ᐊᑕᓃᑦ ᓯᕗᓪᓖᑦ 11:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒤᒻᒪᑦ ᐊᑕᓂᐅᑉ ᓲᓗᒨᓂ ᐅᖃᐅᑎᕚ, “ᐱᔮᕆᓪᓗᑎᑦ ᐅᕙᓐᓄᑦ ᐊᖏᖃᑎᒌᒍᑏᑦ ᓯᖁᒥᒃᑲᕕᐅᒃ, ᓈᓚᖏᓪᓗᑎᓪᓗ ᐱᖁᔭᓐᓂᒃ, ᒫᓐᓇ ᓱᓕᓪᓚᕆᒡᓗᖓ ᐊᖓᔪᖅᑳᕐᔪᐊᖑᓂᕐᓂᒃ ᐊᕐᓵᕐᓂᐊᓕᕐᐸᒋᑦ ᑐᓂᓗᒍᓗ ᐱᔨᕕᑦ ᐃᓚᖓᓐᓄᑦ.

ᐊᑕᓃᑦ ᓯᕗᓪᓖᑦ 11:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:31

ᐅᖃᕐᓗᓂᓗ ᔨᕈᐳᐊᒻᒧᑦ, “ᑕᕝᕙᓐᖓᑦ ᖁᓕᓂᒃ ᑎᒍᓯᒋᑦ; ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᒪᑦ, ‘ᑕᑯᒋᑦ, ᐊᖓᔪᖅᑳᕐᔪᐊᖑᓂᖅ ᓲᓗᒨᓂᒥᑦ ᐲᕐᓂᐊᓕᕐᐸᕋ, ᑐᓂᓗᑎᓪᓗ ᖁᓕᓂ ᑭᖑᕚᖑᖃᑎᒌᓂᒃ.

ᐊᑕᓃᑦ ᐂᑉᐸᖏᑦ 17:21

ᐊᑕᓂᐅᑉ ᐊᕕᑎᓯᒪᓕᕐᒪᒋᑦ ᐃᓴᕆᐊᓕᒥᐅᑉ ᔫᑕᒥᐅᓪᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕐᑖᕐᐳᑦ ᔨᕆᐳᐊᒻᒥᒃ ᓂᐹᑎᐅᑉ ᐃᕐᓂᖓᓂᒃ, ᔨᕈᐳᐊᒻ ᐃᓴᕆᐊᓕᒥᐅᑉ ᐊᑕᓂᕐᒥᒃ ᕿᒤᑎᒋᐊᓪᓚᑐᐃᓐᓇᓚᐅᕐᐰᑦ ᐊᔪᕐᑐᓕᓂᕐᒥ ᐃᓅᓯᖃᕐᑎᓪᓗᓂᒋᑦ.

ᐊᑕᓃᑦ ᓯᕗᓪᓖᑦ 12:20

ᐃᓄᐃᑦ ᐃᓴᕆᐊᓕᒃᑯᑦ ᑐᓴᕋᒥᒃ ᔨᕈᐳᐊᒻ ᐅᑎᕐᓯᒪᓕᕐᓂᖓᓂᒃ, ᕾᖁᕚᑦ ᑲᑎᒪᔪᓄᐊᖁᓪᓗᒍ ᑕᕝᕙᓂ ᐊᖓᔪᖅᑳᕐᔪᐊᓐᖑᕐᑎᑉᐹᑦ ᐃᓴᕆᐊᓕᓕᒫᒧᑦ. ᑖᒃᑯᐊ ᒪᓕᒃᑐᖃᕈᓐᓃᓚᐅᕐᐳᑦ ᑍᕕᑎᐅᑉ ᑭᖑᕚᖏᓐᓂᒃ, ᔫᑕᐅᓪᓕ ᑭᖑᕚᖏᑦ ᒪᓕᒃᑐᑑᓕᕐᐳᑦ ᑍᕕᑎᐅᑉ ᑭᖑᕚᖏᓐᓂᒃ.

