ᐊᑕᓃᑦ ᓯᕗᓪᓖᑦ 11:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᒫᒃ ᑕᕝᕙ ᐱᑦᔪᑎᖃᕐᓗᑎᒃ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᕐᒥᒃ. ᓲᓗᒨᓂ ᐳᕐᑐᓯᒋᐊᕐᓯᓚᐅᕐᒪᑦ ᓄᓇᒥᒃ ᔨᕉᓴᓕᒥ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ, ᐋᖅᑭᒃᓱᐃᓪᓗᓂᓗ ᓯᖁᑦᑎᕐᓯᒪᔪᓂᒃ ᐃᒡᓗᒐᓮᑦ ᐊᕙᓗᕐᔪᐊᖓᓂᒃ ᐊᑖᑕᖓᑕ ᑍᕕᑎᐅᑉ ᐃᒡᓗᒐᓴᖏᓐᓂ.

ᐊᑕᓃᑦ ᓯᕗᓪᓖᑦ 11:27 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:21

ᑍᒪᓐᓇ ᐱᓇᓱᐊᓐᖏᓚᒍᑦ. ᐊᖑᑦ ᓰᐸᒥᒃ ᐊᑎᓕᖕᒥᒃ ᐱᑭᕆᐅᑉ ᐃᕐᓂᖓ ᐃᕗᕅᒥᐅᑦ ᖃᖅᑲᖏᓐᓂᑦ ᐱᓯᒪᔪᖅ, ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᐊᑭᕋᕐᑐᕋᓱᐊᓕᕐᑎᑦᓯᓚᐅᕐᒪᑦ; ᑖᓐᓇᑐᐊᖅ ᐊᖑᑦ ᕾᑎᓚᐅᕈᖅ, ᐃᒡᓗᒐᓴᓯᓗ ᕿᒪᖕᓂᐊᕐᐸᕗᑦ.” ᐊᕐᓇᖅ ᔪᐊᐱᒧᑦ ᐅᖃᕐᐳᖅ, “ᓂᐊᖁᐊ ᐃᒋᓐᓂᐊᕐᐸᕗᑦ ᐊᕙᓗᕐᔪᐊᑉ ᖁᓛᒍᑦ.”

ᓴᒧᐃᓕ ᐂᑉᐸᖏᑦ 5:7

ᑍᕕᑎᐅᓪᓕ ᓵᓚᒋᓚᐅᕐᐹ ᑎᒍᓪᓗᒍᓗ ᓮᐅᓂᐅᑉ ᓲᖑᔫᑦᔪᑎᖓ, ᑍᔭᐅᓕᕐᓗᓂᓗ, “ᑍᕕᑎᐅᑉ ᐃᒡᓗᒐᓴᖏᓐᓂᒃ.”

ᐊᑕᓃᑦ ᓯᕗᓪᓖᑦ 9:15

ᐊᖓᔪᖅᑳᕐᔪᐊᖅ ᓲᓗᒨᓂ ᓴᓇᑎᑦᓯᕗᖅ ᐊᑭᓕᕐᓱᕐᑕᐅᖏᑦᑐᓂᒃ ᑐᒃᓯᐊᕐᕕᒡᔪᐊᕐᒥᒃ ᐊᖓᔪᖅᑳᕐᔪᐊᒃᑯᕕᖕᒥᓂᒡᓗ, ᓄᓇᓗ ᐳᕐᑐᓯᒋᐊᕐᑕᐅᑎᓪᓗᓂᐅᒃ ᐃᒡᓗᒐᓴᖕᓃᑦᑐᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ, ᐃᒡᓗᒐᓮᓪᓗ ᔨᕉᓴᓕᐅᑉ ᐊᕙᓗᕐᔪᐊᖓᓂᒃ ᓴᓇᔭᐅᑎᑦᓯᓪᓗᓂ. ᓴᓇᔭᐅᑎᑦᓯᒃᑲᓐᓂᕐᓗᓂᓗ ᑖᒃᑯᐊ ᐊᑐᕐᓗᓂᒋᑦ ᐃᒡᓗᒐᓴᖕᓂᒃ ᕼᐂᔭᒦᑦᑐᓂᒃ ᒥᒋᑐᒥᓗ ᒋᔨᕆᒥᓗ.

