ᐊᑕᓃᑦ ᓯᕗᓪᓖᑦ 12:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᖓᔪᖅᑳᕐᔪᐊᑉ ᐃᓄᐃᑦ ᐅᖃᕐᕕᒋᕔᑦ ᐋᓐᓂᕐᓇᕐᑐᐊᓗᖕᓂᒃ, ᐃᓄᑐᖃᐅᓂᕐᓴᐅᔪᑦ ᐃᓱᒪᓕᐅᕈᑎᒋᓯᒪᔭᖏᑦ ᑲᒪᒋᓇᒋᑦ,

ᐊᑕᓃᑦ ᓯᕗᓪᓖᑦ 12:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 16:6

ᐂᑉᕋᐅᓪᓗ ᑭᐅᕚ, “ᐄᓛᒃ, ᑖᓐᓇ ᐃᕝᕕᑦ ᐱᔨᒋᒐᕕᐅᒃ ᓇᖕᒥᓂᕐᓗ ᐱᔪᓐᓇᕐᓂᖃᕐᕕᒋᓪᓗᒍ; ᐃᓱᒪᒋᔭᕐᓂᒃ ᐱᓂᐊᕐᕕᒋᓕᕈᒃ.” ᑕᕝᕙ ᓴᕅᑉ ᐂᒡᒐ ᓂᑲᒋᖃᑦᑕᕈᓐᓃᕐᒪᒍ, ᐂᒡᒐ ᕿᒫᓕᓚᐅᕐᐳᖅ ᑖᑦᓱᒪᓐᖓᑦ.

ᒨᓯᓯ ᓯᕗᓪᓖᑦ 42:30

“ᐊᖑᑎᐅᑉ, ᓄᓇᒥ ᐊᖓᔪᖅᑳᖑᔫᑉ, ᐃᓕᕋᓇᕐᑐᒥᒃ ᐅᖃᓪᓚᒡᕕᒋᓚᐅᕐᐹᑎᒍᑦ, ᓄᓇᒥᒃ ᐃᔨᕋᕐᑐᕐᓗᑕ ᖃᐅᔨᓴᕐᑎᐅᓂᕋᓚᐅᕐᐹᑎᒍᑦ.

ᒨᓯᓯ ᓯᕗᓪᓖᑦ 42:7

ᔫᓯᐱᐅᓪᓕ ᐊᖓᔪᓂ ᑕᑯᒐᒥᒋᑦ, ᐃᓕᑕᕆᕔᑦ, ᖃᐅᔨᒪᓐᖏᑕᒥᑐᓪᓕ ᐱᓂᐊᕐᕕᒋᕔᑦ ᓂᑲᒋᓇᒋᓪᓗ ᐅᖃᕐᕕᒋᕔᑦ. ᐅᖃᕐᓗᓂ, “ᓇᑭᓐᖔᕐᓯᒪᕕᓰ?” ᑖᒃᑯᐊ ᑭᐅᕗᑦ, “ᓄᓇᒥᑦ ᑬᓇᓂᒥᑦ ᐱᓯᒪᕗᒍᑦ, ᓂᐅᕕᕆᐊᕐᓗᑕ ᓂᕿᒃᓴᒥᒃ.”

ᓴᒧᐃᓕ ᐂᑉᐸᖏᑦ 19:43

ᐃᓴᕆᐊᓕᒥᐅᑦ ᑭᐅᕗᑦ, “ᖁᓕᕕᒃᓱᕐᑐᒥᒃ ᐱᔭᕆᐊᖃᕐᓂᕐᓴᐅᕗᒍᑦ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ, ᐃᓚᒋᒐᓗᐊᕈᑦᓯᐅᒃ ᓱᖕᒪᓕ ᐅᕙᑦᑎᓐᓂᒃ ᓇᕐᕈᕕᓰ? ᐳᐃᒍᕐᑍᓕᒋᑦᓯ ᓯᕗᓪᓕᐅᓪᓗᑕ ᐅᖃᖅᑳᓚᐅᕋᑦᑕ ᐊᖓᔪᖅᑳᕐᔪᐊᕐᒥᒃ ᐅᑎᕐᑎᑦᓯᔪᒪᓪᓗᑕ!” ᔫᑕᐅᓪᓕ ᐃᓄᖏᑦ ᓯᕘᕋᓇᒐᓚᒃᓗᑎᒃ ᐅᖃᓪᓚᖕᓂᕐᓴᐅᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ ᐱᖃᕐᓂᕋᕐᓗᑎᒃ ᐃᓴᕆᐊᓕᒥᐅᑉ ᐃᓄᖏᓐᓂᑦ.

ᐊᑕᓃᑦ ᓯᕗᓪᓖᑦ 12:12

ᐅᓪᓗᐃᑦ ᐱᖓᓱᑦ ᐊᓂᒍᕐᒪᑕ ᔨᕈᐳᐊᒻ ᐃᓄᓕᒫᓂᒃ ᐃᓚᖃᕐᓗᓂ ᐊᖓᔪᖅᑳᕐᔪᐊᕐᒧᑦ ᕆᕼᐅᐳᐊᒧᐊᕐᐳᑦ, ᐊᖓᔪᖅᑳᕐᔪᐊᖅ ᐅᖃᓚᐅᕐᒪᑦ, “ᐅᓪᓗᑦ ᐱᖓᓱᑦ ᐊᓂᒍᕐᐸᑕ ᕾᓛᕆᕗᓯ.”