ᒨᓯᓯ ᓯᑕᒪᖏᑦ 14:35

ᐅᕙᖓ ᐊᑕᓂᖅ ᑍᒫᒃ ᐅᖃᕐᐳᖓ, ᑍᒫᓪᓚᕆᒃ ᐱᓂᐊᕐᐳᖓ ᐱᐅᖏᑦᑐᓕᔪᓄᑦ ᐃᓅᖃᑎᒌᒡᔪᐊᓄᑦ ᑲᑎᓐᖓᔪᓄᑦ ᐊᑭᕋᕐᑐᕈᒪᓪᓗᑎᒃ ᐅᕙᓐᓂᒃ, ᐃᓄᖃᖏᑦᑐᒥ ᑕᒫᓂ ᓄᖑᑕᐅᔪᒫᕐᐳᑦ ᑐᖁᔪᒫᕐᓗᑎᒃᓗ.”

ᒨᓯᓯ ᓯᑕᒪᖏᑦ 14:23

ᐃᒫᓪᓚᕆᒃ ᑕᑯᓂᐊᓐᖏᓚᑦ ᓄᓇᒥᒃ ᐊᑖᑕᖏᓐᓄᑦ ᐊᖏᕈᑎᒋᓯᒪᔭᓐᓂᒃ, ᐅᕙᓐᓂᒡᓗ ᓇᕐᕈᔪᓕᒫᑦ ᑍᑦᓱᒥᖓ ᑕᑯᓂᐊᓐᖏᓚᑦ.

ᐊᑕᓃᑦ ᓯᕗᓪᓖᑦ 11:12

ᑭᓯᐊᓂ ᐊᑖᑍᑦ ᑍᕕᑎ ᐱᔪᑎᒋᓪᓗᒍ ᑍᒤᓕᐅᕐᓂᐊᖏᑦᑐᖓ ᐃᓅᑎᓪᓗᑎᑦ, ᑭᓯᐊᓂ ᐃᕐᓃᑦ ᐊᖓᔪᖅᑳᕐᔪᐊᓐᖑᕐᐸᑦ ᑍᒤᓕᐅᓛᕐᐳᖓ.

ᐊᑕᓃᑦ ᓯᕗᓪᓖᑦ 11:26

ᔨᕈᐳᐊᒻ ᓂᐹᑎᐅᑉ ᐃᕐᓂᖓ, ᐃᕗᕅᒥᐅᑉ ᑭᖑᕚᖓ ᔨᕆᑕᒥᐅᖅ, ᓲᓗᒨᓂᐅᑉ ᐱᔨᖓ, ᐊᓈᓇᖃᓚᐅᕐᑐᖅ ᐅᐃᒡᒐᕐᓂᕐᒥᒃ ᔨᕈᐊᒥᒃ, ᑖᓐᓇ ᐊᑭᕋᕐᑐᓕᓚᐅᕆᕗᖅ ᐊᖓᔪᖅᑳᕐᔪᐊᒥᒃ ᓲᓗᒨᓂᒥᒃ.

ᐊᑕᓃᑦ ᓯᕗᓪᓖᑦ 11:29

ᑍᑦᓱᒪᓂᐅᑎᓪᓗᒍ, ᔨᕈᐳᐊᒻ ᐊᐅᓪᓚᕐᐳᖅ ᔨᕉᓴᓕᒥᑦ, ᒎᑎᐅᑉ ᐅᖃᑎᖓᑕ ᐊᕼᐂᔭᐅᑉ ᓮᓗᓁᑎᒥᐅᑕᐅᑉ ᑲᑎᕚ ᐊᖅᑯᑎᒥ. ᐊᕼᐂᔭᓕ ᓄᑖᒥᒃ ᐅᓕᒡᔪᐊᕐᑖᒥᓂᒃ ᐊᑐᓚᐅᕐᐳᖅ; ᑖᒃᑯᐊᒡᓗ ᒪᕐᕈᐃᓐᓇᐅᓪᓗᑎᒃ ᐊᖅᑯᑎᒦᓚᐅᕐᐴᒃ.

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᐃᓐᖏᕈᑎᑦ 78:10

ᒎᑎᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ ᒪᓕᓚᐅᖏᒻᒪᑕ; ᐱᖁᔭᖏᓪᓕ ᒪᓕᒡᓗᒋᑦ ᐃᓅᔪᒪᓚᐅᓐᖏᓚᑦ,