ᐊᑕᓃᑦ ᓯᕗᓪᓖᑦ 9:24

ᓲᓗᒨᓂᐅᑉ ᓄᓇᑦ ᐳᕐᑐᓯᒋᐊᕐᑕᐅᑎᓚᐅᕐᐰᑦ ᐃᒡᓗᒐᓮᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ, ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑕ ᐸᓂᐊᑕ ᓄᒃᑎᕐᕕᒋᓚᐅᕐᐹ ᑍᕕᑎᐅᑉ ᐃᒡᓗᒐᓴᖏᓐᓂᑦ ᐱᓪᓗᓂ ᓲᓗᒨᓂᐅᑉ ᑖᑦᓱᒧᖓ ᓴᓇᔭᐅᑎᒻᒪᒍ ᓇᔪᒐᕆᓂᐊᓕᕐᓗᓂᐅᒃ.

ᐊᑕᓃᑦ ᐂᑉᐸᖏᑦ 12:20

ᔪᐊᓯᐅᑉ ᐊᖓᔪᖅᑳᖁᑎᖏᑕ ᐊᑭᕋᕐᑐᓕᕋᒥᑦᔪᒃ ᑐᖁᑕᐅᑎᓚᐅᕐᐹᑦ ᓄᓇᒥ ᐱᐊᓯ ᒥᓗᒥ, ᓮᓚᒧᓐᖓᐅᒋᐊᑉ ᐊᖅᑯᑎᖓᓃᑦᑐᒥ.

ᓂᕼᐃᒤᐊᐅᑉ ᐊᒡᓚᖏᑦ 4:7

ᓴᓐᐸᓛᑎᓕ, ᑐᐱᐊᓗ ᐃᓄᐃᓪᓗ ᐋᕋᑉᒥᐅᑦ, ᐊᒧᓁᑎᒥᐅᑦ ᐋᔅᑖᑦᒥᐅᓪᓗ ᑐᓴᕋᒥᒃ ᐱᕙᓪᓕᐊᓂᑦᑎᓐᓂᒃ ᐊᕙᓗᕐᔪᐊᓪᓗ ᐱᔭᕇᕐᐸᓪᓕᐊᓂᖓᓂᒃ ᔨᕉᓴᓕᐅᑉ ᐊᕙᓗᕐᔪᐊᖓᑕ, ᓯᖁᒥᓯᒪᓂᖏᓪᓗ ᐊᕙᓗᕐᔪᐊᒦᑦᑐᑦ ᒪᑐᔭᐅᕙᓪᓕᐊᓂᖏᓐᓂᒃ, ᑖᒃᑯᐊ ᓂᓐᖓᐅᒪᒻᒪᕆᓕᓚᐅᕐᐳᑦ.

ᐃᓐᖏᕈᑎᑦ 60:2

ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ; ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:32

ᓯᓔᕐᕈᕐᑐᕐᓯᒪᒍᕕᑦ, ᐃᓕᖕᓂᒃ ᐊᖏᒡᓕᑎᕐᓗᑎᑦ, ᐅᕝᕙᓗ ᐱᐅᖏᑦᑐᒥᒃ ᐃᓱᒪᓕᐅᕐᓯᒪᓚᐅᕐᓂᕈᕕᑦ, ᖃᓃᑦ ᐊᒡᒐᖕᓄᑦ ᒪᑐᒍᒃ.

ᐂᓮᐊᓯᐅᑉ ᐊᒡᓚᖏᑦ 22:9

ᑕᑯᓚᐅᕐᐳᓯ ᑍᕕᑎᐅᑉ ᐃᒡᓗᒐᓴᒡᔪᐊᖏᑦ ᐅᓄᕐᑐᓂᒃ ᑭᓪᓚᖃᕐᒪᑕ, ᑲᑎᕐᓱᐃᓚᐅᕐᐳᓯ ᐃᒥᕐᑕᕐᕕᐅᑉ ᐊᒃᐸᓯᖕᓂᕐᓴᐅᑉ ᐃᒪᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 13:5

ᐅᐸᒍᑎᔪᓐᓇᖏᓐᓇᑦᓯᓘᓐᓃᑦ ᓯᖁᑦᑎᕐᓯᒪᓂᖏᓐᓄᑦ, ᐊᕙᓗᕐᔪᐊᒥᒡᓘᓐᓃᑦ ᓴᓇᔪᓐᓇᖏᓐᓇᑦᓯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᓇᐸᔪᓐᓇᖁᓪᓗᒍ ᐅᓇᑕᓕᕐᐸᑕ ᐊᑕᓂᐅᑉ ᐅᓪᓗᖓᓂ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.