ᐊᑕᓃᑦ ᓯᕗᓪᓖᑦ 12:14

ᐅᖃᕐᕕᒋᕔᑦ ᐃᓅᓱᖕᓂᕐᓮᑦ ᐃᓱᒪᓕᐅᕈᑎᖏᑦ ᒪᓕᒡᓗᒋᑦ ᐅᖃᕐᓗᓂ, “ᐊᑖᑕᒪ ᐊᒡᔭᒐᒃᓴᑦᓯᓐᓂᒃ ᐅᖁᒤᒃᓴᕐᑎᓚᐅᕐᐹᓯ, ᐅᕙᖓᓕ ᐅᖁᒤᒃᓴᕈᑎᓯ ᐃᓚᒃᑲᓐᓂᕐᓂᐊᕐᐸᒃᑲ; ᐊᑖᑕᒪ ᐋᖅᑭᒋᐊᖃᑦᑕᓚᐅᕐᐹᓯ ᐃᐸᕋᕐᑐᕐᓗᓯ; ᐅᕙᖓᓕ ᐋᖅᑭᒋᐊᖃᑦᑕᕐᓂᐊᕐᐸᑦᓯ ᓯᑯᕐᐱᐅᓂᓄᑦ ᑲᐴᑎᓕᖕᓄᑦ.”

ᒨᓯᓯ ᐂᑉᐸᖏᑦ 10:28

ᑕᕝᕙ ᐰᕉᑉ ᐅᖃᐅᑎᕚ, “ᑕᒫᓂᓐᖏᓚᐅᕆᑦ ᓇᔪᕐᑕᓐᓂ; ᐊᓂᓚᐅᕆᑦ, ᑕᑯᒃᑲᓐᓂᕈᒪᔪᓐᓃᕐᐸᒋᑦ; ᑕᑯᒃᑲᓐᓂᓕᑐᐊᕈᒃᑭᑦ ᐅᓪᓗᐃᑦ ᓇᓪᓕᐊᓐᓂ ᑕᕝᕙ ᑐᖁᔪᒃᓴᐅᕗᑎᑦ!”

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:11

ᐃᓱᐊᕐᑐᒥ ᐃᓅᔫᑉ ᖃᓂᖓ ᐃᓅᓯᖃᕐᓇᕐᑐᓂᒃ ᑰᒃᐳᖅ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:32

ᐃᓱᐊᕐᑑᑉ ᖃᓂᖓ ᖃᐅᔨᒪᕗᖅ ᓈᒻᒪᒋᔭᐅᔪᓂᒃ, ᐱᐅᖏᑦᑐᓪᓕ ᐅᖃᖓ ᐋᓐᓂᕐᓇᕐᑐᓂᒃ ᑭᓯᐊᓂ ᐅᖃᓪᓚᓲᖑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:20

ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:1

ᓂᑲᒍᓱᒡᓗᓂ ᐅᖃᐅᑦᔨᔪᖅ ᓂᓐᖓᐅᒪᓂᕐᒥᒃ ᓮᒻᒪᕐᑎᑦᓯᕗᖅ, ᐊᑦᑕᕈᓱᒐᓂᓕ ᐅᖃᐅᑦᔨᔪᖅ ᓂᓐᖓᖕᓂᕐᒥᒃ ᓄᐃᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:23

ᐊᒃᓱᔪᖅ ᓂᑲᒋᔭᐅᔪᒪᓂᕐᒥᒃ ᓂᓪᓕᐊᑦᔪᑎᖃᕐᐳᖅ, ᐊᒃᓱᐃᑦᑐᐊᓗᒡᓕ ᐊᑦᑕᕈᓱᒐᓂ ᑭᐅᒐᔪᖕᓂᕐᓴᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:12

ᐅᖃᐅᓰᑦ ᓯᓚᑐᔪᒥᑦ ᐱᔪᑦ ᖁᕕᐊᒋᔭᐅᓕᕐᓇᕐᐳᑦ, ᓯᓔᑦᑐᕐᓕ ᖃᓂᕐᒥᓄᑦ ᓄᖑᑕᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:19

ᑭᓇᓗ ᖃᐅᔨᒪᕙ ᑭᖑᕝᕕᕐᑎᒐ ᓯᓚᑐᔪᒫᕐᒪᖔᑦ ᓯᓔᑦᑑᔪᒫᕐᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᕐᐳᖅ ᐊᒃᓱᕈᕐᓗᖓ ᓴᓇᓚᐅᕐᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᕐᓗᒍ, ᑕᒪᓐᓇ ᑐᑭᖃᖏᓐᓂᕗᖅ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᓴᒧᐃᓕ ᓯᕗᓪᓖᑦ 20:10

ᑕᕝᕙ ᑍᕕᑎ ᔫᓇᑕᓂᒧᑦ ᐅᖃᕐᐳᖅ, “ᑭᓇᒧᓪᓕ ᑍᒪ ᐅᖃᐅᑦᔭᐅᓂᐊᕐᐳᖓ ᐊᑖᑍᑦ ᓂᓐᖓᐅᒪᓗᓂ ᑭᐅᒃᐸᑎᑦ?”