ᐊᑕᓃᑦ ᓯᕗᓪᓖᑦ 11:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᕼᐊᑖᑦ ᖁᕕᐊᒋᓪᓗᒍ ᐃᓚᓐᓇᕆᔭᕐᑖᓚᐅᕐᒪᑦ ᐰᕉᒥᒃ, ᑖᑦᓱᒪ ᐊᖓᔪᖅᑳᕐᔪᐊᑉ ᐂᒥᓂᒃ ᑯᐃᓐ ᓄᑲᖓᓂᒃ ᑕᐱᓂᓯᒥᒃ ᓄᓕᐊᓂᒃᑎᓚᐅᕐᐹ.

ᐊᑕᓃᑦ ᓯᕗᓪᓖᑦ 11:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᒨᓯᓯ ᓯᕗᓪᓖᑦ 39:4

ᑕᕝᕙ ᔫᓯᐱ ᐊᖓᔪᖅᑳᖓᑕ ᖁᕕᐊᒋᑦᓯᐊᕐᐹ ᓇᖕᒥᓂᖅ ᐱᔨᑖᕆᓪᓗᒍ, ᐃᒡᓗᒥᓂᓗ ᑲᒪᔨᓐᖑᕐᑎᑉᐹ ᐊᖓᔪᖅᑳᓐᖑᕐᑎᓪᓗᒍᓗ ᑕᒤᓐᓄᑦ ᐱᖁᑎᓕᒫᒥᓄᑦ.

ᒨᓯᓯ ᓯᕗᓪᓖᑦ 41:45

ᐰᕉᓪᓗ ᔫᓯᐱ ᐊᑦᓯᕐᐹ ᐄᑦᔨᑉᑎᒥᐅᑎᑐᑦ ᔨᐱᓈᑦ-ᐸᓂᐊᒥᒃ; ᓄᓕᐊᓂᒃᑎᑉᐹᓗ ᐊᓯᓇᒥᒃ, ᐸᑎᐱᐊᕋᐅᑉ ᐸᓂᖓᓂᒃ ᑐᓂᕐᕈᓯᕐᑎᑦᓯᔨᐅᔫᑉ ᓄᓇᒥ ᐆᓂᒥ. ᑭᖑᓂᖓᒍᑦ ᔫᓯᐱ ᐄᑦᔨᑉᑎᐅᑉ ᓄᓇᖓᒍᑦ ᑕᒤᑎᒍᑦ ᐃᖏᕐᕋᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 11:18

ᒥᑎᐊᓂᒥᑦ ᐊᐅᓪᓚᕋᒥᒃ ᐸᕌᓐᒧᐊᓚᐅᕐᐳᑦ, ᐃᓚᑖᕐᓗᑎᒃ ᐊᖑᑎᓂᒃ ᑕᕝᕙᓐᖓᑦ ᐄᑦᔨᑉᑎᒧᐊᓚᐅᕐᐳᑦ, ᐊᖓᔪᖅᑳᕐᔪᐊᒧᐊᕐᓗᑎᒡᓗ ᐰᕉᒧᑦ ᐄᑦᔨᑉᑎᐅᑉ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪᓗ ᐃᒡᓗᑖᕐᑎᓚᐅᕐᐰᑦ, ᓂᕿᑖᖃᑦᑕᓕᕐᑎᓪᓗᒋᓪᓗ, ᓄᓇᑖᕐᑎᓪᓗᓂᒋᓪᓗ.

ᐊᑕᓃᑦ ᓯᕗᓪᓖᑦ 11:20

ᑕᐱᓂᓯᐅᑉ ᓄᑲᖓ ᐃᕐᓂᕐᑖᓚᐅᕐᐳᖅ ᔨᓄᐹᑕᒥᒃ, ᑖᓐᓇ ᑕᐱᓂᓯᒥ ᐱᕈᕐᓴᓚᐅᕐᐳᖅ ᑯᐃᓐᒦᓪᓗᓂ ᐊᖓᔪᖅᑳᕐᔪᐊᒃᑯᕕᖕᒥ ᐃᓅᖃᑎᖃᕐᓗᓂ ᐊᖏᕐᕋᖃᕐᓗᓂᓗ ᐰᕉᑉ ᐃᕐᓂᖏᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:21

ᐊᖏᕐᕋᖓᓂᑦ ᐊᓂᑎᑕᐅᖕᒪᑦ, ᐰᕉᑉ ᐸᓂᖓᑕ ᑎᒍᐊᕐᑖᕆᕚ, ᐃᕐᓂᕐᒥᑐᑦ ᓇᖕᒥᓂᕐᒥᑐᑦ ᐱᕈᕐᓴᑎᓚᐅᕐᐹ.