑦᓯ ᐊᖓᔪᖅᑳᕐᔪᐊᑉ ᐆᒻᒪᑎᖓ ᓯᑎᔫᑎᓚᐅᕐᒪᒍ ᓈᒻᒪᒃᓴᖏᑦᑑᑎᑦᓱᓂᐅᒡᓗ, ᓵᓚᖃᕈᓐᓇᖁᓪᓗᑕ ᓄᓇᖁᑎᖓᓗ ᓄᓇᖁᑎᑖᕆᓗᒍ, ᒫᓐᓇ ᓱᓕ ᑖᓐᓇ ᓇᔪᕐᐸᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 14:4

ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”