ᐊᑕᓃᑦ ᓯᕗᓪᓖᑦ 10:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓯᓚᕐᔪᐊᕐᒥᐅᓕᒫᓂᑦ ᑕᑯᔭᕐᑐᕈᒪᔭᐅᓚᐅᕐᐳᑦ ᓲᓗᒨᓂᐅᑉ ᓯᓚᑐᓂᖓᓂᒃ ᑐᓴᕈᒪᓪᓗᑎᒃ, ᒎᑎᐅᑉ ᑐᓂᔭᖏᓐᓂᒃ ᑖᑦᓱᒪ ᐃᓱᒪᖓᓄᑦ.

ᐊᑕᓃᑦ ᓯᕗᓪᓖᑦ 10:24 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 10:1

ᓰᐸᒥᐅᑦ ᑯᐃᓐᖓ ᑐᓴᐅᒪᓕᕋᒥ ᓲᓗᒨᓂᐅᑉ ᖃᐅᔨᒪᔭᐅᒻᒪᕆᓕᕐᓂᖓᓂᒃ, ᔨᕉᓴᓕᒧᑦ ᐊᐅᓪᓚᕐᐳᖅ ᐆᒃᑐᕈᒪᓪᓗᓂᐅᒃ ᐊᐱᖅᑯᓯᕐᓂᒃ ᐊᔪᕐᓇᕐᑐᓂᒃ.

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐊᑕᓃᑦ ᓯᕗᓪᓖᑦ 3:9

ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”

ᑯᕉᓂᑲ ᐂᑉᐸᖏᑦ 1:11

ᒎᑎᐅᑉ ᓲᓗᒨᓂ ᑭᐅᕚ, “ᑕᒪᓐᓇ ᐆᒻᒪᒻᒥᐅᑕᕆᒐᕕᐅᒃ, ᑐᒃᓯᐊᕈᑎᖃᕐᓇᒡᓗ ᐱᖁᑎᖃᕐᓂᕐᒥᒃ, ᐊᒃᓗᐃᓐᓂᕐᒥᒃ, ᐅᐱᒋᔭᐅᓂᕐᒥᒃ, ᐊᑭᕋᑎᓪᓘᓐᓃᑦ ᓄᖑᑕᐅᖁᓗᒋᑦ, ᐅᕝᕙᓘᓐᓃᑦ ᐃᓅᑯᑖᒍᒪᓂᕐᒥᒃ, ᓯᓚᑐᓂᕐᒥᒡᓕ ᖃᐅᔨᒪᓂᕐᒥᒡᓗ ᑐᒃᓯᐊᕈᑎᖃᕋᕕᑦ ᐊᐅᓚᑦᓯᑦᓯᐊᕈᒪᓪᓗᑎᑦ ᐃᓄᖁᑎᓐᓂᒃ ᐊᖓᔪᖅᑳᕐᔪᐊᓐᖑᕐᑎᑕᐅᕕᒋᔭᕐᓂᒃ,

ᑯᕉᓂᑲ ᐂᑉᐸᖏᑦ 1:12

ᓯᓚᑐᓂᖅ ᖃᐅᔨᒪᓂᕐᓗ ᐃᓕᖕᓄᑦ ᑐᓂᔭᐅᕗᑦ. ᐊᒃᓗᐃᓐᓂᕐᒥᒃ ᐱᖁᑎᖃᕐᓂᕐᒥᒡᓗ ᐅᐱᒋᔭᐅᓂᕐᒥᒡᓗ ᑐᓂᓯᕕᒋᒋᕙᒋᑦ, ᐊᖓᔪᖅᑳᕐᔪᐊᓄᑦ ᓯᕗᓪᓕᕐᓄᑦ ᑐᓂᔭᐅᓚᐅᕐᓯᒪᖏᑦᑐᒥᒃ, ᑭᖑᓂᕐᓂᓗ ᑍᒤᓪᓗᐊᕐᑐᒥᒃ ᑐᓂᔭᐅᔪᖃᓚᐅᕐᓯᒪᓂᐊᓐᖏᓚᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᐃᓯᑭᐊᓕᐅᑉ ᐊᒡᓚᖏᑦ 16:14

ᐃᓅᖃᑎᒌᒡᔪᐊᓄᓪᓗ ᐊᒡᓛᑦ ᖃᐅᔨᒪᔭᐅᓕᓚᐅᕐᐳᑎᑦ ᐃᓂᖁᓇᕐᓃᑦ ᐱᓪᓗᒍ, ᐃᓕᖕᓂᒃ ᐃᓂᖁᓇᕐᑐᓐᖑᕐᑎᑦᓯᓚᐅᕋᒪ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑖᓂᐊᓕᐅᑉ ᐊᒡᓚᖏᑦ 5:11

ᐊᖑᒻᒥᒃ ᐱᑕᖃᕐᐳᖅ ᐊᖓᔪᖅᑲᐅᕕᖕᓂ, ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᓐᓂᒃ ᐱᓯᒪᔪᒥᒃ; ᐊᑖᑍᑦ ᓂᐱᑯᓁᓴ ᐃᓅᑎᓪᓗᒍ ᖃᐅᔨᒪᓂᖃᓚᐅᕐᑐᖅ ᑐᑭᓯᐅᒪᓂᖃᕐᓗᓂᓗ ᒎᑎᑎᑐᑦ, ᐊᖓᔪᖅᑳᕐᔪᐊᖅ, ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐊᑖᑕᕕᑦ ᐊᖓᔪᖅᑳᓐᖑᕐᑎᓚᐅᕐᑕᖓ ᐊᖓᒃᑯᓄᑦ, ᓇᓚᐅᑦᑍᔨᓄᓪᓗ, ᑳᓪᑎᐊᒥᓗ ᓯᓚᑐᔪᓄᑦ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᓄᑦ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.